آبيه ويبيني بس مشكلتنا المذهب اللي مرت بنفس التجربه تفيدني

[fatomd]

و الله انا اعرف وحده مسويتها
بس للامانه انا ضد الموضوع
الحين عيالها كبروا و قاموا يسألون ليش انتي تصلين غير عن ابوي؟
تالي راح يضطرون يختارون جانب ضد الثاني و بالنهايه راح يحس الياهل انا كسر بامه او ابوه صعبه شوي
بعدين اهلك يمكن يوافقون بعد حنه و رنه بس لازم بيظل بقلبهم شي من الزعل

 

[سارة ة]

ااااااااااب

 

[Tutti-Frutti]

رد : آبيه ويبيني بس مشكلتنا المذهب اللي مرت بنفس التجربه تفيدني



مع اني اعارض الزواج من مذهبين مختلفين
بس دام انتو راضين ومشكلتكم الاهل

فـ بهذي مادري
انتي ادرى بـ اهلج

ليش ما تجيسين نبضهم بهالموضوع؟ شوفي هل فيه قبول او رفض تام؟

 

[مطيريه ماركه]

رد : آبيه ويبيني بس مشكلتنا المذهب اللي مرت بنفس التجربه تفيدني


رآي شخصي بِ تآخذين فيه وآلآ لآ كيفج

من رآيي لآ تآخذين وآحد غير مذهبج يمكن يأثر عليج

كون آلحريم يتبعون آزوآجهم عآدة ً

 

[دنيتى زوجي M]

حبيبتي انا زوجي غير عن مذهبي يعني اهو شي وانا شي ( ماراح احدد ) لوووووووول

المهم وبنفس الوقت المعارضه كانت من الطرفين اهله واهلي بس الحمدالله اخر شي اقتنعو مدام محد شايل كره بقلبه على مذهب الثاني

اخلصج من الاخر والله مرات نقعد انا وياه نتناقش وبحترام بهالامور وعادي الوضع يعني مافيها لاهواش ولا حزازيه ولا عصبيه

وانتى توكلي على ربج واللى كاتبه بيصير

 

[بطه حميسه]

رد : آبيه ويبيني بس مشكلتنا المذهب اللي مرت بنفس التجربه تفيدني

انا والله ماأيد هالشى انتى فكرى بالمستقبل عيالج شنو بيكون مذهبهم والاسئله اللى راح يسألونها خلج واقعيه شوى

 

[اللهم الجنة]

ما أأيد هالشغلة

 

[أسيرة_أحزاني]

رد : آبيه ويبيني بس مشكلتنا المذهب اللي مرت بنفس التجربه تفيدني

الله ييسر امورج يارب

 

[G!RLooNa]

والله مادري الله يسهل اموركم و يجمعكم بالحلال يا رب

 

[ام الفهد712]

رد : رد: آبيه ويبيني بس مشكلتنا المذهب اللي مرت بنفس التجربه تفيدني

حبيبتي انا زوجي غير عن مذهبي يعني اهو شي وانا شي ( ماراح احدد ) لوووووووول

المهم وبنفس الوقت المعارضه كانت من الطرفين اهله واهلي بس الحمدالله اخر شي اقتنعو مدام محد شايل كره بقلبه على مذهب الثاني

اخلصج من الاخر والله مرات نقعد انا وياه نتناقش وبحترام بهالامور وعادي الوضع يعني مافيها لاهواش ولا حزازيه ولا عصبيه

وانتى توكلي على ربج واللى كاتبه بيصير

نفس كلاااااامهاا بالضبط ونفس وضعهااااا

والحمدالله عااايشين ومرتااحين

وااللي يقولون اليهال يضيعون لا مايضيعوووون شدعوه عااااد
ليش مستصعبين الامووووور يبااا كلناا مسلمين وربناااا واااحد

خليه يتقدملج مره مرتين ثلاث وان شاءالله تمشي امووركم يااااااارب انا جذيه اول شي اهلي عاارضوو اول مره مو علشاان مذهبه لا الحمدالله ماعندنااا تشدد بالمذاهب بس علشاان بدوي بس يووم اقعدو مع اهله واعرفووو شنوو اهم الحمدالله اموري تسهلت والحمدالله صارلنا 13سنه متزجين وعيلناااااا

 

[what's up]

انتي من صجج حياتكم يمكن اول الايام اوكي بعدين راح تصير مستحيله
بعدين انتي بدويه
يعني تهقين اهلج يرضون بالحضري ما هاقوتي
يا معوده خليه و ان شاء الله الله يرزقج بالي احسن منه
يعني ترى حلات الثوب رقعته منه و فيه
يعني اختلافين الاصل و المذهب ترى هالشي مو سهل

انا اقول لج خليه الله يرزقج بالي احسن منه
و السؤال الاهم انتي تحبينه ؟ ولا عشان مميزاته الوظيفيه ؟

 

[Flower20]

رد : آبيه ويبيني بس مشكلتنا المذهب اللي مرت بنفس التجربه تفيدني

ما انصحج

وعياالج ينقسمون شيعي وسني

انتي تبينهم على مذهبج واهو يبيهم على مذهبه

واحنا فيهحريم من عايلتنا ماخذين عيال عمهم من غير مذهبهم << عايلتنا مقسمة

بصرااحة حياتهم مشاااكل وعيالهم ضاايعين هذا وهم عياال عم وقرايب بس مشااكل ومعااير

انتي غلطتج انج انجرفتي بهالحب .. مع انج لازم تفكرين حبيبتي بمستقبلج

ماا انصح ابدا

 

[اموله الامورة]

اذا ربج كاتبه انه من نصيبج راح يكون من نصيبج ...

