-{ آللي جربت جنآح ليلي ودكتورة أمل تتفضل مطيريه بـ تنشف ريجكم بس تحملوني !

[farah-q8]

اذا ماتبين استقبال ليلي حلوه

امل حبوبه وبالها طويل لكن من ناحيه الخياط ماجربتها لما الان

والله يهون عليج

 

[tethkaaar]

بس على فكره دكتورة امل بتطلع من رويال حياة اخر شهر 12 بتفتحلها عيادة بروحهاا

 

[مطيريه ماركه]

مشكورين بنآت

آنزين مآتدرون مستشفى آلسيف بدوآ يستقبلون ولآدآت وآلآ بعدهم ؟

 

[دلوعة المطران]

انا ولدت برويال ..

بنسبه للولاده اكس يمكن لان الدكتوره من عندهم واحس حيل تجاريين بس بيجربون كل شي عليج عشان يفلوون الفااتوره..

بس من بعد الولاده يوم رحت غرفتي خدماتهم حلوه وفندقيه ,,

 

[نور الدنيااااا]

والله تبين الصراحه مااافي احسن من دار الشفا انا بكل ولاداتي فيه حتى خواتي
وانتي باي شهر الحين؟؟

 

[حصووونه]

شنو مستشفى السيف هذا؟؟؟جديد؟؟

 

[مطيريه ماركه]

دلوعتنآ مبروك مآجآج ي/ ت تربى بـ عزج ولد وآلآ بنت ؟

مشكورة عـ آلآفآدة :tek:

نور موآنآ حبيبتي أختي بـ آلثآمن وآنآ متكفلة فيهآ من آلى ليش أنهآ بـ تسمي علي

وعدت آللي تجيب بنت وتسمي علي أتكفل في بنتهآ لين تزوج

وقد وعدي آن شآلله شفت دآر آلشفآ عجبني حيل وشكلي بـ رسي عليه لو مآيستقبل آلسيف !

حصونة هذآ مستشفى جديد متخصص بـ آلولآدة نفس رويآل بس أحلى بـ وآجد

شفته من برآ عجبني حيل عند دوآر آلبدع آفتتحوه هـ آلشهر جنه بس مآدري يستقبلون أو بعدهم ؟

 

[حرم_طيار]

انا بعد مثلج راح اولد بليلي وتوني دقيت عليهم قالوا سعر الغرفه 350

وانا دكتورتي من برة

 

[-مذهلهـ-]

توني بقول مطمط مبروووووك ياقلبي >> يلا عقبالك
شوفي رويال حياه حلو حيل يعني كنش رايحه فندق
وخدمتهم حلوه
انا ولدت بدار الشفاء روعه ودكتورتي من برا
خيرتني بين رويال والشفاء
نصيحه من القلب الدكتوره اللي تراجعين عندها خليها تولدش
لاتروحين بالاشهر الاخيره عند احد والله نصيحه دكتورتش وبس تعرف حالتش فصيله دمش
كل شي سبحان الله وقت الولاده مفاجات
والحسبه على الغرفه يعني كم تكلف الغرفه هذا حسابش واذا دكتورتش من برا المستشفى تاخذ زياده 200 الي 250
الله يهون عليها انشالله
ونصيحه اخيره لاتجازفين بالمستشفى الجديد ماتدرين عندهم امكانيات او لا

 

[SaD FaCe]

الله يسهلها على اختج يارب

انا شايله رويال حياة من بالي

ان شاءالله بولد بدار الشفا

بس دكتوره امل اتينن كلمن ينصح فيها