آنا الغلطانه ادري.. بس طلعوني من هالمصيبه

[الكــــــــادي]

سما مالج شغل فيها تعرفين هالاشكال انتي:0bee2e8d89:
ونصيحه لج دخلي اخوج او رجال بالسالفه
بس مباحث لا لان الرجال ماهددج
وادعي ربج ووافقي على الثاني اللي خطبج وبعدين انتي ماسويتي شي غلط
قولي حق ابوج او اخوج في واحد يلاحقني ويهددني اذا ماخذيته
وصدقيني مايعرف للرجال الا الرجال نفسه

وبعدين لحد يدش موضوع ويتحسب قاعده اشوف اي وحده تدخل موضوع وحده ثانيه تهاوش معاها وتحسب عليها انتوا منو اذا رب العباد يسامح ويغفر لعبده
استغفر الله
اللهم لاتؤاخذنا بما فعل السفهاء منا
دشوا وانصحوا صاحبه المشكله ودورولها حل ولا اقروا الموضوع واطلعوا

هذا الكلام مو للكل للي بس تهاوش وتغير موضوع وغاويه نكد
:gathering:

 

[لبي قلوب عيالي]

شوفي ياقلبي انتي الحل بيدش تقدرين تغير الحال اولا غيري الايميل وغيري خط تليفونش وبعدين مافيه مشكله خليه يتقدم واخرتها ارفضيه نفس اي واحد ينرفض وبكذا اذا طلع كلام ماراح يصدقونه لانه منرفض ومحتر واذا احد قال ليش مغيره خط تليفونش قولي ازعجني وغيرته " عن الغثيث " هذا والله يبي يلعب باعصابش والله يعينش ويفرج كربتش من قلبي ادعيلش الله يسخر خطيبش لش ويتمم عليكم ... ويرد كيد من يريد بكي سوء في نحره...

 

[انونا]

سما مالج شغل فيها تعرفين هالاشكال انتي:0bee2e8d89:
ونصيحه لج دخلي اخوج او رجال بالسالفه
بس مباحث لا لان الرجال ماهددج
وادعي ربج ووافقي على الثاني اللي خطبج وبعدين انتي ماسويتي شي غلط
قولي حق ابوج او اخوج في واحد يلاحقني ويهددني اذا ماخذيته
وصدقيني مايعرف للرجال الا الرجال نفسه

وبعدين لحد يدش موضوع ويتحسب قاعده اشوف اي وحده تدخل موضوع وحده ثانيه تهاوش معاها وتحسب عليها انتوا منو اذا رب العباد يسامح ويغفر لعبده
استغفر الله
اللهم لاتؤاخذنا بما فعل السفهاء منا
دشوا وانصحوا صاحبه المشكله ودورولها حل ولا اقروا الموضوع واطلعوا

هذا الكلام مو للكل للي بس تهاوش وتغير موضوع وغاويه نكد
:gathering:

انا ويه الاخت ولا تحاتين ودايم استغفري واقري قران

ويارب الله يعطيج على قد نيتج

 

[ريم الصبايا]

ماادري شقول

الله يسرامورج ويوفقج ويستر عليج

 

[noorq8]

أصلا من سردج للأحداث حتى لو انج مو مخطوبه هذا الانسان لايصلح للزواااااج والحمد لله انج عرفتي هالشي وتيقنتي ,الحل الحين لازم يتدخل رجال بالموضوع دام اختج درت فكلمي ريلها وقوليله السالفه وخل ياخذ موعد وقابليه انتي وامج وريل اختج وحددي بالضبط عباراتج واللي بتقولونه واذا هو آدمي راح ينسحب .
والحل الثاني ان تخلين ريل اختج يكلم ام الولد عشان تعرف جدية الأمر وان ولدها ممكن يخرب بيوت ناس هذا رأيي والله يسعدج

 

[الستيره]

الله يستر عليج ويفرج همج وكثري الإستغفار والله إنشا الله بيفرجها
إستغفري باليوم 1000 مره وإدعيلي

 

[Gourges]

