أبي استقيل ألحين.... شنو الاجراءات؟

[منال القلب]

مرحبا
ادري وبدون غرور اني كنت اساهم في هذا القسم وكنت اشجع نفسي قبل اي معلمة ثانية على مهنة
التدريس. ادري هالمهنة انسانية وانا لحد الحين لازلت احبها وابيها

بس انا ابي استقيل لظروفي الخاصة وماني قادرة اشرح اكثر من جذي

بنات شلون أباشر اجراءات الاستقالة؟

رجاء الي عندها معرفة بالطريقه " المضبوطة " تنورني عليها

هل اقدر اباشر فيها من الحين؟ او لازم لما تبدا الدوامات في 9/9/2012 ؟

واذا باشرت فيها من الحين هل لازم اردلهم معاشات 5 و6 و7 و8 ؟

الله يخليكم انا محتاجة احد يقولي.. علشان اعرف شلون اتصرف

انا بستقيل دون رجعة حتى بقعد سنتين او 3 بعدها اسجل اسمي بالديوان ماعندي مشكلة

بس لازم استقيل.... شنو اسوي وين اروح؟

 

[الله يهدينا]

اب
اب
اب

 

[جيتك تعال]

لا مو خوش حجي ... هذي العين الي كنت خايفة عليج منها يوم تحطين شهادة رااتبج

حبيبتي منال لا تتسرعين ... اخذي فترة كافية للنفكير واى مساعدة تبينها ترانا حاضرين

استعيني بالله ... وسمي باسم الرحمن ولا تتسرعين ولو كلش كلش اخذي اجازة بدون راتب

مدرى شقوولج صرااحة صدمتيني وقلبي معااج وحااسة فيج وياريت اقدر اسوي شي

 

[ام حنااين]

استخيرى وبعدين قرري لاتتسرعين

لكن اذا كنتي مصرة مع اني ابد انصحج تتركين وظيفتج نطري الدوام وقدمى الاستقالة لان الحين فيها مراجعات وايد برمضان وانتي صايمة خليها بشهر تسعه تضمنين راتب الصيف ويمكن تتعوذين من ابليس وماتتركين شغلج

مهما كان قرارج بالتوفيق يارب

 

[وحيدة امى]

منال لالاالا

اخذي اجازه وظيفه سندج ومستقبلج كلنا مرينا بنفسيه وظروف
سمي برحمن واخذي اجازه سنه حلو وارتاحي
بعد سنه فرج

الله يفتحها عليج ويسهل امورج ماتشوفين شر​

 

[هيبة ملك]

خبر محزن والله

لكن ماقول غير الله يوفقج ويفرج لج ويرشدج الطريق الصواب اللي فيه مصلحتج

وأقولج استخيري وتمهلي

 

[CrystalQ8]

اولا منال. استخرتي

ثاني شي أخذي أجازه بدور راتب. جربي

ثالث شي مالومج التدريس متعب خصوصا اذا كان عندج افراد تدريس نهم بالبيت

يمكن الحقج باقي سنه واخلص قسط علي عقبها أستخير لان تعبت مثلج

 

[CrystalQ8]

قدمي شهر ٩ اجراءاتج

 

[طالبة1990]

اللي اعرفه ان معاشات العطلة لج

والغالبية يقدم الاستقالة شهر ٦ ومع ذلك ياخذون المعاشات

وتتنفذ الاستقالة شهر ٩

احسن لج تراجعين المنطقة

بس نصيحة قبل هالقرار قدمي نقل مكان ثاني او مرحلة ثانية وشوفي اذا ماتغيرت نفسيتج قدمي استقالتج

 

[الجوهرة777]

لا حول ولا قوة إلا بالله العلي العظيم

والله أول ما قريت العنوان على طول طرا ببالي موضوعج مال تقرير الراتب

الله يهديكم يا المدرسات الناس كلها جايها خير ورواتبهم طارت بس محد يدري عن رواتبهم كم بالضبط

إلا انتوا يا المدرسات العيون عليكم من غير شي وتحطون الراتب بالضبط ليش !! ماله داعي



عسى الله يفرج همج وييسر أمورج يا رب الله عالم شكثر نتعب ولا احنا في نظر الناس اجازة وفلوس

بس الحد لله إن الأجر والرزق من رب العباد مو من الناس

ع العموم رمضان جاي ادعي وكثفي الدعاء إن الله يفرج همج ويشرح صدرج

وخلي قرارج هذا لي بعد رمضان

( اللهم إني أسألك أنت الله الأحد الصمد اللهم من نظر لنا نظرة حسد في رزقنا اللهم اشغله في نفسه يا ذا الجلال والإكرام )


حسبي الله ونعم الوكيل

 

[Q8Buying]

ليش!

