أبي أفضفض ولا بنجلط تعبانه حييييييييييييل

[جوري الغرام]

رد : رد: أبي أفضفض ولا بنجلط تعبانه حييييييييييييل

مرحبا عزيزتي (( جوري الغرام))
بصراحه أنا قليل أشارك بس تشجعت أكتب لج يمكن إلي يشوف مصيبة غيره تهون عليه مصيبته...

بقولج أول شيء عن نفسي تزوجت من 15 سنة وأنا بعمر 18 سنه، ومثلي مثل غيري كانت في أيام حلوه وأيام سوده ولله الحمد وقعدت أبكي وأتحسر وأقول ياريتني ما تزوجت وبعدها تزوج علي زوجي وعشت حالة نفسية سيئة،، وبعد ما تعدلت أوضاعي مع بو عيالي وهو في عز شبابه توفى وتركني مع 3 عيال صغار وأنا بعمرج ترملت، إلـــه لك الحمد فديتهم الله يحفظهم لي يارب والحين الحمدلله ربي عوضني عن كل الأيام الصعبة عوضني في كل شيء ترقيت في شغلي زاد راتبي وأهم شيء عندي شيء يتمنونه الكثير الصحه والعافية اللهم لك الحمد والشكر،، إختي العزيزة بالصبر واحتساب الأجر والتوكل على الله فقط بتعيشين أفضل عيشه وأهنئها و هذي قصتي أنا وللحين صار لي أرمله من سنتين ونص وما تزوجت ولا همني الموضوع وأقول إذا خيره ربي إيسره لي وإذا ما فيه خير الله يبعده عني وبعيش أربي عيالي بقدرة رب العالمين ويعوضني فيهم خير إن شاءالله...

واختي لها مثل قصتج وهي بعمرج بالضبط توها 30 سنه تزوجت ولا كملت دراستها وزوجها كان يحبها أخذها عن حب بس من تزوجت تدمر هالريال صار شكاك ويضربها وحرمها منا ويتجسس عليها دايما ويسجل مكالماتها معانا ولا يصرف عليها مع إنه يلعب بالفلوس وفوق هذا كله يخونها وفوق هذا كله إهي مصابه بمرض السكر من عمرها 10 سنوات وعاشت حياه صعبه ما تتخيلينها وما يابت عيال، وكم مره كانت بطق أبرة السكر عشان تموت بس صبرت واحتسبت الأجر عند الله وبالأخير وبعد العذاب طلقها وهي جميله بشكل ورشيقه بس سبحان الله حظها.. بعد ما تطلقت كانت بتشتغل بالشرطه أي شيء براتب 300دينار تخيلي بس بفضل الله كملت دراستها وتخرجت واشتغلت في الصحه في المختبرات وأوضاعها تعدلت وجابلت نفسها وتتعدل وتطلع وكل إلي في خاطرها تشتريه وعايشه مرتاحه ولا تفكر بزواج ولا غيره ودايما نقول لها إذا نصيب بتتزوجين وإذا لا ارضي بالي رب العالمين كاتبه لأنه هو الخير ،،، لا تتحسفين إلا على وقت يمر بدون طاعة الله أو ذكره أما الأشياء الثانية فتأخيرها خيره لج وصلي بالليل وابكي وترجي من الله الخير حيث كان،،،،

البارحه صار حادث أليم لوحده نعرفها عندها ثلاث بنات تخيلي البنتين ماتوا وظلت عندها بنت صغيره عمرها 4 سنوات،، كأنها ما حملت ولا توحمت ولا ولدت ولا تألمت ورضعت سبحانك يارب اللهم لا اعتراض على أمرك، وفي العزاء الأم يالسه تقول الحمدلله ربي يحبني عشان جذي أخذ مني بناتي والحمدلله ربي فديتك لك الحمد ،، انبهرت من موقفها لأني توقعتها بتكون منهاره بشكل ما تتخيلينه بس إهي عارفه إن بالصبر بتفوز وبتنول رضى الله ورب العالمين و بيعوضها خير إن شاءالله ويصبر قلبها..

