آنـا فينـي عيـن أكيـد حسـدوني .. و العيـن حـق ..

[*caramel macchiato*]

شوفي العين حق ...وانا وحده اخاف من العين بس بالمعقول والله ...احصن نفسي بالآيات واذكر الله واتوكل عليه ...والله خير حافظ

بس ما اوسوس واحسب ان كل الناس حاسدتني وان كل الناس عينهم حاره ...استغفر الله اهني العين تتحول حق مرض نفسي ...

اعرف وحده استغفر الله مريضه ...كل شي عندها عين ...مع انها مثقفه ...بس والله عسى ماقلتيلها شي حطت ايدها اليمنه على راسها واتسوي روحها تلعب بشعرها بس اهيا قاعده تقرا على نفسها !!! استغفر الله شالمرض !! حتى لو شي سخيف ما ينحسد ...والله قمنا انخاف نمدحها ويلا حتى انجاملها ..وطبعا مستحيل تتكلم عن اي شي بحياتها ..اي شي ...مانعرف عنها لا صغيره ولا كبيرة ....شي فضيييييييع ...والله مو هامنا احنا كلش...بس شي غرييييييييب غرييييييب خوفها من العين ...مع ان حياتنا ممكن اتكون احسن منها يعني ليش بنحسدها ....بس استغفر الله هذا المرض بعينه وعلمه ....
بس شنقول...الله يكافينا شر العين والحسد

 

[حواء الكون]

اللى يؤمن بكتاب الله يعرف ان الحسد ماهو شي نادر بل حقيقه ومذكوره بالقران ونزلت سورة تتعوذ من شر الحسد يعنى الحسد شر ولازم نحتاط منه وناخذ الحذر منه

تدرون بانكم ممكن تنحسدون على شربت ماى وقعدتج بالبيت مرتاحه او على الاب توب وتصفحج اياه من الناس ومن الخادمات

والله اغلب الامراض من النفوس الخبيثه

واغلب القصص الواقعيه تحذر من العين والحسد وغيره

حبيبتى لاتستهينين بالحسد والعين قولى ان شاء الله ربي يبعدهم عنى

تراها تدمر حياتج بلحظه من كلمه تنقال لج تعفسج وتعفس حياتج ولاتقولين ابالغ لا

اطلبي من الله انه يبعدهم عنج

انا مع الاخت حرفيا

ومثل مافي ناس تهول من المواضيع في ناس مجربه ومكتويه وتعاني ليل ونهار وسنين مريضه وناطره الشفا من ربها وبليز لاتحطون ان العين نادره العين منتشره بشكل كبير وواقعي وتقدر اي وحده تزور اي شيخ يقرا وتشوف الحالات جدامها واقعيا .. حتى تشوف خادم العين شلون ينطق ويتكلم داخل المريضه الله يشافي الكل يارب والحين عين وحسد وسحر وبلاوي وهالشي مذكور في القرآن والتحصن منه واجب .. وبعدين البيوت اسرار واللي ماتبي تعلم كيفها مو غصب مثل مايقولون داري على شمعتك تئيد انا ما اقول نخلي العين شماعه لكن اقول من خاف سلم فمالا داعي نسولف بكل شي وانا وحده جربت وتعلمت واعذروني اللي ماجربت تحمد ربها على العافيه
ولاتستهزأ بغيرها لايصيبها شي ماتتوقعه والحسد مو شرط بس عالجمال هم عالصحه والعافيه والرشاقه والنجاح والسعاده الاسريه واشياء وايد ! لان كل انسان يطالع الشي اللي مو عنده ولايحمدون ربهم ! من باب اولى نحسن اخلاقنا ونتمسك باخلاق الدين ولانحسد ونتمنى الخير لغيرنا هني راح نحسن الوضع ونكسب ثقة الاخرين ويقل وسواس العين على قولتكم

وشكرا:eh_s(17):

 

[Patcholli]

المفروض الواحد مايتهيأ ولا يتخيل اعراض العين على نفسه والمفروض مايحط هالشي فباله عشان لا يضيع بين عقله الباطن وبين العين صج ..

 

[&موناليزا&]

العين حق ولها أعراض ولكن مو كل شي نعلقه بالعين

وأغلب اسباب العين من الحفلات والاعراس في ناس ماتذكر ربها

 

[**ام نايف**]

صباحكم قشطة..

