آي كلية ادخل ؟!

[e.ngland]

بسم الله الرحمن الرحيم ،،

والسسلام عليكم ورحمة الله وبركآته
جمعه مباركه يارب

المهم بنات بدون مقدمات بدش بالموضوع ع طول

انا الحين اخر سنه وقبل لا تبدي المدارس لازم اثبتلي ع طموح واحد مو مليون
كل يوم اقول شي وكل يوم اقول بصير تخصص غير اللي قلته امس

شوفوا انا اقولكم شفكر فيه
{ طب / هندسه كمبيوتر او بترول / مدرسه / محاميه

الطب بس ابي عشان الاسم يعني ينادوني الدكتوره وانا وحده اخاف من الدم والعمليات وبنت عمي درست طب وخلصت ماشاء الله تقول دراستها صعبه يدرسون عن الجمجه و ادق التفاصيل وغيره وغيره

هندسه : من يومي وانا افكر فيها يعني حيل حيل افكر بس يقولون قليله العطلات وانا وحده كسوله بس هم عشانه اسوي كل شي امم ومادري بالجامعه بابا بيلبسني عبايه تحسون ما يصلح صح او عادي ؟

مدرسه : معاش حلو وعطلات اكثر شي عاجبني العطلات انزين وانا ابي تخصص نادر يعني زيادات وجذي

محاميه : ودي ادشه عشان مافيه قدرات اولا
ثانيا انا متحدثه لبقه خخخه احب احل المشاكل وهيك بس شوي استحي



بنات بليز هيلب مي ابي اثبت ع طموح وهدف واحد
يعني اذا قلتي صيري جذي قوليلي ليش


وسوري ع الاطاله فديتكم 3>
​

 

[روح مغليها]

اول شي ترى بدعه جمعه مبااركه
أنا اقوول مدرسه احسن لاتاخذين أساسيه أخذي رسم العاب أريح لج
او اقتصااد يعني احسن تعطلين مع النااس ويك اند ومعاااش حلووو

 

[شيخه القلوب]

والله ما ادري شقولج اهم ششي انج حابه شغلج عشان تخلصين فيه

المدرسه حييييل حلوة معاش قوي والعطل حييل زينه

وبالتوفيق يَ قلبي

​

 

[e.ngland]

ثينكيو بنات
انزين عندي سؤال اذا بدخل التربيه فيها قدرات ولالا وانا ما ودي امتحن قدرات للعلم انا علمي
؟؟؟؟
هل شي والله شاغلني حييييل

 

[e.ngland]

مابي امتحن شرايكم ؟

 

[3la-q8']

التربية مو لازم قدرات للقبول فيها

واذا اخذتي قدرات ونجحتي ماكو تمهيدي

وانصحج تاخذين قدرات بترتاحين

 

[cute lulu]

اول شي الحين انتي داشه علمي حرام تصيرين مدرسه او محاميه صيري "مهندسه" معاشهم حلو وشغل اوك صج انها اشوي صعبه بس حلوه يعني وبعدين كل شي راح يوقف على نسبتج والله يوفقجـ

 

[اموووله96]

فديت الخريجه والله الفال لنا

شوفي اذا انتي وحده تدورين راحتج انصحج تصيرين ابله اسلاميه او ابله رياض اطفال ترتاحين و معاش قوي و دراسه سهله

و رياض اطفال يعطلون اول ناس اختي ابله تقول كله سوالف ماكو شغل لوووول

الله يوفقج انشاء الله و تكونين من الاوائل..

 

[قطرة المسك]

مدرسه
تقبلي مروري

 

[e.ngland]

ايييييييي ابي الراحه ماحب الكراف بس ودي يكون لي اسم مثل دكتوره محاميه مهندسه فاهمين علي مع العلم اني شاطره الحمدلله ماشاء الله
خلاص بصير ابله ميمو خخخخخخخ

الله يوفقنا كلنا يارب
اموله فداج كلي :$

 

[بنت النوار]

اولا لا تصيرين مهندسه او محاااااميه عشاااان الاسم تراااا ماااا راااح يتعب الا انتي الناس ماا رااح تحس فيج وبعدين لا تقولين ابي ماااادة سهله عشاااان ترتااااحين الكل في شغل واذا مادة مو اساسية مثل الرسم ترااا فيه *معرض يعني شغل * امااا انج من نااااحيه انج علمي فكل الابواااب مفتووووحه قدااامج جميع المووواد بكل تخصصاته العلميه والادبيه انتي بس ااااختاااري واحلى تدريس المتوسطه بس انحااااشي عن العربي والانجليزي اما التربيه الاسلامية لازم تكونين فاهمه كل يعني حرااام تغلطين اما عني ابصير مدرسه امااا التخصص النادرر *الفيزياء*ما عاااد ما اهقااا للحين ناادر لان الكل قااام يدخله *مووووووووووووفقه*​

 

[e.ngland]

لا مو فيزيا جيولوجيا اللي سبب لي صداع خخخخخخخخخخخخ

 

[q8ya_girle95]

اول شي ترى بدعه جمعه مبااركه
أنا اقوول مدرسه احسن لاتاخذين أساسيه أخذي رسم العاب أريح لج
او اقتصااد يعني احسن تعطلين مع النااس ويك اند ومعاااش حلووو

كلاامج صح
صيري مدرسة العااب احسن واريحلج
​

 

[بنت النوار]

والله اناااااااااااا رايحه 11 واختي هالسنه تخرجت واقبلوهااا بكليه تخصص احياااء وانا من البداية مستحيل ادخل علمي والا ادبي الا اتخصص بالي درسته طوووووووووووول هالسنين والله محتاااارة من سالفة التحووويل هااااذي *مووووووووفقه*​

 

[e.ngland]

خلاص الحين رسيت ع كلية التربيه
وبعدين اختار التخصص ان شاء الله

يلا بالتوفيق فديتكم

 

[Terrific_face]

الله يوفقج حبوبة :eh_s(17):
بس دامج شاطرة ما فكرتي بالعلوم الادارية؟

 

[Miss.Nony]

شوفي حبيبتي العباية ماتوقف عائق جدام طموحاتنا !
ثاني شي آنا ما اعرفج كثر نفسج بس بما إنج متحدثة لبقه

دشي حقوق ولا آداب < على فكره ألحين الأبلات صك معاشهم الألف =)
يعني نعمه ؛*

 

[e.ngland]

الله يوفقج حبوبة :eh_s(17):
بس دامج شاطرة ما فكرتي بالعلوم الادارية؟

شنو طرقة العمل ترا غشيمه اللي تعرف توضح ماعليها امر


منوره

 

[e.ngland]

شوفي حبيبتي العباية ماتوقف عائق جدام طموحاتنا !
ثاني شي آنا ما اعرفج كثر نفسج بس بما إنج متحدثة لبقه

دشي حقوق ولا آداب < على فكره ألحين الأبلات صك معاشهم الألف =)
يعني نعمه ؛*

ودي بالحقوق بس مادري
..
وودي بالتربيه

 

[Miss.Nony]

^^

استخيري وشوفي اللي يرتاح عليه قلبج ؛*

الله يوفقج خيتي ؛*