بالأخير أتمنى إن الصبر والتوكل على رب العالمين يكون مسارج في الحياه وشوفي مصايب الناس عشان تهون عليج مصيبتج وتصدقي كثير واستغفري دايما واعلمي أنه لو اجتمع الأنس والجن على أن ينفعوك بشيء لم ينفعوك إلا بما كتبه الله لك، وإذا اجتمع الأنس والجن على أن يضروك بشي لن يضروك إلا بشيء قد كتبه الله لك ودائما كوني عند حسن الظن بالله فالله عند ظن عبده به
والحمدلله أولا وأخيرا...

:nbvppw: بعد عمري أم مياسة :nbvppw:
من بعد ماقريت ردج شفت موضوعي سخيييييييييييف وتافه الحمد لله عطاني الصحه والعافيه وأهلي حواليني ومع هذا الدنيا سوده بوجهي !!!!!!!!!!!! والله ان تفكيري غلط × غلط الحياه جدامي أنا ساهمت بمأساتي من غير الظروف
والله ماأدري شقولج ربي يأجرج ان شاء الله ويعوض صبرج خير ويطرح البركه بعيالج وبالنسبه لأختج ماشاء الله عليها ياليتني أعرفها من زمان جان ماخذتها قدوه لي زين سوت شافت نفسها
والله انج عطيتيني قوه وطاقه للحياه ربي يجزاج الجنه مثل مامسحتي على قلبي صج اللي يشوف مصيبه غيره تهون عليه مصيبته ​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

الله يووفقج ياارب ويرزقج ومثل ما قالوا البنات كثري من الاستغفاار

تسلمين يالغاليه
وصاجه الأستغفار والدعاء مالي بد منهم ​

 

[تبطي عظم!]

ياحياتي ~

ليش تقولين جذي!!

الاستغفار له مفعول مثل السحر سبحان الله ~

استغفري دايماً حبيبتي وادعي الله سبحانه يحب العبد اللحوح بالدعاءء ~

وموفقه حبيبتي

انا وحده من الي استفادو من موضوعج حق تجهيز العرايس وربي دعيتلج لاني نفسج ماعندي خوات اكبر مني يفيدوني ~

 

[قطووه حلووه]

رد : أبي أفضفض ولا بنجلط تعبانه حييييييييييييل

:lolo: واااااااي فديتج قطوه متابعه ردودي بعد عمري أنتي :lolo:

لااااااا أبشرج تغيرت بفضل الله ثم بفضلكم

اليوم اللي كتبت موضوعي كانت صااااااااااااااااااااااكه فيني الدنيا وكنت أكتب وأنا أبجي ومنهاره وعقب ما قريت ردودكم ونصايحكم ارتفعت معنوياتي والله اني نقدت على نفسي وشفت مشكلتي تافه وصغيره غيري فقدوا أهلهم ولا الله بلاهم بمرض وراحت عافيتهم وأنا الحمد لله بصحتي وعافيتي وعندي أهلي اللي صارلي اني ماتوفقت وصكيت على نفسي بس كملت دراستي وأخذت الشهاده ذخر لي وقعدت بالبيت وعشت بذكرياتي الحلوه قبل الزواج ونسيت الدنيا والمفروض اني أشوف نفسي أطلع وأرد وأتعرف على البنات وأتوظف عشان تتعدل نفسيتي يوم قعدت من النوم ثاني يوم وأطلع أروح للبحر أتمشى تصدقين أني حسيت بطعم الحياه ماحسيت ان عمري 32 لأأأأأ حسيت ان عمري 22 سنه توني صغيره ولا ضاع من عمري شي بقدم على وظيفه وبرتاح والله يرزقني ان شاء الله كله بفضلكم ونصايحكم والله ماقصرتو معاي عسى ربي يجزاكم الجنه مثل ما وسعتوها علي :aha:​

ههههه اي افااا عليييييج بس

والله من كثر ماااااحااتيج فديتج

 

[جوري الغرام]

رد : رد: أبي أفضفض ولا بنجلط تعبانه حييييييييييييل

ياحياتي ~

ليش تقولين جذي!!