المصيبة صار عندنا معتنق الإصابة بالعين ..حتى اليهال لما تمزح معاه ينط يقولج قولي ماشاء الله اخاف تيني عينج..
لهدرجة الهوس والخوف من العين..عادة الناس الي تؤمن بهالشي هي اكثر عرضة له..ومثل مايقولون نجمها خفيف استغفر الله..
طيب وين الايمان بالله وان(ماصابك لم يكن يخطئك) وين التحصن بالاذكار اليومية ..وين الاخذ بالاسباب..التوكل على الله واستوداع النفس رب العباد..
انتي من حقج تسوين كل هذا ..ومن حقج ان ربي يحميج ولو صار اي شي معناه ربي الي كاتب بارادته مو بعين هالانسان..
لازم شوي نحرك الايمان ونعتقد بان الله هو الي اراد لنا هالشي..
هالظاهرة ذكرتني بالي تحلم حلم بالليل وتركض على المفسرين ولا كتب التفسير لين صار عندها هاجس الاحلام و امشية حياتها بناء على الحلم الي تشوفه البارحه بالنوم يومها سعيد لانها شفت شي يسرها ويومها كئيب لانها شافت مايضيق خلقها..

تحياتي

 

[وسن الوجد]

العين حق , و العين مو بس للحلويين تيي هع
لا اللحين الناس بكل شي يحسدون , المره الشينه قالوا
ويه شينه و عند ريلها يا دهينا لا تنكتين
و ان كانت المره حلوه قالوا مزيونه قاعده عند هالشين
و اذا حملت من ليلة عرسها صكوها عين
مشكلة الناس الحين ما يقولون ما شا الله تبارك الرحمن مو
كل الناس بعض الناسس ,

خلصنا من هالشي

و في ناس بعد بكل شي حسدوهااا , مو لهالدرجة يا بنات
تخيلوا اعرف ناس كل شي عين
ان شا الله كحة بسيطة عين
حبايبي مو لهالدرجةة !

اقروا اذكاركم و خلولكم ورد يومي تقرونه من المصحف
ماياخذ من وقتكم و صدقوني العين ما راح تييلكم كلشش

 

[om_toooosha]

يسلموااا علموضوع
بس ياليت على كثر ما تخفون من العين تقرون على نفسكم
ولا زم تومنون بالله حق الايمان
وتعرفون انا فيه شي اسمه قضاء وقدر مو كل شي عين
الله يكون بالعون

 

[ℓσσσѕ]

قل لن يصيبناالاماكتب الله لنا ان خيرامن الله وان شرافمن انفسنا
الله يهدي من اصيبوبعين الغفلةووسوسةهاجس العين
طالماانكم محافظين ع وردكم اليومي من قراءةالقران والا ذكاروالصلاةبوقتهامايصيبكم شي بقدرته سبحانةوتعالي

 

[.candy]

ههههههه عاد اكثر الحريم يوسوسون على عمرهم ويعيشون عمرهم بوهم ويمرضون وحالتهم حاله شدعووا عاد هههه الله يصلح الجميع اقرأو المعوذات وتوكلو على الله والله الحافظ
يسلمو حبوبه على الموضوع ..

 

[Zinab BH]

الوحدة فينا عليها تحصن نفسها و بيتها و ذريتها و لن يصيبنا الا ما كتب الله لنا
اهو صج في ناس ماتذكر الله اذا جافت النعمة عند غيرها
بس الوحدة فينا تكون محصنة نفسها و ماتقعد كل ساعة تقول عين و حسد و عين
و بمثل الوقت الوحدة فينا ماتقعد تعرض كل اللي عندها لناس زوجي سوا لي ابوي شرا لي اختي حطت لي
لان الناس ماترحم نقول الحمدالله على كل حال لان محد مرتاح بهالدنيا
ولا نقعد نتشكى عشان نبعد عيون الناس عنا اصلا الشكوى و التولول يقصر العمر

ذكرتوني بوحدة بالمنتدى ضحكتني في موضوع شنو زوجج لبس ليلة العرس
كل العضوات او معظمهم ان سروال و فانيلة بس اهي كاتبة
ان كشيخ و بجامات و حركات وبعدين كاتبة قولو لا اله الا الله مشاءالله ماحلل ولا وحدة
ويه ويه ويه شدعوة بنحسد ريلج على بوكسر لو شورت استغفر الله ربي يعني بالمعقول والله
و بالنهاية الله يشفي جميع مرضى المؤمنين و المؤمنات ولا يبتلى احد فيكم بالعين والحسد يارب

 

[♥MaSteRiyA♥]

