آآآآه على حالي لو الزمن يرجع لورا

[ابي ارجع عزابية]

السلام عليكم بنات

عفيه مشرفات نزلو موضوعي لاتحذفونة مثل الموضوع الاول..

بنات انا ابيكم تساعدوني بارائكم القيمة اعتبروني اختكم وكل عضوة منكم تعتبرني اختها عمري 17سنة متزوجة من قبل كم شهر
عفية بنات لاتردون عليا رد قاسي ترى اتعقد ماحب الردود القاسية

بنات زوجي طيب ومافية شي يجبرني على الانفصال منه بس فية عيوب وبنظري هذي العيوب هيا سبب كرهي له

بنات انا تعودت في بيت اهلي اصرف فلوس واشتري اي شي بخاطري والحين من تزوجت استحي والله اقوله بشتري الشي الفلاني موقادرة اغصب نفسي واتجرأ اقولة ابي ملابس شتا مثلا..لان الحين شتا ويذبح البرد وانا ماعندي لبس شتوي ابد ومستحية اقولة بشتري واي شي احتاجة بالعافية حتى يطلع من لساني واقولة مثلا اشتريلي هذا الشي

هو للاانة مايقصر على طول يروح يشتري بس :eh_s(16):

كل شي عنده غالي مليت من الكلمة هذه..والله يبنات يقولي هيا نروح سوبرماركت ويقولي اشتري اللي تحبين واخذ مثلا كندر كت كات يسال صاحب السوبر ماركت بكم هذه؟ويرجع يردها مكانها يقولي غالي <<<<انتم تعرفون سعر الكندر والكت كات وهالحلويات والكاوكاو واطلع وانا ماشريت غير عصير سن توب او اي شي بسيط واحيانا اطلع ولاشي ماشريت

يقولي يلا نروح السوق حتى اشتري ملابس للعيد اللي طاف وكل ماخترت قطعه قال غالي وانا ارجعها ماحب اخذ شي بالغصب مع انة لو قلت لا ابيها يشتريها <<اتوقع

ورحت مكان اشتري شنطة كل وحدة فيهم اغلى من الثاني طبعا انا ماخذتهم بس قال لازم تشترين وشريت وحدة خايسة خايسة والله استحي اخذها في بيت اهلي بس عشان مايقولي غالية لان سعرها مرة نازل وهذا الشي يضايقني والله يبنات من تزوجت ماشريت غير شي بسيط حتى في عيد الاضحى كان عندنا زواج بنت خالتي ماشريت شي لبست ملابس قديمة وانا عروس المفروض البس جديد لان كل شي عنده غالي..

والشي الثاني..

اسلوبة بالكلام ماحبة كيف اقولة اسلوبك موحلو لان اذا صارت سالفه يقولها الف مرة يكررها لما امل منه وازهق وحتى اذا طلعنا نتمشى ونفرفر بالسيارة يقولي نفس الحكاية والقصة والله يبنات ماعديتهم كم مرة قالهم بس اتوقع من زواجي ثلاثين مرة يعيد نفس الحكايات ابد اذا خرج ماشتاق له لان اعرف بيسولف نفس سوالفه
واذا رحنا بيت اهلي ينزل معي والله والله <<ماحلف وانا كاذبة

نفس الحكايات يقولها لهم وانا بالبيت قالها لي اكثر من عشرين مرة احس اخواني زهقو منه واحس امي زهقت منه بس طبعا مابينو لي لان انا سمعتها منة مرات كثيرة واذا رحنا بيت اهلي يعيدها لهم ابد مايتكلم بالاشياء اللي تصير الان في حياتة لان هالسوالف اللي يقولها ويكررها ايام المدرسة وقت ماكان طالب وايام كان يلعب بالكورة والله يبنات احس كرهتووووووو:eh_s(16):ماعندة سالفه جديده وبنفس الوقت ماحب اكسر بخاطرة واقولة انك تعيد كلامك كثير اسمع السالفه وانا ودي :eh_s(11):

تصدقون يبنات ودي ارجع عزابية...تمنيت عريس المستقبل شي ثان ماتوقعته طلع كذا...:eh_s(11):


آآآآه والله يبنات اشياء ماقلتها لكم اخاف يحذفون موضوعي لان نفس الكلام كتبتة بس زدت شويا علية كم مشكلة وانحذف..هيا صح مومشاكل ماتتحمل بس انا مليت منه

بالرغم انة رومانسي ويحبني وكل يوم والله مومبالغه وهو يقولي احبك واحبك ومن اسلوبة صرت انا نادر اقولة احبك هو صار يشك ويسالني باليوم اكثر من مرة تحبيني؟؟مدري شقولة مابي اكسر قلبة مهما يكون طيب اقولة اي احبك وانا والله ماحبة عادي:eh_s(11): ياربي مدري ليش كذا ابي اعيش مع واحد احبة مو مايهمني وجودة لان اذا خرج ماودي يرجع البيت لو كنت احبة اتمنى رجوعه واشتاق له:eh_s(11):