انشاللله اكون م الاراء الحكيمه الي تقصدينها << ياشين رزت الوي ههههههههههههههههه ;d
حبيبتي هونيها وتهون انشالله شلي خايفه منه ؟
انه ايضرج؟ انشالله مايضرج بس سوي الي اقولج عليه ..
دزيله اخر ايميل لوو سمحت انا كل شي مااشي معاي وقاعده ابدي اجهز حق العرس .. الله يعلم شكثر احترمك واقدرك ويليت اتبادلني نفس الشعور انا اتمنالك كل خير بحياتك وابيك تتمنالي الخير الله يوفقك انشالله وتلقا الي تسعدك وتهنا بحياتك .. اعتبر هذا اخر اييميل يوصلك مني .. والله يوفقك انشالله مع السلامه ..
وووبس حطيله بلوك دليت او خلي ايميلج بكبره علشان لايضيفج من ايميلات .. تلفونج غيريه .. اذا دقوا على بيتكم لاترديين .. لي شفتيه صديه .. خلج صاارمه معاه بيحترم قرارج اما اذا عطيتيه وخذيتي منه راح تصير السالفه سايبه ولا راح يفهم عباله قاعده تشجعينه وتبينه اهوا يفسرها جذي وعباله ليلحين يقدر ... خلج صارمه ورسميه معاه وانشالله ماراح يتمادا ..
واااذاا تمادا كلمي امج وصارحيها قوليلها يما انا غلطت وكل انسان ايغلط مو العيب اني اغلط العيب اني استمر بالغلط وطلبتج يمه انا هادته من زمان بس اهوا مزعجني تكفين اذا دق ردي عليه وقوليله اني مرتبطه وعلى وي زواج والله يوفقك انشالله وبس وتصرفه بروحها وقتها راح يعرف ان الموقف اكبر من انه يتعبث فيه .. وبس انشالله بترتاحين ولاتعطينه اخباارج علشان لا يهدم حياتج ..

اتوقع عرفتي اغلاطج وادركتيها بس عليج تداركين الغلط قبل لا يفوت الفوت وماينفع الصوت ... وماعليج من الي ايلومونج
ووحبيبتي نسيت لج حل مفيد حيل ..
صلي استغفاار وان الله يستر عليج وويسر امورج واقري سورة البقره وانشالله الله بيفك عوقج قولي امين ..

روحي يا فلانه عسى الله يستر عليج دنيا واخره ويتمم عليج ويسعدج ويوفقج ويبعد عيال الحرام عنج ويسر امورج قولي امين

 

[سمبتيكا ~]

اول شي حبيبتي اللله يتمم عليج انشالله ويوفقج مع خطيبج بالزواج والستر والسعادة

ثانيا اسمحيلي اقولج ان انتي غلطتي بكذا شغله خربتي على نفسج اذا انتي شايفته يلاحقج ومصر ياخذج شلون تقولينله عن اليوم اللي بيون ناس يخطبونج؟؟ حتى انج تقوليله انخطبت غلط فمابالج قايلتله اليوم؟!

هذا شي والشي الثاني انج بعدج مخلية الئيميل وسيلة اتصال بينكم كان الافضل تعطينه بلوك وديليت عشان مايقدر يوصلج
وتغيرين رقم تلفونج درءا للمشاكل اللي ممكن تصير بعدين


الاهم الحين من كل هذا وضحيله وبصرامة بس مو باحتقار عشان ما يعاند ويركب راسه وقوليله اذا صج انا غالية عندك وتعزني خلني بحالي وانت الله يوفقك عشميه وفشليه عشان يوخر عنج لان فعلا هذا مافيه ريحة الشهامة او ان ممكن تلقين سعادة معاه واضح ان انسان ملول وراح ياخذج وبعدها يهملج ماهو قد المسؤولية ابدا

باسرع وقت طبقي اللي قتلج حذفي الئيميل غيري رقمج بعد ما تاخذين منه كلمة ان خلاص انا بهدج لحال سبيلج والله يوفقج وروحي قطعي كل شي له صلة فيكم وعجلي بالزواج ويارب يبعده عنج ويتمم عليج مع خطيبج حبيبتي

آنا معاها مليووون %
يعني يسألج متى بيجون وتقولين له الآثنين :s
المشكله ماكانت كبيره آنتي كبرتيها دامج متواصله لحد الآن معاه ..

 

[eman84]

إنتي غلطانه لأنج فتحتي له الباب مليون مره يعني من أول لما قلتي خلاص يعني خلاص مو أشوفه ويلحقني وبعدين أكلمه .. هذا خطأج الأول وخطأج الثاني لما دزيتيله إيميل وقتيله وخر يعني أبسط شي غيري إيميلج وخلاص لكن إنتي صرتي إلي تتحرشين فيه وتبينه ولما إنخطبتي وضليتي تكلمينه سواء إيميل ولا مسج هذه خيانه لخطيبج من البداية ف حسبي الله عليج بدايتج جذي تدززين إيميلات ومادري شنو حبيبتي من إنطق باب بيتج ووافقتي يعني ماضيج إنسيييه وإحترمي الإنسان إلي يايج .. وبعدين ماكو أحد من عيله يمشي ويقول أنا وأنا لأنه ما يتحجه عن الأصل إلا قليل الأصل.

