أبي أشتري غسالة صحون

[سلطة]

مرحبا أبي أشتري غسالة صحون ورمضان على الأبواب فبشنو تنصحوني واللي عنده الغسالة بكم شرتها وشنو ماركتها وما هي مميزاتها ومساوئها وجزاكم الله خير​

​

 

[اطياب طيبه.أم عبدالله]

والله رفيجتي تمدح غساله صحون خذتها من المستعمل تقول بحروه 50 دينار بس الماركه شنو ما ادري بصراحه

 

[جلاديلياس]

عند الغانم حبيبتي حلوين وموغاليين ويوريكا ارخص بعد

 

[سلطة]

شكرا على المرور بس أبي اللي عندها ومجربتها تعطيني من تجاربها

 

[Too Faced]

غسالة امي ماركة lg ما اذكر سعرها بس ماكانت غالية
تقول قوية وحلوة وتغسل كل شي عدل من قلاصات وصحون وجدور ومقالي
بس لازم تتعلمين عليها عدل يعني بين فترة وفترة محتاجة ملح جنه وجذي يعني خلي الي يركب لج الغسالة يعلمج عليها
فيها اكثر من برنامج وكل برامجها حلوة وسهله
تستحمل وماتخترب بسرعه والمصلحين ملوت lg نفسيتهم زينة وتصليحهم تمام مومثل الغانم
بس عيبها الوحيد انها تشلع الالوان من الاستكانات المذهبة وجذي .. مو اي لون لأ بس الي يكون عالاستكانات والقلاصات الي فيهم لون ذهبي وفضي .. يعني استكاناتج امذهبة وهالسوالف خافي عليهم من الغسالة لانه من قوة تنظيفها تشلع اللون الذهبي ان شاء الله وصلتج الصورة
بس هذي كل معلوماتي عن الغسالة وامي صارلها تستعملها تقريبا 5 سنين اذا مو اكثر ولله الحمد مرتاحة عليها وايد وايد

 

[حروف من ذهب*]

اب لعيونج

 

[بيت التوت]

لاحو ولاقوة الابالله


عندي ماركة ويربل غسالة صحون وغساة ملابس فول اتوماتك والنشافه الحراريه


غسالة الملابس فول اتومتك ماااااااااا أنصحكم فيها كلش سيئه وماتنظف

والنشافه الحراريه اتوخر ريحة التايد والكومفرة وتقصر الملابس لازم احد ايعرف لها ابصراحه حلوه وموحلوه


وغسالة لصحون رووووووووووووووووووووووووووووووووعه روووووووووووعه بس للقزاز مو للمعادن

يعني السكاكين اتخرب حدتهم

لجدور ماتغسلهم واذا غسلتهم ماتنظفهم مريحه للقلاصات والصحون القزاز بس

اتلمع وتنشف خيااااااااااااااااااااال قلت لج اعيوبها ومزاياها

ولها ملح خاص لازم كل شهرين ثلاث اتحطين لها ملح يعني مثل { السياره لازم اتبدلين لها الزيت }