آطيح لكنْ لآيجي في بآآلك إنّي تفشلت .. شف المطر لآمن طآ آ ح هالدنيا تزين

[جننها السعودي ]]

رد : آطيح لكنْ لآيجي في بآآلك إنّي تفشلت .. شف المطر لآمن طآ آ ح هالدنيا تزين

بااك
اول مادخلت المبنى وقفو ثلاث مشرفات و اذكرو كل وحدة واسمها وعطوها مفتاح غرفتها ..
وصلنا لآسمي انا بالشقة الاولى و غرفتي اهيا الاولى :eh_s(20): بخبركم طريقة السكن ..
اهو فيه 4 شقق كل شقة فيها 5 غرف وعاد حسب في غرفة خاصة لشخص
واحد وفيه غرف ثنائية لشخصين وفي غرف ثلاثية لثلاث اشخاص .. كل شقة
فيها 6 حمـآمات "يكرم السامع " يعني كل غرفة يقابلها حمامها ,, و فيه بعد
بالشقة صـآلة :eh_s::eh_s: يتجمعو فيها البنات اللي بالشقة وفيه بعد مطبخ بكل شقة ..
عموماً اهو المبنى ككل كأنه بيت نروح ونجي براحتنا عندنا سطح مسويين فيه
جلسة حلووة الفجر بعد الصلاة كلنا نركب اغلب وقتنا بالبجايم و كمان
فيه بقآلية صغنونة في نفس المبنى حاطين فيها احتياجاتنا .. صراحة ارتحت
بشكل مو طبيعي بهاليومين تعرفت ع البنات بسرعة لانهم ماششاء الله اخلاقهم حلووة
البنات من الخبر والدمام والقطيف بس مافيه من غير هالمناطق لان قريبة من بعض
فمسوي محطة وحدة يوقف فيها الباص والبنات يجون من هالمناطق لها
حتى المشرفآآت قمة بالاخلاق لووول اصغر وحدة فيهم مناوبتها تكون بالليل
تقولي اليوم الفجر امووول ترا سببتي ازمة للمشرفات هههههه عششان الة
السراميك حقتي ماتركب لآزم توصيلة او فيش و افياش الاحسساء غريييبة
عجيبة تقولي ع فكرة مستغربة منكم كلكم بنات الخبر والدمام والقطيف !!
ماتوقعت افياشكم غير هههههه في بنات اكثير من العام واللي قبله فعارفين
ومأخذين احتياطاتهم من هالناحية فوقت رجعتي اليوم تقولي اموول تكفييين
اشتري لك توصيلة و فيش مابي احاتيك ههههههه وبعد من الاشيياء اللي
حبيتها ان كل اسبوع يوم الاثنين يودونا المكان اللي نبيه والاغلب طلبات البنات روحة المجمعات
تحسسون مسلسل صبـآيا ع اكبر



ترا انا الحين بالبيت بس حبيت الصق لكم اللي كتبته بالباص والسكن لان
شاحن لا بتوبي مايركب ع افياش الاحساء لازم توصيلة ..
ماعندنا دراسة هالاسبوع فالجمعة بروح الاحساء ان شاء الله

 

[جننها السعودي ]]

رد : آطيح لكنْ لآيجي في بآآلك إنّي تفشلت .. شف المطر لآمن طآ آ ح هالدنيا تزين

سسوري سسوري عشر طعشش مرا
بس من جد الجامعة تأخذ الوقت مب من زود الدفارة !! بس والله نص يومي بالجامعة بالغالب 4 او 5 العصر اطلع من الجآمعة .. آرجع فاهيية إذا مافيش امتحانات اقعد شوي ع النت صرت اتصفح من غير ولا رد جاتني ع الخاص رسايل يسألون عن غيييبتي لوول فاستحيت ع وجهي وقلت اجي اعطيكم اخباري هينا احس مايمدي بالايام العادية كيف لوو فيه امتحان روتيني يتغير وينقلب اناام واصحى متأخر عشان اذاكر تعرفون سكن ومآعندي غير غرفتي والصالة و السطح إذا مرآ الحالة مستعصية خخخخ
البنات تقريباً اخر الليل يختفون ويصير هدوء فآحب اذاكر @_@
واحياناً اضطر اششوف لي قطار وارجع بيتنا عشان اذاكر والصبح يوم ثاني ارجع
حبيت الاحساء اهلها يهبلون لبى حسانا والله ..
تحسسون فيها براحة غريبة ومن طبيت عليهم والاسواق تفتح عندهم كل يوم سوق خخخخ
امممممم الحين تقريباً ع نهاية الفصل الدراسي الاول احسه مر سريع وبطيء بنفس الوقت مدرري بس كذا مرا ابكي ووقت ابكي احس ان الوقت طويل وتوي ببداية المشوار اشتاق لاهلي ولديرتي ما احس بغربة بمعنى الغربة لا بس اسم اني بعيدة عن اهلي يجيني وقت ودي اتسلى واطلع معهم
بس وقت انبسسط وهو في الغالب احس ودي اقعد هينا علطول هههههه
لاني انبسط بمعنى الكلمة
اليوم الجمعة .. 10 وربع وصلنا الاحساء طلعناً 7 ونص تقريباً
لوووول كنا نوصل ابكر بس الحين نظام ساهر فأمتنع عن السرعة سايق باصنا
ايشش تبون تعرفون بعد ؟
بالنسبة للجامعة الحمدلله الحين كونت لي قروب تقريباً 5 بنات و باقي اللي اصادفهم بالمحاظرات علآقي معهم مرآآ كويسسسة
والدكاترة اغلبهم اوكييه
المواد اللي ادرسها حلووة واستمتع فيها بالفعل ع اني زفت في بعض الامتحانات بس قدامي فرص وان شاء الله اعوضها
السمستر الثاني سويت جدولي ع مودي في بعض الاجبارات بس الاهم عندي
يوم اوف يصادف خميس وجمعة وسبت اروح متأخر ع قطار 10 وباقي الايام سهالات ان شاء الله

