السلام عليكم ورحمه الله وبركاته
دشيت موضوعج في المناقشات هذا
http://www.q8yat.net/showthread.php?t=690403&highlight=%e3%d8%ed%d1%ed%e5 وكنت بحط سالفتي ولمن قريت كلامج اللي ماتبي تحطها بالعام تجي عالخاص نزلي قصتي
عندي بنت خالتي وحسافة ان امي وامها خوات خلتني زانية واني اطلع مع شباب ويجوني من ورا ومن يوديني عمي تخيلي حسبي الله ونعم الوكيل فيهم وتوقعت خالتي تنصفني تجعم بنتها عالاقل بس مااااااااكو ربج واحد أمها صارت تحجى فيني بعد وامي ضاقت الدنيا فيها اقسم لج بالله حتى ولد خالتي ولد خالتي يتحجه فيني بالدواوين والله أن ابوي من كثر ما ضاق من اللي يقولونه غيرنا منطقتنا السالفة كانت عوده وتفرقنا مع خالتي عشان موقفها اللي مو حقاني اهي وبنتها انا ماكنت أقول الا يامبري عائشة تبريني وتوريني فيهم عجايب قدرتك يمكن محد يحس وتقولين ماتسوى السالفه الظلم يعور القلب يجرح يذبح وشلون بالشرف احنا يالبنات شنو عندنا الا الشرف نتباهى فيه وشلون اذا انتي محترمة وكافية خيرج شرج يجيج حجي لا ومن منو اقرب الناس لج رفيجتي وحسبة أختي بنت خالتي وخالتي حسبة أمي دعيت عليهم وربي فوقي وهالمشكلة خلتني اتقرب من ربي أكثر من 8 سنين قمت أصلي وخفت ربي أكثر ساعات أطالع الجانب الجيد من هالمصيبة اني عرفت ربي عدل ووثقت فيه وتقربت منه الحين تدرين شصار في بنت خالتي ووالله والله وبدون شماتة انا ندمت أني دعيت عليها بنتها الصغيرة حاشها صرطان معدة الله يشافيها انا تغير حالي عقب 8 رمضانات كنت ادعي وأتحسب الحين صرت أدعيلها انا صرت بنعمة تزوجت وعندي بنت وزوجي يحبني ويعزني ودخلت الجامعة وتخرجت من الشريعة من بعد ماكنت ما اصلي كلش وبنت خالتي الله لا يجعلنا من الظاليين اللي سمعته من بنات خالاتي انها مو مرتاحة مع زوجها ويشك فيها وانا الحين ادعي الله يشفي بنتها قلبي عورني صج تحسفت عالدعوى انا أم وقلبي رق عالبنت الصغيرة ماتستاهل كله من أمها طولت عليج حابة اوصل رسالة للبنات لا يتهاونون بالظلم مثل ماقلتي ساعات من شده مانظلمنا ندعي بحزتها والظلم ظلمات يوم القيامة مالقيتيها بدنياج بتلقينها يوم الحساب ونزلي رسالتي بموضوعج لا تحطين رسالتي بنفس لون خطي ونمطه أخاف وبدون يوزري ومشكوره وماقصرتي
