أسيرة الحزن : رِوآيَة بَحْرِينِيَة ، أشْبَهْ بِ الْوآقِعِيَة ، هِيَ أوَلْ إصْدآرآتْ كآتِبَتُهآ [ إح ـسآس ]
تدورْ أحْدآثْ الْرِوآيَة حَولَ 3 عآئِلآتْ تَصآدَمتْ بِهم قِطآرآتْ الْحَيآةْ
وأخَذَ الْفَقرْ والْغِنَى الَْدورْ الأكْبَرْ لِ يَرَسْمْ لَنآ أحْدَآثْ الْرِوآيَـة ، ولَرُبَمآ كآنَتْ قَدْ سُمِيَتْ بِ هَذآ الإسْم ؛
لِ الْحُزنْ الْمُتآخِي مع أحْدآثِهآ ~> فَهَيآ بِنآ مَعآ إلَى حَيثُ هُمْ.. نَسْكُنُ مَعَهُمْ ونَكُونُ هُمْ
^
^
طَبْعآ الْتَعْلِيقْ هَذآ مِنِي
والروآية مَنْقُولْة
[ عائلة بو عبد الله ]
بو عبدالله ( إبرآهيم ) : أهو وحيد أبوه و أمه و أهم متوفيين ، كبير في السن متقاعد و يمشي له راتب 150 دينار .. فقــــراء
أم عبد الله : متوفية من زماااان
عبدالله : 19 سنة ، طويل ، ضعيف ، أسمر ، عيونه بنية غامجة ، طيب حدددده
حمد : طالب في ثالث ثانوي وعمره 17 سنة ، طوله متوسط ، وحنطاوي ، وعيونه بنية غامجة ، وخشمه طويل
مريم : طولها زين و بيضة و عيونها رصاصية على جدتها ، وشعرها أسود قآتم ، ناعم ويوصل لتحت ركبتها يعني طويل،
عيونها ناعسة و مكحلة ، خشمها صغير
ترفض لأنها تبي تكمل درآستها و تتوظـف ،، طيبة و حبوبة و حنونة على أخوانها و نااعمــة ورقيقة حدهـا ..
[ عائلة بو ناصر ]
بو ناصر ( محمد ) : يشتغل في شركته .. أغنياااء
أم ناصر ( جميلة ) : ما تشتغل و كله طالعة مع رفيجآتها
ناصر : عمره 25 سنة ، يشتغل مهندس ، و راتبه 4000 دينار ، طويل و اسمر و عيونه بنية ، خشمه طويل و جسمه
مثـــــــآلي و فيه عضلات .. ستاايل و 24 ساعة سبايكي
سارة : رفيجة مريم بنت بو عبد الله ،، في الجامعة وعمرها 23 ، بيضة و طولها زين ، جسمها مليان ، خشمها طويل ،
شعرها يوصل لكتفها ولونه بني فاتح ، عيونها واسعة و عسلية ،، طيبة و تحب مريم وماترضى عليها كأنها أختهاا
شجون : عمرها 16 سنة ، قصيرة و ضعييييفة عدل ، بيضة ، خشمها طويل و عيونها بنية واسعة ، شعرها يوصل
لكتفها ، تحب الجنون و الصرقعة و الهبـــــــآل .. شكلها بريء بس اهي و لا جافت البراءة ، شاطررة و تعرف نص
المدرسة ، وتعرف حتى مريم رفيجة أختها سارة .. اجتمااااعية و الكل يحبهااا .. و دلوعة ابوها
[ عائلة بو أحمد ]
بو أحمد : يشتغل مع بو ناصر في الشركة يعني ، بو نااصر مدير الشركة و اهو مساعده .. أغنيااء
أم أحمد : ماتشتغل و بالها في عياالها و بس !
أحمد : رفيج ناصر ، عمره 24 توه مشتغل ، مهندس ويه ناصر في الشغل ، طويل و جسمه زين .. فيه عظلات ع خفيف،
خشمه طويل و حنطاوي و عيونه سودة و سبايكي و ستااايل
رحاب : عمرها 23 في الجامعة مع سارة و مريم .. سمرة ، عيونها واسعة عسلية شعرها بني قصير لرقبتها و خشمها
صغير ، مغرورة و جاايفة نفسها كأنها مـآلكة العالم ..
عبد الرحمن : رفيج حمد ، عمره 17سنة و يه علي في الصف ، طويل لا هو أبيض و لا أسمــــر يعني بشرته زينــة
مو وايد متين ، خشمه مو طويل << أهم شَي الخَشِمْ
.،
[ الصبح ب الجامعة ]
سارة : أهلين مريووم .. شلونج
مريم : هلا بيج .. تمام و أنتي ؟
سارة : بخيــر و شلون أبوج و أخوانج ؟
مريم : بخيــــر كلهم
سارة : راجعتي للامتحان ؟
مريم : ايه من الساعة أربع العصـــر إلى 2 في الليل ..
