آااااااخر خبر شروط البونص للمعلمين من جريدة الراي

[اخت اخوانها]

فراااي اقصد توقيع يجمعنا لأن كلنا نساعد بعض من التخرج ليما الحين

هذا اللي اقصده مو يجمعنا تجمع او موضوع واحد

 

[fri2010]

صعبه احط كل الاسامي بالتوقيع !!

وبعدين ماشاء الله كل يوم في ناس تتعيين يديد

 

[Eva-SS]

يخسون والله بعد هذا اللي ناقص

مو كافي هادين حيلنا بالدوام لاحقينا ببيوتنا .. انا عندي اكاونت بتويتر وايميل وعندي بلوق بس ماعطيه احد بالدوام

اصلا تلفوني اذا دقوا عليه وانا بالبيت مارد عليهم حق التكدش وعوار الراس .. صراحة مصخوها صج صج مصخوها

مالت عليهم هم وبونصهم مااانبيه خل يبلونه ويشربون مااايه .. واصلا فيه معلمين واجد مايعرفون للانترنت وفيه نفسي يعرفون بس يستغبون نفسي ههههههههههههههههههه لانه جربت بمدرستي اللي قبل والله طلعوا عيوني يطلعوني من حصصي ويخلوني اشتغل شغل السكرتاريه طباعه وملفات والله شغلهم وهم حاطين رجل على رجل ولما اقولهم ليييش ما تسونه عندي فترات وشغل ليما الراس يقولون مانعرف كل شي ما يعرفون مادري شنو اللي درسوه بمعهدهم

اقول حريمتهم اتواصل معاهم برا المدرسة .. انا شغلي ينتهي مع جرس الهده ماعندي سوالف نفاق والحمد لله شغلي اسويه وزيادة وما يمسكون علي شي

 

[اشراقة المحبة]

مع اني مو مدرسة بس ما أؤيد الاقتراح .. يعني المدرس مسكين كافي عليه دوامه بالمدرسة يبي يرد البيت ويجابل بيته وأهله لازم يرتاح ... وبصراحة في اولياء امور وطلبة مو كفو الواحد يتواصل معاهم اييبون المشاكل والمغثة للمدرسين ... اقتراح فاشل لكن أؤيده فقط لدكاترة الجامعة ويكون بس ايميل وايد دكاترة مسوين هالشغلة وناجحة جدا عشان يتواصلون مع الطلبة بخصوص المقررات الدراسية ...

لكن تطبيق القرار على مدرسين الابتدائي والمتوسط والثانوي ما أؤيده ... لان اكثرت سالفة اللي ينتحلون شخصيات ناس ثانية باجر حتى طلبة المدرس ينتحلون شخصيته ويتواصلون مع العالم على اساس انهم هو ...

هالشغلة بتفتح باب للمشاكل المدرس في غنى عنه ... خل يخلون التواصل مع المدرس في حدود البيئة المدرسية وبس وفي ايام لاستفسار اولياء الامور عن اعيالهم ... وهذا كافي بصراحة ...

وبسكم عاد قاعدين تصعبونها على المدرسين اللي متحملين مناهج وزارة التربية الدايخة ... ذليتوهم على هالكادر وكل يوم طالعين لكم بقرارات فااااااااااااااشلة والتعليم من انزل لي انزل ...

بس عاد ارحموا من في الارض يرحكم من في السماااااااااء ...
فكوا المدرسن من شركم

 

[جيتك تعال]

ومن ضمنها ضرورة أن تكون للمعلمين والاداريين مواقع الكترونية للتواصل،

ههههههههههههههاااى ... صرااحة ضحكني هالوزير أحس كل قرارااته قذاافية

" شعندك مسوي بلوق مع القذاافي .. تاخذ منه اخر النكت وتسويها من بااجر قراراات

اركد شوى ترى قرارااتك المضحكة بتعجل بطيرتك وترى ما رااح ننساك بنسميك الوزير القذاافي ونضحك لا طرينااك

يعني بالعربي انت تبينا موظفين تربية 24 ساعة ... ليش يباا ماورانا بيوت وعيال وحيااة

وكلمة التواصل هذي بتخلينا عضوات مجلس بلاا مجلس وكل من هب ودب يستهبل ويتواصل معنا بالحجة التربوية

وللعلم بعض الاسر شغلت بنااتها معلمات لانها مهنة محترمة وبعيدة عن التواصل على قولتك مع الريااييل

لكن انت جذيه بتخلي التواصل مع الرياايل موبس بالمداارس لا بيوصل للبيوت واحتمال تزيد حالات الطلاق بين المعلمات

خل بونصك لك والي لنا بنااخذه وصدقني مارااح تطول داام هذي قراارتك الي اقل ما يقال عنها انها رعنااء

آل توااصل الكترووني آل ....

انا اشووف انك تترك الوزارة مثل ما قالولك النواب وتفتح لك مقهى نت تتواصل الكترونيا وقذافيا فيه ع كييفك

 

[zqertya]

انا اقولكم من الحين لا توتير ولا فيس بوووك البووووووووونص حق ربعهم يبى فهموووووووها يعني مثل ما الاعمال الممتازه والامتياز حق ناس وناس هم البووووووووونص لو اتشقين نفسج نصين ماتخذينه لان حق ربعهم

احنا الناظره سوت موقع حق المدرسه وكل مدرسه لها ايميل للتواصل مع اولياء الامور سخافه والخظه اتحطينا بالنت حق كل الطلبه مع تواريخ الامتحانات وكل شي يكون بالنت

 

[أحلى البشر]

امبيييييييي منصجهم :/

 

[fri2010]

بنات انا مو فاهمه الحين سالفه المقابله شنو؟

 

[مبرووكه]

آنا من زمان غاسله إيدي من هالوزراء ألحين بغسلها منهم بكلوركس،،،،،،،،
مانبي هالبونص عنا ماخذيناه إشدعوه عاد مديرات المدارس وإلا المسؤولين بالوزارة يعرفون للمواقع والايميلات أهما حتى محو أمية الحاسوب ماخذوها والله أعرف مديرة مساعدة حتى كمبيوتر المدرسة ما إتعرف إتشغلة هالدور يبون مواقع بالتويتر وغيره ههههههههههههه نكته موتتني من الضحك ،،

 

[تاج الافراح]

قرار غير مدروس
انزين اد ولي موعاجبته درجات بنته الكسلانه بيسب الابله بالموقع يعني ويصير سب وهواش لالالالا

 

[@ نجمة العطااا @]

ما يبون اوزع رقمي بعد وافتح بيتي ديوان لأولياء الامر استققبلهم فيه يوميا
ولا بعد شرايكم اسوي لهم زيارة في بيتوهم كل ويك اند عشان ادرسهم وأراجع لهم وتحل الواجبات
ولا بعد احسن نسكن بالمدرسة بعد اوفر وحق الشغل والكراف اسرع!!!


ما اقول الا حسبي الله ونعم الوكيل