الاستغفار له مفعول مثل السحر سبحان الله ~

استغفري دايماً حبيبتي وادعي الله سبحانه يحب العبد اللحوح بالدعاءء ~

وموفقه حبيبتي

انا وحده من الي استفادو من موضوعج حق تجهيز العرايس وربي دعيتلج لاني نفسج ماعندي خوات اكبر مني يفيدوني ~

لااااااااااا حبيبتي فهمتيني غلط

أنا أقصد الاستغفار لاااااااااااااااابد منه مالي غيره اهوا والدعاء لان محد بينفعني غير ربي سبحانه وتعالى

ويشرفني اني ساعدتج بموضوعي عن تجهيز العرايس والله استانس لما اساعد احد لاني حيييييييييييييييل تعبت بتجهيزي ولا لقيت اللي يعلمني عشان جذيه احب اساعد غيري والله يوفقكم ان شاء الله ​

 

[أم الغاااالية]

الله يوفقج ويستر عليج ويرزقج ولد الحلال اللي يعرف قيمتج بس نصيحة توظفي وكثري من الاستغفار حبيبتي

 

[جوري الغرام]

رد : أبي أفضفض ولا بنجلط تعبانه حييييييييييييل

ههههه اي افااا عليييييج بس

والله من كثر ماااااحااتيج فديتج

بعد عمري انتي تسلمين ماقصرتي معاي عسى ربي يجزاج الجنه ونعيمها مثل ماريحتيني بردودج
ربي يوفقج بحياتج :hjy5jewf:​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

الله يوفقج ويستر عليج ويرزقج ولد الحلال اللي يعرف قيمتج بس نصيحة توظفي وكثري من الاستغفار حبيبتي

تسلمين يالغاليه ايه اكيد لاااااازم الوظيفه أدعولي بالوظيفه الزينه
والاستغفار شي عجيب ​

 

[غمزه وإبتسامه]

الله يعينج يارب دشي جامعه خااصه ادرسي

 

[جوري الغرام]

رد : رد: أبي أفضفض ولا بنجلط تعبانه حييييييييييييل

الله يعينج يارب دشي جامعه خااصه ادرسي

تسلمين على المرور :e3:
بالنسبه للجامعه الخاصه مفكره فيها بس ما أحب الدراسه حيل :eh_s(10): ودي أتوظف على الأقل أتسلى ​

 

[Killer^Girl]

الله يعينج ويفرج همج ويرزقج
لازم تشوفين حياتج وتعيشينها
غلط الي تسوينه بنفسج
الوظيفه تشغل وقتج وتكون لج علاقات اجتماعيه
يعني السالفه مو سالفه معاش بس
وحاولي تردين تتواصلين مع صديقاتج .. تخلصي من النفسيه السلبية والله يرزقج

 

[جوري الغرام]

رد : رد: أبي أفضفض ولا بنجلط تعبانه حييييييييييييل

الله يعينج ويفرج همج ويرزقج
لازم تشوفين حياتج وتعيشينها
غلط الي تسوينه بنفسج
الوظيفه تشغل وقتج وتكون لج علاقات اجتماعيه
يعني السالفه مو سالفه معاش بس
وحاولي تردين تتواصلين مع صديقاتج .. تخلصي من النفسيه السلبية والله يرزقج

عدل كلامج أنا غلطانه بطريقة تفكيري عزلت نفسي ورفضت الوظيفه وعشت على ذكرياتي الحلوه اللي قبل زواجي ومثل ماقلتي عشت بالنفسيه السلبيه وبالنسبه لي ان الحياه توقفت عندي يوم تزوجت لان ماشفت توافيق من طلاقي ..... وهالشي غلط × غلط:0bee2e8d89:​

بس اللحين لأأأأ بشوف نفسي وحياتي بعيشها مره فلازم أستانس بقدم على الوظيفه وأكون علاقات وأنسى الماضي وراااااااااااااااااااي ​

ويشرفني مرورج على موضوعي والله يجزاكم عني كل خير مثل ماريحتوني وخليتوني أتخطى الأزمه بسلام مثل مايقولون :ggdw:​

 

[متحديه ومتاكده]

رد : أبي أفضفض ولا بنجلط تعبانه حييييييييييييل

الله يعوضج ويفرج همج ياااااارب

 

