آكتآب حاد بسبب ..

[™〓 تۈڷيـــטּ~»❀]

السلام عليكم

ترددت وايد اكتب موضوعي ذي لكم ..
بس مالي الا انتو افضفض لكم شسوي :eh_s(2):


تعبانه نفسيتي بدرجه ماتتصورونها
احس بكتآب فضيييييييييييييع مو عارفه شلون اطلع منه


من دخلت 24 وانا هذي حالتي يعني من شهر 9

احس ابي عمري يوقف مايمشي
مابي ادخل ال25 وهذا وضعي

لآ وظيفه لا مشروع
لاتقولون لي درسي انا كلش مو حق دراسه وله احبها اصلا


ااااخ بسس

كل ماحط راسي ع المخده اقول مابي اعيش بروحي
لآ زوج ولآعيال

كله افكر جذي

بعد فتره لي دخلت 25 بتم بروحي محد يبتقدم لي

:eh_s(2):

مابي اعيش بروحي ابي اعيش سني مو قادره والله

:eh_s(2):

احس باحساس مره عمرهااا فوق 40 والله

كله تفكيري سلبي مادري ليش

رفيجتي تزيدني بعد
تقولي بتعنسين واناا حالتي حاله مع هالنفسيه واهي تزيدني فوق اللي انا فيه بهالكلمه

من سنه خطبني شخص وانا استخير توفى يدي وابوي مرض ولهينا بالشهور بالمستشفيات وقلت حق امي كنسلي الموضوع مابي هالشي يصير ضاق خلقي غصبا عني :eh_s(2):

ومن يومها بس الناس يسالون عني وجي بس مايون :eh_s(2):

الله كريم وكل شي نصيب اكيد بس تعبانه ابي افرح حالي حال البنات ابي شي زين يصير لي بهالعمر يكون لي ذكرى لي بعدين :eh_s(2):

شكلي وايد اصغر من عمري اللي يشوفني يقولي عمرج 18 سنه :eh_s(2):
هالشي يضايقني واااااااااااااااااااااااااايد وايد

مادري بنات والله احس قاعده اكتب خرابيط بس المهم اطلع اللي بقلبي

ساعات اروح البحر افكر في بعدين لي وصلت 28 او29 مادري شنو بسوي بنفسي وشنو شعوري لي تميت ع هالوضع

رفيجتي كل ماشوفها تعيد وتزيد في نفسسسسسس الموضوع
الزواااااااااااج
خلاص يابنت الناس سكري ع الموضوع انا تعبانه
تقولي لا ياحبيبتي انتي وايد غبيه الريال مايي احين بروحه
لازم تسحبينه سحاااب
تقولي مافي ريال احين يقول حق امه روحي خطبيلي ع ذوقج
لازم يعرفها بينهم حب وهالسوالف

وانا مابي هالشي صراحه وماعرف له اصلا :eh_s(4):

وتبون الصج ..
ريايل احين
مايبون بنت مو موظفه عشان تشيل نفسها ويفتك
فاحس فرصتي بالزواج 20%

وايد دخلت مقابلات لوظايف لكن ما الله كتب لي وكل شي خيره
اخر مره رحت وظيفه ابوي مارضى حتى اروح المقابله الحمدالله لان كانت في شقه وفيه 3 هنود بس تخيلووو الوضع :eh_s(14):


آفكر اسويلي مشروووع صغير يلهيني بس ماعرف شلون ابتدي فيه
الله كريم يارب الله يفرج همي ويبعدني عن عيال الحرام يارب
انت اعلم بنيتي يارب تعطيني ع قد نيتي يارب العالمين :eh_s(17):

الحمدالله الحمدالله الحمدالله​

 

[الـكـايـدة]

الله يمسح على صدرج ..

