أأأأخ على خدامتي قاهرتني بنفجر !!!!!

[alfajirQ8]

السلام عليكم.. قوة بنات..

حدي معصبة و منقهره و المشكلة ماعرف أتصرف أول مرة أيبلي خدامه و مالله موفقني فيها..

إهيا هندية و طالبتها ومنتقيتها نقوه على اساس خبرة ماااالت على الخبرة اللي كلها لقافة !!!

المرة شاغولية بس عيبهاا (اللقافة و تحب تسولف و تطيح الميانة و نقالة حجي) !!

صارلها 5 شهور عندي و من ثاني يوم ياتنا ياتها مكالمة (بسم الله) مداهم تعطيهم رقم بيت حمولتي !!! و كل يوم إدقون عليها تقول اهلي يحاتوني !! لا والله؟؟؟ إحاتونج و إنتي مشتغلة قبلنا إب 4 بيوت !! أموت و اعرف ارقام لمعزبات اللي كانت طالعة من عندهم و عرف سبب طلعتها؟؟؟ لين قتلها ماكو تلفونات وين قاعدين !!

نوعها تسولف عادي إذا شافت ريلي تقولة صار جذي و جذي !!! تقهررررر!! ما ارتاحلها بنات سبحان الله منقوزة كلله تسوي نفسها تعرف و تروح تخدم البيت كللة من غير محد يطلبها و لي يت اصوت عليها ما القاها !! و المشكلة خالتي تقولي ترا إهيا إترزز ماتخلي الهندية الثانية تسوي!! لا و تشتكيلي تقولي وايد إشغلوني !!!

و الطامة الكبرى !!! امس بدعت بالأغلاط! كاسرة شي بالمطبخ و صوتها عالي بالحوش و سوالف مع الصبي و تشرب جاي وياه عبالها إبكبريه الأخت و لمن احتاجها و اصوت عليها ذالفة مادري وين قاطة وييها بدون عزيمة! ف كلمتها (بس مو زفففف ركزوا) انا مااعرف اصرخ عالخدم,, كلمتها بنبرة شوي حادة وإن مو عاجبي إللي قاعد تسويه! و المشكله اول مرة احمق عليها من يتني فـ مو متعودة ست الحسن! لأني مليييقة و كلش ما اعرف ازف اطرش ريلي مرات بس الريال مو فاضي و لا ابي اعور راسه! فأستفربت منى ام الدلع و قومي و تشكي مني عند حماتي !!! أمبييه تحرررررررر !! فاره على البيت كلله تشكيله عني؟؟؟؟؟؟ شسوي فيها ما ابيها و ريلي نوعة صعب عندة تبديل الخدام و مايحب هالمواضيع !!!! سشوي قاعدة أغلي من الحرة باجر لي و لدت إنشاءالله مابيها تمسك البيبتي خلاص عفتها وين ألاقي مسترجعات زينين اف ف ف ف ف محتارة:eh_s(14):​

 

[شيــوخه]

الله يعينج صراحه صج شي يحررررر انا لو منج اقول لها تبين تشتغلين عندي اشتغلي بشي الي انا ابييييييه انزين ولا هذا الباااااااااااااب

يلا برىىىىى هم يخافون من كلمه برى وين ابتذلف وبعدين انتي ليش اتخلينها اتفرفر بلبيت
اقفلي باب الشقه عليها اتخلص شغلها وتنثبر مافي طلعه
وسالفت اتحاجي ريلج ريلج لهدرجه مايسمع منج ولا يته اتسولف يسمع منها زفيها جدامه علشان تتفشل وماتتحجى مره ثانيه

وان شاءالله البنات يفيدونج بس صراحه هذي النوعيه من الخدم ماتعجبني بلمرررره

 

[بنت زايد الخير]

لانلج اول مرة ....فلازم تتعودين انا ماشالله عندي خبرة كلميها وقوليلها انج ماتحبين كذا وكذا ولازم تسوين اللي يريحني عشان انا بعد بريج ومابغلط عليج كل يوم ودرسيها غصبا عنها وقوليلها سوالف بيتنا مالج خص فيها خلج بشغلج بس ويوم بنتكلم مع بعظ على طول اطلعي لانة شي خاص ....بس نصيحة كلميها بالهداوة علشان ماتحقد ولانها توها ياية الحين وقت مناسب عشان ماتتعود وبعدين تقول تغيروعلي اهل البيت وبعد نصيحة لاتسولفون وياهم ابدا بس كلمتين ورد غطاهم ,,وبتشوفينها كيف بتتادب لان الشغالات ماينعطون وية كلهم وخصوصا الهنود والسيلانيات

 

[alfajirQ8]

