آآآآآآآآآآآه من الالتهابات جننتني !! ابي حل نهائي تكفون

[سـديم]

السلام عليكم ورحمة الله

يابنات انا متزوجه لي 10 شهور تقريبا ومن ثاني شهر وانا اعالج بالالتهابات ..اول شهر صرفت لي الدكتور تحاميل وحبوب مضاد بعد ماكشفت وسوت زراعة المهم قالت لازم زوجك يتعالج بس هو مو مقتنع وراح وماستمر على العلاج المهم..خلصت العلاج وكل شي كان تمام وقبل تجي الوره الثانيه باسبوع رجع نفس الوضع يعني ارتحت بس كم يووم ..المهم ورحت لها مره ثانيه وصرفت لي تحاميل واستخدمتها يوم ايه ويوم لا طبع من غير جماع ونفس السالفه ارتاح كم يوم بعدين ترجع الحاله..

تعبببت حيل اخرها رحت لدكتور ثاني قالي دام الموضوع كذا تروح وتجي معناته المشكله من زوجك يرجع يعديك وعطى زوجي علاج مافيه الا حبه وانا تحاميل استخدمها 3 ايام وراء بعض ..وكانت فتره ايام تبويض واحنا نبي الحمل وكلى زوجي الحبه وانا بس استخدمت تحميله وحده عشان اتحمل الالم هالفتره بس ارتحت فتره طويله يعني هذي اول مرا ارتاح طبعا هذي كانت قبل شهرين..لما اكلم صديقاتي يقولون لازم زوجك يتعالج معك ويحلل عزكم الله البول اذا كان فيه التهاب او شي..المهم
رحت لدكتوره قالت لا ماله دخل لازم نعاجك انتي وصرفت لي نوعين من الحبوب وكريم داخلي واستخدمته سبع ايام ولا كاني سويت شي..وربي زوجي انجن مني لاني مقدر اتحمل لما ننام ألمها ماينطاق ..الدكتورات الي عندنا موشي وربي احس مايفهون تعبت تعبت بشكل مو طبيعي..لدرجه اشك اني بتشافي منها احس بتظل معي طول العمر..

على فكره فتره علاجي خويتي تقولي غسلي ملابس بماي حار وحطي ديتول االاخضر وكنت اسوي ..لكن الله يعين

تكفون الي مرت بنفس حالتي ولقت حل ياليت تنقذني..احس زوجي طفش وانا بعد تعبت حيل ..

 

[قَلبڪْ صًخرْ]

حبيبتي اول كثرت تغير العلاجات مو زين ..

ومنو الدكاتره اللي رحتي لهم .. روحي لدكاتره معروفين


عندج عصام ابو الفتوح بمستشفى الهادي ..

وواضحه المشكلة بريلج ... هو اللي فيه التهابات ويعديج ..

لاتستكتين قولي له يفحص مو بس انتي اللي تفحصين ..


وجربي تغسلين بماي ومره .. ولو ان المشكله بتتكرر اذل ماعالج ريلج وكشف ..


وبندور بدايره مغلقة ..

 

[سـديم]

مشكوره اختي قلبك صخر..

انا مو من الكويت..والمستشفايات الي بمنطقتي بالسعوديه ماخليت الا وحده وشكلي بروح لهم هالشهر

 

[ام الماسه]

حبيبتي انتي وين ساكنه في السعوديه اذا بالرياض او الحفر اقدر اساعدك اني اوصفلك دكتوره حلوه

بعدين يمكن عندك قرحه لان القرحه تسبب الالتهابات ع طول وتسبب تاخر حمل انا مارتحت الا لم عالجت القرحه

 

[*loveli-noni*]

انا اختي نفسج عندها التهابات.....وراحت عند مرا مالت الاعشاب وعطتهاا اللوزه البيضااا....

اهي ماتسويهاا اهي تجيبهاا من السعوديه تلقينهاا عندكم بالصيدلياات علبتهااا بيضه اطرافهااا خضر...\ويمكن عند العطار

اهي بودره تاخذين قفشه مع الحليب الصبح او اي وقت بس صج شي خيااال...تخليج نااشفه ومااتضر طبيعيه 100%

..................................

وانا زوجي كان يعاديني وانا ماادري بس جبت غسول وحطيته بالحمام وقتله يستخدمه......والحمدالله صار زين......

