أبي اروح ايران ( مشهد ) ساعدوووني؟؟؟

[معشووقة السفر]

السلام عليكم
شلونكم بنات
ابي اعرف مشهد شنو فيها؟ اللي سافرت شنو يابت معاها من مشهد؟ شنو عندهم شي مميز؟

 

[fati el-7elwa]

واللة حبيبتي مشهد ديرة حلوة وايد وفيها وايد اماكن طبيعة عجيبة وفي فندق وايد راقى اسمة ((هما 2)) خمس نجوم ومشهد فيها وايد اشياء بس انا ماشريت شى من هناك لانة اروح يومين بس واذا تبين الكشخة والموضة كلة بطهران وشغلاتهم عجيبة مو صج ...تلقين هناك اشياء مافي منها بالكويت واذا بقيتي ترووحين طهران و تبين اسامى المجمعات ترا حاضرين للطيبين

 

[الغاليه نونو]

يمدحون مشهد وايد"

كل اللي اعرفهم يروحون مشهد اييبوولي صوووغه من هناك تدرين شنو"


كرتون حب مخلط وقوطي حلاو ساهون وحلاو القز الابيض فيه فستق اللي يسمونه المن والسلوي "


وعندهم خوش زعفراان يهبل بس هذا اللي اشوفه من صوغة اهل مشهد وسلامتج"

 

[um 3li]

حبيبتي طهران ولا مشهد ولا اصفان ولا اي مكان بايران اخذي منهم الزعفران المكسرات الزرشك ( حشو العيم ) الفواكه المجففه يعني اكل . بس اهم معروفين بالرعفران درجة اولى

الجو الحين حيييييييييييييييييييل بارد هناك وثلج

روحي مجمع الغدير حلو وروحي شانديز تغدي هناك مطاعمهم حلوة

 

[Maltesers]

مشهد مثل ما انتي عارفه نروح لها زياره .. وو مافيها وايد أشياء .. سوقتها مو شي

فنادقها هما2 كشخه يعتبر .. وو الغدير اليديد اللي مجددينه هم يقولون حلو

بس انه مره قعدت بشقق فندقيه كشخه ونظيفه وحلوه اسمها (( تالار سبز )) .. وطبعا اللي يروح مشهد لازم يروح شانديز واهيه منطقه جبلية تعتبر حلووة والحين الجو اينن هناك سحتني على قولتهم بررد مووت وثلج

وشانديز كلها مطاعم شوي .. وقهاوي وفيها محلات وسوقه صغيره فيها صناعات جلدية طبيعيه .. جاكيتات وتسوس و كبابيس


بس طهران أحلى وأكشخ من مشهد


ولمن نروح هناك انييب معانه ..زعفران .. حلوياتهم المعروفه .. و عندهم ككاو حلوو اسمه آيدين .. وو مكسرات .. وانه اخذ أعشاب حق اليهال من هناك .. وصيدلياتهم تطيحين فيها على اشياء حلوووووووة .. خصوصا كريم الحماية حق الصيف استهلاك مو طبيعي من هناك كله والكل يمدحه

 

[Eng.shosha]

انا لما اروح اهناك أقعد بفندق اطلس ...

ويمدحوون منطقه اهناك اسمها كيش اهناك فيها مناظر مووو طبييييييعيييه

وترى بررررررررررد مووووووووووووووت

 

[ام الفهد712]

ماشاالله البناات ما قصرووو قالولج وانا ماراح ازيد عنهم بشي
بس الحين الجووووو عندهم صج عجيببببببببببببببببببببببببببب

 

[معشووقة السفر]

مشكوووووووووووووورين على الرد ماقصرتوا
انا حجزت بقصر الضيافه فندق جديد توه امبطل
طبعي لما اسافر احب اروح اسوقة الديره الشعبيه احب الاشياء الخاصه بالتراث او الاشياء التقليديه والبسيطه والغريبه

 

[ام مهودي]

شوفي مشهد احنا نروح زياره والصراحه انا اروح بالشتا حق الثلج روعه عندي صور لو تشوفينها تقولين كلش مو ايران وتلعبين بالثلج لعب وناسه والله وهل ايام في مجمعات حلوه مبطله وزعفران وحب ومكسران هالاشياء لازم
وتبين طبيعه اهناك روحي شانديز وقرطبه وكلهم كله كباب والاكلات الثانيه مو شي وايد وفي سوق بازار رضا حلو حق الفضيات والاشياء هاذي وبس

