أبوي الله يهديه

[مررراليم]

مرحبااا بنات ... عطوني رايكم وفيدوني من تجاربكم وخبراتكم
ابوي فديت عمره ورث من جدي الله يغفر له , المهم تعبنا معاه طبعا بالزين انا والوالده
نقنعه ان يشتري أملاك ويأجرها عشان يحافظ على الحلال ومنها يستفيد مثل ماكان جدي
معيشهم في خير ونعمه ’ لكن الوالد الله يسامحه مخليها في البنك
ولا شغلها , بس يصرف منها بهبل على السيارات والسفر
ويسلف ربعه بمبالغ خياليه , والله ان الوالده تعبت وهي تكلمه
كل رده عليها انا مااحب عوار الراس والمستأجرين , كيفي انا حر بفلوسي ,
ش الحل معاه ؟؟ هالشخصيه شلون نقنعها ؟
والقهر ان ربعه كلهم اصحاب املاك و تجاره ... الا الوالد جدا كسول
يحب الراحه والرفاهيه والربع درجه أولى بحياته , مع أنه مايقصر علنا بشي
واحنا خايفين على الحلال .. بيضيعه ولا بيترك لنا شي للزمن .​

 

[سارونه الامورة]

لا انصوحه قولوا له جدي الله يرحمه تعببببب فيهااااااااااا وحرااااااااااااااام تضيع كذا هباً منثورا

قولي له اشتر تريلات تعرفينها السكس اللي قيمتها 120 الف وكذا خليه يشتري 3 او4 ويدخلها شركات مضمونه وكل شهر

يجيه 10 الاف يمكن يتخسر في صلاحها وراتب العاامل قلنا 3 الاف يعني يصفى له 7 الاف على التريله الوحده ونصيحه خليه بعد

يشتري اراضي زراعيه ترىى بعدين يبيعها بالملاييين ولا ياجرها ويستفيد منها ويشتري اراضي ويسوي محلات حاولي فيه انتي

وامكِ وخواتكِ وخوانكِ وكثر الدق يفك اللاحم على قولتهم .......... وبالتوفيق​

 

[قسوة الزمن]

يالله الحمد لله لا تحاتين ما بيضيع الحلال

 

[ام كوثر2007]

المشكله مع انواع ابوج الرد الوحيد اللى بيرده عليكم بيقولكم فلوسي وفلوس ابوي وانا حر فيها مالكم شغل فيها


عسى الله يهديه ان شاءالله

 

[كويتية222]

طيب خل الوالده تطلب منه مبلغ كبير شوي وتقوله ابي ادخل فيهم تجارة وربي يهديه

الفلوس مردها بتخلص واللي تعب فيهم يدج اهو بيبعثرهم بسنة ​

 

[شذا الياسمين]

حبيبتي قولو له انه اذا اشترى عمارة للاجار يخلي مكتب أو شخص يثق فيه يمسكها هو اللي يتعامل مع المستأجرين ويحل مشاكلهم ويسلم ابوج الاجارات وياخذ نسبة بسيطة وهو يضل مرتاح ..

 

[بنوته كيكه]

اوكي خلاص مايبي يشغلها ثل اخوي قاعد يسويها مبلغ عشرين الف وحطها وديعه في البنك وكل سنه ربحه اللفين وخمس اميه
وكل مازاد الوديه ازاد الربح وخلاص اهو قاعد ماشاءالله اهذا اخوي قاعد مرتاح فيها علشان الايام محد يردي فيها

 

[ملاذ]

لو تاخذون انتي وامك مبلغ وتشوفون لكم مشروع مضمون احسن

انتي قلتي انه يسلف ربعه .. خله يسلفكم ,,

او خلوه يجرب يشتري عماره شقق ويشوف لمدة سنه اذا فيها تعب يبيعها ..

انتي فهميه ان الفلوس بتقعدون تاخذون منها وفي الاخير بتخلص وانتم مااستفدتو شي ؟

لو على الاقل يشتري عمارتين لك ولامك ,, تستفيدون منها بعدين ,

 

[تاجره طموحه]

اوكي خلاص مايبي يشغلها ثل اخوي قاعد يسويها مبلغ عشرين الف وحطها وديعه في البنك وكل سنه ربحه اللفين وخمس اميه
وكل مازاد الوديه ازاد الربح وخلاص اهو قاعد ماشاءالله اهذا اخوي قاعد مرتاح فيها علشان الايام محد يردي فيها

عزيزتي هذا ربا
حراااااااااام

 

[روانتي 12]

خوذ مبلغ من الوالد كبير شوي و تاجرو فيه

 

[مررراليم]

فديتكم ياكويتيات والله انكم كفو :eh_s(15): ماهقيت تردون علي والحين حزة عيد
والكل لاهي .....
سارونه الاموره ..وقسوة الزمن .. وأم كوثر .. وكويتيه 222 .. شذا الياسمين
بنوته كيكه .. ملاذ
اشكركم من كل قلبي
والله ان ماقصرنا فيه .. حتى الوالدة قالت له بشاركك بمبلغ ونشتري عماره
وان هي بديرها وانت مالك شغل فيها وعيا عليها :eh_s(16):
بس ربي يهديه ونلقى له حل
وسارونه حبيبتي اقتراحج حلو وراح اقول له عن فكرة لتريلات
وفديتج الوالدة مثل ماقلت لج واجد اقترحت عليه بشغلات
وشذا حبيبتي اقتراحج هو المطلوب وهو الي نبيه يسويه ولا بطايعنا
والله ان تعبنا معاه وصار يعصب علينا :eh_s(11):
ولا نعرف ش الحل معاه​

 

[مررراليم]

تسلمون ياقلبي .. تاجره طموحه .. روانتي .. اشكر لكم ردكم
فديتكم مايرضى ان يعطينا لاي مشروع لاالوالده تعرف بالتجاره ولا انا
وخاصه اني مازلت طالبه بالجامعه ولا عندي وقت ولا فكره للمشاريع
وانا لكبيره .. واخواني صغار بالمدارس​