 

[شنووفه]

حبيبتي انتي مافيج شي مبين انه زووجج قاعد يعااديج مو معقوووله كل هالادوييه وماتصيرين زيينه
وبعدين كافي المضااد علالاجه زين وقوي انا اقوول قنعي ريلج خاليرووح يسوي تحليل بوول ويشوف

 

[ام العبايه]

حبيبتى انا كنت مثلج وكانت الدكتوره عطينى ادويه لى ولزوجى ...........طبعا من غير فايده كانت عندى قرحه صغيره واكبر وكوتها دكتوره بمستشفى الهادى حار بعمليه كوي حار من يومها ما شفت الالتهابات ولا شي والحمد لله غيري دكتورج ورحى ثانى وثالث الين الله يفرجها ........ بقولج شي على الخاص

 

[بنت - الخالديه]

حبيبتى شوفى الخاص

 

[سـديم]

مشكوره لكل من ردت علي واغلبكم يقول قرحه والظاهر انها فيني..لانه مستحيل يكون شي ثاني ..بس شلون الكوي ابي اعرف طريقته..يعور او عادي؟

واختي الي تسئل انا من وين بالسعوديه انا من الخفجي..وكل الي 3 مستشفيات خاصه والعام يجيب المرض..

الله يسهل امري يارب

 

[ام الماسه]

حبيبتي معروفه الخفجي بقلت المستشفيات فعلشان كذا اذا بغيتي تتعالجين ياروحي لكويت او الدمام

اسالي عن دكتوره شاطره وروحي له واذا قالت قرحه راح تكويك كي بارد ماراح تحسين بشي بس

راح تمنع الجماع 40 يوم يعني لم تسوينه روحي عند اهلك فتره

 

[.. مـــلاكـ ..]

الله يشافيج حبووبة

 

[أنثى وكلي حلا]

تنقعي بروب وثوم >>> وماي دافي ترووووووووح اللتهابات وحتى لو قرحه

او بدل لتنقع حطي ثوم مع 4 ملاعق روب وسوي دش مهبلي

او

مره وكمون وماي دافي


حطيها في مغطس نسائي وتنقعي فيها


صدقيني راح تروووووووووح الألتهابات خلال كم يوووم



وكثري أكل الروب (الزبادي )

 

[al-musk]

عدل كلام البنات زوجج لازم ياذ كورس علاج 3 أسابيع على الأقل...وانتي معاه..بس روحي لدكتورة شاطرة

 

[ســكره ورديه]

الله يشفيك حبيبتي بس ليش زوجك مايتعالج اكيد هو اللي معاديك خليه يروح مافيها شي

 

[زووووف]

سديم


ماله شغل دكتورة شاطرة ولا مو شاطرة


لان السبب من زوجك مو منك هو عندة التهابات ويرجع يعديك

لازم هو اللى يتعالج

ونصيحة منى انتبهي

ترى وربي اختى صارت لها الحاله

مع زوجها الاول تبهذلت وهو رافض يتعالج وهى تبهذلت ولا عاد حملت

وتطلقت وقعدت 8 سنوات وهى التهابات ماتخلص ولما تزوجت مرة ثانيه وراحت لدكتورة نساء قالت انتى سبب لك العقم زوجك الاول ناقل لك التهابات واللى الان تعالج ولافي فايدة الحقى على عمرك

 

[رواسي الشوق]

اختي انا سامعه اذا عضو الزوج كبير هالشي يسبب التهابات حطي بالج ولا اي دوا بينفعلج
الله يعينج

 

[ام ابوها]

حبيبتي انا نفس حالتج
واللة 3أشهر وانا ابجي من العوار وكل الادوية استعملتهم
اخر شي استعملت الحلتيت اشمهاواحط شوية بماي صحة واغسل فية
بس لازم تكونين عند اهلج لآن الريحة ويييييييييييييييييييييييع

 

[سـديم]

مشكورين بنات ماقصرتو بس خوفتوني بكلامكم ..مافيه غير اروح لدكتوره بالكويت لانها اقرب..

منو تنصحوني اروح له؟

 

[om MaRyooM]

^
^
حبيبتي الله يعينج اول شي

وثانيا مانقدر نفتي لج بحل او علاج هذا شغل الدكاترة

ونصيحة لاتلعبين بنفسج وايد وتاخذين خلطات مني ومناك واعشاب وسوالف .. ديري بالج

واذا تبين دكتورة بالكويت عندج دكتورة ليلى اشكناني .. استشارية امراض نساءوولادة تينن وهادية وشاااطرة

عيادتها بمنطقة حولي عند مجمع سنتربوينت وايد زينة انصحج فيها

وتقعد من 10الصبح الى1الظهر ومن 5العصر الى8بالليل

 

[سـديم]

مشكوره اختي ام مريوم ماقصرتي..

انا ماخليت شي ماسويته..بس الاعشاب اذا مانفعت ماضرت

الله يفرج همي وهم الجميع