؟؟؟؟؟ ســــر وخاص جدا ؟؟؟؟

[*الحالمه*]

مشاركة: ؟؟؟؟؟ ســــر وخاص جدا ؟؟؟؟

السعوديين ما عندهم ديوانيه بس عندهم استراحات " اللي اهي اخت الديوانيه من امها و ابوها "

و يتنقعون فيها لي وقت متأخر

يعني الحال من بعضووو

 

[Dancing^Queen]

مشاركة: ؟؟؟؟؟ ســــر وخاص جدا ؟؟؟؟

بنت عسل
حياج الله بينا
وكل ردود البنات علي عين يوعلي راسي ولاهان احد


وعلي سالفه ان احنا ناجرنهم علي الحقوق وشاركناهم بالقوامه وناطحنا علشان حقوقنا السياسيه هذي كللللللللللللللللللللللها خلوها علي كتر
من قبل كل هذا من السبعيناااااااااااااااااااااااااااااات ومن يوم ماشتغلت المررررره تغير وضعنا اهني
ولان الوحده تبي رضا ريلها وتبي تسعده وتساعده تقوم تحط وياه وتقوم توقف وياه وان سوت قالولها عفيه عليج اخت رجال عفيه عليج توقفين ويا ريلج واحنا حريم نستانس وندور الكلمه الطيبه مساكين ، نزيد نزيد نزيد
ومع تقدم الوقت وزياده الانفتاح شوي شوي صار حق مكتسب للرجل والمره اللي تقول حق ريلها ششششيل عمرك وبيتك وعيالك يوقف ويقول لها وانتي؟
شنو مهنتج بالحيااااااااااااااااااه؟
تقولون لنا بسبه الشغل والافضل نرد بيوتنا ونرد مثل ماكنا
محد يقدر
العيشه صعبا جدا جدا جدا والدنيا نار شرار والكويتين بالذات متعودين علي مستوا معيييييييييييييين مانقدر ننزل عنه (موقصدي ان باق يالخليج عندهم عادي لاوالله حشا )
فشلوننعيش؟ راتب واحد مايشيل شقه ومصرف بيت وخدم وسيارتين وطلعه وروحه ورده ومواجيب ومشترا ولبس !
وامانه مو كل رياييلنا مليونريه ولا كل رياييلنا يطقطقون نص الشعب طرق المعاش
وبعدين؟ مانبي بيوت؟ مانبي نعيش
لازم تشتغل المره ويا الريال
وان اشتغلت خلاص غصبا علييييييييييييييها تشيل القوامه وياها
الا من رحم ربي
وصج اقولكم ترا البدو غير عنا الحضر تماما
انا ختي مهندسه ومتزوجه بدوي ماشاء اله لا اله الا الله راتبها لها ويشري ويحط عيب عندهم الرييااااااااااااااااال عيب يوقف بالمكان ومرته تفتح البيوك (طبعا اختي استغلت الوضع اسوأ استغلال ومابقا شانيل ومابقا ال في ومابقا شي الله يتمم عليها يارب ويزيدها علشان ابوق ساعاتها وجناطها )
بس هم ارجع واقولكم مو كل رياييل البدو جذي ولاكل رياييل الحضر جذي
واهي مسئله تطور بيئي نتج عن تغي رالحضاره

 

[w7sh]

مشاركة: ؟؟؟؟؟ ســــر وخاص جدا ؟؟؟؟

اول شي مشكورة اختي شهد على الموضوع المهم

انتي حبوبه حطيتي ايدج على الجرح فعلا

هذي مشكله تعاني منها كثير من البيوت

مو بس بالكويت بجميع الدول لازم تغير الحياة الزوجيه

ولا يمل الزوج والزوجه فيه افكار رومانسيه تسعد

وتجدد النشاط الحيوي ما بين الزوجين افكار وايد مو بس فكرة

تقدرين تغيرين مثلا اخذ شاليه بروحكم وقضاء يوم او يومين

بعيد عن ضجه الاهل والاولاد او قضاء ليله واحدة في فندق من فنادق الكويت

فيه افكار وايد حلوة لأسعاد الطرفين وربي كل وحدة منا عندها كومه افكار

بس وين اللي تنفذ او اللي يطاوعها قلبها والسانها على قول هالكلام

جدام زوجها المهم مشكورة اختي شهد على الموضوع ويارب اشنالله

ان جميع بنات المنتدى في سعادة وصحه​

 