خلاصة كلامي .. الريال وخر ونتي فتحتي الباب أكثر من مره .. إنخطبتي وهم فتحتي الباب له .. الله يستر من الياي منج.
نصيحتي لج : غيري من نفسج ثم غيري تلفونج وإيميلج.

تصدقين انتي لو سااكته واايد ابرك لج ,, اسلوووب ماعندج نصحي روحج قبل البنت وعدلي اسلوبج ويا الناس اهيا طالبه راينا مو قاعده تطر منا

 

[بنت عسل]

هذي نهاية العلاقات لغير شرعية.. عسى الله يتمم عليك

 

[بشاير السعدون]

الله يبعده عنج ويسهل امورج والاهم انج تقولين حق اهلج الموضوع عشان يكونون بالصورة وانشاءالله تنفرج

 

[حبيبه بدر]

حبيبتي اللله يتمم عليج انشالله ويوفقج مع خطيبج بالزواج والستر والسعادة

 

[[[ عيون جابر ]]]

غلطتي لما قلتي له انج انخطبتي
والحين لازم تحقرينه وماتردين عليه كلش

 

[عاشقه رويشد]

ليش فاتحتيه وقتيله انج انخطبتي

غيري خطج وحقريه ما عليج منه طااف

مرده بيسكت توه حس انه يبيج وشاريج والله يوفقج ويستر عليج

 

[عيش و مرق]

خلى امج او اختج الكبيره يدقون على امه ويقولون ماكو نصيب البنت مخطوبه ....... وخل يعطون امه فكره ان ولدها ياي حق اختج الدوام وقايل لها انه يبيب على سنه الله ورسوله بس ماكو مجال الحين خلاص عشان امه تكلمه ويستحى ومايقدر يسوى شي وجذى تمسكونه من ايده وعشان حتى انتى تتكلمين من منطق قوه مو ضعف واذا اهل خطيبج عرفو ترا عادى الموضوع مافى شي اى والله مشاله من خطبتو بنتا يوها خطاطيب ورديناهم يبون بنتنا ولدهم شافها بدوره بدوام ودشت خاطره سنعه ومحترمه وهاديه وقال حق امه عاد يوم دقو كود انتو خطبتوها وههههههه وتضحك وبس ليش امكبره السالفه واذا قال كلمتها مع ان ماتوقع يقول ويحرج امه قولو حق امه يقول جذى ام فلان انتى ماترضين يقطع نصيب بنتنا مع ان صدقينى من تدش امه بلموضوع بفكر الف مره ان يضرج لو بضرج جان مادخل اهله جذى يخرب على سمعته اهو بعد

 

[حبـ admant ـك]

اسمحيلي اقولج انج من البدايه غلطانه
ماله شغل يعرف متى الخطبه ولا متى بيون الرياييل
انتي قاعده تبينين له انج تبينه والدليل انج كل مره تردين على اسألته
لو صج تبين اللي خاطبج وشاريته المفروض تخلينه يولي وتخلين تفكيرج مع اللي خاطبج
الحين المفروض تغيرين خطج و الايميل و ادعي من الله ان يبتعد عنج بدون مشاكل
والله يوفقج

 

[درة أهل الطولات]

كلمي امج تكلمه بالطيب واذا ما نفع تهدده بالشرطه

 

[مدندنه]

تركيه لا تهتمين فيه ... كملي خطبتج .. واذا الله كاتبلج انها تتم .. ان شاء الله تتم

واذا سألج خطيبج .. قولي هو خطبني من اول ... وانا ما وافقت
وان طافت طافت

بس قوي ايمانج بالله ... ومالج الا الدعاء

 

[sweet heart]

حبيبتي والله الله يوفقج و يتمم عليج بخير صج ضيقتي خلقي..
بس لاززززم تعطين خبر امج و اختج و توضحين لهم السالفه بدون تفاصيل علاقل
علشان لو صار شي يقدرون يدافعون عنج جدام خطيبج و اهله ..
ماكو الا هالحل و الثاني حقريييييييييه لا تبينين له شنو انتوا مخططين له خليه يووولي
وبس الله يتمم عليج فرحتج يارب

 

[B7BoOo7a]

غيري خطج و ايميلج

ولا تردين عليه

وبعرف شلون عرف رقم بيتكم ؟؟ امه دقت عليج ولا على بيتكم ؟؟

واذا يدل بيتكم حدها مشكله بعد الله يعينج ويسخر لج خطيبج وتتم هالخطبه على خير