أبي دكتوره تعالج مرض البطانة الرحمية الهاجرة؟

[M!Ss Un!VerSe]

قوة بنات

تعرفون دكتوره نسا شاطره بالمناظير
يعني تفتح بطن وتعالج البطانه بدون التصاقات ومشاكل؟

وجزاكم الله خير

 

[أم سارا]

هلا والله انا خبيره بالموضوع المرض هاذا ماله علاج الا انه يوقفون الدوره او تحملين ورا بعض لانه كل دوره يتفاقم المرض راح يسوولج منظار ويشيلون الاكياس وبعدين يعطونج ابر توقف الدوره ٦ شهور وبعدها يحاولون تحملين بسرعه المهم انا سويت المنظار مرتين مره عند دكتور محمد الاشنيهي بالسلام والثانيه عند دكتوره فوزيه القطان دكتور محمد بعد العمليه ما وقف الدوره عطاني منشاطات وحملت الحمد الله اما فوزيه وقفتلي الدوره وتعبت بصراحه ٦ شهور وبعدين ما صار حمل طبيعي فلجألت للانابيب وحملت واللحين المرض خف عن قبل المهم انصحج بدكتور محمد وايد ارتحت له وفاهم احسن من فوزيه وخبره ما شاء الله عليه وحبيبتي تلاحقي على عمرج لاتتهاونين بالمرض

 

[أم سارا]

اي سؤال انا حاضر

 

[++MesK++]

مثل ما قالت اللي قبلي


مابي احبطج بس هالمرض ماله علاج نهائي.... علاج كل الدكاتره مؤقت و عقبها يرجع المرض مره ثانيه


و ممكن تسوين منظار تشيلين الأكياس مره و اثنين و عشر مرات بس بالنهايه يرجع مره ثانيه

و حتى مسألة الحمل اهي شي مؤقت

يعني خلال فترة الحمل المرض ما يكون نشيط بس بعد الولاده و مع كل دوره يكبر

و اصلاً كل الدكاتره ليلحين ما يدرون شنو سبب المرض!


ادري كلامي يضايق بس للأسف هذا الصج

انتي اذا ناويه تحملين اخذي منشطات و حاولي تحملين بسرعه


اما اذا مو ناويه تحملين سوي منظار شيلي الأكياس و عقب وقفي الدوره بالإبر


و عسى ربي يشفيج و يعينج

 

[M!Ss Un!VerSe]

مشكورين بنات عالرد جزاكم الله خير

ام سارا
انا مو متزوجه
انا مشكلتي مااحب ريال يسويلي استحرم هالشي مادري استحي اقول حريم احسن
يعني اذا مالقيت دكتورة زينه اخر خياري دكتور للضرورة
بس ابي غير فوزية اذا تعرفين؟ مادري يذمونها

وعندي سؤال الحين هل جيس الدم اهو الدليل القاطع على وجود هالمرض
لإن دكتورتي قالت ممكن موفيج هالمرض
وقالتلي احتمال فيج وعشان اتأكد مالي غير فتح البطن
يعني اهو بنفس الوقت تشخيص وعلاج
من جذي قلت ادور دكتورة شاطره بفتح البطن لان الحبوب مستبعدتها
ودكتورتي نصحتني اني ادور وحده شاطره بالمناظير اتقول فتح البطن ممكن يزيد المشكله
فلازم دكتور متخصص وانا قاعده ادور..

شرايج بهدى الزكري؟ خالدة المجيبل؟ ماجدة اليتامي؟

 

[M!Ss Un!VerSe]

مسك
مشكوره حبيبتي عالرد

انا قريت عن هالمرض
ما انكر اني تضايقت لمن قريت عن انه ماله علاج ويستمر لي سن اليأس
بس الحمدلله على كل حال.. الله الشافي..