[منورة الكويتية]

مشاركة: ؟؟؟؟؟ ســــر وخاص جدا ؟؟؟؟

ماادري انا من وجهة نظري صج منتدياتهم مليانه هالسوالف مليانه مشاكل وتشكي وانه مهما تسوي ما يبين بعينه

 

[الجورية الحمراء]

مشاركة: ؟؟؟؟؟ ســــر وخاص جدا ؟؟؟؟

قريت موضووعكم

نشكرج اخت شهد علهالموضووع الحيوى

وعلشان ما أقرا واطلع بدون رد

ما أقوول ألا كلمتين

راااااااحت علينا
وما ينفع الصوووت

 

[ام مدعج]

مشاركة: ؟؟؟؟؟ ســــر وخاص جدا ؟؟؟؟

ههههههههههه امبيه بنات شفيكم والله ثم والله العيب بالرياييل خلوني اقولكم زوجي شسوى اول شي بقولكم عشان تعرفون بس انا وحده جسم وطول وجمال وكشخه وذرابه اوكي بشهاده الجميع مايسموني الا الزين كله مره لبست بدله رقص وكشخه وحطيت على قولتكم شموع وخربيط ويوم دش من الدينوايه الا انا قاعده وكاشخه تدرون شنو رد على

لا تعورين ظهرج وترقصين اشوفهم كل يوم الرقاصات بالتلفزيون عبالج ظهرج صاحي نفسهم احباط صج وربكم قلت له الشره علي انا لابسه عشانك مالت عليك ورحت نمت ههههههههههههه

ومره ثانيه نفس الشي لابسه قميص نوم الله لا يخسر 54 دينار عجيب رهيب ويوم رد من الديوانيه قالي شكو كاشخه قومي بدلي وذمتكم مو قهر يوم قلت لرفيجاتي جان يقولون اغلبهم جذي بنات مو منا من الي يشوفونهم بالمجمعات صار فيهم برود + يقهرون والله والكويتي لسانه طووووويل ومغرور الصراحه وشايف نفسه وانا توني صغيره عمري 27 اودي الطبيب واروح الجمعيه واييب الكهربجي كل شي على اهو بس يدوام ويرجع يزف وينام قطع عليهم كلهم

>>>>>متعقده من الكويتين

والله كل الرياييل جذي يخربون علينا من هالدواوووين قطيعه

>>>>ارتفع ضغطها

 

[ام مدعج]

مشاركة: ؟؟؟؟؟ ســــر وخاص جدا ؟؟؟؟

طلعتوا الي بقلبي عاد شيسكتني الحين اقولكم مره بعيد ميلاده زهبت كيكه وفطاير وقعده ووديت اليهال بيت امي سويت شقتي شي شي وشريت له هديه قيمه ودقيت عليه وقلت له بو فلان تعال البيت ابيك وياه البيت يوم شافني قعد بكل غرور وقالي مقومتني من الهند عشان العيد ميلاد جان نطرتي بليل اذا رديت وهالكلام الساعه 9 يبيني انطره يرد الساعه 1 الا انا دايخه شنو قهرني بس سكت قلت له اليوم عيد ميلادك قالي ما عندنا عيد الا مرتين بالسنه عيد الفطر وعيد الضحيه هههههههههههههههههههه قلت له كيفك انا ابي احتفل بعيد حبيبي مسويه جو يعني تصدقون اشوفه قاعد معاي جنه غصب ههههههههههههه ياربي انا رومانسيه والله بلاني بواحد جذي ذبحني والله ليش تخلوني اقولكم الي اكو ماكو هههههههههههه كله منج شهد خليتيني اقولكم بس انا تحريت طبعا ريلي بس جذي طلع لا اغلب عيال الكويت جذي لانهم مدلعين ومغرورين ويشوفون اجسام وايد خاصه المارينا عالبحر البنت هناك جنها انا لا كشخت ههههههههههههههه الله يسامح بنات المويت ورياييل الكويت >>>> حدها محبطه

