المفروض ما تبلغينه انج انخطبتي، اذا بتحرينه والا شي على الاقل بعد ما تملجين اتبلغينه يوخر عنج عشان ساعتها انتي بذمته ريال ما راح يتجرأ يسويلج شي او يخطبج
المهم هذا شكله بس جذي يهدد ماعليج منه
كلميه بالهدوء والمسايس وان شالله يقتنع
ولمن اتكلمينه لا اتبين له شنو سلبياته اللي تمنع ارتباطكم
قولي انه اهلج موافقين على الخطيب اليديد وانج ما تقدرين اتراجعين
وان اهلج لا يمكن ايزوجونج اذا عرفو بالعلاقة وانه فر العمر بيشكل مشكلة حتى لو ما كان في خطيب ثاني
وقولي له ان انت كل وحدة تتمناك بس الزواج قسمة ونصيب واذا تركتني اعيش حياتي بدون مشاكل الله راح يسهل عليك امورك ويعوضك باللي احسن مني وتستاهلك
صج اني ماحب هالحجي احسه مجاملات ولكن شتسوين اهو يبيج تستفزينه عشان يعطي نفسة العذر انه يفضحج
حبيبتي اهو لو صج يحبج وشاريج جان ما سوا جذي هذا بس واحد مغرور والغرور راكب راسه وعاميه مو متقبل فكرة انج رفضتيه وفضلتي واحد ثان عليه فيعطييج طراق علماشي ويعلمج اهو منو ، لان مستحيل على ما ذكرتيه من تكبره انه يتصرف بهالطريقة عشان يحصل على البنت اللي يبيها، هذا شخص مدلل متعود كل شي يبيه يحصله، وانتي في هالحالة بالنسبة له مجرد شي، بس ياخذج بيمل منج
وانصحج لا يكسر خاطرج ولا اتحطين له اعذار واذا كنتي متعلقة فيه بطريقة او اخرى حاولي اتشيلينه من بالج لان ريلج اهو اللي دايم لج فلا تشغلين وقتج بالتفكير في غيره ولا تخربين فرحتج، يحق لج تفرحين بشريك حياتج مثل اي بنت وان شالله يتم موضوعج على خير بس عليج بالدعاء والاستخاره
واذا ما نفع معاه خل اختج الكبيرة اتكلمة بكل هدوء، وراح يوخر صدقيني، وادعي له بالهداية لانه اذا عمره 30 وماانصلح متى يهتدي ؟
و حاولي تتعرفين على خطيبج بعد وتعرفين اخلاقة، بس المهم لا تقعدين اتقارنين بين الاثنين ولا تأثر علاقتج السابقة على تعارفج مع خطيبج او حكمج علية وعلى شخصيته او مستواه الاجتماعي
وخلي عندج ثقة بنفسج اكثر، لاني شايفتج مرتبكة وايد ترا الموضوع ينحل ان شالله حتى لو احد عرف دام انه الولد يبيج على زواج ما منه خطورة على نظرة اهلج لج، اذا خفتي وايد جدامهم راح يعطون العلاقة اكبر من حجمها ويفسرونها على انج تعرفينه من زمان او علاقتج فيه قوية واذا سمع شي المتقدم و هون فهذي قسمه ونصيب