الموهيييم لي الرجعة

 

[جننها السعودي ]]

رد : آطيح لكنْ لآيجي في بآآلك إنّي تفشلت .. شف المطر لآمن طآ آ ح هالدنيا تزين

حالياً انتقلت للسكن الجديد أآول ماوصل راح اباششركم بالتفاصيل
صصدق حاز بخاطري اترك زميلاتي هناك حبييتهم والله بشكل
بسس شسوي في سبيل المذاكرة و الهدوء كل شيء يصير
هالمرة الشقة كلها ملك لي انا وصديقتي ..
ماشفتها بس ان شاء الله تكون كويسة
..

اممم هذي مششاويري بالقطار وهي الاغلب والسمستر الثاني الرجعة بس بتكون بالقطار اما الروحة بظل بالباص ..
اول مرا احس بأني مسئولة عن نفسي من ادخل المحطة احس غير خخخخخخ الحمدلله والشكر بس والله من صجي اتكلم
الروحة بالقطار مريحة حتى لو قطارنا مب ذيك السرعة اللي نشوفها بالكراتين
ههههههههههههه .. يعني بالباص اطلع المغرب سبع واوصل الاحساء 11 او 10 ونص ..بينما القطار اطلع المغرب 7 ونص يتحرك يوصل 9 ! فله ايجابيات
السلبيات مب في القطار باللي فيه بطلاب الجامعة والله والله من تدخلون المحطة لين توصلون المحطة الثانية وهم ششغالين بلوتوث الله يرجهم
وقت الاختبارات يانااسس فاضين من امهم بس ولا غيره مافيه اصلاً اغلب الطلبة والطالبات اللي يروحون ويجون بشكل يومي بالقطار ومرتاحين بس انا احس مابي اضيع وقتي .. فآقعد افضل لي
يلا خلنا نششوف الصور ..
بدايةً بالمحطة ..
من برآ

نجي للتكيت " التذكرة " آخذت ع درجة الرحآب افضل درجة بالنسبة لي هادئة وكلها رجال اعمال وقليل يأخذون فيها عوائل ورجال الاعمال بطبيعتهم هادئين يا لابتوب يا جرايد وواوراق خخخخ فما لهم صوت .. فتقعدون تذاكرون بهدووء ..فما ارتاح لغيرها فدايم نزلاتي تكون فيها عيبها الوحيد ان المقاعد نفس الطيارة مجبرة تأخذين هالمقعد حتى لو جنبك رجال !! عكس الدرجات الثانية بكيفك لو تبسطين ع الارض خخخخ محد يقولك لا .. بس الرحاب ممنوع بس بينك وبين الركاب اوكيه يعني مثلاً صار انك وشسمه مقعدك جبنك رجال تقدرين تقولين لشخص يبدلك اذا مقعده مفرد او جنب اخته او ....ألخ أو ان يكون القطار فاضي لوول وهذي قليل تصير ارخص تكيت بـ 20 ريال وللطالبات والطلاب خصم خاص 10 ريال
المهم هذي اهيا ..
الاجراءات سريعة وسهلة

هذي صآلة الانتظار " صالة الرحاب مفصولة عن صالات الانتظار الثانية "
صالة الرحاب

الفطور " ضيافة "..

صالة الطليعة والقآفلة .." شفتو الفرق خخخخ "

هذا القطاآر من برا

من داخل
درجة القافلة

نجي الحين لدرجة الرحآب من داخل

يجيبون ضيافة عربية قهوة وتمر وهيك اشياء بعدها بشوي يجيبون الجرايد
ويفتحون ع فلم ~ اخر مرة ركبت كان مستر بن

وهذي مذاكرتي بالقطآر ايام الامتحانات انثر كل اغراضي خخخخ عشان يصير جو مذاكرة وياسسلام اذا الطاولة اللي جنبك فاضية خذي لك شاهي وروقي..)=

برب .. بكرآ رايحة ع الاحساء .. فمآن الله