كلمتها يا بنبات ! ولا صرخت عليها حتى !! قتلها كل إللي بقلبي جان تقول دام كل هالعيوب فيني عيل مابي اشتغل إهني !!! بقيت اطقها كفففففف !!! دلع زايد ماتبي ننتقدها ! عبالها بنسدح بالقاع إذا قالت جذيه ! قتلها طول ما هذي أطباعج محد يبيج تشتغلين عنده !!
وطلعت قايله حق حمواتي ايام ماكانت تتشكى عندهم تقول على يوم بتقومون الصبح ومنتو لاقيني بنحاش السفارة !!! أمبييييييييه تحررر تهدد بعد !!! أأأأأأخ لو قايله هالكلام جدامي بسس!! وطلعت أكبر نقالة حجي بالهبيت !!! و ألحين ريلي قاعد اصبرني اقولي خنشوفها يمكن تتأدب و انا مقهوره اقووله ماابيييهااااااااااااا عفتها عفتها من يت و قلبي مو مرتاح منها و من يراعتها !! و الله مشاكل الخدم وين ألاقي زينة خدم ألحيم مالي خلق فرارة المكاتب و مافي مسترجعات قلييل

 

[أميرة الحور]

شوفي يالغالية
ترى هذى نوعيتها فهمتج وعرفت نقطة ضعفج
والهنديات والسلانيات والبنغاليات راعين فوضى وحياتهم في بلدهم اصلا فوضى فإذا لقوا لهم هني جو خلاص ما يتسنعون
وهذى قوية لانها اصلا عرفت النظام هني وعرفت البيوت فمو هامها تبي تتونس واذا شافت الوضع مو عاجبها قضبت الباب

واذا شافتج تتفشلين من حمولتج مسكتها نقطة ضعف عليج واذا شافت الزوج مطنش او يعصب على زوجته صارت هي المعزبة

الحل مافيه غيره هو انج تقضبينها وتودينها للمكتب يعطونها جم طراق او بلعنتهم معاها بس لا ترجعينها بيتج لانها لو شافت الصجية ممكن تحب رجولج علشان ترجع لج لكن لا تاخذج الحنية معاها ولا تكسر خاطرج لانها ساعتها تبي ترجع علشان تنتقم منج فديري بالج
وهي اصلا ما تبي السنع لو تبيه جان احترمت نفسها هي تبي ناس ساكتين عنها وهي تلعب في بيتهم على كيفها واحسن البيوت عندها هو البيت اللي يكون فيه اكثر من معزبة واكثر من خدامه

واذا ما تقدرين تتخلصين منها ادعي انها تنحاش من كيفها وما عليكم الا تبلغون عن نحشتها وبالطقاق يطقها جيبوا غيرها
وترى اللي تجي من غير خبرة احسن لانها تكون ضعيفة ومسكينة وتسمع كلامج
وقولي حق زوجج يحمر عليها العين ويقول لها تسمع كلامج بكل شي يعني لا تطلعون مو متفاهمين جدامها لانها اذا شافت الاختلاف استغلت هالشي وسوتج انتي الخدامة عندها :eh_s(14):

 

[B7BoOo7a]

والله انا الصراحه صاري لي سنه وشوي من تزوجت والحين صار لي 4 اشهر من ولدت

وساكنه بشفه كامله بيت حمولتي بس مو ايد كبيره يس يعني غرفتين وحمامات ومطبخ

ولا فكرت اييب خدامه قلت حق ريلي انا مستحيل اييب خدامه تدخل شقتي وتجابل عيالي

بس لما احمل خدم حمولتي يساعدوني بس مستحيل اخليهم يسوون كبتي انا وريلي بنتي

وبعد الكل يقولي خلي بنتج عن الخدامه لما تداومين شتسوين والله ان شاء الله حاطه ببالي اخذ اجازه من دون راتب

و اجابل بنتي لي شهر 6 الياي عشان تكمل سنه وادخلها حضانه ولا اخليها تحت رحمه وحده ما اعرف عنها شي

كافي اللي نسمعه عن الخدم اللي تغازل الريال واللي تطق اليهال واللي تسحر اهل البيت والله شللي فيهم

ان شاء الله يارب يثبتني على رايي يااا رب وسويها وما اييب خدامه كلش مثل ما غيري سوواها ما شاء الله عليهم

وي اكرهم ومالي خلق اجرب حظي فيهم

 

[B7BoOo7a]