احس ظالمتة

بنات امس بالليل من اول مانام وانا ابكي واشاهق حسيت اني اكرهه ودي اتطلق وانا صغيرة واجلس عند خواتي بالبيت ايام الوناسة وايام الطلعات وصاحباتي بالمدرسة ارجع لهم مع انة مايمنعني من احد مابي اظلمة

بنات عفية عفية لاحد يرد رد قاسي والله قلبي يبكي احسة موبس دموعي طالعه

وهذه لكم:eh_s(7):

 

[شادن33]

حبيبتي انتي صغيره وما عندج خبره بعد
اول الزواج بعدد ماتعرفينه الريال واطباعه ومع الايام والعشره يبين كل شي
واذا ع المصروف حياتي اتفقي وياه على ان يعطيج مصروف شهري اتييبين اللي تبينه
لاااااازم عشان يعرف انج تصرفين ومحتاجه شهريا اشياء
والسوالف السخيفه ياعمري هاي ثقافته بعد شسوين
والريال قاعد ايقولج احبج مسكين وانت اتقولين طيب بس سالفه الصرف انتي اتفاهمي معاه من الحين عشان ماتكبر السالفه

 

[MiSsY HottY]

حبيبتي احمدي ربج ترا ريلج ما فيه شي لا يطقج ولا يشرب ولا يسب لو تطلقتي شيضمنج ماراح تاخذين واحد ردي انتي توج صغيره وايد 17 مراهقه واتوقع هاذا السبب شوفي باجي البنات اللي بالمنتدى اللي ريلها يكفخها واللي يخونها واللي يشرب ديري بالج على ريلج حبيبتي ترا رياييل يلاحظون اذا الحريم تغيرو عليهم​

 

[MiSsY HottY]

تعوذي من ابليس ومع العشره بتحبينه صدقيني ​

 

[شادن33]

اي صح ونسيت اقولج >>>>>>>>>وأي وايد تقرقر
لاااااا تقارنين حياتج ابيت اهلج وبيت ريلج بتتعبين خلاص اتاقلمي مع الواقع

 

[سعودييييه هع]

ماعندي رد بس حبيت ارفع موضوعك

up

 

[[كـالا]]

لازم تتعلمين تطلبين منه

ولا بعدين بيتعود مايصرف وانه كل شي ماله داعي

وبعدين توج صغيرة والموضوع مايسوا تفكرين بالطلاق

الله يهنيكم ان شالله

 

[[كـالا]]

وبعدين انا صارلي قريب 4 سنوات متزوجة

واموت في ريلي

بس لازم تييني لحظات اشتاق حق بيت اهلي ورفيجاتي

اللي بقوله ان مهما كان الريال زين .. راح تحنين حق حياة العزوبية

والله يوفقج

 

[Gifts&Occaions]

الله يعينج اسوأ شي بالريال البخل

 

[انا لحبيبي .]

علاج البخل الدعاء ، ادعي لزوجك ، وحاولي اطلبي منه فلوس ، حتى يفهم هالشي

ومن ناحيه الكلام ، مافيها شي ابدا لو حكيتي لزوجك وصارحتيه لانه متل ما انتي زهقتي الناس رح تزهق

وهاد زوجك ما اتوقع بدك حد يقعد يتخوت عليه لا بوجوده ولا بغيابه ..

 

[@sweet angel@]

طيب ليييه ماتجلسين معاه جلسة مصارحة تكون جلسة هاادية ورايقة وقبل كل شي تسمعينه كلام حلو
تقوليله ياحبيبي ياعمري انا احبك بس بخاطري شي لو يتعدل بيزيد حبي لك
قوليله على سالفة تكراره للكلام مثلا لو يتكلم عن مستجدات حياتكم وحياته العملية والمستقبلية ووو الخ طبعا باسلوب حلو
واما بالنسبة للصرف يمكن ميزانيته ماتسمح
ولو افترضنا انهاتسمح فضروري طالما انك ببداية حياتج ضروري تعودينه على انه يصرف عليج
لانه الولد على ماربيته والريال الى ماعودتيه و عادي صارحيه هذا زوجج لو ماصارحتيه منو تبين تصارحين
بالنسبة لي انا زوجي ابسط شي اصارحه لو احس اني يمكن اضيع بالكلام معاه وتنقلب هوشة اكتبله رسالة بكل اللي بخاطري
والحمد لله يصير احسن واشوف التغيير فيه مثل ماابي
ولا تنسي الدعاء وهو الاساس في تغيير زوجج ونيلك مرادج
الله يوفقج*

 

[روح مغليهاM]

الله يسخره لك
اهم شي طيب وحبيب والبااقي انتي غيره باااسلوووبك
موفقه

 

[Hello_kitty]