 

[M!Ss Un!VerSe]

اب
اب
اب

 

[++MesK++]

فتح البطن راح يزيد المشكله و تصير عندج مشكلتين= بطانة الرحم المهاجرة+التصاقات

عشان جذي المنظار احسن

هدى الزكري مانصح فيها .. على انها استشاريه بس احس ما تفهم

ماجدة اليتامى شاطره

خالدة مجيبل تخصصها علم الاجنه و التشوهات

 

[++MesK++]

اي مساعده انا حاظره و لا تنسين تدعيلي

 

[أبله هنوف]

Up
up
up

 

[أريد حلا]

حبوبه العمليات مافيها استحرام والله اعلم بس شنو هذي صحتج وانتي بغرفة عمليات وطاقم كامل مع الدكتور

الرجال مو يبي يطالع جسمج الرجال يبي ينقذ حياتج يعني يشيل الاكياس ويكون خايف على المريض لا يصير فيه شي

انتوا تفكيركم وين والدكاتره وين لانه محاسب على كل شي


ماجدة اليتامى وخري عنها وحده كان فيها كيس كبير عالمبيض تخيلي خذت منها فلوس العملية ولما بطلت بالعملية

خافت تشيله

ترى مو اي احد يقدر يسويها يبيلها جراح شاطر ايد خفيفه تخصص مناظير

شوفي الخاص بعطيج اسم الحين

 

[M!Ss Un!VerSe]

فتح البطن راح يزيد المشكله و تصير عندج مشكلتين= بطانة الرحم المهاجرة+التصاقات

عشان جذي المنظار احسن

هدى الزكري مانصح فيها .. على انها استشاريه بس احس ما تفهم

ماجدة اليتامى شاطره

خالدة مجيبل تخصصها علم الاجنه و التشوهات

جزاج الله خير حبيبتي
كنت مفكرة بهدى لان قاريه عنها انها متخصصة بهالمرض
فمادري احترت

 

[M!Ss Un!VerSe]

حبوبه العمليات مافيها استحرام والله اعلم بس شنو هذي صحتج وانتي بغرفة عمليات وطاقم كامل مع الدكتور

الرجال مو يبي يطالع جسمج الرجال يبي ينقذ حياتج يعني يشيل الاكياس ويكون خايف على المريض لا يصير فيه شي

انتوا تفكيركم وين والدكاتره وين لانه محاسب على كل شي


ماجدة اليتامى وخري عنها وحده كان فيها كيس كبير عالمبيض تخيلي خذت منها فلوس العملية ولما بطلت بالعملية

خافت تشيله

ترى مو اي احد يقدر يسويها يبيلها جراح شاطر ايد خفيفه تخصص مناظير

شوفي الخاص بعطيج اسم الحين

حبيبتي اشكرج عالرد
بقول شغله انا ما اسيء ظني بالدكاترة الرياييل
بس انا افكر بهالشي بشكل شرعي وشخصي يعني انا مااحب جذي
بس خليتيني اعيد التفكير
انا اهم شي عندي الدكتور يكون فاهم
اجيك بالخاص وارد عليج:eh_s(7):

 

[q6aiwa]

صار لي يومين افكر بهالسالفه... كان عندي مراجعه مع دكتور ناهض حماديه وشاف بالسونار اكياس الدم متجمعين عالمبيض وقالي ان معاي هالمرض ولما قريت عنه تضايقت ان ماله علاج.... بس ماعطاني له اي شي وقالي تعالي بعد دورتين يشوف .. وانا خايفه انطر لاتزيد السالفه قريت ان ممكن الاكياس تكبر وتلتف على المبيض وتنفجر واقعد على مبيض واحد​

منو تنصحونا فيه يابنات.... انا بعد ودي اسوي منظار واشيله ....​

مس يونيفيرس منو قالج فتح بطن.. انا قاريه ان يسوون ثلاث فتحات صغار تحت السره وعالجنبين عشان يدخل المنظار بس مو اكثر​

الله يشافي كل وحده فيها هالمرض اللهم امين​

 

[q6aiwa]

تذكرت شغله الدكتور اول ماشاف شكل المبيض جان يقول بصوت عالي انتي تاخذين اعشاب هذا شكل مبيض وحده تاخذ اعشاب
اغلب الموجودين بالعياده فيهم هالشي بسسب اعشاب ستي وماما وتيته جان اقول له لا.... والله لا امي ولا يدتي عندهم هالسوالف كله من النت جان تقول السستر تدرون شنو حاطين لكم مع الاعشاب يمكن رمله من الارض ... قالي بعدي عن الاعشاب نهائيا حرام الي تسوونه بنفسكم

وبيني وبينكم صح كلامهم شدرانا شلون انغسلت وتنظفت عقب الارض والوصخ والدوس ..عمري ماخذيت عشبه من الحواي الا وفيها ريحه غبره .. واذا من الجمعيه حاطين لج عليها تاريخ صلاحيه مادري من متى مقطوفه

