أبي الفايدة لنا كلنا !

[العاطفية]

مرحبا..عساكم كلكم بخير وعافية..




حبايبي حابة نستفيد كلنا بمصيبة المصايب((الخدم))
صارت مقولة(شر لابد منه)بكل بيت وبكل دقيقة تنقال مضطرين مع زيادة المسؤوليات علينا وحبيت بهالموضوع كل وحدة فينا تحط تجربتها مع الخدامة الي عندها يعني شنو جنسيتها؟وشنو مواصفاتها؟وشنو مشاكلها ؟وشنو ميزاتها الي مصبرتج على مشاكلها وبلاويها؟ أتمنى كلنا نستفيد..

أولكم آنا تجربتي الحالية فلبينية عمرها40 طلبتها من ديرتها مو داشه بيت غير بيتي غبــــــــــــــــــــــــــــية وتحملتها قلت بعلمها صارلها شهر والله وصخة حيييييييييييل السيلانيات انظف منها وعاملتها عدل برسمية بس والله مطاعم كافيهات كل شي يدش معدتي يدش معدتها وشريتلها كل مستلزماتها وحتى كريمات طبية عطيتها ماتسمع الحجي كلش طاقتني بالطوفة جنها خبرة بالديرة وتموت عالشارع بس تخزز بالرياييل واهيا جيكرة ووالياهل آخر اهتماماتها ماتعرف حتى تشيله باختصار مافيها ولا حسنة بس الي صبرني عليها قلت مو كل يوم خدامة ملينا والله بس سوت حركة بردها المكتب بسبتها(((((لافة سمج صارله4ايام بملابسها بالكبت وانا قايلتلها اكلي كل شي براحتج بس بالمطبخ مو بالغرفة والشي اذا قعد جم يوم قطيه انا اعطيج غيره والحبيبة تقولي متى قلتي ماقلتي جذي))))اوف حرقة قلب القذرة هذي يابتلي الامراض من غبائها ولقافتها وقلة أدبها اذا بتسألني عن شي تقعد عالقنفة يمي صج خدم آخر زمن


يلا بنات عفية نبي تفاعل وتجارب تبرد الجبد​

لكم المايك

 

[ام ميدوو]

:68_asmilies-com::68_asmilies-com:

شلونج حبووبه واااي الله يعينج عليهاااا
كلش ولا سالفة السمج ههههههههههههههههههههههههه:dddds::dddds:

بنسبه لي انا عندي خدامه وهي اول خدامه اييبها اندونيسيه ككانت تشتغل فالسعوديه قبل المهم خووووش وحده صراااحه

مع اني كنت متخوفه من الجنسيه الاندونيسيه بس الحمدالله

المميزات:
1- تصلي بنتظااااام وتقرا القرآن وتذكرني بصلة واذا شافتني لاهيه قالت ماما الصلاة الجنه خخخخ:dddds:
2- عمرها 32 عندها يهال اكبر مني طلعت هههههههههههههههه
3- تحب عيالي وحنونه عليهم ولا ترتاح اذا ماتغدا او ما تعشى حريصه عليهم
4- شغل البيت حلو لا باس والكوي والغسيل واااااااااااااااو مو طبيعي فالبدايه ماكنت واثقه كنت انا اغسل وهي تكوي بس اخر شئ كله عليها هههههههههههههه خوش امههات كل شئ على الخدم عفيه:ggdw:
5_ امينه لاني سويت شكثر اختبارات ونجحت فيها يعني لو تشوف اي شئ طايح فلوس وغيره ماتاخذه
العيووووووب:
1- تحوشها غلقه اذا سمعت خبر من اهلها مو زين تقعد ضايق خلقها ولا تقول لي لازم انا اقولها شفيج ليش ويهج معفوس تقعد تبط الجربه وتبجي بعدين اذا فضفضت لا يتغير المووود ههههههههههه
2_ ريحتها مرات تبط الراااس :cxxxp: والله كل شئ يبته بس مافي فايده خاصه الصيف واااي والله اخر مره قلت لها تعالي الصالون وخليتهم يحفون اباطها قلت يمكن ماتعرف مع اني اييب لها نيير وفييت ومووس وشيره حتى كل الوسائل بس الظاهر تحب الشعر ويييع تخيلوااا عطيتها الديودرنت مالي من بودي شوب ولا فاااد هههههه:dddds:
3_ تمت عندي سنتين وسافرت ورجعت يبتها والحين شوي متغيره يعني مو مثل قبل بس بصبر عليها لانه عيوبها مووو وااايد ومسك مينونك لا ايييك اللي اين منه هههههههههههههههه:dddds:


وسلامتج هذي تجربتي مع الخدامه الوحيده اللي يبتها لبيت الزوجيه عشتوا ههههههههههه:eh_s(8):

 

[وردة النرجس]

خدامتي أندونيسية

قعدت 3 سنوات عندي وراحت وردت لي مره ثانيه لأن وين تلقى نفس بيتي شقة صغيره وإهتمام فيها وكل مكان تطلع ويانا وأعاملها مثل ماأعامل عيالي

بس هم عليها عرات يوم ردت سوت نفسها إهي الناهية والأمره يعني مرات تعلى صوتها على بنتي خصوصا أن إهي كانت وياها مباشرتها من يوم كان عمرها سنة والحين بنتي ماشالله 5 سنوات صارلها

وتحب تقرق وايد بس انا مودايما أعطيها ويه

ولازم مافي وحدة خاليه من العيوب

والله يهدي هالخدم

 

[أغلى حبيبه]

انا خدامتي نيباليه

صارلها 4 شهور كلششششششششششش مو متقبلتها

معنها والله فطييينه و زينه بالترتيب والنظافه وماتحب تنام وايد

يعني تخيلي انا اشبك لي الصبح اقوم اصلي الفير وارد الاقيها قايمه من نومها مرتبه الصاله وراده نايمه

بس مشكلتي ماتعودت على الخدم اللي لونهم غاااامج تلوع جبدي منهم استغفرالله

بس اخاف اوديها وتيني وحده غبييييه ووصخه

 

[ام ميدوو]

ههههههههههههههههههههههههههههه