كسرتي خاطري بعدك صغيره حبيبتي عالزواج ومسؤولياته

حبيبتي اهم واجب عالريال الإنفاق على زوجته وهذا من اهم حقوقك اللي الدين والقانون كفلها لج لا تتنازلين عنها

كافي الرياييل ماخذين كل الحقوق لهم بالحياة الزوجيه وما عليهم غير الإنفاق وودهم يتنازلون عنه وودهم المره تصرف بعد

اذا عجبك شي او احتجتي شي عادي اشتريه حتى لو يقول غالي سوي روحج ما سمعتيه هو مجبور بمشترياتك ومصروفك

اهو يتعمد يقول جذي عشان يحرجك وبعدين عيب عليه حاط عينه على كاكاو ويرجعه بعد عند الكاشير والله مو مرجله كلش

حتى عالكاكاو مستكثره عليج؟ خلى خاطرج فيه؟؟

اذا توك عروس وما خذيتي ولا شريتي والا دللك ودلعك متى ان شا ءالله لما يصير عندكم يهال وتكثر الإلتزامات؟؟

لا تعودينه من الحين تستحين وما تبين ترى باجر والله دينار ما تاخذين منه ولا شي يشتريلج لأنج من البدايه ما عوديتيه يصرف

عليج ويوفر احتياجاتك

 

[كربون امها]

الظاهر زوجك يحن للماضي يا حول حبيبتي مشكلتك سهلة موصعبه
بدايه زواجي استحي اطلب من زوجي فلوس وكان طريقته نفس زوجج
بس المره اهي اللي تغيريعني الحين صار يعطيني وزياده والحمدالله مع الايام
راح تشوفين التغيرفيك وفي سالفة اعادة الكلام الظاهر ماعنده احداث جديدة بحياته
قوليله خلي يطلع ويشوف ناس ويتاقلم معاهم وانصحيه انت انت زوجته الاقرب له
وسالفة الطلاق لا دخلين الشيطان بينكم الريال مافي شي بتندمين بالاخرالمره
مو كل شوي لها ريال والريايل الحين يخوفون حريم سكر وبلاوي امسكي
مجنونك لايجي اجن منه الله يساعدج

 

[انوثتي غير وياك]

up up

مااادري شقولج !!

 

[LadY BuG 80]

الله يعينك على الكاكو ؟؟؟ لو انا منك باخذه و امشي و هو يتفاهم مع البايع

بيدفع غصب لانه خلاص في يدي و انا في حالت شروع في الاكل هههههههه

تدرين انا كنت احس اصحاب المحلات لمن يشوفوني مع زوجي يرفعون اسعر اذا قماش او شي يتوقعون انه بينحرج ينزل اسعر و بيدفع

انا كنت اختار و اروح بعيد عشان ينزل اسعر على راحته .. هاذا اول زواجنا

و في اشياء احبها اقولها ابيها و اذا قال غاليه

..اقول سعرها فيها و انا استاهل ... عادي حبيبتي ادلعي عليه خلي عندك اسلوب

لا تصيرين حساسه زياده ... الله يوفقك​

 

[ابي اصير ممثلة]

ريلج طيب ومافيه شي معليش مع الايام بيتغير

 

[صادقة بكلمتي]

كفو و وفوا البنات بس حبيبتي ماادري كم عمر ريلج وشلون وضعه المادي وشلون اهله لان ان عمره صغير يعني يمديج وانتي بعد صغيرة تعودينه على تحمل المسؤوليه اتجاهج وبعدين اتجاه عيالكم ان شاء الله الحب بروحه ما يكفي وان وضعه يسمحله يصرف ولو اني حسيت فيه يمكن شويه بخل لنه رد كااو شنو قيمته فشلون مصروفاتج الباقيه فارد واقولج حبيبتي خلج قوية وبطيب علميه هذي حقوقج واهو مسؤول عنج جدام الله لا تعلميه انج تقبلين باي شي ويمسح شخصيتج وباجر تصيرين مثله لا اصلا الله ما يرضى وانصحج لوجه الله كملي تعليمج ان تركتيه وتوظفي ما يفيدج بالدنيا بعد الله الا الشهادة والوظيفة ومصرفج الخاص لو انج مو ملزومة بس تشتري وتصرفي بعد بكيفج وسالفة الطلاااااااااااااااااااااااااااق لا تطرينها انتي توج عروس والله بيسخره لج واحنا هني خواتج ومتزوجين ونعرف الدنيا والريايل يمكن اكثر منج فسالينا وان شاء الله ما احد يقصر بالنصيحه

 

[غلاي 89]

الله يعينج والله يلوم اللي يلومج
مالج ذنب تقضين حياتج مع شخص ما لج رغبه فيه
وانتي مو غلط ابدا
الغلط انج تصبرين وياه

 

[درة أهل الطولات]

الله يسخركم لبعض