أبس مسج لزوجي عن العيد وهو بعيد عني :(

[أحــــ طفله ــــلام]

أبي مسج لزوجي عن العيد وهو بعيد عني

{ صبـاح / مســاء الخيــر ..

أنـا وزوجـي بينــا خـلاف وصـرنا فتـره متـزاعلين ما نتكلم وردينا نتكلم بس اسلوبه جاف وبارد معاي حيل

أبـي مسج قـوي يحنن قلبيه علي ويذكره بكل اللي بينا خاصه عن العيد وانه بعيد عني

أبـي مسـاعـدتكــم فــديتــكم ..​

 

[ياربي سكثر أعاني]

مثل ذيك السنه وأكثر أنادي والنِدى : ما يفيد
بـ قلبي شوق لو حسّيت به .. يقلب موازينك

أردّد " عيدك مبارك " عسى كل عام وإنت سعيد
وقلبي يرتجي وصلك . . . يا غالي ، وفاقدٍ زينك


حبيبي هالزمن يضحك ، على جرحي . وإنت بعيد . .
وجيت من الشتات أسأل بعد جرح الزمن . . وينك ؟

أنا ما جا على بالي غيابك إنت بـ التحديد ،
{ عنادك } . .
ليش ضيَّعني ؟
وقف ما بيني وبينك !

لك الله ، كل ما أضحك ألاحظ هـ الجروح تزيد !
تصدِّق [ ضحكتي ] صعبه علي , وسهله بـ إيدينك . .

أقول إن الأمل : باكر ,, يجي بكره ، بجرح جديد !
ورغم كل السنين اللي مضت لي . . { تكرم سنينك }


أنا ما جيت أبي منِّك , بعد جرحك . . تفك القيد :
أبيك تحس في ( قلبٍ ) . . رفض ينساك ويدينك !

إذا يرضيك تستقبل بدوني . فرحتك بـ [ العيد ] ؟
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !
شسوي بـ قلب متعوِّد يشوف العيد ، في عينك !إذا عادي الزمن يضحك على جرحي وإنت بعيد ؟
على هذا البرود اللي تعيشه . . .
( الله يعينك ) !

هذي قصيدة لأحمد الصآنع ... انا نصيحة مني اخذي اللي بالاحمر والاسود اخر شطر تركية وانشالله تعجبج والله يوفقج وتردون لبعض ^_^

 

[أحــــ طفله ــــلام]

فــديتج يــاحيــاتي ماقصـرتي جد جد عجيب هالمسج

عسى الله يحنن قلبه ..

 

[دمعي جرحني]

الله يحنن قلبه وعسى الله لا يفرقكم

 

[B!g Sm!le]

عسى الله يحنن قلبه وان شاء الله تردون لبعض وتكونون احلى اثنين يااااااارب

 

[SaD FaCe]

المسج مو صج عجيب @@

الله يسخركم حق بعض