أبي رايكم ..محتارة مابين nursary و pre-KG ؟؟؟؟

[pink]

السلام عليكم أمهات ..


عندي مسألة محيرتني و لازم أقرر شنو أختار .. المسألة اهي بنتي الله يسلمكم

مولودة ( 17 / 3 / 2007 ) يعني إذا بتدش المدرسة راح تكون أكبر دفعتها

و هالشي حدَه مضايقني و الحين بدششها حضانة المفروض على عمرها تدش

الـ nursary بس آنا أحس قدراتها أقوى من منهج هالمرحلة و بخاطري أدششها

pre-KG .. الحضانة ما عندهم مشاكل يسجلونها بالبري ك.ج بس قالولي ترى

احتمال لما تدش الابتدائي ينزلونها سنة و هالشي يشمل المدارس الحكومية و بعض

المدارس الاجنبية الخاصة .. و الحضانة اللي مسجلة بنتي فيها الحين ( الحضانة

الانجليزية العالمية ) اللي بالشهداء و اهم نفس مدارس الحكومة ينزلونها سنة ..

و مديرة الحضانة قامت تحاول تقنعني إني أخليها أكبر و لا أصغر دفعتها بس آنا مو

وااايد مقتنعة يعني اللي مولود أكبر من بنتي بيومين عنده قدرة و بنتي لأ ؟؟!!!!!



الحين أبي رايكم .. لأن اللي حواليني انقسموا مابين أصعدها سنة أو أخليها أكبر

وحدة بدفعتها.. انتوا شرايكم ؟؟؟ و شنو المدارس اللي تصعد هالعمر سنة و ما عندهم مشاكل ؟؟؟


و تسلموووون مقدما

 

[أ.س.م.ا.ء]

بنتج الله يحفظها الحين عمرها سنتين ونص يعني عمر حضانه ولو بتدخلينها روضة احتمال ينزلونها سنه فالافضل تدخلين المرحلة الي تناسب عمرها وقدراتها افضل لها وايد تمشي على راحتها بدون ما تضغطين عليها وتدخلينها مرحلة اكبر من عمرها ... وبعدين تأكدي انه في وايد اطفال بكونون معاها بنفس العمر يعني ماراح تكون كبيرة بالنسبة لهم
الله يوفقج ويبارك لج ببنتج

 

[حلم الطفولة]

حبيبتي عيل اللي عيالهم مواليد شهر واحد -يناير - وشهر اثنين - فبراير - شيقولون ؟؟؟
ينقبلون بالحكومه وبثنائية اللغه ,, ويأخرونهم سنه في المدارس الأمريكيه.. ومع ذلك يحطونهم أهلهم في مدرسه أمريكيه !

إختي الغاليه .. بنتج الله يحفظها عمرها الطبيعي نيرسري ..
بالحكومه أو بالمدارس الانجليزيه أو الأمريكيه أو بثنائية اللغه أو بالكويت أو بكندا او بأمريكا أو بالبحرين .....

إذا من منطلق إن اللي مولودين بتاريخ 15 / 3 بينقبلون وبنتج ماراح تنقبل , معناته لو يحطون قانون يديد إن القبول لغاية مواليد 1 / 4 أكيد الناس بتقول اشمعنه بنتي اللي مولوده بتاريخ 2 / 4 بيأخرونها !!!! مو صح ؟؟؟

حبوبه لا تحتارين ولا تحترين ولا تدودهين البنوته الحلوه بنيتج .. ودخليها نيرسيري .. والسنه لقادمه وديها بري k وبتلاقين في الصف كبرها وأكبر منها

 

[توتا وحب الكويت]

اختى انا اقول لو تخلينها في عمرها وايد احسن تكون أكبر شي مع انه انا اتوقع وايد في جذيه من عمرها بس افضل ما تكون اصغر شي .

خلي البنت بعمرها لاحقه على الدراسة .صدقيني راح تكون ممتازه وعقلها ناضج وتقدر تستوعب بسرعه وماراح تعبج

 

[حلم الطفولة]

مشاركات

 

[pink]

أ.س.م.ا.ء

حلم الطفولة

توتا وحب الكويت


حبيبات قلبي يعطيكم ألف عاافية عالردود :hjy5jewf: ..

