أبلات أمـــــــااااانه ... خلكم ويــانـــاااا :(

[تباريــح]

:68_asmilies-com:


السلام عليكم ورحمة الله وبركاته


صباحكم // مساءكم


عسل وأفراح ماتنتهي



أبلات بالنيابة عن بنات التربية العملية جميعا أطلبكم المساعده .. :eh_s(1):



وياليت تكون هالصفحه مفتوحه حق أي تساؤل ندور له اجابة منكم ..



ترى والله اغلبنا خايفين وخصوصا ان الاسبوع الياي راح نبدا تدريس :krkrkr:



مشكووووووره مليون اذا ساعدتونا أو لا ..


:ggdw:​

 

[دنياك دنياي]

حاضرين للغااااااااااااااااااااالين والله يوفقكم انشالله

 

[عهود الحب]

عيونا لكم بنات
اي شي لاتترددون تسألون عنه
الحمدلله انتوا عندكم مكان تسألون فيه
احنا قبل تعلمنا من المشاهدة فقط
والتطور هذا بصالحكم

 

[تباريــح]

دنياك دنياي

أقم صلاتك قبل مماتك

عهود الحب



مشكورين وماتقصرون يالغالين


:hjy5jewf:



ببدا أول سؤال بعد أذنكم ..



عندي لاصفي الاحد مكتبه شنو أسويلهم وخصوصا ان الخبرة بتكون أنا الانسان ..؟ :krkrkr:

 

[دنياك دنياي]

مكتبه ما يبيلها شي اشتري قصه من دسمان تكون فيها مكبرات
خطوات المكتب

اول ما يدخلون اليهال المكتبه واقفين طابور عليمهم يسلمون على امينة المكتبه
ثاني شي يتوزعون على الطاولات
ثالث شي نصيحه سوي لج بطايق وزعي على 3 يهال كتبي فيهم اصدقاء المكتبه اهم الثلاث الي يقومون ايبون القصص ويوزعونهم على اليهال في الطاولات كل ياهل عنده قصه
يقرون القصص عقب يتبادلون القصص فيما بينهم
واذا خلصو خلي اصدقاء المكتبه يجمعون القصص ويردونها في مكانها
قومو من الطاولات وخليهم يرجعون الكراسي اماكنها وفي مكان ثاني بالمكتبه يقعدون فيه سواء على الارض على حسب طريقت مكتبكم
وتكونين حاطه مناظر القصه وقالبتهم وقوليلهم بقوولكم القصه وكان ياما كان
ولما تخلصين قوليلهم اطفال منو عنده قصه يقولها حق الاطفال\
طلعي طفل يقوول القصه
عقب خلاااااااااااااااص فنش يبدون باستعارة القصص 4 اطفال اهني امينه المكتبه تساعدج

وقبل ما تروحين قوليلهم بالمكتبه ما نتكلم ما نطله صورت ويبي معاج حلاو واو اي شي الشاطر تعطينه لما تردون الصف عشان ينضبطون معاج

 

[تباريــح]

مشكووووووره حبيتي شرحج كفا ووفا بعد قلبي

 

[ابلة^روضة]

تباريح مشكوووره عالموضوع انا بعد وياكم وياريت الابلات يساعدونا ومايبخلون علينا منهم نتعلم الله لا يحرمنا منكم
انا مشكلتي بالمسابقات والالعاب ماعرف ابتكر كلللللش وابي منبه حق يتعرف على اعضاء جسمه من خلال كلمه يد موفاهمه شنو يعني مو واضح يعني اذكر كل الاعضاء ولا بس يد والهدف الثاني يحافظ على نظافة اجسامنا

 

[عذبة الاحساس]

متابعه جيده
انا الكورس الياي تربيه عمليه وقاعده استفيد منكم مشكورين ما تقصرون
اخذ خبره حق الكورس الياي الله يكون بالعون
لا يوقف لايوقف

 

[معلمة متقاعدة]

وياكم قلبا وقالبا

وحياكم

ممكن تستفيدون من اصداراتي

 

[تباريــح]

أبلاتي يوم الاحد عندي لاصفي مرسم ..

ومحتاسه مادري شسوي ..


أنا ادرس مستوى ثاني .. ياليت تفيدوني ):

 

[تباريــح]

حياتي والله معلمه متقاعده


عساج ذخر للأمة العربية والاسلامية


وشكرا لكل من مر بالموضوع

 

[Eva-SS]

تباريح المرسم حلووو حيل وبسيط

تبدين نحن الآن بالمرسم ومنبه مرتبط بمشروعج وتناقشينهم فيه تعرضين مجسم او نموذج للمشروع ( عززي الديني والوطني ) اذكر بروضتي قبل الجانب الديني والوطني بس بالحلقة اللاصفي لا هالروضة غير فتفرق انتي اسال مشرفتج قبل لازم تعزيز باللاصفي

المهم بعد ما تناقشينهم تعززين السلوكيات المقص البلاستيك للأطفال والمقص الحديد فقط تستخدمه المعلمه ، الصمغ العادي للأطفال و بعد الانتهاء من التلوين نغلق الالوان

بعدها تسردين لهم قصة خيالية اهم شي فيها الاحجام والألوان صغير كبير طويل قصير والألوان كل شي اوصفيه بس بدون مصورات او مجسمات لانه القصة لازم خيالية

اخر شي وزعيهم على المجموعات مجموعة المشروع علميهم شنو يسوون ( إذا المشروع صغير خلي كل طفل يسوي واحد مثل عمل وجه من المستهلكات اما إذا كبير كل طفل يسوي جزء وبعدين يتركب مثل مبنى الروضة او جسم الإنسان ) ، المجموعة الثانية الصلصال ، المجموعة الثالثة تلوين حر وحطي ستاند الوان اصابع وما تنسين الصدرية عشان ما يدمر ملابس اللي راح يستخدم الوان الاصابع

تكونين قبلها مقسمتهم وكل واحد يعرف وين بيكون اي مجموعة عشان ما يأذونج لما تدش عليج المشرفة كلهم يبون صلصال او كلهم يبون يلونون

ولما تقسمينهم للمجموعات انتي ساعديهم اللي بالمشروع اشرفي عليهم و فري على الأطفال وعززي السلوكيات

لا تنسين يكون فيه نموذج امام الاطفال انتي مسويته من قبل للمشروع اللي تبينهم يسوونه

موفقه