أبوج بيحضر عرسج ..؟؟

[عشيقة ريلها]

اي والله ذكرياااااااات مستحيل ترجع

 

[أساور]

طبعا ماازيد على كلام البنات كفو ووفو
احنا عندنا لازم كل اهلنا يدشون مع المعرس
والعكس عندكم اذا الابو مايا راح يسالون الناس ... يمكن مو راضي على الريال او الزواج!!
ولااااااازم كل الرياييل القراب ( الخوال والاعمام) ايون عرس الرياييل على الاقل لانهم اذا مايوا بدون عذر معناته عند الناس مو راضي او زعلان

 

[جوري الغلا]

مراحب عالجميع,,,,
حبيت اعلق على الموضوع اخت خشف تقول انه الكويتين مو مثل السعوديين كل قبيله لوحدها من قالك هاذي المعلوومه الغلط مليوون بالميه مافيه عندنا منطقه محكوره على قبيله معينه وتقريبا العاادات والتقاليد واحده بالذاات للبدو عندنا,,,
يمكن يكون فيه اختلاف بسيط في اللهجه بس مانقدر نقول انه كل قبيله بعيده عن القبيله الثانيه بلعكس لو تمشين على اي منطقه انتي تبينها بتلقين بالحي الواحد اكثر من قبيله فيها,,,,فابليز اختي لو ماكان عندك معلومات اكيده لاتتكلمين على قبايل السعوديه وكأنها بعيده عن بعض وكل قبيله عاايشه لوحده,,,
وعلى فكره كل رجال قبايل السعوديه سواء حضر ابو بدو يحضرون زوجات بناتهم ويبلسون البشوت ويعزمون ويتصورون ويدخل مع العرووسه ويرقص معها,,,
مجرد وجهة نظر,,,,,,,

 

[نـور الكويت]

لا أنا أبوي ما دش بعرس خواتي خخخ والله عيب إحراااااااج

وماراح يدخل معاي بعرسي ((إن شاءالله )) مدري أحس إنه عيب واحراج الصرااحه

 

[Mišš Pєrfєctioη]

بصراحه الله يعينها الي اهلهاا جذي @@

جنه ما يبونها داخله بروحها للصاله وابوها ما يحضر ليش يتيمه والا متبرين منهاا؟؟

الله يهدي هالاهل الي جذي لوووووووووول

أختي هذا شي عادي عندنا والبنية عارفه هالشي وماتتشره على أبوها لأنه هذي العادات

ويعني الأبو مايصير العزوة الا لمن يدش بالصالة ؟ :eh_s(6):

وهذي أشياء متأصلة في الأهل صعب تغييرها :dddds:​

 

[كندية]

لالالالالالالالالالالالالالالالالالالالالالالالالالالالالالالا اول وااحد يدخل...لا واحناا هو يدخل العروووس..يعني مسوينه حركه كويتيه كنديه هههههه...ابوي شلوون ماايدش مع الريايل....

احنااا الابوو يدخل مع المعرس وابوووه...وطبعاا عمام وخواال العروووس لازم والخواان....يبه هذاا عرس....الكل لازم يكوون موجود.....انا ماحب ساالفة ان والله جنه مو مصدق ان بنته تزوجة شساالفه..ابوووي ماايدخل العرس..والله اعفسهاا عليهم وماادخل الصااله ...

حديييييييييييي عصبت ههههههههههه

 

[المونليزه]

لا حبيبتي انا ماراح يدخل ابوي معاي بس اصور معاه بالبيت وبس

 

[{}{}{ سكرة }{}{}]

بالنسبة لأبوي


بس بروح عرس الرجال يسلم ويطلع جنه الغريب هههههههههههههههههههههه حتى ما يتصور زعلان على فرقاي


واخواين بدخلوني احنا في قبيلتنا لازم الاخوان يدخلون العروس عرف عرف يسلموني لهم


بس ابووي ما يجي صوب صالة الحريم كلشششششششششش

 

[غنوة ستايل]

حنا يوم زواج خواتي ابوي ما حضر لا عرس ولا شي ... بس يوم العشا كان موجود الله يرحمه
بعوايدنا بعرس البنت ما يحضر ابوها .. و امها تكون راكده ساكته مو مستانسه شاقه الابتسامه ترقص بناتها ؟ ما عندنا السوالف هذه
والزينه بس على بيت الرجال
الحرمه شكو حاطه زينه في بيتهم ؟؟؟ حدها تسوي حفله حق الجيران . و دي جي عشان يستانسون باليوم هذا وتونس خواتها و امها ..
بس يوم العرس للرجال فقط ... خواته وامه واهله يستانسون فيه ..