ماتدرون اشكثر استانست على نصايحكم لأن المفروض من أمس

أدفع باقي الرسوم و أقرر بس كل يوم قاعدة أأجل و ريلي رايه

من رايكم لأنه قلت له يستشير حمواتي و اهم يفضلون تكون مع

اللي بعمرها بس مثل ما قلت لكم متحسفة عليها و على نباهتها ..

بس شكلي راح أعيد التفكير و إن شالله باجر اختار الصالح لها ..

 

[um_yoyo]

انا ولدي عمره سنتين و 10 شهور و دخلته بري كيجي بالنسبه لي انا شخصيا امجدميني سنه و هالشي وايد نفعني و تخرجت امبجر من ثانويه و الجامعه
و اذا حسيتي البنت مستواها احسن من مستوى اليهال بالنرسري دخليها بري كيجي

 

[pink]

انا ولدي عمره سنتين و 10 شهور و دخلته بري كيجي بالنسبه لي انا شخصيا امجدميني سنه و هالشي وايد نفعني و تخرجت امبجر من ثانويه و الجامعه
و اذا حسيتي البنت مستواها احسن من مستوى اليهال بالنرسري دخليها بري كيجي

المشكلة إن بنتي عمرها سنتين و نص و فعليا اهي المفروض تنحط بالنرسري مو لبري كي جي
و ولدج نفس ولد اختي مولود بشهر واحد قبل تاريخ 15/ 3 فاتوماتيكيا ينحط بالبري كي جي أما
بنتي بعد هالتاريخ فاحتمال اذا صعدتها لما تدش الابتدائي ينزلونها سنة .. و ترى على أيامنا في
بنات وااايد على شهر 4 وامصعدينهم سنة.. حدّه سهالات مو نفس الحين ..

تسلمييين حبيبتي على مشاركتج القيمة :eh_s(7):

 

[Miss_Tiger79]

مادري
انا اشوف انج تخلينها بالنيرسري احسن
ولا تجدمينها ولا شي خليها طبيعيه وترى في يهال وايد جذي

 

[حلم الطفولة]

العفو pink ,, وإن شالله تخلص الثانوي بثلاث سنوات وبمرتبة الشرف

 

[*نور الكويت*]

آنا بنتي بعمر بنتج ومخليتها نيرسري
والسنه اليايه ان شاالله بري كي جي
خليها علر عمرها تستوعب عدل
وان شاالله تشوفيها متخرجه من الجامعه

 

[ام عفاف الكويت]

نفس بنتي عيد ميلادها 20 - 4 - 2007
واما كبيره او صغيره على دفعتها
فدخلتها البلي قروب انقلش هالسنه كي جي ليسنر
والسنه اليايه كي جي

 

[توتا وحب الكويت]

عزيزتى
انا عندي الولد أصغر دفعته والبنت اكبر دفعتها بس الفرق واضح ، اللي اكبر دفعته ماشاء الله متوفقه
وحماتي عندها اثنين من عيالها اكبر دفعتهم متفوقين ماشاء الله كل المواد امتياز
فكانت مشكلتي في بنتي

بنتى من مواليد 29/4/2004

والقرار مال الوزارة يقول الحد اللي ينقبل فيه الطالب في الروضه يقول الي 15/3/2004
اللي مواليد 16/3/2004 ما يدخلون الروضه يعنى يتأخرون سنه كامله علشان يوم واحد

ما بالج بنتي اللي شهر كامل فبنتي اسمله عليها حرجه وشاطره ونبيه وكنت وايد متحسفه عليها وخاصةً بنت جنتي من مواليد نفس السنه بس في شهر واحد ودخلت الروضه علشان القرار يسمح اللي بسنها

فبنتي غارت منها وايد فرحت دخلتها روضه ثانئية اللغه وقبلوها بس مستمعه وقالو السنه اليايه لازم تكون بالصف الأول روضه ووافقت بس علشان نفسيتها وعلشان تستفيد بعد والله اللي صار اني عيدناها الأول روضه علشان القرار وصار عندها شهادتان الصف الأول روضه والحين راح تروح ثانية روضه مع انه المفروض انها الأول الابتدائي