مس يونيفيرس وام سارا وباجي البنات لاهانو شكنتو حاسين فيه قبل لاتدرون عن المرض

 

[Laymo0ona]

دكتور حيان الاحمد متخصص بهالسوالف والمناظير وحيل شاطر ومره مسوي عنها ندوة
وهذا مرض عادي دكتور اهم شي يكون شاطر لاتقطين عمرج عند اي احد

 

[q6aiwa]

الله يستر

قصيت موعد عند دكتور ابراهيم اهو استشاري بمستشفى الشركه الحين بروح اتاكد شيقول صح كلام ناهض والا لأ؟

اذا رديت اقول لكم..... انشاءالله يكون ماكو شي..ادعولي​

 

[M!Ss Un!VerSe]

قطيوه

انا اسميه فتح بطن
بس دكتورتي قالتلي منظار ٣ فتحات تحت البطن على قولتها كل فتحه اقل من ١سم
فأهو منظار مو فتح بطن

حبيبتي ان شاء الله مافيج الا العافيه

اما مثلج اتمنى يكون جيس دم عادي
لإن الدكتوره قالتلي انه ممكن جيس متيمع فيه الدم
او يكون جيس دلاله على هالمرض
فشلون نتأكد؟ بالمنطار

وهمن انا قريت ان mri يبين اذا فيج التصاقات
فمفكره اسويه عشان اعرف فيني هالشي او لأ
بس هم الmri" الرنين المغناطيسي" مو تشخيص اكيد عالمرض
لإن في ناس عندهم هالمرض بس ماعندهم التصاقات
فالتشخيص بالممنظار اضمن


اما سؤالج شنو كنت احس من قبل
انا اكتشفته بالصدفه انا اساسا كان بطني جهتي اليسار تحت كله يعورني
قلت اسوي سونار كامل فأكتشفته
وهما انا وقت الدورة اتعب حييل وصارت فجأة غزيره وتطول
والالم غير محتمل كلش والام مرات احس فيها صوب الرحم مثل شد او نغزات
فطلع فيني جيس دم عالمبيض ..*

 

[M!Ss Un!VerSe]

قطيوه على طاري الاعشاب انا طول عمري مااخذ اعشاب كلش
الا بالاشهر الاخيره الكل يقولي اخذي اعشاب عشان العوار وعلى قولتهم الدم المتجمد يطيح
ياخوفي يكون منه

واعتقد دكتورج ماعطاج علاج عشان بيشوف هل يكبر الجيس او لا
انا نفس الشي الدكتوره قالتلي نطري الشهر الياي نشوف اذا الجيس يصغر او لا
تقول في اكياس تصغر من حالها
انا عقب ما اكتشفته نطرت وجيكت عقب الدوره ماتغير حجمه
وهم الحين ناطره هالشهر اشوف يتغير او لا
انتي جم قالج حجمه؟
اتوقع صغير لاتحاتين انه ينفجر او شي ولاجان ماقالج ننطر
وقالتلي بعد اذا حسيتي بألم حاد مفاجئ سواء بالجهة اليمنى او اليسرى ببطنج
قالت طيري عالمستشفى لانه قاعد ينفجر وتحتاجين تنظيف وانه راح يسببب الم قوي
الله الشافي حبيبتي والحمدلله على كل حال..

 

[q6aiwa]

ماتشوفين شر حبيبتي

توني يايه من المستشفي كلام المواساة والاحمدي واحد بالنسبه للمبيض اليمين موجوده بويضه وحده كبيره مومنفجره تعدت ال25
اما المبيض اليسار يقولي مافيه شي لا اكياس دم ولا شي ؟؟؟؟ بالمواساة شفت بعيني سونارهم وااااااضح اما الاحمدي مادري ماكو شي يقولي بويضه وحده كبيره حجمها نفس حجم الي عاليمين وصرف لي حبوب Dian عشان تخفف التبويض (شكككككووووو انا بروحي اخذ كلوميد عشن يزيد التبويض ) رايحتله حق شي صرف لي شي ثاني
خذيت الدوا ومسكت الباب


بالنسبه للعوارانا بعد نفسج الي خلاني اشك ان في شي موطبيعي عوار الجهه اليسار مو طبيعي نقزات والم فظيع بس اتلوى منه
هذا الي خلاني اروح افحص

في موقع فلسطيني علىماعتقد يقولون ان عندهم علاج مع المتابعه بس ترددت منه منو سامعه عنه