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

اولا في السعودية لايوجد بوليس اداب كما ذكرتي يالغالية
يوجد هيئة الامر بالمعروف والنهي عن المنكر وبفضل الله لها
جهود تشكر عليها لمنع الفساد قدر المستطاع طبعا مدعومة من
الملك عبد الله الله يطول بعمرة ياربي
والحمد الله دائما انا اضع يدي بيد زوجي في المجمعات التجارية وغيرها
كي اشعر بالامان والاطمئنان بجانبة وهذا شي تعودت عليه وماهو عيب

>>>>>>>>> @ <<<<<<<<


طبعا انا من السعودية وتحديدا من العاصمة الرياض

قرأت موضوع الاخت ((شهد)) وترددت اني اكتب كلمة واحدة

مو عن شي ولكن خائفة تزعلون من كلامي او تحسدوني هههههه ولكن وربي ماقدرت اصبر

قاعدة افكر ارد او ما ارد واخيرا قررت الرد طبعا راح يكون كلامي بكل صراحة

خواتي لاتزعلوني مني لان هذي هي الحقيقة والله ثم والله احب الكويت واهلها

لي صديقة كويتية عزيزة على نفسي حيل تسكن في ((كيفان)) وتربطني بها علاقة قوية جداجدا

تعرفت عليها في فرنسا وكانت تشكي لي امور اكبر من موضوع الاخت (( شهد )) ولا زالت علاقتي

بها الي الان لدرجة قبل لااكتب الرد اتصلت عليها وناقشتها واخذت رائيها بهذا الموضوع


نبدأ ولكن ما ابي احد يعصب هههههههههههههههه

المرأة الكويتية مع احترامي لها شاركت الرجل بقوامته طبعا كلامي ليس على الكل

وقامت تشارك الرجل الكويتي بمهامه المناطة به من اخذ الاولاد والبنات

الي المدارس والذهاب الي الجمعيات لجلب حاجيات المنزل والتفاوظ مع العمالة

وعدم الاستقرار بالبيت كزوجة ... وعند خروجها من المنزل لاترتدي الحجاب الشرعي

جميع ماذكرته اعلا بنظري تكون نظرة الرجل لها امرأة بدون انوثةلانها اخذت دوره

بالحياة بالرغم انه سعيد جدا لانها اخذت جانب كبير من مسئولياته وذلك على حساب انوثتها

ولكن في قرارت نفسه زوجته اصبحت رجل لاينقصها الا ان تذهب معه الي الديوانية كي يكتمل كل

شي والمراة زينتها بئنوثتها الرقيقة بمعني تكون انثى حقيقة بكامل تصرفاتها

ذهبت مع زوجي الي دولة الكويت في عام 2005 رأيت عجب عجاب تخرج الزوجة الى ((اكو بارك))

بدون زوجها تخرج الى ((المارينا مول)) بدو ن زوجها تجلس في مطاعم ((مجمع الكوت)) بدون زوجها

فقط مع الاطفال اين مشاركة الزوج لها في هذي الاماكن .بكل صراحة عندما شاهدت هذي المناظر

اعطاني انطباع انه لايوجد انسجام بين الزوج وزوجته.. لان خروجهم مع بعض يعطي شي

من الترابط والالفة.... اما من ذكرت ان السعوديين مدلعين حريمهم مو كلهم ولكن هذا جانب ملحوظ

واحب اذكر لكم كيفيت تعاملي مع زوجي طبعا هو شاب جامعي من نفس العائلة احبه بجنون

وهو والله مايصبر عني ابدا اتعامل معه بكل ود واحترام اسهر لراحته... الى درجة انني بعض الاحيان