والله يوفقج ...

 

[monmon12]

حبوبة

ريفيجتي شنيه وخذت شيعي

صج في البداية صعب بس اخر شي أهلها رضو فيه

انتي حاولي وجربي

اما اذا قاعده تتعذرين اخاف من امي واخاف من أبوي وايهو حضري وانا بدويه

اذا ليش قاعده تتكلمين بموضوع الزواج وياه؟؟

خلاص يا انج تكونين قد هالخطوه وتتحملين اشويه عشان تاخذين الي تحبينه

يا اته اذا حاسه نفسج والله لا ما اقدر خلاص انهيها معاه

والله راح يسهل عليج بس انتي اختاري بالأول شنو تبين

 

[miss.unique]

رد : آبيه ويبيني بس مشكلتنا المذهب اللي مرت بنفس التجربه تفيدني

انا توني طالعة من تجربة جذي ..
اهو كلم اهله وما رضو فيني ,,
صراخ .. صراخ .. طلع برى البيت .. وهواش وحاله

وعلى قولته .. انتي فكري ابعدين , شلون الوضوع رح يكون بين العوايل ؟! اكيد رح يقطون عليج كلمه مني مناك
ورح يقطون كلام على عيالج انتو يالشيعة انتو يالسنة ..

للاسف هذا مجتمعنا للاسف يعني !!
وانا كنت ابي هالشي اكثر من ما تتصورين بس الله ماكتب ويمكن خيره الحمدللله على كل حال

 

[منوة القلب]

مدري اشوفها صعبه من جميع الجهات

 

[79o0on]

انا صارت معاي و علاقه 4 سنين بس عارفين مو حق بعض و نحب بعض و متعلقين ابعض
لانه الاهل ماراح يرضون و انا سنيه و اهو شيعي ضابط مطافي يعني مدني و مو متعصب وهدينه بعض لانه ندري كل واحد بطريج
ودسنا على قلبنا و بنقول بننسى بس نتناسا لانه كان حب صادق و شريف و حافظ علي واهو حبي ترا الاولي و الاخير

 

[** باربي **]

مااااكو شي مستحيييل

اذا انته تبينه يصير مو مستحيييل

كل شي وله مفتاحة

وكثرة الدق يفج اللحام

اذا شايفه انج تقدرين تخلين عنه وتخيلي حياتج مع غيرة عشان تهيأين نفسيا

مو بعدين تندمين وتروحين تكلمينة من ورى ريلج ولا لي تزوج تحسرين طول عمرج ؟؟

انتي تعرفين نفسج اذا تقدرين تهدينه وتعيشين حياتج ولا حبج من النوع الي تمرضين وتموتين ؟؟

يعني على حسب

وياما شيعه خذوا سنه وسنه خذوا شيعه بعد ذبح ومذابح وعقبها قام يحبونه هالنسيب الي كانوا ما يبونه

واذا عالعيال مافي مشاكل انتوا خيروهم دام اهلج يدرون بالاساس ريلج مو على مذهبج يعني شخابفه منه مو انتي بقصين عليهم انه سني نفسج وخايفه بالمستقبل يمكن يعرفون

ولا كلش كلش اذا متعلقين ابعض حييل خل يسوي روحه جدامه قالب ويعطي اهله خير انه قاعد يسايرهم

بس اذا خطيتي هالخطوة لازم تكونين قدها يعني اذا بتحاجين اهلج عنه لانه راحج تدشين بشبهه حرب وصرااع ومشاااكل يا تصدمين وتاخذينه !!

يا تضعفين وتخافين وتخلين !!

عرفي انتي من اي نوع ؟؟

يارب يجمع بينكم بالحلال ويحنن قلب هلج وتقر عينج

 

[a woman on top]

ما اايد هالزواج صعبه حيييل فكري بعيالج :tomato2:

 

[Confused Girl]

اختي واخوي ماخذين من غير مذهبنا
بعد الحنه والرنه ‏..

وطبعا مابقى احد بالعايله ما تدخل
وصار مشاكل وقطاعه ‏..‏ وللحين
العايله كلها ماعندها سالفه غير بيتنا
بس بالطقاق خل يتكلمون لي باجر
اختي واخوي مرتاحين ومتهنين ‏..

واذا على العيال خلوهم يختارون مذهبهم
بعد مايكبرون عشان يكون عن اقتناع

اللي عليج الحين تصرين واهو بعد

واذا ماصار نصيب

صدقيني صدقيني خيره وهالشي لصالحج
لان رب العالمين يعرف ووين مصلحتنا

والله يوفقكم يارب