آيفـوون زوجـي .. والصــور إللـي فيـه وهالربـع اللـي مادري متـى يعقلـووون !!!

[om MaRyooM]

الله ياخذ هالربع اللي يخربون على بعض !!

كل وحدة صادفها هالموقف واللي ماصادفها تكون غافلة المسكينة
وان كان ريلها زين يكونون ربعه لعوبين


من بعد المشاكل ريي باه الايفون

والحين راحة باال لي وله

 

[سيلينا]

واااي شككتوني ​

 

[om.7madiiin]

الله ياخذ التكنولوجيا اللي جذي قطييعه عندنا و عندج خير من دش الايفون البيت قلبة فوق تحت الله يبعدهم عن عيال الحرام بس
ويهديييهم قوليه اللي يشووف جذي باجر عادي الناس تشووف محارمك وترضى انا باجر احد يدزلي جذي و اشوف عورات الرياييل خرعيييه شوي
ولو اني ادري ان عمك اصمخ و عاد يدش يمين و يطلع يسار

 

[حكستار]

عاااادي
عطيه طااااف
وانتي ماعندج اي فون...
اذا دخل عليج حرية سوي روجج مندمجه بالواتس اب
وقولي ياربي اببييه هاذي شنو دازة
واضحكي...واذا قالج شنو؟؟ قولي ماكة شي
كانج مسحتي الصورة؟؟
وبعدين قولي له رفيجتي دازة صور ملكين جمال
العالم مولابسين شي...؟
طبعاااا اهواااا بيموووووووت
من الحرة،..وراح يقول شنو هاذا ومادري شنو
عاد انتي قولي ليش تحتر خلاص انا مسحتهم
مثل ما انت تسوي؟؟؟

لااااااااااااااااااااااا
لا تسوين جذيه....غلط يا ماما

ابدا الغلط ما يتصلح بغلط...خليج قدوة عند ريلج.....بس ديري بالج وتعابعيه من بعيد لبعيد...علشانا ما يعند معاج.

 

[أط أط]

عادي حبوبه شتسوين ..

كل رياييل الكويت توصلهم هالسوالف ..

بس خذي وعد منه أن يمسح الصور اللي تندزله من هالنوع ..

وما يخليهم بجهازه حتى لو ربعه دزوهم ..

لازم يحترم مشاعرج ويعرف أن هالشي يضايقج ..


يكون جذي فهم أن أنتي ما تحبينه يشوف هالسوالف ولا ترضين على نفسج ..

وبنفس الوقت بتحسين أن احترم وجهة نظرج ويمسحهم لأن يداري خاطرج ..


أنا أدري أن شي يغث ويضايق ويتعب نفسياً من هالربع اللي مادري شلون صايرين ..

بس شتسوين .. هذا التطور وهذي مشاكله ..

الله يعينا بصراحه .. ويهدي رياييلنا وجميع شباب المسلمين ..

 

[عسل سل]

دام التعليقات اهم الي كاتبينها مو اهو معنااتها عاادي والرجال لا بغا يسوي شي سواااه...

لاتتعبين نفسج بالتفكير محد راح يتعبج غير تفكيرج السلبي الله يعين لو خااينج صج الله يهدااج حريم رجاله يخووونوونهم بلفرااش وانتي تحاتين تعليقاات على صوور واهو ماعلق بعد!! فكري بذكاااء وعيشي حيااتج واستاانسي وحمدي ربج على ان زووجج زين ويااج

 

[حبك ذبحني]

اي والله صاجه ام الزين كل الرياييل توصلهم هالسوالف واللي تقوا لا هذي ماتدري عن زوجها واحنا شبابنا الله بالخير يعني لاتحرين نفسج علي هالسوالف لان مو بروحج اللي تعانين منها اغلب البنات يعانون منها ولا تخربين بيتج عشان صور وقولي اشوا انه صور مو صج والله يهديه ويهدي ازواجنا وازواج المسلمات اااااااااااامييييييييييييين

 

[om 7moood85]

الله يهديه ويسخره لج

 

[خشف العذارى]

اب اب اب

 

[خلود الزمان]

الله يعينج ويهدي لج ريلج