؟_!_؟ هل تقبلين بزوج أصغر منك سناً ؟_!_؟

[جاي مخدر]

قوة .... شلونكم ....

حبيت اعرض لكم موضوع واتمنى الكل يتفاعل مع الموضوع ويقول رايه

ربما يتقدم لك شاب يتمتع بمواصفات ايجابية عديدة .. غير انه يصغرك في السن ..

فكيف يكون تعاملك النفسي مع هذه الحالة ؟؟ هل ستقبلين أم لا ؟؟

واذا قبلتي هل سياثر هذا الفارق في علاقتكما الزوجية ؟؟

ارجو من جميع الاخوات المشاركة وابداء رأيهم بكل .. صراحه ..

وشــــــــكراً

 

[أنا وين ؟؟]

مشاركة: ؟_!_؟ هل تقبلين بزوج أصغر منك سناً ؟_!_؟

لا ولا افكر اصلا اني اتزوج احد اصغر مني ... مع ان اكيد في صغار احسن مليون مره من الكبار ... بس انا ما افضل كلش

 

[meme33]

مشاركة: ؟_!_؟ هل تقبلين بزوج أصغر منك سناً ؟_!_؟

والله هذا الشي ما اتقبلة نهائيا...لان رياييل الكويت طول عمرهم يشوفون روحم شباب حتي واهو اكبر منج يشوف روحة شباب...هالدور اصغر مني...كملت

 

[ريفيل]

مشاركة: ؟_!_؟ هل تقبلين بزوج أصغر منك سناً ؟_!_؟

مستحيل ولا حتى اتخيل الموضوع امبيه لالالالا

 

[مـــــــذهـلـة]

مشاركة: ؟_!_؟ هل تقبلين بزوج أصغر منك سناً ؟_!_؟

على حسب كل شخص إذا كان زين وأخلاقة حلوة وفية كل الي أتمناة .. مع إني ما أفضل هالشي .. بس إذا كان أصغر مني بأكثر من 5 سنين مستحييييل

 

[FOZQ8]

مشاركة: ؟_!_؟ هل تقبلين بزوج أصغر منك سناً ؟_!_؟

اهو يفضل اكبر بجم سنه
بس بصراحه اخوي حب وحده بالجامعه اكبر منه بسنتين وتزوجها وايب من منها 3 صبيان ومرتاح ويموت فيها مشالله وعمرنا ماحسينا انها اكبرمنه ولا حسسها بهالشي ودايما يناديها يقطوتي

 

[أغلى حبيبه]

مشاركة: ؟_!_؟ هل تقبلين بزوج أصغر منك سناً ؟_!_؟

كل واحد على حسب تفكيره
في صغار بالعمر ماشاءالله مخهم يوزن بلد
وفي كبار بالسن مخهم يزن ياهل بو سنه

انا اخوي مرته اكبر منه بس كل واحد تفكيره صوب الحمدالله والشكر


بس شنقوووووووووووول




الحب عمي عمة عينه من حب

 

[الضاميه]

مشاركة: ؟_!_؟ هل تقبلين بزوج أصغر منك سناً ؟_!_؟

اذا عمري بالعشرينات ارفض رفضا قاطعا واذا تعديت الثلاثين اكيد بوافق حتى لو اصغر مني

 

[bnt_kwt]

مشاركة: ؟_!_؟ هل تقبلين بزوج أصغر منك سناً ؟_!_؟

لا مستحيييل كلش كلش
ما ادري احس مو حلوه مع انه السالفه مافيها شي
والرسول صلى الله عليه واله وسلم كان اصغر من السيده خديجه بـ25 سنه
بس ما ادري عقلي ما يتقبل هالشغله
انا ريلي اكبر مني بـ 4 سنوات الحمدالله

 

[ام_بدر]

مشاركة: ؟_!_؟ هل تقبلين بزوج أصغر منك سناً ؟_!_؟

والله يابنات انا اعاني بعد لووول خاطبني واحد خوش ولد بس الفرق بيني وبينه سنه ونص ":/ وماني قادره اتقبل هشي وعموما يابنت الديره انا مااتقبل هشي واذا بتقبله بتقبله عشان شي واحد الى اهوا شخصيته واخلاقه وبس مشكوره على الموضوع

 

[أم بدران]

مشاركة: ؟_!_؟ هل تقبلين بزوج أصغر منك سناً ؟_!_؟

خوش موضوع

بس انا اقول فرق سنة سنتين تراوالي مايأثر
اما فرق عشر سنين صعبة
انا وزوجي بنفس العمر بنفس السنة الميلادية هو بشهر 12 وانا بشهر 9 نفس السنة
معناته انا اكبر منه باشهر ههههههه بس مو حاسين بهالفرق

ومشكوورين

 

[غموض الصمت]

مشاركة: ؟_!_؟ هل تقبلين بزوج أصغر منك سناً ؟_!_؟

هلا بنت الديره

( هل تقبلين بزوج أصغر منك سناً ؟ )

الجواب .... أكيد ... لاااااا

شنو أنا بربي العيال و لا الزوج .. ههههههههههههههههههه

مع انه كثير تجارب نسمعها نجحت و استمرت الحياة بينهم

و الناس قبل لما تخطب لولدها كان يهمهم البنت الناضجه العاقلة

بغض النظر عن سنها ..