احممه بنفسي هههههه وبس لان بعض الامور خاصة جدا لاداعي لذكرها وهي تجعل الزوج معلق

بزوجته


أسفه على الاطالة

بنت عسل



​

شكرا حبيبتي بنت عسل بس احنا ماحطينا نفسنا بهالموضوع ريايلنا اهما الي متعودين من بيت

اهلهم مايتحملون مسئوليه وروحة السوق والجمعيه وغيره لو يقوم فيه بيعيارونه ربعه وبيطلقون

عليه لقب ( سكانه مرته)



فلانه افا انا ماقلت الكويتية مو كشيخه انا قلت انها ماعندها اللهفه الكافيه انها تبدع

وتبتكر ليالي رومانسيه !!!

 

[قطوف]

مشاركة: ؟؟؟؟؟ ســــر وخاص جدا ؟؟؟؟

وانتي صاجة

انا بعد ملاحظة هالشي بالمنتديات

الا اشتلبس ؟؟ ولاهدية العيد ؟؟ ولاحركات ؟؟

واحنا ....فلانة سوت وفلانة حطت ماادري اشفينا؟؟

 

[بنت عسل]

مشاركة: ؟؟؟؟؟ ســــر وخاص جدا ؟؟؟؟

شكرا حبيبتي بنت عسل بس احنا ماحطينا نفسنا بهالموضوع ريايلنا اهما الي متعودين من بيت

اهلهم مايتحملون مسئوليه وروحة السوق والجمعيه وغيره لو يقوم فيه بيعيارونه ربعه وبيطلقون

عليه لقب ( سكانه مرته)


!!!

حبيبتي ليش ما تحدثين تغيير في حياتة دامك عارفة من اول

انهم متعودين على هل سوالف عند اهلهم .. ارفضي مرة مرتين

صدقيني بعدها يتعود بس لاترجعين برايك خليك صاحبة قرار

وصدقيني راح يتغير بس المسئلة يبيلها وقت .... وربي شي يقهر

هو متكي والحرمة تكرف صراحة خربتوهم ...والله الحمد الله احنا بالسعودية

متكفل بكل شي حتي الخبز بريال هو يجيبة ههههههه

ولكن واوووو عليهم غيرة وربي مو طبعية ..ههههههههههه

صراحة تعطي اعتزاز بالنفس اذا شفتة يغار على بقوة ادري

انة يحبني ويوموت فيني ويخاف علي​

 

[جرح الليالي]

مشاركة: ؟؟؟؟؟ ســــر وخاص جدا ؟؟؟؟

يعطيكم العافية عالموضوع الحلووو

وبصراحة قبل لا ادش المنتدى هذا عبالي بس ريلي جامد جذي
والا اثاري الكويت متروووسة من نوعيته

انا اذا حطيت عطر قالي راسي يعورني من عطرج !!!!!!!!!!

واذا كشخت قال قاصين عليج !!!!!!!!!!1

واذا حطيت شمع يقول ريحته مو حلوة

والا اذا بيمدح قال الحمد لله والشكر واذا زاد المدح قال ربيتج قاصرة

خلوووها على الله

مهما نسوي رياييلنا معقدة ولا يعجبهم العجب

وترا الموضووع صار من افكار رومانسية الى شكاوي زوجية خخخخخخخخخخخخخخخ

تحيااااااااااااااتي

 

[شاهة]

مشاركة: ؟؟؟؟؟ ســــر وخاص جدا ؟؟؟؟

يا بنات منتدي كويتيات طبعا انا مو متزوجة وكرهتوني بالزواج بس فتحتوا عيني علي شغلات حلوة اولها طبعا ان اخذ سعودي خخخخخخخخخخخ او اماراتي عاد تصدقون قهرتوني مرة ياني سعودي ورفضت ما ابي ابعد مالت علي ما ادري السالفة جذي ولا جان رضيت