وكنت زعلانه بالبداية عليها لأنها بالشطارة هذي ماشاء الله ويطوفها بس تدرين بعدين اقتنعت لأن ولدي من مواليد شهر واحد اللي يكون اصغر دفعته ووايد تعبانه معاه بالدراسه كله مع المدرسة
فتكون أكبر دفعتها احسن ما تتعبج والله بس تراجعين من وراها
آسفه طولت عليج بس انا كانت هذي مشكلتي من قبل
الله يكون بعونج وتاخذين قرار
على قولت اخوانا المصريين سنه تفوت ولا حد يموت

 

[الدر المكنـــون]

حرام والله تصدقين
انا حاسه فيج حيل بس انتي اكثر من حالتي
انا ولدي مواليد شهر 9 تخيلي كان لازم يدخل بري كيجي
حاولت المستحيل اخليه كيجي ون
قالوا دخليه إنجليش سكول و رحت للي بالجابريه قالوا يقبولونه بس يستمر بالدراسة عندهم ليما يتخرج منهم عشان تقبله الجامعة
بس لو حول مدرسة حكومة او امريكية ينزلونه سنه حسب العمر بس انا ما اقدر خليه يدرس كل المراحل و المدرسة كانت بعيدة علي و ولدي عمره طبيعي بالبري كيجي

تدرين ليش ابيه كيجي ون لان ناجح باختبار المرحلة و ولد حماي كان اكبر بسنه بس كان ولدي احسن عشان جذي تحسفت عليه
اما انتي الله يعينج صج قهر

بس من رايي إذا انتي ناوية تخلينها تكمل بمدرسة خاصة انجليزية ليما تتخرج من الثانوي تدخلينها انجليزية بري كيجي
لو غير جيذي مالج إلا النيرسيري



بالنسبة لكلام الاخت اللي فوقي

أقول موشرط اللي اكبر دفعته شاطر و اللي اصغر لا

هذي قدرات فردية لو الام مو حاسة ان ولدها او بنتها غير ما جن تحسفت عليه
أنا ولدي شهر 9 متحفسة عليييييييييييييييييييه كان ودي يسبق عمرة لانه نبيه

الثاني شهر 5 اقول الحمدلله على كل حال يالله يمشي حتى بري كيجي ماراح ادخله احسه صغير ما يتحمل و ماتكلم عدل اصلا

فالسالفة سالفة قدرات و اللي تحسين من عيالج قدها اهوا اللي تتحسفين عليه


اخي عندها بنتين وحده مواليد آخر 2 و الثانية اول 4
اللي سابقة عمرها متفوقة
و اللي متأخرة متوسطة


وسلامتج

 

[pink]

مادري
انا اشوف انج تخلينها بالنيرسري احسن
ولا تجدمينها ولا شي خليها طبيعيه وترى في يهال وايد جذي

آنا الحين سجلتها بالنيرسري .. و تسلمييين حبيبتي على النصيحة :eh_s(7):

العفو pink ,, وإن شالله تخلص الثانوي بثلاث سنوات وبمرتبة الشرف

تسلميييين حبيبتي عالدعوة الحلوة اللي مثل صاحبتها .. و ترى سجلتها بالنيرسري :eh_s(7):

نفس بنتي عيد ميلادها 20 - 4 - 2007
واما كبيره او صغيره على دفعتها
فدخلتها البلي قروب انقلش هالسنه كي جي ليسنر
والسنه اليايه كي جي

كنت بسوي نفسج تقريبا بس خفت مستقبلا يعيدونها سنة و بالنهاية ما تكون استفادت شي .. الله يوفق
بنتج و كل اليهال إن شالله .. و تسلمييين حبيبتي عالمشاركة :eh_s(7):

 

[pink]

:eh_s(7):

عزيزتى
انا عندي الولد أصغر دفعته والبنت اكبر دفعتها بس الفرق واضح ، اللي اكبر دفعته ماشاء الله متوفقه
وحماتي عندها اثنين من عيالها اكبر دفعتهم متفوقين ماشاء الله كل المواد امتياز
فكانت مشكلتي في بنتي

بنتى من مواليد 29/4/2004

والقرار مال الوزارة يقول الحد اللي ينقبل فيه الطالب في الروضه يقول الي 15/3/2004
اللي مواليد 16/3/2004 ما يدخلون الروضه يعنى يتأخرون سنه كامله علشان يوم واحد