بس الزمن اختلف عن أول بكثيرررررر

هذا رأييي الشخصي و قد نختلف و قد نتفق

دمتي سالمه بنت الديرة

 

[^^دموع الكويت^^]

مشاركة: ؟_!_؟ هل تقبلين بزوج أصغر منك سناً ؟_!_؟

طبعاً مـــــــا اقبل لو شنو

 

[بنت النت]

مشاركة: ؟_!_؟ هل تقبلين بزوج أصغر منك سناً ؟_!_؟

هلا اختي "بنت الديرة"

اول شي مشكوورة على الموضوع المهم

وبالنسبه لرأيي والله اتمنى اتزوج شخص اكبر مني بـ 10 سنين او أكثر بشوي!!

لاني اشوف الفارق زين وممتاز من جميع النواحي
اولاً ... تكون عنده خبره بالحياة ولو كانت محدوده!
ثانياً ... يكون ناضج نوعاً ما، يعني اذا حصل وغلطت ينبهني لأن لو كان اصغر ممكن ماينتبه لأشياء كثيرة وممكن نقع بمشاكل اكثر!!
ثالثاً والأهم ... لاننسى ان ومن حكمة رب العالمين المرأة تكبر ويبان عليها العمر أكثر من الرجل بكثير!!

يعني الرجل "ماشاء الله" ممكن تلاقينه بعمر الـ 40 والـ 50 سنه شباب .. اما المرأة (مالج أمل تكون شباب بهالعمر )

يعني بالمختصر .. لا أقبل بشخص اصغر مني او كبري او حتى اكبر مني بشوي!!


ويعطيج العافيه

 

[أسمى حب]

مشاركة: ؟_!_؟ هل تقبلين بزوج أصغر منك سناً ؟_!_؟

سبحان الله

حسب شخصيته وعقليته ممكن يكون اكبر منج بعشر سنين لكن عقليته صغيره


وممكن العكس .


وكلشي قسمه ونصيب . ..........

 

[نفيشه]

مشاركة: ؟_!_؟ هل تقبلين بزوج أصغر منك سناً ؟_!_؟

انا ما اايد لسبب
ان المرة تكبر اسرع من الريال

بس اذا الفارق بسيط مو مشكلة لي حد سنة يعني مقبول

 

[looloo]

مشاركة: ؟_!_؟ هل تقبلين بزوج أصغر منك سناً ؟_!_؟

سلام عليكم بنات
انا عن تجربه شخصيه ابوي اكبر من امي 14 سنه <--------- هذا الكلام حق بنت النت بس حياتهم غير كل واحد له تفكير يعني امي عمرها 40 وابوي 54 امي تبي تطلع وتوها وابوزي لا صاار واايد بيتوتي
الحين انا زوجي اصغر مني ب 3 سنوات وحدنا مرتاحين الله يتممم علينا وعندي منه عيال وعمري ما حسييييييت انه اصغر مني
لان عقله كبييييييييييير
الخلاصه ان الريال ينقاس بعقله واتزانه مو بعمره

 

[توتو الحلوة]

مشاركة: ؟_!_؟ هل تقبلين بزوج أصغر منك سناً ؟_!_؟

مااقبل اتزوج واحد اصغر مني

اصلا احس انه ياهل لومهما يسوى

 

[بنت النت]

مشاركة: ؟_!_؟ هل تقبلين بزوج أصغر منك سناً ؟_!_؟

يمه
وشفيكم على بنت النت

يالغاليات هذا رأيي وانا مقتنعه فيه ... وماقلت هذا وماقررت الا عن اقتناع تام

وبالنسبه لآرائكم انا محترمتها .. وعلى قولة اختي توفار "كل شي قسمة ونصيب"

 

[Maltesers]

مشاركة: ؟_!_؟ هل تقبلين بزوج أصغر منك سناً ؟_!_؟

لا طبعا كلش ما أقبل مو شي حلاته يكون اكبر مني بجم سنه عالاقل واكون انه صغيرونه علشان يدلعني

وبعدين الحرمه بسرعه يبين عليها الكبر عكس الريال فاذا لاحظ الكبر على مرته احتمال يروح ياخذ غيرها هذا من رايي انا