أبلات العربي معقووووله؟؟؟

[الجود دهن العود]

خواتي انا معلمة رياضيات بس المشكلة بنتي اولى ابتدائي اليوم ردت وعليها واجب عربي تخيلو شنو ؟؟




سبعة حروووف من أ الى خ



بدون مقدمات ةلانقط ولاشي !!


وبعدين توها ماتعلمت على مسكة القلم عشان تقعد تكتب الاحرف ؟!!




تهقون تبي تأسسهم ؟؟ بس المفروض تاخذ حرف حرف ؟


ولا اقدر اروح اسالها لان اولا انا مدرسة صبيان وبعيده عنها

مادري فيدوني اذا انا غلطاانه ؟؟

 

[& ام سلمى &]

يؤيؤ لوتشوفين خامس الله يستر والله ويعينها عليهم

 

[الجود دهن العود]

رد : أبلات العربي معقووووله؟؟؟

خامس عادي كبار مو مشكله تقويهم وتكثر عليهم بعد لان حتى احنا بالرياضيات نعاني منهم مايعرفون يكتبون الاسم اللفظي بسبب ضعفهم بالاملاء



انا اقصد اولى ابتدائي !!

يعني مو المفروض تبدأ تقوي ايدهم وياخذون على القلم والخط المتعرج


لان طلعت عيوني وانا اعلمها الهمزه وال ح او ج او خ


احس واجد مره وحده بيوم واحد ؟؟

 

[الحــور]

رد : أبلات العربي معقووووله؟؟؟

اي والله غريبة وايد عليهم اول اسبوع جذي ؟؟؟
الله يعييين

 

[سـعـاد]

مستحيل ....

انا العام درست اولى المنهج الجديد

نبدأ اول شي بالتدريبات ...

وبعدين بالكلمات .. امل // فراشة // بيضاء ..


روحي اسأليهم ليش جذي وين التدريبات اللي ياخذونها ويتعودون فيها على مسكة القلم !!!!

 

[mi corazon]

معقوله جذي؟

 

[& مــشــايــخ &]

لاحبيبتي انا درست العام اولى مستحيل نبدا معاهم بهالطريقه الموضوع فيه غلط روحي كلمي المدرسه

كلمي رئيسة القسم والناظره

 

[7opyq8]

لااا حبيبتي مستحيل ياخذون الاحرف حتى حرف خ اتذكر خذيناه حيل متأخر



الأبله اكيد قصدها تدرب الطالب على مسكة القلم والكتابه على الخط

وفجي كتاب العربي صوب التهيئه بتلاقين احرف محطوطه بدوائر القصد نوصل الاحرف باللي يشابها بالشكل يعني أ حق أ الخ


وانا كتبتلهم بدفاترهم كتمرين على مسكة القلم أساميهم عشان يتعلمون على الكتابه:balo:

 

[ورود وأزاهار]

رد : أبلات العربي معقووووله؟؟؟

عني أنا المدرسة ممتااااااااااااااااااازة ،، كملي شنو عطتهم بعدين وأنا اقولك

 

[الرمانه الفضيه]

رد : أبلات العربي معقووووله؟؟؟

لا حبيبتي انا ادرس اولى وعطيتهم بس تدريب على المسكه الصحيحه للقلم وحليت معاهم التدريبات
وحتى الاسبوع القادم ادربهم على كتابة الاسم وبعدين الدرس الأول (أمل فراشة بيضاء )والحروف ابدأ فيها بالدرس الثالث
حرف واحد فقط ( أ )
ابلة بنتج حيل مستعجله الظاهر جديده وما تعرف الطريقه راجعي المدرسه

 

[بنت عطا 24]

حبيبتي اكيد الابله مضييعه
مايصير اول اسبوعين تهيئه مافي حروف
بس يعرفون يكتبون اسمهم

 

[ام طمبحله]

رد : أبلات العربي معقووووله؟؟؟

انا ام
ولكن مستحيل
ومومعقول
حراااااام لا تعقدون اليهال
وشهالطيره سلق بيض هوا >>>> مقتثه
بس بتخلص اللي عليها وتمشي اسم اني مو متأخره وعيالكم ما يستوعبون
رااااجعيهم لو باتصال

 

[أم حمودي**MALL**]

العربي اصعب ماده الله يعينا ويعني اليهال بس
وازيدج من الشعر بيت
اولى ابتدائي عندهم 4 كتب عربي

 

[queen angel]

up
up
up لعيوونج ...انا طالبة =)

 

[queen angel]

up
up
up لعيوونج ...انا طالبة =)

 

[أمواج^الكويت]

رد : أبلات العربي معقووووله؟؟؟

أول أسبوع بس تقعد تدربهم شلون يمسكون القلم ويكتبون أساميهم .. اشفيها هذي شاقحه علطول عالأحرف !

من ألحين بتخلي اليهال يكرهون العربي :bbbiu:​

 

[Turquoiseya]

اذا كانت ابلة جديدة ومو عارفة شتدرس بالضبط وراصة 7 احرف تنكتب وتنسخ00 شلون يمسكونها صفوف تاسيس!

زين بسالج حبوبة شاصل ابلة بنتج؟

 

[سر النور]

انا معلمة روضة بس بنتي باولى مسسسسسسسسسسسسسسسسسستحيل ياخذون احرف هالاسبوع لا وبعد سبع حروف
اقوى شي

 

[نونا 3000]

انا مدرسة عربي لسنه اولى مستحيل من اول اسبوع احرف اصلا ما ناخذ حرف الالف الا بالدرس الثالث

اول اسبوعين تهيئة تلوين وتوصيل وتمشي بالقلم على الخطوط المتعرجه

 

[الجود دهن العود]

رد : رد: أبلات العربي معقووووله؟؟؟

مستحيل ....

انا العام درست اولى المنهج الجديد

نبدأ اول شي بالتدريبات ...

وبعدين بالكلمات .. امل // فراشة // بيضاء ..


روحي اسأليهم ليش جذي وين التدريبات اللي ياخذونها ويتعودون فيها على مسكة القلم !!!!

هذا اللي كنت اعرفه وبعدين بروح اسأل بس تعرفين ناظرتنا تغثنا على الاستئذان !!