أبي رايكم د مساعد السعيد

[الريادة]

بنات عمتي مسكينه ظهرها يعورها ما تقدر تسوي شي و أثر على ايدها وين تروح؟ قالولي د. مساعد السعيد شلونه ؟ زين؟

 

[الريادة]

بنات وينكم

 

[كويتية أصيلة]

ودي افيدج حبيبتي لكن جد ما اعرفه

شوفي خل تروح حق الاستشاري سامر العبدالله بمستشفى المواساة

انا كنت اروح عنده مو طبيعي الدكتور ووايد وايد فادني

ياليت تطمنينا عليها

 

[noty]

والله ماعرف احد راحله شخصيا بس اسمه وايد يتكرر

وحده اتصيرلي تمدح اللي بوشهري كلينك تقول شاااطر

ماتشووف شر ياارب

 

[الريادة]

مشكوة نوتي و كويتية أصيلة
بنات في أحد جرب د مساعد السعيد؟

 

[الريادة]

بنــــــــــــــــــــــــــــــــــــــــــــــــات شدعوااااااااااااااا محد رد

 

[شجووون]

انا جربته وعالجت عنده فتره في البدايه زين بس اخر فترته قاااااااام يخوووره

 

[روزيتا]

السلام عليكم
انا جربت الدكتور مساعد وممعاملته وايد حلوه وترتاحين له
بس انا رحت له الله يسلمج من شهرين صار معاى التهاب بانسجه ريلى واحس بالم وطبعا رحت له فحص ويسال وكتب لى علاج وكورس جلسات علاج طبيعى اللى رحت لها وايد مريحه اسيمها بحرف الراء ونسيت اسمها اهى من بلغاريا

وما تشوف شر عمتج :eh_s(17):

 

[الريادة]

يعطيكم العافية شجون و روزيتا على الرد.

 

[softlady]

goooooooooooooooo


واسم الاخصائيه الي سوتلي سيمونا ام شعر طويل

تهبل خوش وحده

محد كثري كان يعاني من الديسك بالظهر

امانه من رحت عنده ارتحت حيل وعلمني على نصايح واشياء ماكنت اعرفها

صج حياتي ونفسيتي غيرت

go go go

 

[مسك الجنان]

وحده من اهلنا صارت لها مشكله كانت نايمة على المسند مال المطارح ارتفاعه تقريبا 30 او 40 سم والاسفنج يابس حيييل قعدت مو قادره تحرك رقبتها واذا تبي تطالع ورا لازم تلف جسمها علشان تشوف حالتها كسيفه

راحت للهادي خذت ابر بعضلة الكتف مافي فايدة ادويه مسكنات نفس الشي

جابت هنديه تسويلها مساج بالزيوت الحاره زادت مشكلتها

وبعدين سوت مساج صيني امتد العوار من رقبتها الى اطراف اصابعها الايد جنها مشلوله راحت لواحد بالقرين وواحد بصباح السالم ماخلت شي ماسوته

اخر شي اذا قعدت من النوم لازم احد يساعدها علشان تقعد من الفراش يسحبونها شوي شوي

سمعت بالدكتور مساعد السعيد راحت له وطلب منها تسوي اشعه بالرنين المغناطيسي طلع عندها فقره من الفقرات ضاغطه على العصب

تعالجت عنده ماشاء الله لا قوة الا بالله تحسنت حالتها وردت طبيعيه وقالولها خلاص تقدين تسوين التمارين في البيت ( لو غيرهم جان خلوها تستمر عاشان يسحبون الفلوس بس لما شافو حالتها تحسنت عطوها برنامج وقالو لها تسويه في البيت )

الصراحه تمدح فيه وعلى طول تدعيله ودايم تمدحه وتوصي اذا احد اشتكى يروحون له

 

[water melon]

banat wain 3iyadatah el doctor

 

[الفرح كله]

امي كانت تعالج عنده خووش دكتور

وعطاها كورس علاج طبيعي والحمدلله ارتاحت وايد

 

[الفرح كله]

نسيت اقولكم عيادته في حولي اعتقد نفس العماره اللي فيها عيادة زوجته الدكتوره سميره العوضي اللي يم مجمع سنام

 

[الريادة]

يعطيكم العافية على المرور و المشاركة

 

[طم طم]

قوليلها عن الدكتور فى دار الشفااا اسمه التنيب ولا بن نخى دكاتره مو طبيعيين 100%
شاطرين الكل يمدحهم
وعسى الله يشفيها ان شاء الله

 

[سيدة الكويت]

جزاها الله خير هالدكتور روعه انسان طيب ومحترم وعلاجه ممتاز

ماشاء الله عيادة زحمه

 

[إمرأة مثالية]

وحدة تصيرلي وايد تمدحه

والله يشافيها