آنـا فينـي عيـن أكيـد حسـدوني .. و العيـن حـق ..

[MiSs_CRaZya]

خل اقولج قصه صارت معاي

لما تخرجت من الثنويه سويت حفله يعني بوفيه و مسوين شعورنا و كاشخين =d

المهم اختي الكبيره سمعت حجي من حريم انهم يقولون عني ان نسبتي مرتفعه و جذي

عاد يومها لما رديت البيت دقت علي قالتلي اقري المعوذات دايما

سالتها ليش صاير شي سامعه شي ؟ قالت لا بس جذي اقولج .. عاد حنيت لين قالت =d

بس قالت مو توسوسين ماكو شي بس اقري المعوذات و الله يحفظج

و امي بعدين قالتلي نفس الشي

و كلامهم صح العين حق و الانسان واجب عليه يحتاط بس مو معناته يصير رعب و خوف و فوبيا من هشي !

لا بالعكس الانسان يقرا المعوذات و يتوكل على الله سبحانه

 

[Miss Eteket]

آلعينن ححق و آنآ مععآجج بسس بهآلززممنن آلنآس قآمت تبآلغ بأدنى شششي ("/

 

[طعنـــة غـــدر]

المشكلة علبالهم قلتي فيني عين مدة جنج قايله انتي خاتمة القرآن
ترا يعتبر مرض مو مدحة يا هانم والحسد غير عن العين
الحسد موجود في كل شخص لكل العين تكون صايبتها ولها اثار واضحه
المشكلة منو تفهمين وتعلمين

 

[حساس القلب]

اااااااااااب

 

[اخت خالتهم]

فديت الناس الواعية الفاهمه
حياااكم الله

 

[ά38Ł miήόήά ㋡]

بنـــات ترىً العيــن مو بـــس عً الجمــــأل لآ مو شـــرط

مـثلا الشخصيـًه أو الجسسـًم أو النسبـًه أو اهلهأ مدلعينهاأ أو أو أو ......أو حتىَ ع شعرجًّ!


يعنيـً مو شـرط ع الشكلً وبـــــسً


عشـآن لأتقولونً شكلهاأ أقـل منـً عأأديً

وأخت خالتهمـً صآآجه والله كلـً شيً عيــن

اذكريً وحصنــيً نفســجً ومأأكـــــوً الاأ العاآفيـــًه

 

[PuPa^^SWeeT]

موضوعج حلوو


انا ضد انه الوحدة اتفكر انها اتعلق حياتها من سالفة العيين و الحسد


يعني عييشي حياتج




بس بالمقابل انتي اتعرفين انه العين مذكووورة بالقران و الحسد مذمووم


بس للاسف الناس الحيين ماتقوول خيير


لووو مة قصدها بس يفززز قلبها على البنية سييدة صاار فيها شي


انا اقوولج العيين حق


وانتي اكيد اتعرفين ناس معينة ماتقوول خير


هالناس هذيل تحاشي الاخذ و العطا و المدح المتواصل لنفسج و عيالج و زووجج جداامهم



بس انه انقوول عمووما محد يعطي خيير انا ضد هالمقووولة



اختاري من اتشوفين واتكلمين جدامهم

بالاول





انا اؤمن بالعين لمواقف محددة اصابتني


بس ماخلييها نصب عييني


عادي اعييش حياتي بطاعة ربي و رضا زوجي و اهلي واهله


واربي عيالي بالاسس الصحييحة


واعيش حياتي معااهم

 

[JOoORY2000]

بنات العين حق ومذكورة بس مو كل شي عين عاد في بنات مصخوهااا
مرة رديت علي وحدة مليغه ياربي عين صابتني عين الله يعيني
ومن هالكلام>>> قلت والله ما اشوف هالناس احسدوا اليسا وهيفاااا ومريام
ههههههه
والله يابنات العين تدخل المقاابر والعنااايه الفائقه
احمدوا الله علي نعمة العافيه والصحه
والله الوحدة قاعدة متربعه بيتهاا وتسف الخضر واليابس
وتنام بالليل نومه هاديه مطمئنه بين عيالهاا واهلهااا وهي قاعدة تقول عين وعين
لا تجحدون نعمة الله سبحانه (( ولئن شكرتم لازيدنكم))

انا ما الي احدث عليكم بس يا بنات امس زرت وحدة بالعنايه المركزيه بالمستشفي
بنات انصدمت السرارير. كانت حرمة وريال وبينهم ستارة بين حياة وموت ما يدرون عن بعض
قلت ليش مو الريايييل بروح والحريم بروح >>> رااهيه انا قالت السستر الله يرحم حالهم
هذاك الشاب له ثمان شهور وهذا محله ما تغير علي الاجهزة امه كل يوم تمر تقرا عليه ولما طلعت قالت لي
ادعي ان الله ياخذ امانته ويريحه>>>>>~ انا انصدمت قلت الاه يرحم حاله ويعافيه وطلعت ودموعها بعيونهااا وتنهد بصوت عالي


>>>>> بنات صدمني هذا الموقف
ومن يومهاا اي وحده تقولي عين ودي اهفهاااا علي عينهاا >>~ استغفر الله

 

[اخت خالتهم]

حياكم الله يا الغاليات

 

[ميس المشاعر]

اي والله كلامج صح العين حق
وانا مو من هالنوووع الحمدلله
اهم شي انا نحصن نفسنااا ونرقي بالآيات واذكار الصباح والمساء وربي الحافظ
والله اناا تحوشني العين والحمدلله ارجع مثل قبل واحسن وانا ما ادري ان فيني عين
احسبه ابتلاء من ربي والله ما يبتلي الاا عبده المؤمن اختبار لنا والحمدلله عليناا اناا نتوكل على الله ونصبر
وبعدين اكتشف انهااا اما مع السوالف اووو اشوف رؤيه تبين انهاا حسد الله يكفينا الشر...