سارة : لا أنه من الساعة 5 العصر الى الساعة 12 و نص في الليل ..
مريم : صـــــــــــــعـــــــــــــــب ..
سارة : حدددددددددددهـ
مريم : شكلنه بنرسب
سارة : ايه و اللهـ
[ في قــآعــة الإمتحـــــــآن ]
سارة تأشــر لمــريم السؤآل الأخيـر شنو جوابهـ
مريم متوهقـــة آشرت لسارة مـــآعرف ..
[ بعد الإمتحــااان ]
مريم : شنو جاوبتي .. السؤال الأخيــر
سـارة : كريــات الدم الحمـــراء
مريم : وييي نفسيييي !
سارة : جوفي من ياية ..
مريم : اووف ذي كل يوم لازم تغربلني
..
رحــآب سلمت على سارة يد بيد : هلا سااارة
و سلمت على مريم بصبعتين و قالت : و الله أحصل ثوااب ، بس شسوي أخاف أنعدي بفقرج
مريم اكتفت بالسكوت .. << وَ عليّييه
رحــاب : ويييي فقيرة و تتفلسف .. اقول نظفي نعالتي
سعاد و حوراء : هههههههههههههههههههههههههههههههه
مريم انكســر خـآطرهــآ ، كل يوم تجرحهـــا دمعتها باقي شوي و تطيح بس ميودة نفسها
سارة : رحاااب لو سمحتي عن الغلط حدج على رفيجتي
رحااب : و الله انه هالاشكال ما تناسبج بس انتي ..
سارة : مب انتي الي تحددين لي ربعي
رحااب : وآآآي بكييفج ، باااي
سارة : روحه بلا ردة
و درات على مريم الي عور قلبها صياحهــا
سارة : مريوم حبيبتي ماعليج منهاا
مريم : شنو يعني الفقر عيب و الله حراام
سارة : ماعليج منهاا و أنتي مو فقيرة
مريم : كل يوم اتيي و اتهيني شسويت لها
سارة : غيرانه منج أصلا
مريم : هه على شنو على غنااااي و لا على جمالي ، مالت علي
سارة : بصراحة .. أنتي حلوة و عندج أخلاق أحسن منها و الكل يحبج من جذي أهي تغار منج
مريم حضنت سارة : الله لايحرمني منج .. بصراحة صداقه جذي
سارة بحنان : و الله لايحرمني منج بعد ..
..
حسن : السلام عليكم
سارة : عليكم السلام
مريم : عليكم السلام
حسن : شلونكم ؟
مريم و سارة : بخير و أنت ؟
حسن : بخير
سارة : دوووم
حسن : شفيج مريم مكتئبة اليوم و حزينة ؟
مريم : مافيني شي
حسن : ايبين عليج ، كل يوم تبتسمين .. بس اليوم شكلج مريضة او شي
مريم ابتسمت : الحين اوكي
حسن : ايه جذي اوكييي
رحاب بتموت من القهر تجوف حسن يكلم مريم و يبتسم و اهي ولا يعطيها ويه
حسن : سويتون زين في الامتحــان .. ؟
مريم : توهقنا في السؤال الاخير
سارة : ايه صعب
مريم : أنه وسارة كتبنا خلايا الدم الحمراء
حسن : و أنه بعد
مريم : يالله باي ، نجوفك فـي قاعة الامتحان باجر
حسن ’ و الله الود ودي مافارقتج ’ : بااااي
[ في السيارة ]
مريم : طيب هالصبي
سارة غمزت لها : ايه شكله يحبج
مريم : اوووهـ مو وقت مزاحج
سارة : ايه علينه ، شرايج تيين بيتنه عشان نراجع مع بعض ؟
مريم : مو الحين العصــر آيي لج
سارة : بشنو بتين ؟
مريم : مشي
سارة : انجنيتي المسافة 2 كيلو متر و بتيين مشي
مريم : ايه عادي .. عشان آضعف
سارة : أنه بييج
مريم : لا مب ياية في السيارة أبي آمشـــي
سارة : انزين
[ بيت بو عبد الله ]
مريم رجعت بيتهم
مريم : هلا يُبااا ..
بو عبدالله : هلا يا بنيتي انشالله سويتي زين في الامتحان ؟
مريم : الحمدلله يباا
دخل حمد معصب و شدخ الشنطة على الجدار و راح في غرفته و غرفة أخوهـ
.،
تَبُوونْ تِعَرْفُونْ شِصآرْ في حمد
ويييت فور ذآ سكند بآرت ،،
بَسْ بِ الأولْ أبِي كوومِنْتْس .~
القفوآ
التعديل الأخير:
