أبي أحمل! أبي طفل! :(

[قرة عيونه]

انا نفسج ماحملت الا بعد 7 شهور ومن ثالث شهر حسيت ودي احمل

والحين الحمدلله يارب حملت بس قاعده اقول خيره لي وصج متنت وجسمي تغير ومنقهره لاني مو قادره اكشخ فقلت زين ماحملت وانا توني شهر شهرين كان مامداني اكشخ

فانتي عروس توج اخذي حقج واستانسي وان شاااااأء الله يارب تحملين هالشهر وتفرحين انتي واهلج

وصدقيني 6 شهور طبيعي لي صارلج سنه او سنتين هني ممكن تخافين

انا ماقدر انصحج نصايح معينه بخصوص دورتج احسن شيء تسئلين دكتوره مختصه وهي اكيد تعرف اكثر مننا وبتفيدج

وعليج بالدعاء واستغفري ع طول والله يرزقكم يارب

وع فكره انا ماحملت الا لما نسيت سالفه الحمل لاني سافرت بعدين جا رمضان ولهيت فشوي نساني مالقيت نفسي الا حامل الحمدلله

نصيحه انسي سالفة الحمل وعيشي حياتج واستانسي توج عروس

 

[shak!shoka]

يارب يا كريم يرزقج بطفل سليم معافى يملي عليج حياتج انتي وكل انسانه تتمنى الذريه يااااااارب

 

[! Miss.Q8 !]

تو الناس بس علشان تطمنين روحوا فحصوا وشوفوا اذ في خلل في احد فيكم

وبعدها لا تحطين ببالج الموضوع وان شاء الله بتحملين

 

[basma81]

السلام ... روحي دكتورة نساء و ولادة و سوي تحاليل منها الدرقية و هرمون الحليب و هرمونات ثانية و ن شاء الله خير

 

[* Snow White *]

حبيباتي انتوا والله .. يزاكم الله الف خير على هالكلام والدعوات الحلوه الله يوفقكم

رحت انا وريلي حللنا .. انا مصدومه طلع فيني غده الدرقيه خامله وعطاني علاج استمر فيه مدى الحياة
وريلي طلع فيه التهاب بالسائل المنوي وعطاه مضادات ابر وحبوب عشان يروح الإلتهاب

اسال الله العظيم رب العرش العظيم ان يشفينا ويشفي جميع المسلمين ويرزقهم بالذرية الصالحة آمين
الحمد لله على كل حال وانصح كل وحده اتجيك امبجر اهيه وريلها لان الدكتور قال اذا احد طول جذي بيتاخرون وايد وايد على الحمل وساعات يسبب عقم للرجل ... الفحص المبكر افضل

 

[انتيكا]

توج حبيبتي لاتفكرين وايي من ربه بعد السنه روحي راجعي

 

[noshii92]

الله يشافيكم ويرزقكم ويرزق كل محروم بالذريه الصالحه

 

[maryamii_91]

الله يشفيكم يارب ويرزقكم بذريه الصالحه

 

[أم مهره وميثاء]

انا قلت كملتي 5 سنين..
توج ماكملتي حتى سنه

 

[برنسس أوراق]

أنا لي ست شهور من زواجي
وأتمنى أحمل
وأنا وزوجي حمدلله مافينا شي
بس متطمنئة كل شي من الله سبحانه
ويمكن ذنوبنا تمنع عنا الخير
يارب تغفر لنا
قولوا امين

 

[البابانه توته]

حبيبتي تاخر الدوره اعتقد هذاااااا بسبب تغير الهرمونات عندج بعد الزواج
والسبب الثاااني من التفكييييييير

لاا تفكرين كلش بالموضوع وصدقيني راح تحملين
لانه تراا النفسيه تلعب دووور مهم

وبعدين حبيبتي تووو النااس احس بعد ماااستانستي مع ريلج سفرات روحات ييااات
لانه البيبي ترا بقيد فتره طويله

استانسي ولا تفكرين

 

[خوخه89]