بصرااحه فيه ناس وايدد معقدين هالاموور وانااا صرت اتحاشااهم قمت اقول اي تبارك الرحمن<< وهماا يسولفون يعني ... اذكر الله جدامهم الحمدلله عيني باردة وقنووعه بكل شي


مشكؤؤؤرة موضووع يستحق الحواار

***وحبيت اعقب على شي الحسد يختلف عن العين

الحسد ان الشخص يتمنى شي موجود عند الشخص الثاني << يعني وحده نسبتهاا 99 الثانيه تحسدهاا تتمنى انهاا تييب مثلهاا 99 ويكون عندهاا مثلهااا

امااا العين ان الشخص يكون عندة مركز ووظيفه عال العال ويطقه عين الشخص الثاني يعني يتمنى تزول منه هذي النعمه نهائيااا من الشخص الاول ....

اتمنى فهمتوااا قصدي

 

[بنت الأجوااد]

اللى يؤمن بكتاب الله يعرف ان الحسد ماهو شي نادر بل حقيقه ومذكوره بالقران ونزلت سورة تتعوذ من شر الحسد يعنى الحسد شر ولازم نحتاط منه وناخذ الحذر منه

تدرون بانكم ممكن تنحسدون على شربت ماى وقعدتج بالبيت مرتاحه او على الاب توب وتصفحج اياه من الناس ومن الخادمات

والله اغلب الامراض من النفوس الخبيثه

واغلب القصص الواقعيه تحذر من العين والحسد وغيره

حبيبتى لاتستهينين بالحسد والعين قولى ان شاء الله ربي يبعدهم عنى

تراها تدمر حياتج بلحظه من كلمه تنقال لج تعفسج وتعفس حياتج ولاتقولين ابالغ لا

اطلبي من الله انه يبعدهم عنج

 

[سويت فانيلا]

والله انااعرف وحده بنتها حملت قالت لنا ولاقالت حق خالتها اللي انتي يايده البنت ليش عشان لحد يحسدها نسالها حامل باشنو ماعرف وبانفسيه اخر شهر حجزتي باي مستشفى مادري شدعوه عليج شنو احنا مشفحين لماذاك اليوم رحنا الاستقبال الاستكانه انكسرت قالت الام عييييييييين شدعوه

 

[رورو 88]

بعض الناس اتكون وسواسيه

وترى في ناس تحسد على اشياء سخيفه ومو بالعين شي

وصج مرات ينقلب حال الواحد من شي لي شي

بس في ناس واضح انها وسواسيه كل شي عين عندها حتى ابسط الاشياء

 

[اخت خالتهم]

اكيد بنات الانسان يتحصن
بس مو كل شي يقول عين ويخليه شغله الشاغل
ويخرب صداقاته عشان العين

 

[وحيدة بزمانيـﮯ]

معاااج على موضوع العين


اناا اكبر مثال بنسبه لي اهل امي يقولون كيف صاار ويهج صاااافي لاني كنت تعالج حب شبااب .. حين ويهي اي حد يشووفونه مااايقولون مااشالله ويحرقني مااقدر اناام بليل ...


وثانياا يووم ارووح الاعرااس فيه نااس ماااشافوني من زماان اول ماايشووفوني يقولون شوو هذاامغير ويهج حتى كلمه ماشالله ماايقولون مادري ليشش ..ارجع البيت اتعب حتى لدرجه حرارتي ترتفع فجااه ..


وبعد اكبر مثال معااي بالبنات في الجاامعه وحده من بنات تقول شووفوا هذي ويههاا حبووب راااحت .اقولهاا قووووولي ماشالله مش راااضييه وربي سكت واقولهاا ربي فووق وطلعت ..




الله كريم . ربي يحفظناا من العين يارب ويحفظكم يارب ..


تسلمين على موضوووع الغاااوي حبوووبه ..​

 

[M!Ss Un!VerSe]

ساعات الناس تقولها واهي مو مقتنعه ان فيها
بس عشان توري الناس انها مميزة وتبي تلفت النظر..

 

[اخت خالتهم]

حيـاكم الله وصاجين

 

[خلطات المذهله]

كلامج صحيح
لكن صدقيني العين حق
ولاتنسون المعوذات
وبعض الناس يدخل في عقلهم الوسواس والمبالغه

 

[exanon]

صادقة و الله معاك حق
لا و كل واحدة تقولك اشتريت و اشتريت و اشتريت و بعدين تقول بخمس دنانير
أو رحت المكان الفلاني خمس مرات
أو سافرنا و كان وناسة و روعة ووصلنا المطار الساعة خمس هههههههههههه

 

[دروب البنفسج]

حبيبتي بهالزززمن نآآآآآآآآدر اللي يذكرون الله , يعني اللي اتشوف شي حلوو او عاجبها بتخسر شي لمن اتقول ماشاءالله

تبارك الرحمن , ترا ذكر ربي يشرح الصدر وانتي ما تدرين صج ترا العين حق وما ننكر هالشي , بسس شي ثاني ترا في فرق بين ا

العين والنفس وكل وحده لها اعراض ,, لا اتقولين في ناس يوسوسون لانه احنا بزمن الناس حتى على الضحكه تحسسدج

والله حتى المرض يحسسدون عليه , اعرف وحده فيها قولون المعده وقاعدين بزواره ويت حزه الاكل فما كلت واايد لانه اتعورها

معدتها جان اتقول لها وحده يا حظج ما تقدرين تاكلين واايد جنج مسويه رجيم!!!!!!!! لي هالدرجه ؟؟ الحمدلله الذي عافاني مما ابتلاهم به !