 

[بخـــارى]

ذكري الله

 

[منال القلب]

يعطيكم العافية بنات
خلاص هونت ما راح استقيل
الشيطان الكلب لعنة الله عليه راكب راسي
واذا على السبب فكان بسبب المدرسة بس تدرون شلون؟
انا ماراح اضحي بوظيفتي علشان ناس
بنات انا احب مهنتي وايد ومابي اهدها فعلشان جذي ماراح اهدها
فديتكم بنات قلبكم علي هالكثر؟ احبكم في الله والله يحفظكم ويوفقكم بكل مكان أمين يارب

 

[طموحه بزياده]

امبيه منال صج صج صج صج صدمني العنوان وقلت اكيد نكته ولما دشيت وقريت ان من صجج



حسيت بأن في شي غلط



انا متابعه لج من زماااااااااااااااااان وعرفت انج ابله نشيطه وحيويه وتحب وظيفتج او بالاحرى تتعايشين معاها بتفاؤل وحب وتتكيفين معاه



الحمدلله الحمدلله الحمدلله انج غيرتي رايج


وانا اوصيج مو كل شي تقولينه بالمنتدى لا يكون حسبالج انج بمنتدى مرح يكون في عين وحسد من ورا الشاشه


ماتدرين لو تدش ابله لايعه جبدها من وظيفتها وتحس ودها تنحاش وتستقيل وماحصلها وتشوف ردودج الحلوه وانج مستمتعه او متعايشه بوظيفتج بحب وسعاده وتصكج بنفس ماتقصدها بس هذي طبيعه الانسان


حبيبتي ديري بالج وحليج متميزه على طول ولا تخربين حياتج الوظيفيه بسبت ناس ترا الناس ما تسوى اهم شي فكري بنفسج وبمستقبلج وابنيه بخيالج وبيدج



الناس ماتعطي خير طبعا مو كلهم بس الاغلبيه




والله يووووووووووووووووووووووووووووفقج


واذا لج خلق مري موضوعي اللي محتاره بين تدريس متوسط وابتدائي وقوليلي رايج بتدريس بنات المتوسط ولا عليج امر لان محتاجه لأبله متوسط تشرحلي الوضع


وشاكره لج

 

[جيتك تعال]

الحمدلله الله يبشرج بالجنة

حصنتج بعين الي ما تنام عينه من كل حاسد

الله يوفقج في حياتج وشغلج واذا على الناس والمدارس

ياما بتشوفين وتسمعين قطي وراا ظهرج واستمري في عطاءج

وما عليج من اى احد الا من رب العالمين

 

[Q8Buying]

فعلاً حصني نفسج بذكر الله، .. والمعوذات ..

ولا تخلين أحد يأثر عليج ..

حسادة .. و غيرين من المجتهد والنشيط .. هالناس وهالنقاد!

دام عملج يرضي الله ورسوله، ..

واصلي فيه .. عشان الله وعشان نفسج ..

أهم شي أهم شي انتي تستمتعين بعملج الحلال !

وأكو أحد يترك أفضل مهنة (التعليم) .. عشان الناس؟!

والله يوفقج .. وصيري قويّة..

لا تخلينهم ينحشونج! خل أهما ينحاشون ..لأن التدريس محتاج كفاءات مو ناس تكسر مجاديف!

 

[Om_RaYomaH]

حرااام عليج لمن شفتج صج بتستقيلين تحطمت
!!!!
لاااا تكفين اذا الكل بيستقيل منو بيدرس عيالنا؟؟!

منو بيمسك الامانه هذي ويخاف عليها؟!!

استعيذوا بالله وان الله مع الصابرين يكفي الاجر اللي تاخذينه اجرها عظيم هذي المهنه

 

[ميس الورد والشوق]

من صجج منوووووول !!!!!!!!!

تفكرين بالاستقاله عشان المدرسه


لاااااااا

الا انتي تعلمين الكل مايحتاج نقولج ونعلمج

انتي اقوى واكبر من جذي

وحيل كنت استفيد من مواضيعج اهني للمدرسه عسى ربي يعطيج الصحه والعافيه


واذا على المدرسه

الله ماكثر بالكويت الا المدارس

وعسى ربي ايسر امووورج ويسهلها يارب

 

[هيبة ملك]

الحمد لله. وربي. يوفقج ويحميج

 

[المشااعر]

نصيحه قدمي الاستقاله بعد تاريخ 24 / 9

واذا بغيتي اي استفسااار اكثر ... كلميني خاص واعلمج التفاصيل

واعطيج رقم وحده تشتغل بإنهاء الخدمه بالتربيه تكلمينها

وتعلمج بالتفاصيل وبأحسن وقت للاستقاله