آيفـوون زوجـي .. والصــور إللـي فيـه وهالربـع اللـي مادري متـى يعقلـووون !!!

[منوووووله]

ابيخ حركه لما يقلب السالفه عالمره :/

لاتحرين عمرج ترا جذي بتزهقينه عيشته وبيمل من سوالفج بيقول تنبشين من وراي وماتثقين فيني واخذي من الحجي الي يغث

طاااف واكبر طااف انتي عندج وتسااب دزيله دعاوي وشغلات دينيه قوليله خل يدزهم حق ربعه يمكن يعرفون انه مايبي هسوالف تندزله له

 

[الفدنه]

بصراحه أنا ودي اعقب على كلام خواتي الفاضلات، الزوج اذا ماوقفته زوجته عند حده في مثل هالخرابيط وهالمواضيع اعذروني واسمحولي اقول عنها غبيه ،، هدديه بالشي اللي يلوي ذراعه هيبته ورجولته وكرامته وسمعته، حسسيه انه حثاله وطاح من عينج و بيني له ان الثقه فيه انعدمت و عطيه نظرة احتقار وبيني له انج لايعه جبدج منه ووقتها راح يستحي ويحرم يحط هالسوالف لان الزوج مايحب هالمعامله من الزوجه ، والزمي عليه يبيع التليفون بكبره ، لاتقولون ابي اخرب بيتها بس هاذي نصيحه لازم تكونين قويه تعاملي معاه بقوه لاتسمحين له يجرحج وقلل من كرامتج لما يشوف هالصور يعني مايحترمج والكلام موجه للجميع ،اي زوج يشوف هالسوالف اعتبره ولاشي استحقره واذله ذل ، لازم تفهمون ان هالشي غلط وموصح ، واللي قاعد اشوفه ان كل وحده منكم عاجبها الوضع تدري باللي يوصل زوجها من الرذيله وتقول عادي هو وغيره ، طيب خليج على وضعج معاه وخليه يشوف وشوفي شلون راح تندمين كثر شعر راسج ، لاتتهاونون بهالسوالف علي قلبه غثيه ايلين يبطلها والمراه اللي اقدرة تروض اسد تقدر تروض زوجها ، نصيحه نظفوا المجتمع لاتسمحون لهم يهدرون كرامتكم بشوفة أشياء وصخه ، أنا وحده أتكلم من واقع تجربه حولة حياته جحيم وعذاب أهنته خليته بيزه مايسوى والحين أبيكم تشوفونه تغير 180 درجه عقل تليفونه عادي هددته اذا يبي يشتري ايڤون يطلقني وكنت جاده بهالموضوع مع أني أنا عندي ايفون بس لما شاف جديتي بالموضوع تردد وهون انه يشتريه وكل وحده مفتاح مشاكلها مع زوجها بيدها حليها بيدج ولا تخلينه يتمادى بالغلط ، وأدعي له بالهدايه والله يسخره لج ويهدي ازواجنا اجمعين ويبعدهم عن المعاصي ، واسمحولي حبيباتي طولة عليكم بس وربي أني محتره حيييييييييل من وضع ازواجنا والحال اللي اوصلوله حافظوا عليهم واللي يحب زوجته مستعد يبيعه عشانها ولايهدم بيته مثل ماسوى زوجي فضل حياتنا على شي ماراح يسعده الا بيضره ويخرب بيته لانه هو عارفني مجنوووووووووونة غيره ، وانا مابيلكم الا الخير أنا حاسه فيكم كلنا زوجات ونغير فساعدوا بعض وحاربوهم يتركون هالبلاوي ،،*

انا معاج انه مانسمح لهم يطالعون هالسوالف
بس اسلوبج غللللللللللط واستفزازي
ومعروف الرياجيل يعاندون اردى من المراهق يصير اذا عاندتيه
والله والله يشهد علي اعرف اكثر من وحده اتخذوا نفس اسلوبج مع ازواجهم والنتيجه
كللللللللللللهم عندهم جياه سريه بعيد عن حريمهم
والله اكلمج عن ناس قراب مني
الدين النصيحه حبيبتي
شنو اذل زوجي واستحقره واحسسه انه حثاله؟؟؟؟؟؟؟؟؟؟؟؟؟
مايجووووووز
الله يهديج يعني ماراح يشوف عند ربعه هذا اذا ماحط تلفون من وراج
انا مو قاعده احرشج بس انبهج
مبين من كلامج صغيره ومومن زمان متزوجه
بكره الدنيا تفهمج
والمره السنعه تخاف على زوجها من نار جهنم
مو تخاف يطالع حريم ويقارنهم فيها
اتمنى اني فدتج​

 

[احساس السعوديه]

الله يسخره لك يارب ويهديه

 

[يافديت الدلع]

