السلام عليكم ورحمة الله وبركاته
شلونكم حبيباتي الأبلااات ؟ .. مبروووووووووووووووووووك العطله .. الله يهنيكم فيها آآآميييين
أبي آراءكم بالأسئله التاليه :
تنصحون الوحده تصير أبله ؟ شنو مزايا وظيفة التدريس بنظرج ؟
وشنو أحسن مرحله تدرسينها ؟
وشنو أحسن تخصص من ناحية التدريس ؟
السلام عليكم حبيبتي
انا عمري ما فكرت اصير ابله بس القدر خلاني اصير ابله بس عشان الانتخابات على حظي ماتوظفت المهم انا برد على اسالتج من خلال تجربتي بالميداني المهم :
انصحج تصير ابله انا ابلة بدنيه وليش اني احب الرياضه دشيت هذا التخصص وللعلم ترا احسن دكاتره ملوت البدنيه والباجي الاقسام تلقين يمكن اثنين ثلاث وهذا انا عرفته من بنات الكليه كانوا وايد يتشكون ياقولون حظكم بنات البدنبه المهم مميزات المدرسه بنظري اول شي انه في عطلات \ معاشج حلو \اذا تزوجتي عندج 3 شهور وايام عطل تجابلين فيها زوجج ههههه
\ واذا صار عندج عيال اداومين وتعطلين معاهم شي حلو \ اخر شي والاهم ان حسناتج عند رب العالمين وااايد ولج احترام من الكل \ واذا كنتي عزوبيه اييلج معاريس وااااايد هههههههه لان اغلب الرياييل يبون ابلات الحين هههه .
احسن مرحله عندي الابتدائي لان تقدرين تتحكمين فيهم ويحترمونج ومالهم لسان يخافون منج وتقدرين تضبطينهم واهم شي انج ااذا علمتيهم الشي الصح يتم ببالهم طول العمر لان الياهل مثل العجينه تشكلينه مثل مايبي .
احسن تخصص انا عندي البدنيه لاني احب الرياضه صج المدرسه تكون فوق راسج وترا في وايد شغل غير الادوات والابتكارات الي يطلبونها بس بالنسبه لي انا استانست بالتدريس لان الحصه حلوه صج تعطين منهج وادرسين بس وناسه هم تلعبين .
انا طولت واسفه بس حبيت افيدج واخر شي بقوله ان تخصص البدنيه اشوفه احسن لان طول ماتدرسين في مواد عمليه وايد يعني راح تضعفين موبس جذي طول الاربع سنين راح يكون جسمج قوي وصحتج زينه لان تلعبين واايد .
واسفه على الطواله
