أبي اصير اجتماعية بليييز ساعدوني بمشكلتي

[السنافر]

قوه بنات
والله فيني بجية من هالسالفة :eh_s(16):
بنات انا مو اجتماعية كلش وماعندي صداقات وايد عندي معارف بس مو صداقات كلش ماعرف اكون صداقات ولا اعرف شلون اخلي الناس تحبني يمكن لان طبعي خجول شوية وما اسولف وايد
وانا لاحظت البنات اللي عندهم صداقات وايد لسانهم حلو على شان جذي الناس يحبونهم حاولت اسوي جذي بس احس اني مو مرتاحه جني قاعده اقص على اللي جدامي مادري شلون افهمكم
والله حدي متضايقة من هالمشكله وحاسه جنه فيني نقص علمووونيي شسوي :eh_s(11)::eh_s(11)::eh_s(11):

 

[بنت_أخت_خالتي]

رد : أبي اصير اجتماعية بليييز ساعدوني بمشكلتي

لا فيج نقص ولا شي
كاني انا جدامج ماعرف اجامل ولا انافق اقول الصج وبس
بس انا عكسج رفيجاتي وايد بس بلعايله تلقيني سااااكته
ليش
لان الاغلب ياكلون الجو اوكي وانا بطبيعتي مستمعه اكثر من اني اتكلم
والمشكله ان لما تدققين بلسوالف تلقينها اتفهه من التفاهه
فماتعرفين تردين على جذي مواضيع
بس هم يظلون اهل ونحبهم

 

[نورعيني أنا]

رد : أبي اصير اجتماعية بليييز ساعدوني بمشكلتي

صح انا مع الاخت اللي قبلي فيه ناس تسولف لمجرد السوالف وسوالفهم كلها تفاهات وعلى فكره انا مثلج ماعندي صداقات واجد يمكن رفيجاتي بس ثنتين ولي قعدت مع الناس مااسولف واجد يعني اللي يسالني ارد عليه

 

[كويتية 222]

رد : أبي اصير اجتماعية بليييز ساعدوني بمشكلتي

كل ما تحتكين مع الناس أكثر اتصيرين اجتماعية
انتي أكيد ما تطلعين و لا تحتكين بأحد يدوب المدرسة و البيت

زاوري أهلج ، اشتركي بنادي ، اشتركي بأندية صيفية

بتعريفن على بنات وايد

و إذا تعرفتي على بنات اجتماعيين بيعادونج بطبعهم شوي شوي و بتصيرين اجتماعية

الناس تحب اللي يسمعهم لي الآخر و ما يقاطعهم
يحبون اللي يبتسم و يسلم عليهم و يسأل عنهم باهتمام

يحبون اللي يكون لبسه و مظهره قريب منهم مو غريب أو شاذ

حاولي اتقربين من بنات اتحسين انهم يتقبلون الآخرين
مو اتقربين من ناس مصلحجية أو حقيرة بعدين تنصدمين و اتقولين محد يبي أحد

 

[السنافر]

مشكوريييين بنااات

 

[آحسآس]

يؤيؤ مثلي

ماعندى صداقات كثيرة واغلب الوقت بالزوارات اكون ساكتة حتى اكرة اروح مع اهلى

اتمنى البات يفيدونا

 

[آحسآس]

يؤيؤ مثلي :eh_s(2)::eh_s(16):

ماعندى صداقات كثيرة واغلب الوقت بالزوارات اكون ساكتة حتى اكرة اروح مع اهلى

اتمنى البات يفيدونا :eh_s(1):

 

[drawing life]

اقروا كتاب دايل كارنيجي .. كيف تكسب الاصدقاء
حيل حلو ومبسط واكثره قصص ماراح تملون صدقوني
تلقونه بجرير

 

[سنجوبه]

رد : أبي اصير اجتماعية بليييز ساعدوني بمشكلتي

بكل بساطه ... اذا انعزمتي مكان او يمعه اهلكم لا تتخششين عنهم ودايما قعدي بمكان بارز ايبين مكانج واذا سولفو بموضوع دخلي شاركي وياهم وخلج واثقه من نفسج ما اقولج قعدي وفتحي
مواضيع لا بس اقلها شاركيهم يعني لا تصيرين ديكور بس ودايما خلج مبتسمه واهم شي لا تحطين
في بالج هالشي لان بجذي ماراح تقدرين اتسيطيرين على هالشي راح ايكون في بالج وحاولي اتبسطين الامور وفعلا حبيبتي ترا انتي ماعندج مشكله كبيره بالعكس بما انج عرفتي ان عندج نقطه تبين اتغيرينها فهذا شي حلووو ويبين ان انتي مهتمه بنفسج وتبين اتغيرين في اسلوب حياتج

 

[عسى الله يجمعنا]

خليك واثقه من نفسك ............ فرفوشه .......... ومبتسمه .............. ادخلي في الناس ولا تتحسسين من مواقفهم

 

[اسيل الصمت]

رد : أبي اصير اجتماعية بليييز ساعدوني بمشكلتي

هلا والله حياتي

مشكلتج طبيبعيه جداااا

وايد بنات يواجهونها لازم تتعلمين شلون تكسبين الشخص اللي جدامج
بكلامج ومعاملتج وخصوصا اخلاقج

وراح تحسسين شلون الناس تحبج وتبي تتقرب منج


الله يوفقج ياقلبي

 

[ޢޢޢإيمانޢޢޢะۣۨ>]

