أبي حضانه زينه في الشاميه أو العديلية أو كيفان

[om_jenan1978]

مرحبا بنات

أبيكم تساعدوني وتفيدوني عن حضانه زينه في الشاميه أو العديليه أو كيفان حق بنتي عمرها سنه و 8 أشهر
ومشكورين

 

[ساره ستايل]

هلا ام جنان
شخبارج حبيبتي
انا ولدي ابحضانه fun 4 kids بالنزهه .. قريبه من المناطق اللي ذكرتيها
وايد زينه ((نموذجيه<<سألت وحده خبيرة ابهالشي: من ناحية النظافه وطريقة التعليم ومعاملة الاطفال))
واهي مالت منال المخيزيم بنت وزيرة التربيه نوريه الصبيح
ولدي وايد مرتاح فيها ومستانس
وانشالله هالسنه بعد بسجله فيها

وعندج بلعديليه حضانة دار الراشد
بس ماعرف عنها اي شي

 

[om_jenan1978]

مشكوره حبيبتي
بس ممكن تعطيني رقمهم ؟

 

[al.zena]

والله حبيبتي أنا كنت مدخله بنتي بالحضانه البريطانيه بالعديليه وايد عجيبه وعندج سمارت كدز بالشاميه زينه بس موذاك الزود بالدراسه

 

[om_jenan1978]

حبيبتي عندج رقم الحضانه بالعديلية ؟

 

[كيت كات]

فن فور كيدز % تهبل انا مفتشه وكل سنه ازورهم ماشاء الله تهببببببببل

 

[celen]

بنات بليز نبي أرقام تلفونات؟ يقبلون بالياهل لابس بامبرز ولالأ؟؟؟؟؟؟؟؟؟؟؟؟؟

 

[om_jenan1978]

المشكله إن الحضانة fun 4 kids بالنزهه وبعيده عن دوامي فأبي بكيفان او شاميه يم دوامي بالشويخ

 

[al.zena]

الحضانه البريطانيه بالعديليه2525499

 

[jolie_q8]

انا بيتي بالشاميه وكذا مره اروح حق سمارت كدز - الحضانه تجهيزاتها تهبل

بس سبحان الله ما ارتاح اسجل عيالي فيها

عيالي كنت مسجلتهم في بلومنغ ديلس << بالدسمه وايد عجيبه هالحضانه

ووايد مدحولي حضانه الراشد بالعديليه - بس ما شفتها

وكيفان شفت وحده - نسيت اسمها اللي تصير على الدائري الثالث (ملونه من بره)

بصراحه كلش ما حبيتها ليش فيها دري يخرع

 

[om_jenan1978]

مشكورين حبايبي ما قصرتو

 

[شلال إراده]

أختي أنا أعرف في الشاميه حضانة اللجنه النسائيه بجمعية الأصلاح الإجتماعي يمدحونهاـ بس ماأعرف إذا يقبلون بالصغار.
وهذا رقمهم 4848449
واتمنى إني أفدتج

 

[janawi]

كيدز سبورت بكيفان ممتازه انا ولدي فيها متازه من جميع النواحي

 

[om_jenan1978]

مشكورين حبايبي باجر بروح الحضانه البريطانيه وبشوف

 

[ساره ستايل]

ام جنان ياقلبي للاسف الر قم ابموبايلي القديم
وانتي قلتي خلاص ان الحضانه بعيده عليج

 

[q8**girl]

حضانه بانبينو خووش حضانه بالعديله

 

[أم حمني المزيون]

حضانة كيفان اللي تبع الجمعية اللي ورا المخبز الآلي
تينن وأبلاتهم فضيعين ويهبلون
كانت بنتي عندهم ...و آنا نفسج كنت ابيها قريبة من بيتنا ( الخالدية ) وفعلا وايد زينين بكل شي واليهال يحبون الأبلات وبنتي ليلحين تذكرهم وتحبهم ..... ومنهجهم نفس منهج روضة الحكومة ....
وحفلاتهم وايد تنوس ...يعني باختصار حضانة أشهد لها :eh_s(15)::eh_s(15)::eh_s(15)::eh_s(15):

 

[Dloool_q8]

حضانة الراشد وااايد زينه

 

[sharofa]

بكيفان كيدز سببورت حدها عجيبه من مدرسات و تعليم و مافيها زحمه صج صج عجبه انا و لدي فيها روعه كافي تروحين و تهدين و لدتج و انتي متطمنه

 

[هابي]

حضانة الاصلاح النموذجية واااايد حلوة لاتطوفج بالشامية 4849246