رد : رد: أبـــوي الغــالي تــوفــى واللــهم لاأعــتراض
الله يرحمه
ويغفرله
الله يجعل مثواه الجنة
بس متفاجأة شلون لج قلب تكتبين
يعني من يوم اليمعة صار ثلث ايام
معقول قدرتي تقاومين الحزن
وتكتبين في المنتدى
غريبة
غريبه؟؟ لا حول ولا قوة الا بالله اختي
تبين اقولج شلون ؟ مو سالفت قاومت حزن
مو سالفت فاضيه ولها قلب مثل ما قلتي لها قلب تكتب مادري شمسويه راقصه ولافحه بالشعر؟؟
تدرين تبي الدعاء لابوها محتاج واهي محتاجه .. يعني انا مجربه هالشي صج كتبت موضوع عن ابوي الله يرحمه بعدها بفتره
بس انا اشبهها بالصدقه اللي تتصدقين فيها بيوم الوفاة بتقولين فاضيه او لأ؟
الصدقه والدعاء الشي الوحيد اللي ينفع الميت
مادري شقول
في ناس مثلج اختي ولا تزعلين مني لما تشوفنا نضحك بعد 6 شهور من وفاة ابوي تقول فلانه تضحك .. ليش ؟ عبالكم لما نضحك والا نتسوق والا نسافر ننسى الحزن ؟ لا حبيبتي انشالله ما تجربينها
لان من داخل كسر ما يجبره شي وغصه بالقلب ما تنوصف اي عايشين حالنا حالكم بس من داخل شي ناقص مولازم ابينه مولازم اصلا يبين عشان يقولون حرام تكسر الخاطر للحين متأثره ..ايي العيد والناس يعايدون امسح دموعي لان متعوده العيد يبدي لما احب راس الغالي اطلع لهم اسلم وجنه مافيني شي
هذا بعد 6 شهور .. واذا تبين اول 3 ايام عيل قوليلي شلون الوحده اتييب قوه بالعزا توقف وتقبل التعازي من الناس واهي ودها تركض وتنعزل عن الناس وتنسى انها اصلا موجوده .. تدرين ليش نتحمل ؟؟ نبي الاجر للي فقدناه وعشان الناس اللي تحبه نستقبلهم ونتحمل
السالفه مو سالفة رياء .. افقده واحزن عليه لما اكون بروحي بيني وبين ربي ارفع ايدي واشكي له الوله والشوق اللي احس فيه بكل نفس اتنفسه .. وابتسم لما اعرف ان دعائي بيوصله .. او دعاء غيره
ولا تزعلين مني بس حبيت ارد عليج وابين لج شي انتي ماتعرفينه يمكن وايد قلت اشياء ما تعني لج بس احس انفجرت بالكتابه ابي الناس تفهم وتقدر
والله يرحم اموتنا واموات المسلمين