نصيحه بنتج لا تخلين ولا خدامه تجيسها والله الخدم مو زينين و مو هينين طقاق يطق الدوام والفلوس اهم شي راحة اليهال
وبنت صغيره اشهر تحطينها عند وحده ما تعرفين شنو فيها مريضه نفسيا مو صاحيه مينونه ما يندرا عنها تسوي شي بالياهل
وما يتكلم بعد عمري والله نصيحه لا تخلين بنتج ولا ولدج صغير بو اشهر ولا سنه عند خدامه والله لو اقولكم سوالفهم بلااااوي يسون
بعيالنا والحكومه ساكته

ونصيحه ثانيه

لا تاخذين مسترجعه لان كلهم باسهم قووي احذي يديده اول مره تي تشتغل وعلميها شغلج بطريقتج انتي ووعلميها على حياج وبطريقتج
وجنج تربينها من يديد و شنو تحبين وما تحبين لان المسترجعات السانهم طويل على ابو انهم فاهمين الشغل وما يبون يتعلمون شغل
يديد يبون اللي متعلمينه يسوونه العمات

 

[^kloOot^]

غلطانه خدامه هنديه ومسترجعه


تدرين انتى غلطانه

بس اسمحيلي الريال المفروض مايدخل بامور الخدامه ولا تكلمه وتحترمه واى شي تبي تكلمج انتى

باجر ليه انحاشت السفاره اخرتها انتو بتخسرون فلوسكم وفووووووووووووووووق هذا كله بتقصون تذكره لها على حسابكم

ودوها من الحين المكتب


خل يعطونها جم طراق

ديروا بالكم

 

[مجنونة بس عاقلة]

ماداني الهنود والسيلانيات راعيات سوالف

غلطانه المفروض تجيبين وحده تربينها على يدك

 

[ام الدرر]

ياقلبي انتي حسبتي منقيتها نقوة
هندية ومشتغله ب4 بيوت
يعني دايرة الكويت ومارة على ناس واجناس
وتعرف طبع الكويتيين
انا اول شرط بالخدامه اول مرة تطلع من ديرتها واذا مشتغلة من قبل
يكون بره الكويت
مرة وحده خذيت مشتغلة بالكويت يتني اسم الله عليج شيخه ومعزبة
كل شي بكيفها وعلى رايها مع انها شاغوله ونظيفة
لا تنطرين حبيبتي رديها المكتب واخذي فلوسج
ترى هالنوعية تنطر لي تنتهي كفالة المكتب
وعقب تنحاش وتعالي دوريها واذا حصلتيها عقب جم سنه سفريها على حسابج​

 

[fdeetni]

حسبي الله عليهم
على قولة المثل لا بغيت اسرار البيت اسأل الخدم

 

[@شمس الضحى@]

لاتاخذووووون مسترجعاااااااات لانهم مسويييييين بلاوي بس الي مرجعينهم مااااايعلموووووون ببلاااااويهم يبون فلوسهم ترد لهم

 

[انصاريه قمره]

مادري احس عيوبهاا مو وايد كافي انها خدووومه وخبره خل تخدم البيت شالمشكله تلقينهم حاسدينج على شغالتج واذا عالتلفوونات خالتكلم اهلهاا حراام هم اهم بشر يشتاقون و يحاتون عندهم مشااعر واحاسيس
وخلك على مينونك لا اييك اللي اين منه

 

[NODA 2]

ماداني الهنود والسيلانيات راعيات سوالف

غلطانه المفروض تجيبين وحده تربينها على يدك

معاااااااااااااج قلبا وقالبا

 

[alfajirQ8]

بنات مشكورين على الردوود والله شيشتوني أييب يديدة أول مرة من ديرتها..

من جم يوم مثل ماقتلكم ناديتها و صكيت الباب و قلت كل إللي عندي! قتلها سوالف و قرقر أنا ما أبي!! البيت هذا كلله له إحترام بس مابي أسمع منك غير يس مدام أو نو مدام بدون قرقه زايده!! و بطيت الجربة وقتلها هذي شروطنا إذا ما تبين كيفج !

عاد خالتي تقولي.. من كلمتيها و إهيا متسبها و ماتسولف و تحسينها تفكر! قتلها عسى تتأدب و للا انا و الله أبي الشارة عليها المكتب سيدة..
طخخوني قالولي هذي أول زفة من يبتيها نطري شوفي تتأدب و إذا لأ ذيك الساع وديها.. و أنا يا بنات الوسواس لاعب فيني أعوذ بالله..
بس مصيبة تكوي و تصفط عدل و نفسها شحلوة بالأكل .. ماكو شي كامل و ما كامل إللا وجهه الكريم.. بستخير و الله المستعان ماكو غيره..

