آلام الدورة الشهرية

[نسكافيه بالحليب]

السلام عليكم كويتيات شلونكم ؟ شخباركم ؟
ودي اتكلم اليوم عن الدورة الشهرية // طبعا غالبية النساء يعانون من آلام الدورة الشهرية وأنا وحدة منهم شكثر اعاني من آلام الدورة واحس اني بصوب والعالم بصوب ثاني خاصة بأول يوم //
فياريت كل وحدة تقرا الموضوع تقولنا شلون تحد من آلام الدورة الشهرية يعني شنو تاكل أو تشرب سواء حبوب أو أعشاب // وأنا أول وحدة ببدي أنا عن نفسي آكل حبوب ( البونستان ) على الرغم انهم حذروني منها وانها تسبب مرض الكلى بس شسوي ما استغني عنها وهي الوحيدة اللي تخفف من الألم //
يالله كل وحده فيكم تقولنا شنو تستخدم
ويعطيكم ألف عافية :eh_s(8):

 

[i love kuwait]

هلا ولله عاشقه السكوون ...

انا ما احب اخذ ادويه خصوصا اذا صار لها اثار جانبيه ... بس انا اشرب مرقدوش طريقته مثل اللقاح ... وسوائل بس تكون دافيه ... والمطاره الحاره طبعا ولله يعين :eh_s(13):

 

[ღღغــ الدنــيــا ـــلاღღ]

انا مااتريحني غير الشوربة وتكون متروووووسة فلفل اسود


والدارسين هم حيل يريح

 

[كويتية أصيلة]

بصراحه انا على طول بندول ومطاره حاره على ظهري او بطني

اتدفى عدل وخصوصا الدلاغات .. وساعات اشرب ميراميه او جاي اخضر

 

[قايدة الغزلان]

و الله انا شاي اعشاب
و دارسين و فلفل اسود وطبعا الدلاغات

 

[حاااايره]

حبوب كاتافلام سحرررررررررررررر والله تجربه انا اموووووووت بالدوره موووت والله دربات وابر واغماء وترجيع ومافي شي فادني غير هالحبوب اكل حبه او حبتين باليوم وتقولين جذاااابه مافيج شي
بس ترا موزينه للي فيهم حساسيه وامراض بالكبد وهي عادي تنصرف من الدكتور او من الصيدليه

 

[سعوديه بينكم]

انا مثلكم بنااااااااااات اموووووت مووووت فيها اقاطع العالم كله ومااكلم حد
واغماء وابر وترجيع والله العالم بعد مساكين احنا البنات
الله يكوون بعونا بس
والعلاج الي اتبعه اما اروح للمستشفى يعطوني ابره ينوموني او اكل حبوب
((سابوفين )) ممتازه بالمره

ويلا الله يكون بعونا يارب

سلام

 

[hayoonaa]

انا لما تييني الدورة اموت من العوار اكل بندول وما اكلم احد ومطارة احطها علي بطني واكرة الدنيا كلها واشتهي الكاكاو وايد وتييني اكتئاب وكلة ضايق خلقي

 

[زهرة اللوتس]

السبب اللي يسبب الي يخليج تعانين من الام الدورة الشهرية هو نقص الحديد
انا جربت عدة طرق فادتني بالبداية مثل شرب الدارسين(بس يقولون مو زين للي مو متزوجة):eh_s(22):

ريحني بس بعدين ما قام ياثر فيني

جربت عقبها اني اكل فلفل اخضر وبقدونس بس لازم قبل الدورة بفترة ( انا اسميه الشراب الاخضر)لاني اسويه عصير
والله اني عقب ما كنت اموت وقت الدورة من الاالام صرت جني جذابة ما جنه يايتني الدورة

بس بعدها مليت لاعت جبدي من الشراب الاخضر

في طريقة بعد وايد فادتني وهي المشي بس لازم تمشين كل يوم (يعني مو بس وقت الدورة وتبين العوار يروح)

اخر طريقة جربتها بالصدفة واهي اني كنت اكل حبوب حديد من المستوصف ممتازة بس يبيلها مداومة لو تاكلينها قبل الدورة عالاقل باسبوع (بس بدون شرب الشاي والقهوة) عشان ما يروح مفعول الحديد
ادري وايد قرقت بس انشالله اكون فدتج

 

[نسكافيه بالحليب]

مشكووووووووورين خواتي عالمشاركة:eh_s(9):
بس ما تحسون إن الدورة بالشتاء تعور أكثر من الصيف !

