؛××))__~~&مــــبروك عــــروستنا <<<< الجزء السادس؛××))__~~&

[سكر مكر]

بنات عدادي يخرع

منو بيعرس الفتره الجايه ؟؟

قولوا منو قبلي

 

[سكر مكر]

احم احم محد موجود

 

[ورودالكويت]

صباح الخيــــر

كل عام وانتم بخيــر انشالله تكون سنه خير علينا يارب

جوجو

اقلطي أنــا هني حياش

 

[ورودالكويت]

جوجو

منهي دانه الرقى اللي بالسالميه

عندها دراريع كشخه والا قصدش اللي بحلي هي ام عثمان ؟؟

 

[معانده]

ارحبو الله حيهم


انا موجوده فديتش


اتبعكم من زمان ودي ادخل واشاركم بس متردده وشكلكم صدق متحمسين

انا كان الموضع عادي عندي بس اختي الكبير دايمنا تقول تثقفي تر عرسش بقرب وانتي خبلاان داجه


المهم معكم

معانده
عمري 20
وادرس

وعرسي اهم شي ذا التاريخ

10 _ 10
ادري تو ناس بس بشوف واخذ خبره

وسهرانه ادرس اختباري

 

[ورودالكويت]

بحلي = بحولي

ههههههههههههههههههههه اوف يالبدليه كله منش سلطونه صرنا بدليات

 

[سكر مكر]

هلا هلا الله يبقيش فديتش

اقصد ام عثمان اللي بالسالميه تسوي فساتين سهره ودراعات وفساتين عرايس

بدلتي البيضه من عندهم وحدي مرتاحه من شغلهم

وهم اختي فصلت فستانها حق عرسي من عندهم

 

[ورودالكويت]

معانده

يالله حيــا ويخليها لمهــا وابيهــا ولبو الشباب ههههههههههههه >>> ترا استحيت

والله يوفقش

دشي واستفيدي وش خسرانه

واذا تعرفين شي علمينا

 

[ورودالكويت]

ملبسو العافيه انشالله

وين بالسالميه ؟؟؟؟؟؟؟

أنا أعرف اللي بحولي يمدحونهــا والله مارحت لها بس هذي ين خليني أنطلق لهــا

 

[سكر مكر]

هلا معانده حياش يا قلبي

يابنت الحلال تمر مثل البرق

وربي كان امس يقولون لي العرس السنه الجايه شهر 2

ومثل البرق خلص وبتزوج

تثقفي شوراش

 

[سكر مكر]

لا لا تخسي اللي بحولي هذا كان فرعم الرئيسي

وبعدين باعت ام عثمان محلها وانتقلت للسالميه واللي شروا منها المحل يستغلون اسمها

 

[معانده]

افا عليش اشهد اني بتثقف

بس الي هنا صدق عندهم اشياء والله مدري عنها

اشو اني دخلت وقريت من عندكم ولاا كان بجيب العيد عند جماعتي

ـهههههههههههـ

الا الصدق بنات وش تفضلون تلبسون عند جماعتكم اول الايام

انا اشوف البدلات حقت احسن من الدرايع ولاا ويش رايكم


وش احسن مشاغل تروحولها في المنطقه العاشره اهم شي لاا تقلعوني بعيد امي ماداني البعد

( يالبيه قلبها راسها يوجعها اذا راحت شمال ))

 

[سكر مكر]

خخخ انا اعرف بالجهرا

انا افضل الدراعات افخم للعروس

ياسلام احس اني ملكه لا لبست دراعه وخصوصا اذا كانت شيفون حرير ياشيخه ابداع

<<== احس رزتي مثل رزت الملكه رانيا ويمكن ارز هههههههههههههههههه

فا نصيحه الدراعات وحلو انش تغيرين تلبسين بدل بس احس الدراريع احلى

 

[سكر مكر]

سبحانك اللهم وبحمد اشهد ان لا اله الا انت استغفرك اللهم واتوب اليك

تصبحون على خير

 

[ورودالكويت]

الجوهره ياقلبي

عطيني رقمها او عنونهـــــــــا

 

[معانده]