اول شي ياعمري هذا حال الدنيا و العمر يمضي لا محال ..
ثاني شي اسمحيلي انتي تيبين الكآبة لج تدرين ليش
لانه كل تفكيرج سلبي ..
لازم تحبين الدراسة لازم يكون عندج هدف و طموح توصلين له
و بهالوقت صعب صدقيني صعب تحصلين وظيفة بالساهل
اللي ماعنده شهادة مايسوى *
وإذا عندج امكانية و سيولة افتحي لج مشروع ضيعي كل وقتج فيه
حددي لج هدف بالحياة كوني شخصية ايجابية ترا الدنيا حلوة
لا تحطين يدج على خدج وتقولين ليش و ليش ترا والله تتعبين
و ديري بالج ديرري بالج من رفيجتج تمشييج بالدرب الغلط
وتذكرري انه الاقدار مكتوبة و الرزق مقسوم وكلن ياخذ نصيبه من الدنيا

تحياتي لج 

 

[A p r i l]

بعععد عمري والله ترااااا وضعج عاادي جدددا !!

بس يبيللللج شووي دفعه معنوية وتشغلين نفسج باشياء ثانيه

وكاني اناا بدش الـ 24 بعد كم يوووم ..

لا زواج ولا عيال


والحمدالله راضيه ومقتنعه وادري كل تاخيره فيها خيرره وكل شي ربي كاتبه لي فيه خير اكيد < لازم تحطين هالشي ف بالج بتعيشين براحه نفسيه لابعد حد وتنسين الاكتئاب والضيقه

انا حسيت فيج انج راضيه بوضعج بس المشكله في رفيجتج حاولي لما تفتح معاج الموضوع اتسكتينها قولي لها مو كل شي بددنيا ريال و زواج توني صغيره ولاحقه عالغثى اعيش حيااتي !! باي طريقه ردي عليهاا ولا تعطينها مجال اتضايقج

وعلى فكره ترا وايد بنات وخصوصا هالوقت يتزوجون بعد الـ 25 و 26 لاحظت وايييييييد
ووكل شي فالدنيا قسمه ونصيب يمكن ربي كاتب لج قسمه احلا لج خلج راضييه وصابره بامر ربج وصدقيني الله بيفرجهاا علييج اهم شي الرضا وحسن الظن ف الله ..

واخرررررر شي ابي اقولج شغلي نفسج باي شي شوفي انتي شنو تحبيييين وشنو ميولج وحاولي تنمين هالشي بدورات مراكز توظفي

وعشان ربي يسهل اموررررج تقربي من ربببببج التزمي بالاذكار سورة البقره كل يوم اقري ورد من القرررران ادعي ف سجودج ف صلاتج قومي قيام الليل

وصدقيني امورج بتكون احلا مايكون

قرررررررررررررررررررقت وايد ههههههه

ربي يوفقج ويسعدج ويرزقج بالزوج الصالح واللي تمنينه يارررررب ..

 

[الجادل الخشف]

حبيبتي امهاتنا قامو يدرسون يدورون الوظايف وانتي صغيره مالج خلق شيلي التفكير السلبي من راسج وكملي دراستجواذا عندج سيوله سويلج مشروع صغير في معرض والا اعرضي بضاعتج بانستغرام حييل ماشي سوق الانستغرام ولاتفكرين بالزواج نصيبج بييج انشالله ترا في بنات تزوجو بعمر الثلاثيين وامس عرس رفيجتي عمرها ٣٤ شفتي جا نصيبها انتي اذكري الله وحافظي على صلاتج وادعي واستغفري دايم

 

[صبرا جميل 2012]

الله يفرج همج

 

[امون المطيري]

تبين الصراحه هاذي مورفيجه الي اتضيق خلقج وتناكد عليج بدال ماترفع من معنوياتج
ثاني شي ترى توج صغيرونه والعمر جدامج
ترى الزواج موكل شي والله في ناس متزوجين ولا متهنين في حياتهم ولاتحسبين الزواج جنه (عوار راس ...ومسؤليه ..)
فكري بنفسج واذا ماتحبين الدراسه سويلج اي مشروع تكونين حابته وانشاءالله يكبر هالمشروع
الله يوفقج يااارب

 

[لهفه لقاء]

شتقوولين اجل عن اللي وصلوو الثلاثين و الاربععين
بالعكككس اشوف انتس صغغيره و العممر قدامتس
وصدقينني كل تاخيره فيها خيره تفآئلي بالخيرر
اشغلي نفستس لاتعطين مجال لصديقتس بالعكس قولي اللي كاتبه ربي
بيصصير
وكثررري الاستغفار
و الله يرزقتس بالوظظيفه و الزوج اللي يسعدتس

 

[لهفه لقاء]