 

[عتانو]

حبيبتي مشهد بارده الحين وهذا شي مو يديد

شوفي روحي مجمع الماسه
وروحي سوق الأمام الرضى علي السلام
روحي سوق الجمله هذا يكون إذا إنتي داشه سوق الأمام الرضى من فندق أطلس يكون هل سوق آخر شي يعني طلعي بتشوفينه جدامج أشكبره محلات مومجمع
وروحي سوق بازار مركزي

روحي سوق السجاد
روحي شانديز ولاتنسين أتمرين على محل الأماعين شي عجيب ورخيص أنا شريت نص درزن بالكويت طقم من كل شي طلع 200 دينار
وأم ريلي شرت من أهناك طلع بحدود 60 دينار أنقهرت

وماتذكر شي أحنى أنروح ونحوس ياحلوي بجايم الأطفال لاتاخذين من سوق الغدير غالي ومثل سعر الكويت أخذيهم من سوق الجمله ترى محد بيصدق أنه من الكويت



وسلامتج يالغاليه

 

[بنت البحر]

تروحين با لسلامه اشتري من هناك كاكاو التقديم مسوي ضجه بالدوام المهم كاكاوات الي صغيره وانا سمعت لهم مواسم مو كل وقت ينباع ما دري عاد صج؟واخّّذي استكانات وقندور السكر يهبل اخذيه طقم انا لمن رحت ريلي ما خلاني ايب وكلما اروح عند رفيجتي اتحسف لانه بالكويت غالي ينباع بالرحاب

 

[bro0y]

مشهد اروحلها زيارة وروح شانديز وبازار رضا

 

[BlackRose]

يمدحون وايد قصر الضيافة بس انا مارحت له لي الحين وودي اروح له

بصراحة مشهد عجيييييييييييييييبة

كافي زيارة الامام تشرح القلب

سلام الله عليك يا انيس النفوس

وروحي طرقبة وشانديز

وهناك روحي مطعم حسين شيشليك عندهم الريش عجيييييييييييبة ورهيبة مرة

وروحي مطعم فندق قصر حلو

وروحي مطعم اسمه اخوان كريم متخصص باكله واحدة اللي اهيا ماهيجة اللي اهيا عبارة عن لحمة المورزات مطبوخة بطريقة عجيبة

وروحي مجمع اسمه باروما صاير نفس مركز سلطان عندنا كل شي عندهم

واخذي زعفران من سوق الغدير احلى زعفران

وروحي مطعم الامام رضا وايد حلو وتقدم فيه الوجبات مجانية وتحجزين من مكتب موجود بالحرم

وروحي مجمع الماس شرق حلو

ومجمع بازار جنت هم حلو

وخبرينا عن السفرة

وادعي لنا عند الامام

وانشاء الله نروح الزيارة

 

[سمو]

السلام عليكم وسفره سعيده ان شاء الله


انا بروح الاسبوع الياي ان شاء الله


مشهد فيها مناطق وايد ...بس انا اروح بس مشهد فيها مجمع الماس شرق ومجمع الغدير


ومنطقه شانديز فيها مطاعم واحلى اكلى شيش ليك


وطرقبه منطقه بعد بمشهد فيها اسواق وعندهم الاطباق والاكواب وايد حلوه للتقديم.



وطبعا الحين اهي بارده وثلج

 

[zlm]

ماشالله البنات ماقصرو فصلو مشهد شارع بشارع وسكه بسكه بس بقيت اضيف شغله عندهم الأحجار وااايد حلوه واسعارها احلى واحلى .. هم عندهم صاغه اهناك عالديزاينات اللي تعجبج .. وهم حلو كا صوغه لأنهم اييون بعلب ذرب شكلهم

 

[Miss M]

في مجمع اسمه بروما حلووو مثل مركز السلطان شلون
و مطعم بيتزا كندز وايد حلووو
واذا تحبين الكتب عندهم مكتبات يبيعون الكتب ارخص هناك
و البيجامات اللي عندهم وايد حلوه كد ومد استهلاك مو طبيعي وحلوييين
وطبعا اللوحات عندهم حلوه وارخص من الكويت و فظييييييييعه

وانشالله تروحين وتردين بالسلامه وتعجبج ايرااان

تحياتي .... مس ام