أبي المساعده عفيه في دورات الطبخ ؟؟

[otroja]

السلام عليكم

بنات ودي أسوي دورات طبخ بالبيت بس ما أعرف إشلون الطريقه ومن وين أبتدي ؟؟

والوصفات غشلون أطبعها وأوزعها على الحضور أو إني أوزع عليهم أوراق بيضه وأقلام وأهم يشوفوني ويكتبون ؟؟؟ وهم مثلاً إذا بسوي لحم لازم أكون طابخه اللحم قبل ؟؟

والحين أنا بطبخ والحريم قاعدين إشلون بشوفون الجدر والأكل داخل الجدر يعني أخليهم يطلون بالجدر ويقعدون مكانهم ( مو حلوه ) وإلا إشلون الطريقه ؟؟
يعني بنات عفيه إلي راحت دورات خل تقولي إشلون الطريقه ؟؟

 

[WaChoCha]

انا وديت خادمتنا دورة طبخ
المدربة كانت حاطة جولة بالارض والجولة العادية والخدم كانو يطلون وكانت حاطة طاولة يشتغلون عليها ويكتبون ..بصراحة ماكان شي بروفيشنال حسيته اي شي ..كانت خدامتها تعلم باجي الخدم الطبخ تالي اللي طبخته تذوقه الخدام ويودون حق معازيبهم

 

[otroja]

مافهمت اشلون يعني جوله بالقاع ؟

 

[sara3]

انا بقولك تجربتى

انا ما رحت دورات بالكويت

بس بحكم انى مغتربه اروح دورات بمدارس عيالى

المبلغ ندفعه يوم الدرس

الدرس بيكون نوع من المقبلات غالبا سلطه

طبق رئيسى

طبق حلو

خلينى اتذكر:gr4uu::gr4uu:اى اتوزع علينا الاوراق نتناقش ونشرب كوفى

نروح المطبخ وبيدينا الاوراق وانشوفها واهى تقطع وتخلط وعلى الجوله وتطلب منا ان انسوى

معاها يعنى انقصص ونخفق وتالى لى خلص ننجب وناكل واللى تبى تاخذ نايبها البيت

يعنى العدد كان يساعد اكثر شى كنا 10 بنات

وتالى يطق الجرس وناخذ عيالنا

 

[أغلى الأثمان]

مرحباااااااااااا

حددي الساعات والايام

حددي العدد المطلوب ......... الطبق كم يكفي 10 انفار ...... 4 انفار .........وهكذا

عشان كميت الاكل ...........ماجلت الدورة بروح لاتنظم مع البيت ............ ونخصص لها ميزانية ...... عشان نشوف الربح والخسارة

صباحا ............ مساءا ............يعني دورتن ...... للربح

مع تحياتي .......زز

 

[كـ غلا ــلي]

من اللي اشوفه باعلانات الجرايد انه الدوره 3 ايام ان كثرت فاتوقع انج راح تطبخين جدامهم جدامهم الطبخه من اولها لين اخرها

وما اظن انه راح يصير لهم مجال يجربون معاج لانها مثل ما قلت لج 3 ايام وباليوم الواحد فيها 3 او 4 طبخات فيتروالي اهما

يدفعون بس عشان يشوفون شغلج لايف وبالاخير ياخذون اوراق طبخات اليوم مطبوعه بس ما يسوى تخلينهم يكتبون

 

[ديما الكويت]

أنا رحت دورتين طبخ وبصراحة بقولج كل شي : عدد الأشخاص فوق 20 شخص او 15 شخص والمطبخ صغير نوعا ما بالدورة الأولى اما الثانية فكان اكبر شوي واشرح اللأفت للنظر بالدورتين ان الجول كانوا بوسط المطبخ والناس حاطينهم على مدرجات خشب وعليهم كراسي واغلب المسجلين بالدورتين من الخدم او الطباخين الرياييل بصوب والحريم بصوب وأول مادشين تستقبلج صاحبة الدورة وتدفعين الفلوس مابين 20 الى 25 دينار ومدتها 3 أيام بالضبط من 5 الى 8 بالمغرب وتقريبا عدد الوصفات مابين 5الى 6 وصفات ومترجمة عربي إنكليزي مثل كتاب المطاحن الكويتية وكل تصوير يعني صوري للدورة الواحدة حسب عدد المسجلين مابين 20 الى 25 شخص،وتكون طبعا مجهز الأكل مثل اليدام اللحم او الدجاج او السمج منظف وجاهز توفيرا للوقت طبعا اول مرة رحت سألت صاحبة الدورة شلون انظف اللحم واللحم المفروم والدجاج وماقصرت رايتها بيضاء اما الدورة الثانية فصاحبة الدورة اختفت وخلت الطباخة تطبخ وترجم للكل .وطبعا لمن تاخذين الفلوس تسلمينهم وصل بالآستلام وصاحبة الدورة الأولى ختمت بختم مطبخ ام فلان وتحته رقم البيت او الموبايل يعني دقيقة وتعطينهم اوراق مطبوعة عليها الوصفات اللي بتشرحينها وكل ما طبختي وريهم انت شقاعدة تسوين جنج بالبرنامج تورين المشاهدين عيب هالدوريتن انهم مستهيين بالناس يعني مافي لا ماي ولاقهوة ولا شي اتخلص الطبخ الطباخة واخرشي توزع اللي طبخته على الموجودين يذوقونه وسلامتكم .

على فكرة مشررررررررروع مربح جدا جدا
مثال: عدد المسجلين 15 شخص اقل شي xتضربينه في السعر نقول 20 =300 دينار .