السلام عليكم ورحمه الله وبركاته
اولا اشكر صاحبه الموضوع عساج للجنه يارب وكل انسان وقف معنا عسى بواب الجنه تنفتح له
ثانيا اقسم بالله الكريم انكم يا اهل الكويت والسعوديه نحبكم لله في الله لاطمع بفلوس ولاشي اللهم لك الحمد على الصحه والعافيه
بس ابي اعلق علي تقول انها مع الشعب المسالم وانها تستنكر الانفجارت اللي صارت بحي الميدان
ياعمري اولا مافي شي بسوريا اسمه عصابات ارهابيه ولو صج في اتأكدي مليون بالميه ماخلوا كل هالمجازر تصير وكانوا سووا اباده للنظام والطائفه العلويه والانفجارت هذا نظامنا ونعرف اكثر من اي انسان
انا من حمص وبالتحديد من (بابا عمرو)يعني المنطقه الملتهبة بسوريا واللي راح نص شبابها وانخطفوا بناتها واللي عاشوا اهلها اسابيع بدون لاماي ولاكهربا ولا خبز ولا اتصالات ومع هذا الناس كان مطلبها واحد واهو(يا الله مالنا غيرك يالله)
انا بفتره الحصار اعتقلوا اخوي الوحيد والله العظيم لاني بعيده عنهم صار معي انهيار لأن اللي يدخل على الافرع الامنيه بالنظام مايطلع واذا طلع يكون رب العالمين يحبه وفعلا اخوي طلع بعد فتره بس مافرحنا والله بعد جم يوم ولا اخوي تخلي (اصابه برصاصه دخلت من الكتف طلعت من فوق الكوع+رصاصه بالخصر+15 شظيه بظهره من قنبله مساميره )
ربي يشهد لاناكل ولانشرب من خوفنا نفقد اخونا الوحيد والحمد الله رب العاليمن ربي سلمه وكتب له عمر للعلم مايقدرون يتعالجون بمشافي خاصة او عموميه بس بعيادات داخل البيوت وين صار هالشي وبااي نظام؟؟
وعشان جذيه احنا مانبي شي الا النصر من رب العالمين والدعاء لنا وربي عندي معلومات على مدينه حمص شنو راح يصير فيها بعد 15 يوم بس تعبت من الكلام
واللي حابه تعرف اكثر وتكتشف كل اللي قاعد يصير بسوريا هذي صفحتي بالفيس بوك بس ادخلوا الصفحة الرئيسه وتلقون يمكن اكثر من 30 تنسيقه مشتركه معهم عشان الاخبار والمعلومات
http://www.facebook.com/profile.php?id=100002898740970&ref=tn_tnmn
