,,, أبره التفجير ,,, ..€؟ فيدوني؟

[النووف]

مساء ؛ صباحكم نرجس

بنات حبيت اسألكم ؟ بخصوص الابره

انا لما سويت سونار بويضه وحده زينه عندي وحجمها 20 اللي في اليمين

وخذيت ابره تفجيريه لاول مره صار لي 4 ايام واحس بألم مكان خصري ولوعت جبد وبطني يعورني

كم وحده اخذت الابره التفجيريه لاول مره وحملت؟؟

وهل الحمل تؤام؟؟

والجماع بعد 12 او 36 ساعه ,, انا بعد الابره ب12 ساعه تم جماع

فيدوني فديتكم :ggdw:

 

[ام ساره 4]

إي طبيعي تحسين بالآلام هذا مفعول الإبره وراح تحسين بآلام مثل آلام الدوره عادي لا تخافين وبالنسبه للجماع الدكتوره تحددلج أي وقت وخصوصا بدون تحديد جنس البيبي يعني إذا عادي عندج بالنسبه لجنس الجنين تقولج بعد ١٢ ساعه لأن الجماع قبل نزول البويضه يكون إحتمال بنت وإذا صار الجماع بعد نزول البويضه إحتمال ولد والعلم عند الله سبحانه إنتي كرري الجماع بعد ٢٤ ساعه و ٣٦ ساعه من الإبره التفجيريه والله يكتبلج اللي فيه الخير إن شاء الله

 

[توكلت على الله 22]

رفع

 

[أأأميرة الورد]

عادي الاعراض اللي تحسين فيها
والاخت ام ساره وفت بالكلام بس على فكرة الابرة التفجيرية تساعد على خروج البويضة من الكيس وتتلقح بسرعه
مو علشان التوأم
اللي تبي التوام حبوب الكلوميد

 

[النووف]

يعطيكم العافيه

بس انا بستفسر لاني شربت عصير اناناس

وخذيت حبتين كلوميد

هل الحمل يكون توأم؟؟

عطوني من خبرتكم يعني معقوله محد جربها؟؟؟؟

 

[ام ساره 4]

لا موشرط اللي تاكل كلوميد تجيب توأم أنا مره خذيت مرتين كلوميد وحملت بواحد بس

 

[النووف]

رب لاتذرني فردا وانت خير الوارثين ،،،

 

[النووف]

ابي تجارب اللي ماخذينها

وهل حملوا والا لا؟؟

 

[ابدا يالغالي مانساك]

حبيبتي طبيعيه هالعوارض وايضا طبيعي لو تحسي باعراض الحمل من غثيان وعوار ضهر وغيره لان هالابره فيها هرمون الحمل
ومو شرط علي فكره تاخذيها هي والكلوميد وتحملي بتواءم وموشرط بعد اول ماتخذيها تحملي
هذا رزق من الله
انا يوم اخذت الابره ماحملت نفس الشهر اللي وراءه لان مفعول الابره يبقي بالجسم لمدة 3 شهور وربي يرزقج ان شالله والجماع تحدده لج الدكتوره والتحليل بعد 14 يوم من تاخذي الابره بالتوفيق والرزق حبيت افيدج

 

[مسك الامرة]

اهي نازله بويضه وحده ماراح توؤام الا بعد اراده الله مالها علاقه بالحمل تؤام