ياقلبي انا حاسه فيج دايمن رفيجاتي وخواتي يشكولي انا ملجه:eh_s(10): صج اني مادخلت القفص الزوجي بس شوفي ي عمري ادعي ربج كل يوم بالليل صليلج ركعتين وادعي ربج بصلاتج وبيوم يكون فيه زوجج رايق وانتي رايقه ع اخر كلميه بكل هدوء قوليله ي عمري والله انا حساسه لابعد الحدود وانا اغار عليك ومابي هالامور وهالتفاهات تسببلنا مشاكل :eh_s(16):مو تهاوشينه وتصرخين ترا هالاسلوب ماينفع معا الرجاجيل يعاندج وبتطيح ع راسج كلميه باسلووب هادي وموفقه يارب

 

[فديت اللي أحبه]

انا معاج انه مانسمح لهم يطالعون هالسوالف
بس اسلوبج غللللللللللط واستفزازي
ومعروف الرياجيل يعاندون اردى من المراهق يصير اذا عاندتيه
والله والله يشهد علي اعرف اكثر من وحده اتخذوا نفس اسلوبج مع ازواجهم والنتيجه
كللللللللللللهم عندهم جياه سريه بعيد عن حريمهم
والله اكلمج عن ناس قراب مني
الدين النصيحه حبيبتي
شنو اذل زوجي واستحقره واحسسه انه حثاله؟؟؟؟؟؟؟؟؟؟؟؟؟
مايجووووووز
الله يهديج يعني ماراح يشوف عند ربعه هذا اذا ماحط تلفون من وراج
انا مو قاعده احرشج بس انبهج
مبين من كلامج صغيره ومومن زمان متزوجه
بكره الدنيا تفهمج
والمره السنعه تخاف على زوجها من نار جهنم
مو تخاف يطالع حريم ويقارنهم فيها
اتمنى اني فدتج​

الله يجزاج خير يالفدنه وكلامج على عيني وعلى راسي أنا فعلا ماصار لي مده طويله متزوجه وبصراحه موضوع الاخت رفع ضغطي >> وانتي شكو ،،
ودخلة بالحامي الله يهديهم لنا تسلمين ياقلبي ومبين انج تحبين الخير لخواتج بالمنتدى الله يكثر من امثالج واسمحوا لي اذا غلطت بس من حرتي على صاحبة الموضوع ، وعسى يهدينا ويهديهم ،،

 

[الـفـجـر الـبـعـيـد]

وااااي لو الله يفكنااا من هالواتس اب احنا بخير :eh_s(14):

مادري من وين طلع لنا

حبيبتي طنشييييييييه ودايما طرشي له شغلات دينيه عن

زنا النظر وهالاشياء واستغفري وادعي له دايما ان الله يهديه

وهي فترة ويمل وتصير موضه قديمه ان شالله

بس الله يستر لا يطلع لنا شي يديد اكبر منه بعد

 

[اللوتس]

الله يعينج ويصبرج ونصيحه لاتفتشين تلفون زوجج لان هالشي يتعبج نفسياً

 

[فالنتينو]

الله يكون بعونك

 

[فوفى]

استغفر الله شنوو اتسوين نفسة وتقولين لة صور ملكين جمال ومفصخين بتخربين على عمرج انتى؟؟

اقول انتى فهمى انة هالشئ حرام وانة يسموونة زنا العين يعنى دشى على بمبدا الحرام والحلال

وان شاءالله ان الله يهدى.

 

[بنت عز وما تنهز]

ذكري الله لا تخربين بيتج عشاان صوووره ​

ترى موووو بس ريلج يوووصل هل سووووالف كل ريايل الكووويت صدقيني وإل تقوول لا هذي ما تدري عن ريلهااا
صدوووقوني كل الريايل تووصلهم
وريال اذا بخيرب والله يقدر يخرب واهوو مجاابلج ليل ونهاار ​

بس انتي ريلج شاااريلج و ماايرضى على زعلج مبين ​

صلي على النبي كلمي وقوليلي خلاص ماا ابي تكررهاا ​

والله يخليكم حق بعض ولا يفرقكم ​

صــــــــــــــــــــــــــــــــااااااجه

مالج الا من ظمن السوالف تجيبين طاري الحرام وان العين تزني ومن هالسوالف

وادعيله بالهدايــــه

عسي الله يهديهم ويصلحهم :yaaaaaarb:

 

[ســآرهــ]

ماقريت ردود البنات بس من وجهة نظري لاتجين له من باب الغيره بكره اذا لاسمح الله زعلتيه والا اخذ على خاطره منك ويبي يحرك يرجعه .. لكن تعالي له من باب انك خايفه عليه وذكريه بالله وقوليله وليه تاخذ ذنوب هاااااااالقد وكلها صوره لا راحت ولاجات بس عشان تعصي ربك ..!!؟ قوليله الناس تدور شي يمحي من ذنوبها بأي طريقه وانت بأسهل الطرق تكسب هالذنوب .!؟اصحابك على غلط تشاركهم وتكسب ذنب بس عشان تجاملهم ؟!!
خوفيه وذكريه بربه وبالاخره يمكن يخاف ع الاقل ​

 

[Om_Ksha]

انا جذي بعد .. انا اذا وصلتي وااتس اب مايطلع عالشاشه بس ريلي لا اي شي يوصله اقدر اقرا العنوان بدون لا ابطله فكنت يم التلفون وتوصله هالسوالف عاد دش وقلت له رفيجك هالمعفن لا يدز هالسوالف قال والله اقولهم ماكو فايده ،، عاد بعد قلبي كلا يدزلهم سوالف دينيه ليما بعضهم عقلو وبعضهم يبيلهم زففففف

 

[ام كوشه منكووشه]

الله يهديه ويجملج بعينه ان شاءالله ومايشووف غيرج

 

[زوجة عزيز]

اف يقهرون ربعه

 

[حظ من عنده انا]

الله يعينج


مدري شقول بس كل وحده ولها طريقتها مع زوجها.

