؟؟؟؟؟ ســــر وخاص جدا ؟؟؟؟

[شهدQ]

بنات ابيكم تروحون لمنتديات بنات السعودية والامارات

اوكي

انا لاني دايما ادخل منتديات سعودية وامارتيه عرفت هالسر

هالبنات ماشاء الله عليهم حيل يحبون يتجددون لريايلهم

ماشاء الله عكسنا نمووووت ع المواضيع الي فيها مهاوش

او فاصخه الحيا ذابحتنا بلاغة الشف

المهم دائما دائما يركزون على السعاده الزوجيه ومايهمهم شي ثاني كثر هالشي

يعني اي موضوع جنسي بس طبعا مو صريح ركضه ماتلحقين الا غبرتهم

واحنا يالله خير نموووت ونحر بعض باللبس والمهايط والريال نمبر2 بحياتنا

اهما كل وحده تسوي ابداعات وابتكارات بعيده عن الروتين الممل

واحنا ماادري شفينا ثاني سنه يبلنا تصليح وتشحين

وهني لقيت السبب الي يخلي ريايلهم يطيرون فيهم طير

مو يطيرون منهم

يعني بهالصفحه ولا وحده ابتكرت حركات وجلسات رومانسيه وفناتك اخر الليل كله شكوى

وتشكي !!!! صح كلامي والا انا غلطانه !!!


والباقي انتم كملوووه

 

[miss-1]

مشاركة: ؟؟؟؟؟ ســــر وخاص جدا ؟؟؟؟

حبيبتي شهد


عيال الامارات والسعوديه عندهم استعداد فطري انهم يدلعون زوجاتهم هالجين للاسف مو موجود بعيالنا

والله يعد ل الحال خيتو

 

[أم الغزلان]

مشاركة: ؟؟؟؟؟ ســــر وخاص جدا ؟؟؟؟

اي والله انج صادقه

لابد من التغييير

وحنا كشختنا بس بالأعراس والحفلات

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

صاجه حبيبتي بس ماتعتقدين ان هذا اهو السر او هو شي فطري مثل ماقلتي

ياحظي احنا شفينا شناقصنا مايدلعونا

اختي ام الغزلان شكرا وياليت الكل يعلق شسالفه ؟؟

 

[انا كويتية]

مشاركة: ؟؟؟؟؟ ســــر وخاص جدا ؟؟؟؟

لأن رياييلهم ريايل حبيبتي ..اهو اللي يودي اهو اللي اييب .... مو مثل رييايل الكويت المرة من الصبح طاقة العباية تودي اليهال المدرسة ترجع تبدل للدوام ترجع تطبخ الغدا تكلم العمال وتتفق معاهم وتوقف على البنيان .... الله يخليج بس

 

[فراشة المنتدى]

مشاركة: ؟؟؟؟؟ ســــر وخاص جدا ؟؟؟؟

تصدقين نفس الملاحظه الي ملاحظتها

حتى كل ما فكرت اكتب موضوع عن الليالي الرومانسيه و الابتكارات اقول لا هالمنتدى ما يحبون هالسوالف لووووووووول

مشكوره على هالملاحظة القيمة

 

[سبائك]

مشاركة: ؟؟؟؟؟ ســــر وخاص جدا ؟؟؟؟

أذا عرفتي شالسالفه شهود قوليلي

ولا جان ما شفتينا سهاريه كل ليله بالمنتدى!!!!!!!!!!!!!

 

[sadan]

مشاركة: ؟؟؟؟؟ ســــر وخاص جدا ؟؟؟؟

انا دشيت وباشاركم

شوفوا يابنات ليش ما تبادرون انتوا بالرومانسية

معروف ان المرة او الانثى اهى ام الرومانسية

يععنى زهبيلج شموع وموسيقى شاعرية وجان عنج فيلم حلو عاطفى

والا اجتماعى والا عشا على ضوء الشموع

الله ياوناسة الريال لين دلعتيه وبسرعة راح يبادلج الشعور

والله على ايامنا يستانس الريال من هالسوالف

جربوا اشخاسرين

 

[ظلال القرآن]

