أبي تشيز كيك

[أم عبدالله Q8]

السلام عليكم بنات وكل عام وانتو بخير

بقيت طريقة التشيز كيك اللي تنحط بالفرن مو بالثلاجة لأنها وايد أطعم بس كل اللي حصلتهم ينحطون بالثلاجة فاللي تعرف الطريقة انشالله تنورني فيها و الله يجزيها خير

 

[جارة القمر]

شوفي هالطريقة


عجيبه


http://q8yat.net/showthread.php?t=23972

 

[أم عبدالله Q8]

مشكورة وايد وتسلمين هاذي اللي أبيها

 

[سعودية قلبها كويتي]

اختي جارة القمر
الطريقة اللي في الرابط وااااااااايد صعبه ومقاديرها مكلفه ..

انا قبل اسبوع سويت تشيز كيك والكل اعجبته ..

وللأمانه الطريقه اخذتها من كتاب اطباق النخبه ..

الطريقه ..
نفتت علبتين بسكوت جاي مع اصبع لين (يكون لين من حرارة الغرفه ) بعد ماتصير الخلطه مثل العجين نرصها في صينية متحركة القاعده بس القاعده اهم شي تكون مبطنة بقصدير علشان الخلطة السايله لاتطلع منها ..
بعدين بالخلاط:
9 حبات جبن كيري
علبة قشطة
3 بيضات
رشة فانيليا
ربع كاس سكر وممكن تقللين الكمية

نخلطهم ونصبهم على البسكوت وبعدين ندخلهم الفرن على حراره متوسطه لين تقسى الخلطه وتصير مثل الكيكة

وبعد ماتخلص نصب عليها خلطة الفراوله الجاهزة او التوت .. وتحصلين منها انواع في قسم الحلويات بالجمعيه ..

وحطيها بالثلاجه على الأقل ساعتين بعدين افصلي عنها القاعده بشويش والأفضل انج قبل كل شي تدهنين الجوانب بزيت علشان لاتلصق معج ..

وبالعافيه

 

[موظفة]

هذه طريقتي اتينن
المقادير :
الخلطة اللي فوق:
4 علب فبلاديفيا
4 بيضات
2 زبدة
1 كلاس سكر
رشة فانيلا

الخلطة اللي تحت
28 حبة بسكةت بتي يور المطاحن
1 زبدة
2 ملعقة كبير شكر

تخلط المقادير للخلطة مع بعض مع مراعاة التالي
تكون زبدة مو صاكة وايد مخليتها تفج
درجة حرارة البيض مثل حرارة المطبخ
تضاف الزبدة شوي شوي
تكون درجة الخلاط بطيئة مو مثل الكيك
تضاف بيضة ويخلط ثم بيضةويخلط

بالنسبة للبسكوت يكسر ناعم ويخلط مع 2 ملعقة كبيرةسكر ثم يخلطة مع الزبدة عقب ما سيحناها

ثم نرصة البسكوت بالقالب ونضع عليه حتى مايكون في فراغات
ويضاف عليه الخليط اللي فوق ونخليه بالفرن
ولمى تستوي نحطها بالثلاجة
وعقب نفج القالب اللي فوق ونغطيها بخلطة التوت الجيس كيك اللي بالجمعية وعليكم بالعافية

وعلى فكرة تقدرون تبدلون البسكوت بالاوريو 20 حبه ونفس الخلطة اللي فوق بس تحطون فوق البسكوت مكسر فوقها وهم بالعافية على بنات كويتيات وبسسسسسسسسسسسسس

 

[أم عبدالله Q8]

سعودية قلبها كويتي
موظفة
مشكورين وايد على مشاركاتكم انشالله بجرب كل الطرق الموجودة لأني أحب التشيز كيك ومافي مانع عندي اني اسويها كل يوم