 

[غيدآء]

بصراحه اول مره اشووف جذي مع اني بدويه

 

[غنوة ستايل]

اي نسيت ويوم عرس اخوي .. كنا حنا اصحاب العرس .. يعني حنا اهل العرس وكان اول عرس نتزعمه .. ( اول اخو يتزوج عندنا ) و حنا تبارك الرحمن 9 خواااااات وكله بس ننعزم على عروس ما نتحرك .. المره هذه لا صرنا حنا الزعيماااات
العروس واهلها ضيوف ما لهم بشي ..
اللي دخل مع العروس بس خواتها .. و حنا رحنا خذيناها من بيتهم .. بعد ما اهي صورت واستانست مع اهلا رحنا خذينها
طبعا اللي يروح خوات المعرس الكبار حيل . و عجايزنا
ويوم دشوااا انطرت العروس شوي . بعدين دشت مع اهلها و امها وخالاتها و خواتها ...

ويوم دش اخووووي دشت معاه القبيله كلها ... عمامي .. وعيالهم .. و رياجيل خواتي من عيال عمي
طبعا ريلي انا غريب مستحيل يدش . وريلي اختي اصغيرة نفس الشي غريب مستحيل يدش .. بس عمامي وعيالهم اللي دشواااااا
طبعا يكون في تنبيه عشااان اللي قالع راسوا يلبسو
دخلوا المعرس وصورتين و طلعوا كلهم وتم المعرس برووووحه ...
ذكرتوني ..
ااخوي كان يبي يسوي مفاجأة للعروس .. قال اول ما ادش .. خلي الطقاقه اطق اغنيه عراقيه اسمها ( ساعة السودا يوم عرفتك ) واحد من ربعه قال له سوي فيها مقلب !!!!!!!
بس طبعا حنا ما رضينا !! شكوووووووووووو تصير هووووشه يعني ما يبيها اتدلع عليه
واهوا ماخذها يموووت فيها عسى الله يوفقهم ويسخره لها يارب

 

[بنت زايـــــد]

طبعا ماازيد على كلام البنات كفو ووفو
احنا عندنا لازم كل اهلنا يدشون مع المعرس
والعكس عندكم اذا الابو مايا راح يسالون الناس ... يمكن مو راضي على الريال او الزواج!!
ولااااااازم كل الرياييل القراب ( الخوال والاعمام) ايون عرس الرياييل على الاقل لانهم اذا مايوا بدون عذر معناته عند الناس مو راضي او زعلان

اساور حنا شراتكم..عادي عنا يدخل ابو العروس مع المعرس واخوانها وخوالها واعمامها...ومرات يغطون العروس ويدخلون اخوان المعرس...
وهالشئ عند البدو والحضر ماشي فرق​

 

[على وجهها سمة الأبرياء]

وااااااااااي فديته ابوي

الا يحضر عرس الرياييل ويرتز بالعرس مافيها شي

اصلن عندنا عيب اذا ماحضر عرس بنته <<< جنه موراضي على الزواج وزعلان

وبالنسبه لعرس الحريم يدخل مع المعرس ويسلم علينا ويصور ويطلع


وسلامتكم

 

[فاتنه]

انا غير عننكم اول شي لان عندنا الزواج اهل البنت وابوها اهم الي يسوونه فاكيد بابا راح يكون بصالة الرياييل اما عن دخلته الصاله ممكن يدخل مع المعرس ويطلع عادي بس يحضر الزواج ويدخل المعرس على بنته وسهالااات بس العيب عندنا اخوانها وابوها يعرضون ولا يرقصون ولايبينون انهم مستانسين لوووووووووووول بيوم زواج بنتهم وتسلمين على الموضوع الحلوو

 

[MaZaji CoOL]

.
.

أولآ : أنا أووووول مره أسمع هالسااااااالفه ....!!!!! ومو قادره أستوعبهااا ...!!!


ثانيآ: الابو المفروض يفرح لإن بنته طلعت من عنده بالحلال .. مو بسواد وجه ..عشان يتصدد ومايحضر العرس....!!!!!
يعني البنت ماسوت غلط .. والابو نفسه مزوجها .. ليش هالحين يصد؟؟؟؟
المفروض أول واحد يفرح لها .....!!
وماله داعي يكتم ويـخش الفرحه...!!!!!!

مثل مايفرح لولده المفروض يفرح لبنته بعد ....!!
وبعدين هالعاده مالها أساس بالدين ولا بلإسلام ... فليش يستمرون عليها ..!!!

احنا بدو بس ولامره سمعت هالسالفه ...!!!!
.
.

 

[@@ Strawberry @@]

.
.

أولآ : أنا أووووول مره أسمع هالسااااااالفه ....!!!!! ومو قادره أستوعبهااا ...!!!


ثانيآ: الابو المفروض يفرح لإن بنته طلعت من عنده بالحلال .. مو بسواد وجه ..عشان يتصدد ومايحضر العرس....!!!!!
يعني البنت ماسوت غلط .. والابو نفسه مزوجها .. ليش هالحين يصد؟؟؟؟
المفروض أول واحد يفرح لها .....!!
وماله داعي يكتم ويـخش الفرحه...!!!!!!

مثل مايفرح لولده المفروض يفرح لبنته بعد ....!!
وبعدين هالعاده مالها أساس بالدين ولا بلإسلام ... فليش يستمرون عليها ..!!!

احنا بدو بس ولامره سمعت هالسالفه ...!!!!
.
.