شتقوولين اجل عن اللي وصلوو الثلاثين و الاربععين
بالعكككس اشوف انتس صغغيره و العممر قدامتس
وصدقينني كل تاخيره فيها خيره تفآئلي بالخيرر
اشغلي نفستس لاتعطين مجال لصديقتس بالعكس قولي اللي كاتبه ربي
بيصصير
وكثررري الاستغفار
و الله يرزقتس بالوظظيفه و الزوج اللي يسعدتس

 

[ظبية بوظبي]

حبيبتي لا تنكدين على نفسش
اكيد لو دورتيلش على شي بيلهيش اذا مب دراسه ولا مشروع حب القراءه او النت او تدخلين مركز تحفيظ قران او اي شي ممكن يساعدش لو تتقنين الطبخ
وبعدين صديقتش ذي افضل ان تقطعينها لان جد الصاحب ساحب وانا اشوف نفسي لما اكون مع بنات سيده اتم راكزه لكن لما اقعد مع بنات فيهم شويه خرطبه الاحظ مع مر السنين مخي يلين بفكارهم ويقتنع
فلازم الوحده تبتعد عنهم وتقعد كثير مع الاهل وخاصه الرجال مثل الاب والاخوان لان لما الوحده تشوفهم تذكر ان لو فكرت تسوي شي غلط بتنذبح
شوفي في هالمنتدى وحده يوزرها ريومي تعاني من 9 سنين ان اخوها صادها تكلم وحول حياتها جحيم الحين عمرها صار حول 40 ويعاملونها كنها طفله يتحكمون فيها ويتسلطون عليها معن هي الي ربتهم

خليش منها صحبتش ذي بالعكس انا ضد الي قالته لان كله اقول لاختي اني مستغربه على الرغم من اننا وصلنا لهزمن والحين الشباب اغلبهم متعلمين الا انهم ما يتزوجون الا بالطريقه التقليديه وقليل جدا الا يتزوجون عن حب

فالوحده لا تعرض نفسها وسمعتها وسمعه اهلا للخطر على شي مب مضمون
واصلا لازم تحط في بالها ان لو حبت وما صار نصيب وخلاها وراح بتحس انه ارخصها وهالشعور جدااا مؤلم

فالوحده تمشي فالطريق السليم واااجد ارحم لها وشرف لها


ولا تفكرين بالزواج تراه اذا ما كان هم اقله روتين يذبح
اخواتي متمللات من حياتهم بس ممشيات الحياه لان كذا ولا كذا الحياه لازم فيها ملل

 

[قلب طفـــله]

عادي ترى الزواج مو كل شي بالدنيا ياما ناس متزوجين وعايشين بجحيم

ربج كريم وبيرزقج بالوظيفه اللي تتمنينها صبري ورزقج بيجيج صدقيني

ورفيجتج هذي ابعدي عنها لأنها مو رفيجيه

تدري هالموضوع يضايقج وتفتحه كل ساعه

تبي تقهرج !

الله يسسر أمورج وينولج اللي ببالج

 

[Tom ♥ Jerry]

.


يعني عندج شهاده و مقدمه على الديوان بس ليلحين ما توظفتي؟
منو الي مآ عنده سالفه الي مفهمج انه الريال اهوة الحياة ؟

يعني الوحده تموت من الاكتئاب لما اييلها الريل ؟
من صجج انتي هذا تفكير! حبيبتي المره اهيه الي تكمل الريال مو اهوة يكملها
المره بدون ريال ماراح ينقصها شي .. بس الريال بدون مره مآ يسوى شي

يعني مو معقوله تحطين ايدج على خدج و تنطرين الريل بس!!
توج صغيره 25 صغييييره ليش تحسسيني عمرج 40:/
و الحياه جدآمج .. لازم يكون بحياتج شي تسوينه
ماكو شي اسمه لمآ آتزوج بسوي ...

شوفي انتي شنو ميولج شنو هوايتج و ضيعي وقتج فيها..
دخلي دورات بالمجال الي تحبينه .. سواء ميكب / كمبيوتر / لغات أي شي :rerrerek:

 

[طـفولية]

السلام عليكم و رحمة الله و بركاته

أول شي أبيج تقولين حق رفيجتج ، تحطين ببالج (( من استعجل الشيء قبل أوانه عوقب بحرمانه ))

قال تعالى : ( أفنجعل المسلمين كالمجرمين مالكم كيف تحكمون ))

تتوقعين الشريفة العفيفة إلي صانت نفسها و بيتها و أهلها .. نفس إلي عينها و قلبها زاغوا نست ربها و خانت ثقة أهلها ..