 

[مزيونه وشقره]

انا ادفي نفسي والبس هدوم وااايد واشرب زعتر واخذ بندول


ومشكوره يا قلبي ي ي

مع احتراماتي يا حياتي

مزيونه وشقره​

 

[نسكافيه بالحليب]

مشكووووورين حبايبي عالتفاعل
ويسلموووووو

 

[[ . . Jee Jee . . ]]

آنا ذاك اليوم انزلت علي وانا بالدوام وما كنت ماخذه معاي حبه للضرورة مثل عادتي ..

آنا بعد اتعذب من الدورة خاصه اول يوم بس بعدين قمت استخدم كاتافورم مسكن آلآلآم ارتحت عليهم كلشششش ما احس بشي بالمرة ...

 

[حبنا الله عليه]

غلقت يوم شفت الموضوع تذكرت حالتي

انا لازم طبية غير النوم اللي ما اعرفه والآلام والتعب

والله كل اللي اسويه عادي مايفيد لاشاي الزعتر ولا الشوربة ولا غيره اللهم تدفي الجسم بس الموت فيني إلى 3 يوم واصير اشوه .. والحمدلله على كل حال

 

[حامله القنديل]

اكره نفسي والدنيا لما تجيني الدوره الم فضيع وبجي واحس نفسي كاره العالم بس لما اكل البونستان اروح بسابع نوووومه ويخفف العوار واااايد
وعلى طاري البرد انا اكل حبوب منع الدوره لن بيتنا كبييير وباااااارد
واهلي مايدرون ولو درو راح انزف زفه محترمه بس ماعليه انطر لما يخف البرد وقطهم بعد

 

[^^ جـنـونـيـه ^^]

انا كنت عادي تجيني و ما احس فيها يعني ما في عوار و لا شي اللهم قبلها بيوم و الا الحين او بالاصح من الصيف اللي طاف نقزات بالقلب و حالتي حاله لدرجه اني شهر ثمانيه اللي طاف والله عبالي خلاص راح امووووت و دشيت المستشفى
اما بالنسبه للاكل انا ما احب اكل حبوب او ادويه عااادي مطنشه بس اهم شي
اني ما اكل المحظورات مثلا بيبسي و حليب بارد و ليمون و برتقال و روب و لبن والايس كريم و كل شي بارد او حامض و حتى وجبات المطاعم و اكل المطعم ما اجيسه و اممم العصاير بعد بس مو كلهم عصير البرتقال هذا ما اقرب يمه صارتلي بلاوي بسبته انا حدي اربع ايام دورتي و ان مصختها خمسه بس اذكر جتني فترة هبيت فيه و من القراده كانت علي و كنت اشرب العصير اقل شي ثلاث مرات باليوم لله ما خلصت الا ثامن يوم صدمه حياتي !! فنصيحه ابتعدوووووووووووا
و الاشياء المرغوبه
اممم سوالف الحريم اللي ما اواطنها و لا اذوقها حتى و
شوربه
كيكه دارسين غرااامي هاذي عاد و قهوه
و اهم شي انج تلتزمين بالوجبات الثلاث و غذين نفسج و اممم اهم وجبه فيهم من رايي الريوووووق لانه عقب فترة انقطاع عن الاكل الا و هي النوم و بعدين بدايه يوم جديد و شغل الله يعينا والله على هالدورة اووووووووووووووف
و ميرسي عالمووع و اتمنى ما اكون طولت عليييييييييييكم

 

[الاسطورية]

واااااااااااااااي انا داشه اسوي بحث

الالم ذابحني انا اتقلب تقلب

لاابره تفيدني
لابروفين
لا بروكسن
ولاشي
تعبتتتتتتتتتتتت

منسدحه اتقلب من الغلقه دخلت النت

 

[بنوته ادرايه]

بنات ترى المطاره مو زينه على البطن تسوي اشياء على المبيض فلا تحطونها

اهم شي تتدفون

 

[مشمش^طري^مبلول]

انا اول يوم في عوار بس خفيف بس ثاني يوم يحوشني عوار مو طبيعي بس مو دايما مو كل شهر يعني يصير فيني جذي اخذ حبوب مادري شنو اسمهم لونهم فوشي وارتاح عليهم

بس بنات اللي يحطون مطاطير حاره ترى اكبر غلط مو زين وسألوا اي دكتور صج تريح بس كلش مو زينه نصيحه وخروا عن المطاره تأثر على البنت والمتزوجه وحتى بالحمال تأثر ديروا بالكم استعملوا اي طريقه ثانيه

ومشكووره عالموزوووع

 

[ضحـاوي]

انا كنت عايشه على البونستان باليوم اكل 2 الصبح 2 العصر 2 قبل النوم

والله احيانا كنت من الالم اخذ بعد اكثر يعني باليوم ممكن 8 حبات ( انتحار خخخخخ )

لكن الحين حمدالله عقب الزواج والحمل والولاده اتيي وتروح ولا ادري عنها

ولا احس فيها