آه يا هرمون الحليب جنني بنات انا حيل خايفه تخيلو اول زواجي فحصت لقيت هرمون الحليب كان 600 عطتني الدكتوره حبوب دوستنكس ونزل صار 100 طبعا تحت الطبيعي وبعدين قالت خلاص هو يرد يرتفع شوي شوي خليته 4 شهور بعدين قسنع من نفسي بدون استشارة الددكتوره لقيته 345 طبيعي جدا وحمدت الله ونزلت لي الدوره رحت لدكتوره سمر بعيادة ماجده اليتامى هذرتها واجده وخرعتني سوت لي تحليل شامل للغده ودقو علي فالوا تعالي ضروري قالت لي الدكتوره هرمونج حيل حيل مرتفع 1300 انا صارخت شنوووو وبققت عيونيوالله من الصدمه مادري شتقول الدكتوره السمع خلاص وقالت لي هتعملي اشعه مقطعيه او رنين مغناطيسي للراس عشان يشوفون الغده النخاميه فيها تورم او لا انا هني صكت فيني الدنيا لاحول و لاقوة إلا بالله وقالت لي انتي اي يوم قلت لها انا باليوم 11 سوت لي سونار داخلي عورتني ومعصبه بعد اقول لها شوي شوي علي خايفه ولمن سوته قالت عندج بويضتين وحده 8 ووحده 9 3)£ شنو دكتوره حيل صغيره قالت ايه قلت لها يمكن دكتوره لاني باليوم 11 متردت علي انا اسأل وخايفه وهي ولا همها وماترد على اسئلتي وعطتني حبوب الدويتنكس قالت تاخذينها بعد الاشعه وقالت لي الدوره منتظمه عندج قلت لها دايما تنزل كل 28 بس مره تأخرت علي 4 ايام قالت لا يبقى كده مش منتظمه وصرفت لي كلوفاج لتنظيم الدوره وقالت اذا في حمل تثبته بغيت اقول لها شلون احمل وانا بويضاتي صغار والهرمون برولاكتين الحليب مشلع بالعلالي ماردت علي تكتب وسافهتني والله مادري شسوي ابجي على حظي ولا ياربي شسوي قلت لها دكتوره قبل شخر كان زين الهرمون معقوله يرتفع بسرعه جذي طيب دكتوره عيدوا لي الفحص ماتود تقول لا لا ازاي نعيده وطلعت رحت وانا قاطه ميه على هالفحوصات وقبلها قاطه 100 عنده معالجه شعبيه قالت لي رحمي مايل مادري اصدق منو فيني مليون عله وعله بس بنات انا قريت بالنت ان الحلبه ترفع هرمون الحلبه وانا بنفس اليوم اللي سويت فحص هرمون الحليب فيه كنت شاربه دوا من المعالجه الشعبيه كله ريحة حلبه لدرجة ان كرمكم الله حتى مع البول طالعه ريحة العلاج حلبه واعشاب وقبلها الاشهر الاي طافت كنت اسوي سونار خارجي عالمبيض مره بيوم 13 او 12 قالت لي حجم البويضه 15 قالت عادي تكبر اكثر مع البومين القادميين وبعدها بشهر سويت تلقيح عندها مع الابر واكلوميد وصل حجم البويضه 20 ()9:& اصدق منو ياربي الدكتوره اللي بمستشفى العرف الي طمنتني ولا دكتوره سمر اللي صرقعتني وخلتني اغيب اليوم ورحت لمستشفى حكومي قلت لهم الي اسوي اشعه رنين او مقطعيه قالوا لي لازم تروجين لدكتور النسا يحول لج علينا وبعدها تجين نعطيج موعد بعد شخرين قلت لها اقول سلامو عليكم بس ما الوم المواطنين لا انحاشوا من المستشفيات الحكوميه المريض يموت للحين ما وصل دوره بالفحص وبعدها رحت لمستشفى العرف قلت الي رنين قالوا 180 قلت انزين المقطعيه قالوا لي 70 ومع ابرة الوريد تطلع 100 قلت يالله توكلت على الله والله يابنات وادش قوقل وألقاهم كاتبين ابرة الصبغه للاشعه تشعر الواحد بالدفئ وانا قللبي قارصني اول ما حطوني على سرير الاشعه وانا قلبي يرقع والله يا بنات بعد خمس دقايق واحس الابره حرقتني حراره لدرجة ان فمي فيه طعم غريب وانت اصفق وانادي الدكتور وهو يصارخ لا تتحركين لاتتحركين تخرب الاشعه اخرتها قمت اصارخ طلعوني دخل زوجي وانا خلاص دايخه وارجف وقلبي دوووووف دوووف بينقز من مكانه حسيت بالموت قلت طلعوني مابي اشعتكم خلاص قال لي نو مو خلاص سويناها والنتيجه باجر بالليل والله يسترررر ياررب تطلع سليمه قسم بالله خلاص قلبي الصغير لا يتحمل كل هالبلاوي بس شنسوي الضنا غالي ياناس وانا وحده اموت على الجهال ولد اختي اعشششقه اروح لاهلي عشانه شلون عاد لا صار عندي ولد ولا بنوته يارب يارب اكتب لي من واسع فضلك انا وكل محرومه يارب واللي مرت لمثل تحربتي بهرمون الحليب او السونار الداخلي الغثيث تفيدني حتى اللي تستخدم كلوفاج او دوستنكس لاتبخل علي بالنصيحه