حبيباتي الله ايسر اموركم ويوفقك يارب وبنت عسل رجااااااءا خلاص انا قررت باخذ سعودي واذا حوالينج احد لا تقصرين معانا خلينا نندلع
ويقولون الكويتي انفع

 

[بنت عسل]

مشاركة: ؟؟؟؟؟ ســــر وخاص جدا ؟؟؟؟

يا بنات منتدي كويتيات طبعا انا مو متزوجة وكرهتوني بالزواج بس فتحتوا عيني علي شغلات حلوة اولها طبعا ان اخذ سعودي خخخخخخخخخخخ او اماراتي عاد تصدقون قهرتوني مرة ياني سعودي ورفضت ما ابي ابعد مالت علي ما ادري السالفة جذي ولا جان رضيت

حبيباتي الله ايسر اموركم ويوفقك يارب وبنت عسل رجااااااءا خلاص انا قررت باخذ سعودي واذا حوالينج احد لا تقصرين معانا خلينا نندلع
ويقولون الكويتي انفع

هههههههههههههههههههههههه


خلاص ولايهمك حبيبتي ولد جيرانا توة متخرج
من جامعة الملك سعود ويدور زوجة هههههههه
راح نبلغة ونقولة فية واحدة كويتية زي العسل
ربي يسعدك ههههههههههههه

 

[شهدQ]

مشاركة: ؟؟؟؟؟ ســــر وخاص جدا ؟؟؟؟



خلاص بنات الاتحاد قوه خنسوي مظاهرات

ونطالب الانوثه المفقوده بدل المطالبه بحقوق السياسية ها شرايكم ؟؟؟

 

[همسات ليالي]

مشاركة: ؟؟؟؟؟ ســــر وخاص جدا ؟؟؟؟

شالموضوع ياشهد القوي اثاري انا اغيب جم يوم القى المنتدى شغال على ودنو

بس ابي اشارك مع ان الموضوع وصل للصفحه العاشره


الريال الكويتي مو مال كشخه.................................لان مهما سويتي.......................باجر الصبح مطنز عليج ومدقرج.......................والا ..................احط له شمع ........................يقول ليش الكهربا طافيه

لووووووووووووووووووووووووول

 

[Brounzi_girlly]

مشاركة: ؟؟؟؟؟ ســــر وخاص جدا ؟؟؟؟

تدرين شهود آنا شقوووول لا حياة لمن تنااااااااادي
وحدة منقهرة من قلب,,,,,,,,,
مع تحيااااااااااااااااتي.........

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

هههههههههه شكرا حبيباتي وبدو اعلان الاضراب خخخخخخخخخخخخخخخخخ

 

[أميرة الورد]

مشاركة: ؟؟؟؟؟ ســــر وخاص جدا ؟؟؟؟

شهودة أول شي مشكورة على هالموضوع صراحة فظيييييييع

بالنسبه للموضوع شوفوا بنات ألحين الأغلبيه اتفقوا على انهم ماخذين دور الريال ومسئوليته فالخطوة الأولى ألحين انج تبدين تخلينه يشيل المسئوليه عنج بس بالتدريج وكل وزوج وطبيعته يعني فيه منهم ممكن يتقبل فيه منهم ما راح يتقبل من أول مرة عاد انتي وطريقتج مثلا والله انا تعبانه مريضه اليوم روح ييب اليهال مثلا وخليه يشلرك اليهال بواجباتهم خليه يدرسهم مثلا الولد يسأل سؤال قولي له جدام الأبو اسأل ابوك ماشالله ابوك شاطر بهالسوالف ونفخيه شوي شوي اهو راح يبدي يتقبل هالشي أهم شي بنات الصبر ثم الصبر ثم الصبر

ثاني شي مادري أي رقم وصلت هههه المهم لازم تتدلعون مو دلع حليمة خله عنكم بنات كل وحده فينا فيها ميزة لا تقولون ماكو فاستغلوا هالشي .يمكن الريال ما يتقبل هالشي اول مرة بيقول شفيها قلبت بس لما يحس انج متغيره بكذا شغله مو بس الكلام راح يبدي يستوعب انه زوجتي ضعيفة ومحتاجتني هذا الشعور بالضعف شلون اتطلعونه؟ انا اقول لكم