رووووووووعة
وقل أعوذ برب الفلق من عين الناس :yaaaaaarb:​

 

[M!SS.LOBY]

يارب احفظنا

 

[M!Ss Smart]

صاجه ولله اعرف وحده قبل لاتزوج فيها تكيسات بسم الله ع السامع والله يشافيها ودوخ وطيح من قبل الزواج بس تزوجت وصارت عند حموله وطيج جدامهم صارت تمشي وتسولف انا محسوده من عرسي عين عين واهيا مافيها شي ينحسد عاديه حييييل

 

[Huda alotaibi]

عن سعد رضي الله عنه قال : قال رسول الله صلى الله عليه وسلم
( من تصبح بسبع تمرات عجوة لم يضره في ذلك اليوم سم ولا سحر ) رواه مسلم



ورد في صحيح البخاري عن الرسول صلى الله عليه وآله وسلم: ((من تصبح كل يوم سبع تمرات عجوة لم يضره في ذلك اليوم سم ولا سحر)) وثبت عنه أنه قال: ((بيت لا تمر فيه جياع أهله)) مؤخرا كان الاكتشاف التالي .. فمنذ وقت قريب اكتشف أن أكل التمر أو البلح يولد هالة زرقاء اللون حول جسم الإنسان، ووجد أن تلك الهالة الطيفية ذات اللون الأزرق تشكل درعا واقيا وحاجزا مانعا لعديد من الأمواج الكهرومغناطيسية اللامرئية من الجن والحسد والسحر والعين الحاسدة وخلافه والجن يصبحون غير قادرين على اختراق هذا الحاجز الذي ولدته الطاقة المنبثقة من العناصر الموجودة في التمر، وخاصة عنصر الفسفور الغني بالالكترونات والتي تزيل الشحنات الموجبة التي يحبها الجن ومظهرها الاثارة والتهيج لدى الانسان .. ومن المعروف ان لمركبات هذا العنصر اشعاعات تألقية فوسفورية تدعم الطيف الأزرق وتمنع اختراق الجن لهذا الحاجز الطيفي في حين أنهم قادرون على اختراق كافة الأطياف والتعامل معها والطب الحديث اليوم - الذي لم يعد المسلمون يثقون بغيره – أثبت أنه سبع تمرات ايضا على الريق تقتل كافة أنواع الدود في المعدة وكذلك أثبت أنه المادة الوحيدة في الأرض التي لا يبقى منها فضلات تخرج من جسم الإنسان، فيستفيد منها الجسم كاملة تماما فانظروا ايضا الى بعض الفوائد للتمر التي لا تعد ولا تحصى: 1- خفض نسبة الكلسترول بالدم والوقاية من تصلب الشرايين لاحتوائه على البكتين. 2- منع الإصابة بسرطان الأمعاء الغليظة والوقاية من مرض البواسير وتقليل تشكل الحصيات بالمرارة وتسهيل مراحل الحمل والولادة والنفاس لاحتوائه على الألياف الجيدة والسكريات السريعة الهضم. 3- منع تسوس الأسنان لاحتوائه على الفلور. 4- الوقاية من السموم لاحتوائه على الصوديوم والبوتاسيوم وفيتامين ج. 5- علاج لفقر الدم (الأنيما) لاحتوائه على الحديد والنحاس وفيتامين ب2. 6- علاج للكساح ولين العظام لاحتوائه على الكالسيوم والفوسفور وفيتامين أ. 7- علاج لفقدان الشهية وضعف التركيز لاحتوائه على البوتاسيوم. 8- علاج للضعف العام وخفقان القلب لاحتوائه على المغنسيوم والنحاس. 9- علاج للروماتزم ولسرطان المخ لاحتوائه على البورون. 10- مضاد للسرطان لاحتوائه على السلينيوم وقد لوحظ أن سكان الواحات لا يعرفون مرض السرطان. 11- علاج للضعف الجنسي لاحتوائه على البورون وفيتامين أ. 12- علاج لجفاف الجلد وجفاف قرنية العين ومرض العشى الليلي لاحتوائه على فيتامين أ. 13- علاج لأمراض الجهاز الهضمي العصبي لاحتوائه على فيتامين ب1. 14- علاج لسقوط الشعر وإجهاد العينين وإلتهاب الأغشية المخاطية لتجويف الفم وإلتهاب الشفتين لاحتوائه على فيتامين ب2. 15- علاج للإلتهابات الجلدية لاحتوائه على فيتامين النياسين. 16- علاج لمرض الأسقربوط وهو الضعف العام للجسم وخفقان القلب وضيق التنفس وتقلص الأوعية الدموية وظهور بقع حمراء على الجلد وضعف في العظام والأسنان، وذلك لاحتوائه على فيتامين ج2 أو حامض الأسكوربيك، 17- علاج الحموضة في المعدة لاحتوائه على الكلور والصوديوم والبوتاسيوم. 18- علاج أمراض اللثة وضعف الأوعية الدموية الشعرية وضعف العضلات والغضاريف لاحتوائه على فيتامين ج. سبحانك ربي ما أعظمك. فعلا و فوق كل ذي علم عليم وقد ورد عنه صلى الله عليه وآله وسلم أنه أكل التمر بالزبد، وأكله بالخبز، وأكله مفرداً، والتمر مقو للكبد فهل عرفتم الآن لماذا كان الصحابة رضوان الله عليهم أشداء، حيث ورد أن الإمام علي كرم الله وجهه حمل باب حصن لا يحمله إلا عشرة واستخدمة كترس إنه التمر لما له من فوائد عظيمة جدا جدا فسبحان الله العظيم

