أبشركمـ الدنيا للحينها بـ (خير) تعالوا شوفوا الموقف

[.:. عبرة مُوادع .:.]

مسسسسهم بالخيرر ^_^

شلونكم ؟

بدش بالسالفه على طوول

الله يسلمكم اليوم رحت معرض ( خيام ) بالتحديد بمنطقة الرحاب

واحنا نفرر عجبني ملفع عند وحده حيييييييل حلو فيه كرستال برقته تجنن

انا مت عليه .. وماكان عندي فلوس اشتريه سعره بـ 32 دينار

عاد قلتلها انا ابيه بس ابي اجيج باجر .. عشان اعمل حساابي

قالت هذي اخر قطعه منه .. وانا عادي انطرج باجر لكن اليوم بطلع من المعرض

ضاق خلقي!

قلت طيّب احجزيه لي وانا اجيج بأي مكان .. قالت انا عندي عرض بالسفير

يوم السبت .. وانا بصراحه شفتج وارتحت لج حيل هاج اخذي الملفع

وجيبي فلوسه يوم السبت بالسفير بس عطيني رقمج

انا انصدمت قلت لها يابنت الحلال خليه عندج بس احجزيه بإسمي وانا اجيج السبت

قالت والله تاخذينه بدون شي انا وااثقه فيج .. واخذته وان شاء الله بودي فلوسه

لهاا السبت ..

/
/

تهقون فيه من هالنوع بهالزمن .. صراحه صراحه والله لو وحده اعرفها

وعجبني شي عندهاا لازم ادفع ع الاقل عربون !!!!!

وعقب ما شفت هالمره ارتحت وحبيتها من كل قلبي

ويا عل ربي يكثّر من امثاالها ..


وآسفه على الإطاله ..

 

[شاي اخضر]

سبحان الله يحليلها على نياتها الله يرزقها ويوفقها سبحان الله ماشيه عالنيه بس هالوقت صعب الواحد يثق بناس مايعرفهم ؟؟؟ صج الدنيا ليلحين بخير .. تصدقين مستغربه ليكون الكرستال بوطقه عشان جذي وثقت<<<<< وحده شريره خخخخخخخخخخخ

 

[حبيبته آنا]

ياحليلها والله ماقصرت

 

[.:. عبرة مُوادع .:.]

سبحان الله يحليلها على نياتها الله يرزقها ويوفقها سبحان الله ماشيه عالنيه بس هالوقت صعب الواحد يثق بناس مايعرفهم ؟؟؟ صج الدنيا ليلحين بخير .. تصدقين مستغربه ليكون الكرستال بوطقه عشان جذي وثقت<<<<< وحده شريره خخخخخخخخخخخ

خخخخخخخخخخخ يالشريره !!

لا والله اصلي برقته من بعييييييييد وجايبتهم من دبي !

بس انا نفسج بهالوقت الواحد ما يثق ,,​

 

[.:. عبرة مُوادع .:.]

ياحليلها والله ماقصرت

اي والله ما قصّرت ..

اسعدني تواجدج ^_^​

 

[!! شوق !!]

عساااااااااااااج تهنين بالملفع ,, وصدقيني دام نيتها جذي صافيه ربي بيرزقهااا وبيوفقها مع ناس هم نيتهم صافيه مثلج وشرواج ,, شرايج بالمعرض؟؟ تصدقين بمنطقتنا ولا ادري عنه

 

[[ . . Jee Jee . . ]]

أكيد وجهج سمح وباين عليج بنت حلال ولا جان ما أمنت فيج ..

واهيه بعد طيبه وتتوقع الطيب من الغير والله ماخيب ظنها يوم أمنت فيج


الله يكثر من أمثالها وامثالج حبيبتي

 

[.:. عبرة مُوادع .:.]

عساااااااااااااج تهنين بالملفع ,, وصدقيني دام نيتها جذي صافيه ربي بيرزقهااا وبيوفقها مع ناس هم نيتهم صافيه مثلج وشرواج ,, شرايج بالمعرض؟؟ تصدقين بمنطقتنا ولا ادري عنه

يا هلا وغلاا

ردّج فضيع مثلج

والله تبين الصج المعرض حلوو روحي شوفيه قبل لا تجي البلديه !!

فديت الرحاب واهلهااا ^_^​

 

[.:. عبرة مُوادع .:.]

أكيد وجهج سمح وباين عليج بنت حلال ولا جان ما أمنت فيج ..

واهيه بعد طيبه وتتوقع الطيب من الغير والله ماخيب ظنها يوم أمنت فيج


الله يكثر من أمثالها وامثالج حبيبتي

بالنسبه لي !!

نجمه يعني الذووق و الذووق يعني نجمه ..


وش يعني مرور نجمه علي !!



الله لا يحرمنا طلتّج

والله ردّج احرجني ..​

 

[شجووون]

الله يرزقها ويعطيها ان شاء الله علي قد نيتها

 

[فراولة^فوشيا]

ماشالله الله يرزقها ويوفقها

 

[المـ انـ يـه]

في بعض الناس تحبينهم وترتاحين لهم من أول مره
سبحان الله أنتي يمكن منهم ووثقت فيج
الـدنيا بخير
تهنين بالملفع

 

[Filakawyia]

اي والله الدنيا لما الحين بخير

صج غريبة تأمن في احد ماتعرفه

الله يكثر من امثالها و امثالج​

 

[بنوته كيوت]

يحلييها والله ماقصرت
ع نياتها الله يرزقها ويوفقهاا

يعطيج العافيه عمري

 

[ღ•»الًـجٌـوِرٌيّ«•ღ]

ياحليها والله ماقصرت وفيها الخير

والناس الثقه والطيبين يبين على وجوههم

 

[زلابيا]

يحليلها الله يرزقها وويوفقها

 

[.:. عبرة مُوادع .:.]

يااااااااااااا مال العافيه

على الردود اللي تفتح النفس

الله لا يحرمني منكم ..

 

[جكورة]

عليــــج بالعافيه حبيبتي الملفـع... والله يوفقهــــا ويرزقها على قـــد نيتهــــا

 

[Heavenz]

سبحان الله العظيم تدرين اني كنت واقفه يمج على يمينج

بس ماطولت ما حبيت اقط اذوني كن سمعت كلمتها لما تقولج

انا ارتحت لج

اهي عندها مطاطير جاي عليهم شوارفسكي بعد

الله يكثر من امثالها

 

[شاهة]

ماشا ءالله عليج وعليها وبعدين
اهي الظاهرتعرف بمعادن الناس من جذي اوثقت فيج
وهالثقة طبعا راح تحبب الناس فيها وتصير لها سمعة حلوة