[منيرة خالد]

الله يفرج همج ويرزقج الزوج الصالح

 

[جوري الغرام]

رد : أبي أفضفض ولا بنجلط تعبانه حييييييييييييل

الله يعوضج ويفرج همج ياااااارب

آمين :yaaaaaarb:​

 

[جوري الغرام]

رد : رد: أبي أفضفض ولا بنجلط تعبانه حييييييييييييل

الله يفرج همج ويرزقج الزوج الصالح

آمين :yaaaaaarb:
ويسلموووو على المرور ​

 

[مليت من الاسامي]

وبتدشين 33 ومطلقه ؟خير ان شالله شكوووو
توج صغيره ياقلبي والمطلقه شفيها لايكون كافره ولا فاجره
ياكثر المطلقات وعايشين حياتهم احسن عيشه وانتي مضيعه وقتج بتفكير وانا وانا
ورزقج او نصيبج يحوم بالسما بس مابعد يجي وقته ان شالله بالطريق قولي امين
وربي يوفقج ويسعدج بحياتج الباقيه يارب
بس انتي بعدي التفكير عن راسج هذا اهم شششششششششي ولا راح تتعبين
وان شالله ربي يرزقج الزوج الصالح قريب عاجل غير اجل يارررررررررررررررررررررررررررب

 

[ياشوقي للجوري]

رد : أبي أفضفض ولا بنجلط تعبانه حييييييييييييل

ياحياتي،، الله يوفقج ويعوضج خير ويرزقج بولد الحلال الي يهنيج ويريحج يااارب
وانت ياقلبي بعد لاتعلقين حياتج بالزوج عيشي حياتج لنفسج توظفي بشهادتج
وتعرفي على بنات جدد وكثري استغفار وهو الاهم وتقربي لله وادعيه
انسي الماضي وفكري تغيرين روتينج صدقيني اذا انت تبين تتغيرين
كل شئ راح يتغير ان شاءالله والله يوفقج حببتي مادري والله شنو كتبت
بس حيل اثرت فيني قصتج الله يريح بالي وبالج يااااارب

 

[* بنت المطر *]

رد: رد : رد: أبي أفضفض ولا بنجلط تعبانه حييييييييييييل

لا يا قلبي أنا 9سنين ونص مطلقه لما تزوجت كنت توني مفصوله من التجاري وزواجي دام شهرين بالضبط شهر و أسبوع عنده وبعدين قعدت عند أهلي 3 أسابيع زعلانه وبعدين تطلقت وعلى طول قدمت على الدورات الخاصه وكملت دراستي واللحين شهادتي دبلوم الحمد لله
وبالنسبه للزواج أكييييييييييييييييييد مو كله سعاده و وناسه لأأأ فيه مشاكل أنا أعرف هالشي بس والله غصب عني عمري ماشي بالثلاثينات ونفسي أحس بالأمومه وبخصوص الوظيفه أأأأأأأأأأأأأخ لو تدرين شكثر متحسفه على 6سنين من تخرجي من المعهد راحت هباء منثورااااا :flower:..... ان شاء الله بتوظفت وأتعرف على الناس والله يكتب اللي فيه الخير :bluesmclr:​

ترا انا كبرج حبوبه وتوني متوظفه ونفس حالة الندم اللي فيج بس ماينفع الندم احنا بشر نغلط ونتعظ من اغلاطنا

وغلطة الشاطر بالف _ الحين توظفي وداومي واستمتعي بكل لحظه بحياتج وشيلي موضوع الزواج من راسج

لاتحلطمين قدام الناس بينيلهم انج انتي اللي ماتبين اي واحد وانج شايفه خير وناطره النصيب الزين _ خليج ثقيله

بتعاملج وبلبسج وتصرفاتج وصدقيني ربج بيرزقج من حيث لاتحتسبين ان شالله والله يفج عوقج ان شالله

 

[حنان 1493]

رد : أبي أفضفض ولا بنجلط تعبانه حييييييييييييل

والله قطعتي قلبي الله يرزقك بالزوج الصالح يارب وأكثري من الإستغفار والدعاء