نبرة صوتج خليها هاديه مو واطيه هااادية وخليها تصرفاتج فيها نعومة هالشغلات تأثر بالريال حتى بالخلافات حاول تتبعون اسلوب غير عن اللي متبعينه وهالشغله لصالحكم أول شي يمكن تغير نظرته لسبب الخلاف ثاني شي اتنبه الزوج انه فيه شي مو طبيعي او متغير بشخصيتج

وبنات حاولوا لا تيأسون اذا تبون توصلون لنتيجة صبروا وادعوا لهم الله يهديهم ان شاء الله

 

[ليمونه الدلوعه]

مشاركة: ؟؟؟؟؟ ســــر وخاص جدا ؟؟؟؟

السلام عليكم ..هذه اول مشاركه لي انا جدا انسانه رومانسيه و زوجي العكس تماما واحترت معاه بدايه زواجي احط الشموع يطنز لين كرهت هالسوالف الموهم عندي شغلات ممكن تفيدكم

 

[نفيشه]

مشاركة: ؟؟؟؟؟ ســــر وخاص جدا ؟؟؟؟

شوفوااااااااااااااا عاااااااااااااااااااااد

تبون الصج ولا ولد عمه؟؟؟؟

حبايبي ترى رياييلنا رياييل وعقلوا عاد وعن العيارة
يعني كل الكويتيات الحين مضحيات وفقارة وصابرين وراضين بهالحال الردي؟؟؟
شمصبركم عيل خنت حيلي؟؟
كلكم سووا غزو على السعودية وتزوجوا من هناك
ليش راضين بالكويتي مدام دون المستوى؟؟
الناس ميتين على ريحة دلاغة وانتوا تتعنفقون؟؟
لا والله مننا وفيننا وهذولا اخواننا وخوالنا وعمامنا وعيالنا مو من مكسيكو سيتي

حرام ترى الظليمة شينة

رياييلنا عازيننا ورازيننا قولوا لا؟؟؟
تتكلمون براحتكم وتتدلعون وتروحون واتيون وكل النهار بالصالونات ولا يردون لكم كلمة
ومحد يعرف بالزين كثر الكويتي
والكويتية طبعا ولا من وين عرف الزين؟؟لا تقولون من التلفزيون والخرابيط لا يبا
احنا الزين عندنا الحمدلله
فاما بنعمة ربك فحدث

واحنا بعد حريم وشحليلنا وكلشي نعرف وجننا ورود
وشايلين رياييلنا من كل صوب الحمدلله
ولا عليننا قاصر
والعيشة بهالديرة تسوى الدنيا باللي فيها
ديرة ترد الروح
اللي عنده اعتراض يقول لي


وسالفة التحلطم والسوالف ترى احنا عندنا حرية تعبير وبراحتنا نتكلم
هذي ميزة مو عيب
والمشاكل بكل البيوت ترى مو بس عندنا
بالعكس هذي طريقة متحضرة اناا نناقش مشاكلنا ونحلها
وان في منتديات راقية نتجمع فيها لمناقشة هالامور احنا نطور نفسنا ومانخاف نواجه مشاكلنا
الحمدلله غيرنا يدفنون راسهم بالتراب ويخشون ويقولون احنا بخير وكلشي تمام (( حال العرب في كل الامور))
الا الكويتيين اللي عادي عندهم يتناقشون ويتكلمون بكل الامور

اذا يريحكم من باجر انا افتح المجال لمخيلتي الخصبة واقول لج على خطط تسمونها رومانسية واسميها بروي وحتى البروي اتكن منها واترس لكم المنتدى فيها يعني صج جذي عاد؟؟
ترى الحجي ببلاش ياعيوني

واحنا الصراحة عيايرة وعلبو خايفين من العين فعلى طول كابسين الرياييل