اختي الله يهداج بس اشهالكلام شنومو بسواد وجه الله يهداج على هالمصطلحات حبيبتي اكيد الابو بيفرح لبنته وموهاين عليه فراقها لكن هذي عادات وسلوم اهلنا الاولين

 

[خشف المطران]

بنااات

هااي الاختلافااات بسبب اختلافات العادات والتقاااليد والعوااايل

وكل واااحد ع البيئه اللي تربى فيها

يعني اللي يدخل مو غلط واللي ما يدخل مو غط وطبعا كل واحد ع حسب تفكيره


بس اللي ابي ولا نبي نفهمه لييييييييييش عيب

وايد من البنات ما فهموو

ولا انا بعد فاااهمه ليش عيب

؟؟؟؟؟


احنا عندنا ف عيلتناا ناس يدخلوون وناااس ما يدخلوون

بس ليش عيب

أنا أقولج .. ياقلبي ... ليش عيب ...

طبعا ..لو تسألين .. أي أحد ليش ما يصير حضر عرس بنته ,.. بيقوللوج .. ليش مستانس ..؟؟

مو مثل ما قالو البنات .. ( بيفتكون منها ).. محد يفكر إنه لو يجي عرس بنته بيفتك منها .. ليش بتهاجر .؟؟


المقصد .. إنه تعرفين بليلة العرس .. شيصير بين الرجال وحليلته .ومعروف أول عالأقل عندنا يالبدو .. إنه الرجال ما يلمس مرته إلا بليلة عرسها.. يعني مو نفس بعض العوايل.. يطلع و يجي وياها .. وممكن بليلة عرسها حامل بعد .. عادي ..


. اللمهم ..شقلنا .. الرجال لو زف بنته .. يعرف إنه بهالليله .. بيصير وبيصير وبيصير ...


فمو حلوه .. يكون ( مستانس ) .. وأهو يزف مرته .. حتى لو قلتلكم ..قبل ( حليلته وأهو حليلها ) ....


يعني أمانه .. يزفها لرجلها ... . وهي تضحك و أهو يبتسب .. ومتشقق ... و أهو يطري فباله .. مجرد .. فكره .. لانه أكيد .. مو إحتمال. . بيصير.. ( .. ) ...

موحلوه كلش ...


عشان جذي أحس .. إنها .. فشله .. الأبو .. بيكون مو مرتاح ..


وهذي فكره .. ووجهة نضر أحترمها ..
وتربينا عليها ...


المهم ...سالفه بيفتكون منها .. . كلش كلش.. مو إهي المقصد ..

ومو حلوه .. لما يعلق زينه . يجون جيرانه يقلون . ها شعندكم ... الشحكه شقاقيه .. يقولهم .. والله عرس بنتي .. <<< عيب عندنا ينقدون عليه جيرانه .. ويروح دوانيتهم يمصخرونه و يتطنزون عليه ...

 

[el3aNoOoNa]

خشف والله تووني ادري

امممممممممممم اهو صح كلامج
بس ياربي هم مادري اشلون يعني ياربي شيء غريب والله

 

[kandora]

@@!

 

[غيدآء]

أنا أقولج .. ياقلبي ... ليش عيب ...

طبعا ..لو تسألين .. أي أحد ليش ما يصير حضر عرس بنته ,.. بيقوللوج .. ليش مستانس ..؟؟

مو مثل ما قالو البنات .. ( بيفتكون منها ).. محد يفكر إنه لو يجي عرس بنته بيفتك منها .. ليش بتهاجر .؟؟


المقصد .. إنه تعرفين بليلة العرس .. شيصير بين الرجال وحليلته .ومعروف أول عالأقل عندنا يالبدو .. إنه الرجال ما يلمس مرته إلا بليلة عرسها.. يعني مو نفس بعض العوايل.. يطلع و يجي وياها .. وممكن بليلة عرسها حامل بعد .. عادي ..


. اللمهم ..شقلنا .. الرجال لو زف بنته .. يعرف إنه بهالليله .. بيصير وبيصير وبيصير ...


فمو حلوه .. يكون ( مستانس ) .. وأهو يزف مرته .. حتى لو قلتلكم ..قبل ( حليلته وأهو حليلها ) ....


يعني أمانه .. يزفها لرجلها ... . وهي تضحك و أهو يبتسب .. ومتشقق ... و أهو يطري فباله .. مجرد .. فكره .. لانه أكيد .. مو إحتمال. . بيصير.. ( .. ) ...

موحلوه كلش ...


عشان جذي أحس .. إنها .. فشله .. الأبو .. بيكون مو مرتاح ..


وهذي فكره .. ووجهة نضر أحترمها ..
وتربينا عليها ...


المهم ...سالفه بيفتكون منها .. . كلش كلش.. مو إهي المقصد ..

ومو حلوه .. لما يعلق زينه . يجون جيرانه يقلون . ها شعندكم ... الشحكه شقاقيه .. يقولهم .. والله عرس بنتي .. <<< عيب عندنا ينقدون عليه جيرانه .. ويروح دوانيتهم يمصخرونه و يتطنزون عليه ...

@@

بصراحه .. لا تعليق