آه ..آه...ياقلبي ..وقلب كل مرة تبي الضنا.....

[إباء الروح]

السلام عليكم خواتي ...
بدش بالموضوع على طول:
توني قبل فترة مسويه اشعة الصبغة والدكتور قال لي انك سليمة ...
طبعا لي حوالي السنتين ماحملت ..
وعندي عيال ...
المشكلة ...كان عندي بذقني شعره وحده بس مره خشنة ....قبل يمكن سنة والحين في عالفترة قبل 4 شهور تقريبا الشعر قاام يزيد ..يمكن 6 شعرات او 7 ...طبعا فيهم الخشنين وفيهم الاخف ..بس غير شعر وجهي طبعا ..ولا يطولون بسرعة بعد...
والله حدي محتارة ...
وقبل 5 شهور قمت اتعالج عند دكتورة بس تركتها وجم مرة تسوي لي تصوير وتقولي ان الرحم عند كويس مافيه شيء ابد..كله طبيعي ..
بس عندج ضعف في البويضات ...
انزين ضعف البويضات يسبب ظهور هالشعر الخشن ؟
هم وزني له فترة زاايد ومو راضي ينزل ...!
طمنوني بنات ...هل التكيس يبين في اشعة الصبغة وهذا اللي اوتقعه؟
الله يعافيكم ويرزقكم الذرية الصالحة اللي عندها جواب لاسئلتي لا تبخل علي ...
وادري فيكم ماتقصرون عشان جذي كتبت لكم...
المشكلة موعدي ريض مع الدكتور لاني اتعالج بالحكومة ...وسويت تحاليا بس النتيجة مع الموعد.

 

[شذا الياسمين]

ياحياتي ماعندي فكرة ربي يفرج همج ويرزقج بالذرية الصالحة في القريب العاجل يااارب ..

 

[lovemyself]

شوفى حبيبتى اشعة الصبغة تفحص الانابيب ومالها اى علاقة بالمبيض
المبيض لازم تسوين له سونار ولازم تشوفين هرموناتج شلون صايرة
والله كريم يوفقج ويرزقج:yaaaaaarb:

 

[lovemyself]

لا اشعة الصبغة مالها علاقة بالمبيض
فى حالتج لازم تسوين سونار داخلي وتحللين هرمونات
موفقة:yaaaaaarb:

 

[lovemyself]

لا اشعة الصبغة تفحص الانابيب بس والرحم يعنى تشوف اذا فيه التصاقات بس مالها علاقه بالمبيض
فى حالتج لازم تشوفين المبيض بسونار داخلى وتجيكين عالهرمونات

 

[lovemyself]

sorry صار فيه مشكلة عندى وحطيت 3 ردود المهم المضمون واحد

 

[هيبة ملك]

الشعر يدل إما على ضعف مبايض

أو هرمون

أو تكسيات
سوي سونار وعلاجي

وإذا مافيه شئ معناته إن هذي طبيعة جسنج يطلع شعر وهني مالج إلا الليزر

والله يشفيج ويعافيج

 

[ايام وردية]

الشعر الخشن والصوت الخشن يدل على لخبطة هرمونات لان حتى الصوت لة دخل

 

[درة أهل الطولات]

ما ادري لرفععع

 

[النووف]

الله يشفيج يارب

ويرزقج بالذريه الصالحه

 

[catchy_nano]

انا بنت عمتي جذي بس قالو لها الغده
انتي سوي تحليل هرمونات وشوفي الغده
لان السالفه فيها وزنج

 

[رماد وظل]

والله ماعندي علم ..

الله يرزقنا الذرية الصالحة

 

[oum^zozo]

نزلي وزنج وراح تخف التكيسات وايد

 

[إباء الروح]

ماقصرتوا خواتي الله يوفقكن...
انا كتبت لكم اني قبل جم شهر كنت متابعة مع دكتورة وسوت لي تصوير داخلي وخارجي كذا مرة وقالت لي كلشي زين...
كوضع الرحم ومافي تكيسات او او ...
يعني كله سليم..
اللهم قالت لي عندج ضعف في التبويض ..
في بويضات واايد بس حجمهم صغير ..
الشهر اللي بعده عطتني كلوميد اق جرعة وصار عندي 3 بويضات وحجمهم مناسب بس ربي ماكتب...
هل الشعر بسبب ضعف التبويض؟
ووزني ..اعتبر عاديه بس مقارنة باخر مرة ولدت زدت لان قبل كنت ضعيفة يعني كان وزني اقل من المطلوب او المفروض ..
وبعدين زااد 10 كيلو...
كثير اخفف بس ماكو فايدة عشان جذي حسيت ان في مشكله.
وسلامتكم.

 

[جديده 1]

حبيبتي مشكلتج واضحه جدا عندج مشكله بالغدد روحي افحصل غدد شامل الاعراض كلها واضحه عندج

 

[إباء الروح]

حبيبتي قبل اكثر من 3 سنوات وسويت تحليل للغدة وخاصة انه عندي اضطرابات نفسية والنتيجة ..كانت طبيعية واعدت التحليل اكثر من مرة..
مشكورة اختي لاهتمامك.

 

[أم سيف وسلطان]

يمكن خلل في الهرمونات

بس انتي لازم تسوين رجيم ورياضه

لأنه الرياضه تعدل الهرمونات

والله يرزقنا اجمعين