لا يمكن ..


انتي تبين زواج وبس ؟!

ما أقولج لا ممكن بهالطريقة تحصلين زواج

بس يكون ابتلاء

زواج في مشاكل و اهانات و خيانات و عيال عاقين وووو ..




قال صلى الله عليه وسلم : ( نفث روح القدس في روعي أنّ نفساً لن تخرج من الدنيا حتى تستكمل أجلها ، و تستوعب رزقها ، فأجملوا في الطلب ، و لا يَحْمِلَّنكم استبطاء الرزق أن تطلبوه بمعصية الله ، فإن الله لا ينال ما عنده إلا بطاعته )) أخرجه الطبراني و البيهقي و ابن أبي شيبة و حسنه الألباني


ليش خايفة قلبي و رزقج بيد ربج إلي ما يظلم


الدراسة حلوة فيها توسيع مدارك و اختلاط ببيئات يديدة و مصدر من مصادر الرزق و تخليج واثقة من نفسج و ما تحسين انج محتاجة حق غيرج ..



سامحيني بس صديقتج هذي صديقة سوء و فكري بطريقة جدية بموضوع علاقتج فيها


شوفي حبيبتي تقدرين اذا ما تحبين دورات مثلا

تدخلين دورات تنمين فيها مهاراتج

شنو ميلوج .. لو ميولج مثلا صنع حلويات دخلي دورات فيها .. تزيين كيك و غيره .. و فتحيلج مشروع بالانستقرام ..

شوفي هوايتج تصميم ولا خياطة ولا استيراد ملابس و بيعها ..


شخصيتج هذي ما تخليج مهيئة انج تدخلين حياة زوجية


تبين هدفج بالحياة ريال .. بدون مهارات ولا هوايات و لا كيان خاص فيج ..


حبي نفسج أكثر ..

ساعات الواحد يحتار شنو يسوي جربي جربي لمن توصلين حق الي تحبينه

شوفي لو وزنج زايد غيري بنظامج الغذائي و صيري رشيقة دخلي نادي .. لو عبادتج ناقصة كملي فيها و تقربي حق ربج عشان نفسج .. وثقي علاقاتج الاجتماعية .. صادقي أمج أكثر زوري عماتج خالاتج بنات عماتج ..



سامحيني اذا اسلوبي قاسي شوي .. بس لازم تفكرين بحالتج عدل

اله يوفقج و يرزقج من فضله فوق ما تتمنين و تتخيلين .. ربي يفتحلج أوسع أبواب رزقه

و اخز نصيحة بري والدينج و قوليلهم يدعولج ..

 

[مؤمنه بربي]

وعليكم السلام ورحمة الله وبركاته
ياحياتي انتي مثلي مثلي بالضبط
وعمري ٢٤ بعد ، يارب يرزقنا عاجلا غير اجلا
صدقيني انا حاسه فيج حيل حيل وكانج انا اللي انكلم
اناضايقه فيني من قلب وانا اشوف كل اللي حولي
تزوجو واصغر مني بسنين وتزوجو ،
وكله بس يلاه تعابل بزوجها ريلي وريلي وطلعنا واكلنا ويحبني
وعطاني وسوالي ودلعني ووووو
وانا مقهوره قاعده بروحي ،
وبالنسبه تقولج خربطي عشان تتزوجين اتركيها ماعليج منها
انا اعرف وحده كانت تخربط وتكلم وتالي تزوجت
هي كانت تكلم واايد واختارت من بينهم واحد
والحين جابت منه ٣ عيال بس عايشه بجحيم
يشك فيها ويذبحها طق واهانات ، وعيالها متعقدين
فانتي اصبري واتقي ربج ومن يتق الله يجعل له مخرجا
وابدا ماييد الخرابيط بالعقل يااختي
وبعدين شلون نروح ندور لنا ونحب يعني نروح نقول للرياييل تعالو بنتعرف
ولا واحد يعجبنا ونقعد نتميلح صراحه ماعرف هالسوالف ابد
وخلينا يجينا اللي يجينا بكرامتنا وعفتنا بعد البنت اذا خسرت حياها شبقالها