مشاركة: ؟؟؟؟؟ ســــر وخاص جدا ؟؟؟؟

والله حبيبتي السعودين معروفين يقدسون الحياه الزوجيه شوفيهم بالسوق كلا ويا حريمهم

واحنا ريايلنا ينيهم ولا تقولين له السوق

وبعدين اهم تربو على تحمل المسؤوليه احنا عيالنا امهاتهم مدلعينهم ووحكومتهم مدلعتهم وتالي طاحو بجبودنا واحنا بعد دللناهم وشلنا عنهم مسؤوليتهم كلها


انا اقولج السر بالريايل نفسهم مو فينا

 

[النور الهادي]

مشاركة: ؟؟؟؟؟ ســــر وخاص جدا ؟؟؟؟

ليش كل هالتحلطم

الصراحه الظليمه شينه

بالعكس الحمدلله والله مدلعني ومهتم فيني **لا إله إلا الله **

وأنا بعد مو مقصره معاه



يمكن لان فيه عرج سعودي الله أعلم

 

[brownness]

مشاركة: ؟؟؟؟؟ ســــر وخاص جدا ؟؟؟؟

اي والله احنا بس نتحلطم ومالنا خلق نسوي شي

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

خخخخخخخخخخخخخخخخخ ياحلوكم يابنات الكويت

مااااكو فايده

تحلطم وتشكي

يبا شجعو شجعو هههههههههههههههههههههههههههههههه

 

[ذكريات]

مشاركة: ؟؟؟؟؟ ســــر وخاص جدا ؟؟؟؟

هههههههههههههه


الله يعطيج العافية شهوووودة


بروح القي نظرة سريعة عليهم و اشوف

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

موقلتلكم ذكريات نموووت على العلووم والسوالف طبع ولزق فينا هههههههههههه

 

[حلوه ومزيونه]

مشاركة: ؟؟؟؟؟ ســــر وخاص جدا ؟؟؟؟

والله اذا الحرمه لقت تجاوب من زوجها صدقونى ما راح تخلى طريقه رومانسيه الا سوتها

بس اذا زوجها 24 ساعه مكشر وماد البوز شبرين وين تتشجع وتسوى ليله رومانسيه

دايما راح يكون فيها احباط وهذا حال اغلب الزوجات الكويتيات

انا صاجه والا لا ؟؟؟؟

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

انتي صاااجه

بس معقوله مافي حل !!!!!!!!!!!

 

[omneyaty]

مشاركة: ؟؟؟؟؟ ســــر وخاص جدا ؟؟؟؟

والله كل كلمه كتبتوها صح


سبائك شمسهرج وشهد بعد وين الرومانسيه

انا عطاني اليوم كلام بالعظم اني متنانه بس عادي يا جبل ما يهزك ريح

 

[شهدQ]

مشاركة: ؟؟؟؟؟ ســــر وخاص جدا ؟؟؟؟

لا لا امنيتي انا وسبوك مصلحات اجتماعيات

اما الرومانسيه بنقدمها لكم لووووووووول

 

[كويتية أمورة]

مشاركة: ؟؟؟؟؟ ســــر وخاص جدا ؟؟؟؟

والله حبيبتي السعودين معروفين يقدسون الحياه الزوجيه شوفيهم بالسوق كلا ويا حريمهم

واحنا ريايلنا ينيهم ولا تقولين له السوق

وبعدين اهم تربو على تحمل المسؤوليه احنا عيالنا امهاتهم مدلعينهم ووحكومتهم مدلعتهم وتالي طاحو بجبودنا واحنا بعد دللناهم وشلنا عنهم مسؤوليتهم كلها


انا اقولج السر بالريايل نفسهم مو فينا

اي والله صاجه هم متعلمين على تحمل المسؤوليه احنا عيالنا وينهم وين المسؤوليه الا من رحم ربي

 

[قهوة عربية]

مشاركة: ؟؟؟؟؟ ســــر وخاص جدا ؟؟؟؟

والله الكويتي مهما تسوين له ..كله يدقر المرة ويفشلها وكله شايف روحه عليها ...

مرة مرتين ...تكره عمرها وماتحب تبتكر أو تفنتق له ..كله بعيونه مو شي

بس لو وحدة أجنبية أو مصرية أو سورية عسل على قلبه