استانسي بالطول وبالعرض وكوني حره نفسج انتي وزوجج شلج بعوار الراس والصياح

انا بعد تاخرت ٨ شهور وكنت ابي الحمل نفسج

والحين ودي ارجع حره مثل قبل

 

[qoot]

الله يرزقج يارب ويرزق كل محروووم


كرري هذا الدعاء ربي لاتذرني فردا وانت خير الوارثين

وعليج بالاستغفار

 

[فطمطم]

حبيبتي
اكثري من قول هذا الدعاء
ربي لا تذرني فردا وانت خير الوارثين

 

[كنووز]

الله يرزقج الذرية الصالحة

عليج بالدعاء والصدقة وراجعي استشارية متخصصة
وعموما لغاية السنة الدكاترة يقولون ان التأخر يعتبر طبيعي
ولا تحاتين القلق يأخر الحمل والله اعلم

 

[тεķάηαн]

عادي بنات كل وحده تختلف من تتزوج
في بنات ماشاءالله على اول شهر تحمل هاذي ماعندها مناعه طبيعيه ~
وفي بنات عندهم مناعه وتختلف من وحده لي الثانيه - شهر شهرين ٦ ، ٨ ، سنه !
هاذي اللي سليمه ومافيها اهيا و ريلها شي ..
فاحسن حل انج تتوكلين على الله و ماتفكرين
وشسمه بعد الجماع للي تبي تحمل تظل منسدحه على ظهرها جذي عشر دقايق او ربع ساعه
بعدها تقوم تغسل ، والله ما اخر لج شي الا فيه خيره ، والله يشافيج حبيبتي ويرزقج باقرب وقت

 

[* Snow White *]

بيييه شخباري الموضوع ... صارله ٤ سنين، يعني صارلي ٤ سنين متزوجه انا وللحين ماعندي يهال
طبعا حملت بعد الموضوع هذا بسنه طبيعي واجهضت كان كيس حمل وبعدين فحصنا وانا طلع فيني غده وتكيس

حملت ثاني مره عقب سنه ونص كلوميد واجهضت
بعدين خذيت منشطات بعد الاجهاض ب ٥ اشهر وحملت ثالث مره بتوام بنت وولد وولدتهم بالسادس وتوفوا بالحضانه بعد الولاده
بعدها ب٤ اشهر هم حملت رابع مره بعد المنشطات والكلوميد توام وسليمين بالشهر الثاني وقف نبضهم واحهضت

الى الآن انحاول .. ادعولي الله يفرجها علي .. تعبانه

 

[++MesK++]

ya 7yaty enty 3warty galby allah yrzgsh b agrab wagt

 

[Q6RYA]

اقتباس:
المشاركة الأصلية كتبت بواسطة * Snow White *
بيييه شخباري الموضوع ... صارله ٤ سنين، يعني صارلي ٤ سنين متزوجه انا وللحين ماعندي يهال
طبعا حملت بعد الموضوع هذا بسنه طبيعي واجهضت كان كيس حمل وبعدين فحصنا وانا طلع فيني غده وتكيس

حملت ثاني مره عقب سنه ونص كلوميد واجهضت
بعدين خذيت منشطات بعد الاجهاض ب ٥ اشهر وحملت ثالث مره بتوام بنت وولد وولدتهم بالسادس وتوفوا بالحضانه بعد الولاده
بعدها ب٤ اشهر هم حملت رابع مره بعد المنشطات والكلوميد توام وسليمين بالشهر الثاني وقف نبضهم واحهضت

الى الآن انحاول .. ادعولي الله يفرجها علي .. تعبانه

حبيبتي الله يرزقج الذرية والحمل المتعافي كثري من الاستغفار ولاتحاتين الله الرازق انا لي بنت عمه متزوجه قبلي يعني تقريبا صارلها 8 سنين الحين, كانت تحاول احملت بتوم مره واجهضت والحين الحمدلله عندها ولد عمره شهور الله كريم حبيبتي واشغلي نفسج باي شي توظفي والا كملي دراستج هالفتره​