ما بالج بنتي اللي شهر كامل فبنتي اسمله عليها حرجه وشاطره ونبيه وكنت وايد متحسفه عليها وخاصةً بنت جنتي من مواليد نفس السنه بس في شهر واحد ودخلت الروضه علشان القرار يسمح اللي بسنها

فبنتي غارت منها وايد فرحت دخلتها روضه ثانئية اللغه وقبلوها بس مستمعه وقالو السنه اليايه لازم تكون بالصف الأول روضه ووافقت بس علشان نفسيتها وعلشان تستفيد بعد والله اللي صار اني عيدناها الأول روضه علشان القرار وصار عندها شهادتان الصف الأول روضه والحين راح تروح ثانية روضه مع انه المفروض انها الأول الابتدائي

وكنت زعلانه بالبداية عليها لأنها بالشطارة هذي ماشاء الله ويطوفها بس تدرين بعدين اقتنعت لأن ولدي من مواليد شهر واحد اللي يكون اصغر دفعته ووايد تعبانه معاه بالدراسه كله مع المدرسة
فتكون أكبر دفعتها احسن ما تتعبج والله بس تراجعين من وراها
آسفه طولت عليج بس انا كانت هذي مشكلتي من قبل
الله يكون بعونج وتاخذين قرار
على قولت اخوانا المصريين سنه تفوت ولا حد يموت

المشكلة تتحسفين على بنتج أو ولدج إذا كانوا نبيهين .. و سالفة الغيرة الله يستر لأن ولد خالتها اللي مولود بشهر
واحد راح يحطونه بالبري كي جي و اهي حاطة فبالها إنها معاه لأن لعبها كله معاه لأنهم من عمر بعض راح تتفاجأ
حبيبتي إنه بصف و اهو بصف ..
و تسلميييين حبيبتي عالنصيحة و المشاركة الحلووووة :eh_s(7):

 

[pink]

حرام والله تصدقين
انا حاسه فيج حيل بس انتي اكثر من حالتي
انا ولدي مواليد شهر 9 تخيلي كان لازم يدخل بري كيجي
حاولت المستحيل اخليه كيجي ون
قالوا دخليه إنجليش سكول و رحت للي بالجابريه قالوا يقبولونه بس يستمر بالدراسة عندهم ليما يتخرج منهم عشان تقبله الجامعة
بس لو حول مدرسة حكومة او امريكية ينزلونه سنه حسب العمر بس انا ما اقدر خليه يدرس كل المراحل و المدرسة كانت بعيدة علي و ولدي عمره طبيعي بالبري كيجي

تدرين ليش ابيه كيجي ون لان ناجح باختبار المرحلة و ولد حماي كان اكبر بسنه بس كان ولدي احسن عشان جذي تحسفت عليه
اما انتي الله يعينج صج قهر

بس من رايي إذا انتي ناوية تخلينها تكمل بمدرسة خاصة انجليزية ليما تتخرج من الثانوي تدخلينها انجليزية بري كيجي
لو غير جيذي مالج إلا النيرسيري



بالنسبة لكلام الاخت اللي فوقي

أقول موشرط اللي اكبر دفعته شاطر و اللي اصغر لا

هذي قدرات فردية لو الام مو حاسة ان ولدها او بنتها غير ما جن تحسفت عليه
أنا ولدي شهر 9 متحفسة عليييييييييييييييييييه كان ودي يسبق عمرة لانه نبيه

الثاني شهر 5 اقول الحمدلله على كل حال يالله يمشي حتى بري كيجي ماراح ادخله احسه صغير ما يتحمل و ماتكلم عدل اصلا

فالسالفة سالفة قدرات و اللي تحسين من عيالج قدها اهوا اللي تتحسفين عليه


اخي عندها بنتين وحده مواليد آخر 2 و الثانية اول 4
اللي سابقة عمرها متفوقة
و اللي متأخرة متوسطة


وسلامتج

صاجة كل أم تحس من قدرات بنتها أو لدها شنو اللي يناسبه بس المشكلة بالقانون و آنا موضامنة أدششها خاص
كل المراحل و آنا الحين حطيتها بالنيرسري و إن شالله يكون المناسب لها و تكون متفوقة و اللاّ قلبي راح يعورني ..
يعطيج ألف عاااافية حبيبتي عالمشاركة الحلووووة :eh_s(7):