حبيبتي ترى المشكله وايد صغيره
آنا كنت جذي قبل
بس لما توظفت تغير الحال
يعني لازم تحطين نفسج في محيط اجتماعي (وظيفه - نادي) راح تلقين نفسج مع الوقت تصيرين أحسن
آنا ما عندي صديقات وايد
وما أعرف أفتح مواضيع
بس لما ينفتح موضوع أشارك فيه
وبخصوص الناس اللي ما أعرفهم
آنا أبدأ بالسلام مع ابتسامة
جربي تبدين بالسلام مع الكل وانتي مبتسمه
جذي راح يرتاحون لج ويحبونج ومع الوقت راح يبادرون إنهم يتعرفون عليج​

 

[sherazia-x]

رد : أبي اصير اجتماعية بليييز ساعدوني بمشكلتي

والله حبيبتي البنآآت كفوو وفووو


بس اذا كنتي تستحين انج تبطلين مواضيع او حتي تقعدين مع الناس ..> فا سووي اللي اقوولج علييه


سولف بصوت عالي مع روحج بالمنظره ..> شلون تسولفين مع الناس اللي ما تعرفينهم حيل راح ينعكس وياج بالمنظره
اذا تستحين بتلاحظين روحج يطق قلبج وكل تبوسمين وما تدرين شنو تقولين حق نفسج


بس عوودي نفسج تتحجيين وتتجرائين اذا قدرتي علي المنظرة فا بيكون شي طبيعي مع الناس



وتري مشكلتج عاديه وتقدرين تحلينهاا بس دايم قولي بقلبج انا اجتماعيه انا اجتماعيه عشان تعودين عقلج الباطن علي انج اجتماعيه ..>

وعلي فكرة انج تكونين اجتماعيه مو شي صعب لكــــن تقنعين نفسج انج اجتماعية اهني الصعب


واتمني اكون فتج فدييييييج حياتي

 

[فرح السبيعي]

اول شي لازم تحاولين تسمعين وايد لان اللي يسمع يحفظ ويعرف ويفهم

حاولي تقعدين مع ناس ترتاحين لهم عشان تاخذين راحتج وتنطلقين بالكلام

في كتب وايد تتكلم عن هالسللفه والله راح تفيدج

 

[ليبراليه]

رد: رد : أبي اصير اجتماعية بليييز ساعدوني بمشكلتي

لا فيج نقص ولا شي
كاني انا جدامج ماعرف اجامل ولا انافق اقول الصج وبس
بس انا عكسج رفيجاتي وايد بس بلعايله تلقيني سااااكته
ليش
لان الاغلب ياكلون الجو اوكي وانا بطبيعتي مستمعه اكثر من اني اتكلم
والمشكله ان لما تدققين بلسوالف تلقينها اتفهه من التفاهه
فماتعرفين تردين على جذي مواضيع
بس هم يظلون اهل ونحبهم

تعليق الاخت صحيح ولكن بقولها لج بطريقه ثانيه:-

* خلي صديقاتج يكونون نفس ميولج عشان اغلب المواضيع تعرفين تشاركين معاهم وبس ينكسر الحاجر عندج بصيرين ملسوووونه

*وعودي نفسج تناقشين ناس ماتعرفينهم ولا يعرفونج مثلا السوق ومطاعم وندوات .... الخ والسبب انج لو تنحرجين ماراح يهمونج لانج ماتعرفينهم وجذيه تكسبين ثقه بنفسج.

وعسى الله يساعدج اختي وتتغيرين للاحسن

 

[زوجه اهم رجل]

رد : أبي اصير اجتماعية بليييز ساعدوني بمشكلتي

استغفر الله ولا اله الا الله ولا حول ولاقوه الا بالله

 

[فرقى ولايف ..]

أنا مثلج أستحي وفوق هذا فااااااشلة بالمجاملات
عشان جذي صداقاتي قليلة الباجي كلهم زمالات
ولأني ساكتة أغلب الوقت -وهذي طبيييعتي- الناس حسبالهم نفيسَه !!

إنتي البنت اللي ترتاحين لها وتحسين شخصيتها تكانة وعاقلة
تواصلي معاها، اخذي رقمها دزي لها مسجات كل أسبوعين جذي
أو ضيفيها بالبيبي أم أو الواتس أب.. التكنولوجيا تسهل عليج الموضوع هههههههه

 

[نكهةالبرتقال]

اخم شي خليك واثقة من نفسك و لا تزعزع ثقتك بنفسك أبدا

 

[رشـا العتيبي]

اقري سورة البقرهـ

 

[Q.8.h.2]

رد: رد : أبي اصير اجتماعية بليييز ساعدوني بمشكلتي

لا فيج نقص ولا شي
كاني انا جدامج ماعرف اجامل ولا انافق اقول الصج وبس
بس انا عكسج رفيجاتي وايد بس بلعايله تلقيني سااااكته
ليش
لان الاغلب ياكلون الجو اوكي وانا بطبيعتي مستمعه اكثر من اني اتكلم
والمشكله ان لما تدققين بلسوالف تلقينها اتفهه من التفاهه
فماتعرفين تردين على جذي مواضيع
بس هم يظلون اهل ونحبهم

والله ان كلامج ميه ميه ونكج هم ميه ميه هههههههههههههههه
انا يمكن كنت مثلج يالسنافر بس شريت كتب من مكتبة جرير وبديت اقرا وايد تعدلت وكلام بنت اخت خالتي فعلا بعد ماصرت اسولف وانفجت عقدتي صرت اشوفهم مثل ما قالت وارتاح مع صديقاتي برا العايله اكثر لان اصلا ما ارافج الا اللي تيوز لي وطبايعها مثلي تقريبا