آلام ضروس وقت الحمل....عذاب

[أم عبودي الكتكو]

مرحبا يالغاليات ودي اي وحدة عالجت ضروسها وقت الحمل تدش وتقول ....علشان كلنا نستفيد...والله تعبت مانمت من عوار ضرسين عند بعض ذبحوني ألم..مدري شسوي رحت قبل جم يوم ماسولي شي..وانا الحين الله يتمم لي علي خير باخر السابع...

 

[انجبر قلبي]

الله يتمم عليج حبيبتي ويعينج انشالله​

عوار الضرس عذاب صج لانه ألم ما يسكت كلش​

توه طول الاسبوع اللي طاف كان معاي ألم بضرسين يم بعض​

خفت اروح الطبيب او ااخذ ادوية حقرتهم جم يوم تحملت لمه راح من نفسه

كنت يوميا افرش اسناني اكثر من مرة صوب اللي يعورني بمعجون سنسوداين الذهبي​

بس طبعا لو تعالجينهم افضل انا قالولي ان العيادات الخاصه عندهم علاج للحوامل​

الحكومه يمكن ما يستقبلون​

 

[" ام حمود "]

والله نفس حالتيء حبوبة وأخاف اروح طبيب بعد
ماكو غير استحمل وذا عورنيء كلش امضمض بالماي والملح يسكن شويء
او مسمار حق الاكل يخدر المكاان
الله يسهل عليج حبيبتيء ويسهل عليناا

 

[miss_Ba6oOo6a]

عادي الاسنان مالها خص بالحمال
انا مسوية بالحملتين بالثالث والرابع عصب وبنج طبعا كله بخااص وعندهم بنج مخفف للحوامل عادي ماله تاثير
وانتي بالسابع ماعليج شي تخافين مثل اول شهرين

 

[انجبر قلبي]

صج تذكرت لا تقطعين حبوب الكالسيوم استمري عليهم لاني انا كنت مستمره ع الحبوب اول ما قطعتهم ياني هالعوار احيانا يكون السبب بنقص كالسيوم اذا طبعا ما كان من عصب او التهاب

 

[q8helwa]

نفس الحاله اي والله عذاب انا الضرس واللثه بعد

 

[orange blossom]

الله يعينج
كل شي الا عوار الضرس
و الله يسهل عليج الولادة

 

[أم عبودي الكتكو]

الله يجزاكم خير صحيح انا تاركتهم لي اسبوع الله يعين طبيب الحكومي.زحمة بالاسنان تو جيت منهم

صج تذكرت لا تقطعين حبوب الكالسيوم استمري عليهم لاني انا كنت مستمره ع الحبوب اول ما قطعتهم ياني هالعوار احيانا يكون السبب بنقص كالسيوم اذا طبعا ما كان من عصب او التهاب

 

[أم عبودي الكتكو]

الله يجزاكم خير يالي رريتو علي انا تعبوني علشان جذي ودي اعالج...صح يقولون بطبيب الخاص في بنج للحوامل بس زوجي مارضي يقول يغامرون فيج وعلي فكرة انا حملي عزيز .....يعني من وين لوين احمل ....الحمدالله والله يتمم علينا اجمعين يارب

 

[أعشقه]

انا مثلك والله من وانا بنهايه الشهر 3 والالم ضارب
وتحملت الى الشهر 4 ورحت عياده خاصه قالت لي ماقدر اسوي لك شي لانك حامل
وقالت لي يبي لك شيل اعصاب..
المهم ويوم دخلت الشهر 5 ماقدر ورحت المستوصف الحكومي قال لي عادي نقدر نعطيك تخدير ونشتغل با الاسنان
وخفت وماسويت شي
وهذا انا الحين دخلت الشهر 7 وماسويت شي باسناني بس اذا زاد الالم افرش اسناني بسون سوداين وكثرة طبعا تفريش الاسنان عكس قبل واخذ حبوب الكالسيوم واحط فيها مسمار الاكل ويخف وبتحمل لين اولد والله يسهل
انا عمي دكتور سالته اذا اقدر اسوي فيهم شي ولا قال اذا عديت الاشهر الاولى عادي اقدر بس قال الافضل ماتسوين شي فيهم الا لين تولدين لان لازم يتاثر الجنين حتى لو بنسبه بسيطه من التخدير

 

[AnA_NeYa]

والله كلنا نعاني من هالشي الله يعين

انا احس اصلا واصل ليه العصب عندي بس كاني صابره

وبنات ماتوقع الخوف من البنج كثر الاشعه

لان لازم يسوولج اشعه حق اسنانج عشان يشوفون المشكله وين بالضبط واتوقع هذا اللي موزين

 

[انجبر قلبي]

الله يجزاكم خير صحيح انا تاركتهم لي اسبوع الله يعين طبيب الحكومي.زحمة بالاسنان تو جيت منهم

ردي اخذيهم و فرشي بمعجون سنسوداين كل يوم مرتين ثلاث

و انشالله يروح الالم انا من رديت للكالسيوم وفرشت بسنسوداين والله الالم راح الحمدلله مع اني كنت مانام الليل من العوار

وماخذيت ولا مسكن

 

[zain-alq8]

تبين نصيحتي روحي للدكتور عيسي او جورج بالفوزان الي بالمهلب هذووول شطااار وتبارك الرحمن ايدهم خفيفه

 

[ام عفاف الكويت]

لاسبوع اللى طاف شايله العصب
والاسبوع هذا موعدي بروح احط الحشوات الدائمه
سهالات في عندهم بنج للحامل اصلن
لكن لازم تعدين 5 اشهر

 

[أم عبودي الكتكو]

الحمدالله علي كل حال ....المهم قالولي راجعي دكتورة الحوامل..ورحتلها..واستشرتها...وقالت اذا ما في ضغط ولا سكر تحاليلج كلها سليمة راجعي الاسنان وعالجي....ورديت لدكتورة مالت الاسنان وعطتني مضاد وبندول..والحمدالله بدا يخف...والله يعدي هالمرحلة علي الجميع ..ويتمم لنا علي خير..اجمعين يارب

 

[ام الحلوااات]

مـــــاتــــشــــــوفـــيــــن شــــــــــر واللــــه يـــقـــــومـــــج بــــاالــســــــــلامــــه​

 

[أم عبودي الكتكو]

الشر مايجيج....تسلمين

 

[أم عبودي الكتكو]

شكرا