و ردا على خواتي إللي قالولي لاتيبن هندية أو سيلانية, عيل شييب؟؟؟ إندونسية تخرع خوفونا منهم و الزينة تطلع بالقرعة.. و الفلبينية نضيفة بالترتيب و الغسيل و الكوي بس تحقد و شيطانه و مايتحملون ياهال مافيهم الصدر الحنون.. و الأثيوبية أخاف منهم لي عصبوا !! لووووووول يارب ساعدني

 

[basboosa34]

واااي بعد قلبي ما ألومج والله خلاص الوحده من تعاف الشئ مافي أمل إنها تتقبله مره ثانيه
"للصبر آخر خلاص خلاص عافك الخاطر خلاص"
آنا تجربتي مع الخدم موطبيعيه !!! ساعات أحس إن تجربتي تصلح فيلم سينمائي متكامل والله يمكن يستمر العرض 3 ساعات إذا مقاطع مختصره أو تصلح مسلسل تركي مدبلج " قطيعه عاد ماحب المسلسلات التركيه ولا المكسيكيه "


بس نصيحه عقب الزفه لاتأمنينها على شئ ولاتلهين عنها سواء أغراضج الشخصيه أو غرفة نومج على طول إتقفلينها وإذا بتنظف طبعا يكون تحت إشرافج وعقب ماتخلص تنظيف وترتيب تقولين لها تنثبر في مكان محدد ماتروح تحوس بالبيت عشان إذا احتجتيها تكون قريبه يمج وبالنسبه لحمولتج عادي حبيبتي لاتستحين ألزم ماعليج راحتج وسعادتج بس قبل كل هذا قعدي مع زوجج الله يهديه لج واتفقوا على طريقه معينه في التعامل مع الخدم مثلا إطلبي منه إذا راحت تبي تكلمه بشئ خل ينزرها بحده ويقول لها ليش تكلميني خلي مدام تكلمني إذا تبين شئ

وبصراحه آنا أأيد اللي يبونها يديده مااشتغلت من قبل والأفضل إذا تعرفين وحده زينه من خدم أهلج خليها إتييب لج عن طريقها ولا غثا هالمكاتب حسبي الله ونعم الوكيل فيهم لايخافون الله ولايراعونه في بيوت الناس عالأقل إذا مايازت لج بيعيها على أي مكتب وهلم جرا يا أختي الفاضله

 

[Tantoshah]

انا من راي الشخصي مفهوم الناس عن الخدم هنا مرفوض الخادمة أمراة قبل كل شي ولها احاسيس وعواطف واطفال وماتركت بلدها واطفالها الا لحاجتها اذا عاكلتيها معاملة جيدة سوف تحسن التصرف وتحترمك وتحسب لك الف حساب مافي مانع لو كانت تتحدث مع الصبي وتشرب شااي ! انا مستغربة جدا من هالكلام انا عندي خادمة فلبينية صرلها 3 سنوات عندي بالبداية كنت اسمع كلام انهم راعين سوالف ولا اخليها تطلع ما هموني الناس المهم انا شلون احجب اعاملها خليتها على راحتها وربت بنتي احسن تربية لغة انجليزية ملابس نظيفة والبيت نظيف بحكم عملي لم البسها ملابس خدم حتى لا تحس بانها حيوان وهذا غرض معظم الناس هو تحسيس الخادمة بانها نكرة وانها خادمة لهذه الاسباب تكثر جرائمهم من الضغط النفسي والاذى البدني من بعض الاشخاص يقومون بضرب الخادم وين قاعدين ؟؟ اشتريتوه لا تسالو ليش الخدم مجرمين ولهم سوالف يا جماعة فكرو بالانسانية شوي حطو نفسكم و اولادكم بهذه الحالة وهذه الحاجة ولا هذا التفكير ممنوع الخادم او الخادمة بشر يحبون ويكرهون وينضغطون ويبكون ويفرحون لم يخلقوا للعذاب ولكن الظروف قاسية انا والله اول مرة اجيب خدامة خليتها على راحتها واشتريت لها موبايل وكل شي تبيه تسوي تنظف وتتكلم بالتلفون وصارحتني بانها تحب واحد بالفلبين مو من حقها تحب وتتزوج ولا لا والله شاهد علي لم ارى منها شرا سافرت وهي تبكي بحرقة وتضم بنتي كانها بنتها الصراحة انا تاثرت والله يستر عليها وعلينا والحمد لله رب العالمين ارضيت ربي بها ولا اقول انها خادمة او مسيحية بالنهاية كلنا عبيد الله ولا فرق بين عربي ولا اعجمي الا بالتقوى يا جماعة يوم الحساب انتوا والخدم سواسية ولا احد يستطيع ان يختلف معي بهذه النقطة ارحموا من في الارض يرحمكم من في السماء مافي داعي نحبس الخدم عاملو كما تحبوا ان تعاملوا ولكم الاجر ان شالله وتقبلو مروري