بذكائج تقدرين تخلين زوجج يسوي الصح لحياتكم الزوجيه وهو راضي اكيد

مثل هالسوالف ماتجيب خير للحياه الزوجيه

اللي يبي الله يوفقه في كل اموره يطيع ربه بكل شي

 

[الهيــام]

الخراب من ربعه
اهما ماهمهم اذا الريال متزوج ولا عزوبي ولا شنو يكون
اهما يطرشون وخلاص
مايدرون ان لهم رب يحاسبهم على كل شي طرشوه
اهم شي انتي خليه يمسح الواتس اب
واذا مامسحه وثقي فيه وقوليله عطيتج الثقه ان ماتشوف هالاشياء
واللي يطرش لك نصحه
وان شاءالله يفيد وياهم

 

[عيش و مرق]

صااااااجه مشكلة هالواتس اب كللللل شي يوصلهم الزين والشين بس شنو الحل مادرى ماكو حل الا ان اهو نفسه يقول لهم لاتدزون لى وله مايطالع يمسح على طول

 

[fluffee]

زمن الوتس اب الحين غير عن زمان اول خلاص الحين الرياييل والحريم وحتى اليهال يقدرون يشوفون كل شي

الوتس اب الحين بطل عيون الناس كلها

واتوقع الكل يعاني من هالمشكله ياما تعبثت بتلفون ريلي ولقيت ربعه دازينله بلاوي لا تحسبين ان علشان متزوج بعفونه لا للأسف يثيرونه اكثر ويشيشونه على مرته بعد

صج الكلام اللي ينكتب يقهر مره دازين فيديو عن رقاصه شكاتبين!!!

جسم وبياض وطول وشعر مو مثل اللي عندنا كل يوم صالون وماكوفيده !!!!! شهالحجي عيب والله عيب

بس الله كريم كل واحد بدز من هالصور الله بحاسبه على ذنوبه ويحمل ذنوب كل من وصلت له هالصور من بعده​

 

[أحبه موت]

عندنا وعندج خير انا بعد ربع زوجي جذي مابقى شي مادزوه له لاااااعت جبدي عاد عنده واحد من ربعه متزوج ويدزله افلام وصور الي خبري وخبرج بس هذا كان عالايميل يدززهم له وانا عندي باسوورد ايميله فا لمه كنت ادش انصدم بكمية الصور والفيديوات الي دازهم له المشكله اهو الوحيد الي من بين ربعه جذي الاشياء الي يدزهم نفس ويه جليل الحيا وانقهرررررت جم مرة اكلم زوجي اقوله كلمه وقوله لا يدزلك هالسوالف يقولي انزين انزين ويسحب علي انا شسويت عبالج خليته
قمت سويتلي ايميل يديد ودزيت حق رفيجه ايميل شطووووووله على ابو اني وحده وابي انصحه عالشغلات الي يدزهم خليته مسكين يتحسف وضمييييره أنبه حيل عاد كنت ناطره ايميل منه قلت اكيد الحين بدزلي ايميل بسبني فيه ويقولي انتي شكو مالج شغل بس الحمدالله ربي ماخيب ظني دزلي ايميل يتشكرني فيه وقالي فعلا انا كنت محتاج احد ينصحني وانتي اول وحده تقوليلي هالكلام ووعدني ان ماراح يدز هالأشياء وصج والله من عقبها لمن ادش ايميل ريلي ما احصل منه ايميل في هالشغلات الحمدالله بعدت عن ريلي عن هالسوالف وكسبت بالريال اجر اني نصحته ونبهته عاد تدرين ياني ريلي ثاني يوم من عقب مادزيت حق رفيجه مسج وقالي السالفه قالي ما ادري منو دازتله ايميل تنصحه والريال تأثر حيل وحلف انه مايدزز هالشغلات من يوم ورايح عاد انا من داخلي استانست بس والله لو يدري ريلي ان هذي انا الي دازتله والله يذبحني والحمدالله ليومج هذا مايدري منو هههههههههههههههههه وان شاءالله مايدري
بس الحين عندنا العله الواتساب الخمه الي معاه مابقى شي مادزوه والله المستعان تخلصين من شي اييلج شي ثاني​

 

[مناير ...!]

يا ماما كلنا اللي عندنا ايفون

كل شي يوصلنا بالواتس اب

الزين والشين

سواء قبلنا او رفضنا

فوفو

:eh_s(15):
كبري عقلج