 

[a7taj as2lk]

الصرااحه معااج حق بكل اللي قلتيه

احس العين صاارت موضه اي احد يطيح يمرض يصخن يعطس قالو عين

مو لذي الدرجه في ناس استغفرالله استغفرالله ودج تقولين لها
شوفي نفسج بالمنظره قبل لا تقولين عين
ونااس لا حرام ظليمتهم شينه يكونون صج معيونين

بس للاسف من كثر الناس ما هبو بالعين ( صج صارت هبه )

ما قمنا نميز

نصيحه من اختكم حافظي على صلاتج اذكار الصباح والمساء
سورة البقره وقولي ( لن يصيبنا الا ما كتبه الله لنا ) وسكري على باب العين


لان اللي يدخله مستحيــــــــــــــل يطلع منه



ويسلموووو​

 

[شندوخه]

والله عدلكلامج
العين حق بس الناس خلوها شماعه لهم
يقطون كل اغلاطهم بحجه العين
وناس وايد تبالغ
للاسف مايتوكلون على الله
دام الانسان مواظب على صلاته والاذكار والتحصينات ويتوكل على الله مايظره شي باذن الله
بس وين الناس اللي تستوعب؟

 

[بنفسجيه_Q8]

عليه الصلاة والسلام

الله المستعان كلامج سليم 100٪

 

[النزغة أسيل]

صح كلامجج ,
ذكرتيني بناسات أعرفهم جذي
___

بس العين منتشرة بكشل مو طبيعي بهألايام ..
يعني وحدة أعرفها ذاقت الويل و أحلامها غريبة و تعبت نفسيا و طلع صج عينن !!

و في حريم الله يهداهم ما تقول مشالله عجبها شي فجت عيونها على هالكبر O_O
و في حريم تكشخ و تلبس و تكلم و ما تقرا الرقية و لا الأذكار !!

اما في نوع طقت صبعها بطرف الباب قالت عين


__________
قواج الله :eh_s(17):
​

 

[غآب نورك ~]

الوحده الحين حتى لو عطست قالت عيييييييييين


الله يبعد عنا وعنكم الشر والعين والحسد

 

[(دنيتي)]

تسلمين اختي ع الموضوع سالفه محسوده وحسد وعين

منتشره بشكل كبيرررر وايد بس تدرين شالسبب قله الوازع الديني

الحاسد مو راضي بقسمته من ربه ويحسد غيره ولاذكر ربه لما حسد الغير وماقال ماشالله وماقال الله يرزقنا مثل مارزقت فلان ارزقني



والمحسود ماحصن نفسه اقرو ايات قبل تطلعون من بيتكم المعوذات ياسين استغفار تسبيحات

فيه شغله غير الحسد اسمهت الغبطه انه. تتمنين مو زوال النعمه لا تتمنين الرزق نفسه عند فلان يصير عندج
وفيه


شغله اسمها الفطنه اللي اهي تتفاجئين بحصول شخص ع شي تتمنينه او تشهقين وتنبهرين فيه وماتذكرين ربج

اهم شي بسالفه الحسد ذكر الرحمن ماشالله لا اله الا الله

سمله عليج الحمدلله الله يعطيج خير هالشغله ويكافيج شرها

اسفه للاطاله واتمنئ اني فدتكم بتعليقي وشكرا ع الموضوع الجاد

اختكم دنيتي