 

[مزيونة الخبر]

هذا انا صرت 29 وماتزوجت أكمل جامعه واشتغل وعايشة حياتي اطلع واروح صحيح ابي الزواج لكن راضية بالمقسوم مالنا إلا الصبر الله بيسر كل امورج بس انظري للحياه بالايجابية

 

[Nokia N95]

البنات قاموا يتزوجون بالثلاثين .... و الزواج مو كل شي ....

طوري نفسج ....
دشي الجامعة العربية ..... لازم يكون عندج شهادة ....

شهادتج ... سلاحج ....

 

[nour el denya]

حبيبتي الزواج رزق و نصيب من الله و ماله علاقه بالعمر ليش محطمه نفسج و انتي بعز شبابج

و ترى الزوج مو كل شي بالدنيا
نصيحه لاتخلين الزواج هدفج بالدنيا
صج ان الاستقرار شي حلو بس مو كل شي
اشتغلي و روحي نادي و دلعي نفسج و خليج مبتسمه و واثقه من نفسج و طيعي ربج و تقربي منه كملي دراستج
حااااااااااااااااااااااااااااااولي لا تقولين ما اقدر
انتي حايشج اكتئاب من الفراغ
بس تلهين راح تنسين موضوع الزواج
و نصيحه من أخت رفيجتج هذي مو صديقه هذي عدوه تحبطج و تبيج تتعرفين على شباب
ترى 90% من الرياييل مايتزوج وحده يعرفها و يكلما و يطلع معاها

 

[™〓 تۈڷيـــטּ~»❀]

:eh_s(7):

بنات مشكوووورين وحده وحده ودي ارد عليكم والله واشكركم ع تشجيعكم والله ع راسي
وبعض البنات عبالهم انا كويتيه لا انا بحرينيه
ومقدمه على وزاره العمل تبحث لنا ع وظيفه وست شهور تنزل لنا راتب وست شهور توقفه بس الله كريم وظايفهم ماتنقال وحده من الوظايف قلت لكم عنها في شقه ومع هنود بروحنا ..
الله يكتب اللي فيه الخير​

ودي افتح موضوع ثاني واكتب لكم ههوايتي وتنصحوني شنو ابتدي فيه
’ آنا مصممة فوتوشوب تععلمته بروحي ومن حبي له وايد لي اكون متضايقه ادخل عليه وانسى الدنيا والله​

ربي يفرجها ع كل مهموم يارب
واشكركم والله كلامكم يبجيني واااايد بس احس ان الدنيا بخير وفي ناس نفسكم تواسي ​

 

[Japanese]

الله يسامحج :/ انا عمري 25 وليحين ادرس ومشاكلي قد شعر راسي ماقلت جذي

صج اني ساعات اكون سلبيه وايد بدرجه غريبه بس لان ادري الضغوطات اللي قاعده امر فيها خلاص قامت تشيب الراس

وصج راسي كله شيب لووووول

المهم ،، انا اقول شغلي نفسج وبليز لاتقولين لي ماحب الدراسه ،، بالله شلون بتتفاهمين بشكل حضاري مع العالم بدون

ماتتعلمين؟

درسي ،، اشتغلي حتى لو اي شغله ،، تطوعي ،، جوفي شتحبين تسوين بوقتج استغليه صح

وابدا لاتفكرين وتحطين آمال على واحد يجي يتقدملج ،، مادري ليش البنات وايد يعلقون سعادتهم ع الريل والعرس

اذا انتي مب سعيده من الداخل وحابه نفسج عمرج ماراح تحبين الغير لا زوج لا ربع لا شي

ابتدي بنفسج عشان تجوفين التغير حولينج ،، وبخصوص رفيجتج هاذي لازم تقولين لها انج ماتقدرين تجريحها لج وتوقفينها

عند حدها ،، حشئ شهالرفيجه اللي كل شوي تقولج جذي؟؟؟ هاذي مب رفيجه كلش

المفروض رفيجتج تحبج وتداري مشاعرج وابدا ماترضى حتى حد يقولج جذي :/