امممممممممممممم

صادقه الدراعه رزه ونصبه وتعطيش عمر

زين ويش رايكم في الالماس ولاا الذهب الابيض

وانا اسمع ان الي برياض احسن

<<<< وشكلي بشل شليلي وباخذ من الاحميضي الي هناك اكثر من وحده امدحته لي وبعد الدهام يقولون زين ماهوب شين وانتو ويش رايكم

 

[ورودالكويت]

معانده

والله الألماس أحس ماتستهلكينه واجد

والذهب الابيض شغلات واجد أكسسوارات تشابه بالعكس عندي الذهب أحلا وفيه اشكال حلوه

عندش الرتاج وداماس بالفحيحيل تهبل دقاتهم

واللي قلته عنهم اول مره اسمع فيهم ؟؟؟

 

[معانده]

الحميضي الي في الرياض والشرقيه يمدحونه وبنات خالتي ما يجهزوا الا منه صدق حلو ساعاتهم غريبه

وانا وحده بشتري منهم

وعندهم العبي من محل بنت الجزيره خيالي صدق شي حق العبي العروس ( صدق شي غريب ما تشوفينها هنا عندنا وتستاهل سعرها يعني لما طقين فره في صاله العرس وتستعرضين العبايه صدق تلفتين )

المحل ذا في سويكت

 

[fnoora]

صباح الخير ياعرايس


شنو مافي احد قاعد

 

[نعنـــاعهـ]

السلام عليكم ورحمة الله وبركاته


شلونكم شخباركم؟؟؟؟

اليوم بكتب لكم شنو شريت من المعرض ^_^ طبعا ماخليت شي ومااخذته خخخ

شريت من القرشي ::

مسك عروس التوله ب 16د.ك وتوله مجانا

وشريت بخور الملكي 2 والثالث مجانا الواحد ب25د.ك

وعطوني هديه دهن عود ومسك للجسم ومناديل معطره ^_^

ومن الفودري::

اخذت مسك الطهور التوله ب5د.ك ومجانا ربع توله
وشريت المجموعه اللى يجي معها بودره جسم ولوشن وخمريه ومعطر للفرش اخذت مجموعة ملايين بس اللوشن اخذت لوشن التايقر يهبببببببببل المجموعه ب5د.ك

ومن السرتي::
اخذت دهن عود الملكي طبعا هالعود هذا معرووف جدا جدا بس حطيه وتبخري واااااااااي ياقلبي روعه اصلا ابوي وامي مايستغنون عنه يشترونه من 15 سنه ^.^
سعره ب 5د.ك

ومن سيد جنيد::

شريت عطر البنفسج هالعطر فضييييييييييع نعوم وبارد ب 7,750د.ك
ومعطر الذهب اللى هو اللمسه الذهبيه ب5,500د.ك
ولمسة الاطفال ب4,500د.ك
ودهن عود نواه اللى هو اجدد من نواعم ب3,500د.ك شكله انيق وكشخه وريحته حلوه
وشريت من الرصاصي ::

بخور وااااااااااي يهبببببببببل يهببببببببل شكلي بستهلكه كله اخذت منه 7 تولات بس ناسيه بكم ؟؟؟

وشريت منهم معطر الفرش اكوا كوثر وبشرى نعومين وريحتهم ماتخنق

ومن أجمل::

شريت عطر الف ليله وليله ب8,500 او 8 ماذكر بالضبط
وكلونيا اشرقت ب8د.ك فضيعه للشقه والريحه تبقى مدى طويله
واخذت بخور عود مبخر اللى يجي اثنين وهديه دهن عود ،،
وشريت منهم بودره للجسم اتهبل بس ناسيه وش اسمها؟؟

والعربيه للعود::
شريت معجون الشيوخ والسعر والتوله ناسيه لاني كنت افكر ومو منتبه مع امي واللي يبيع!!


ومن الحريمين اخذت بخورهم انصحتني فيه خالتى واخذته وانا مغمضه ماشميته هههههه
ومن الشايع ::
منظف لليد على ليمون واخذت على فراوله بدينار
وشريت صابون ورق معطر بدينار على مااعتقد
وشريت معطر للكبت على حروف بدينارين وربع
وشريت من محمود سعيد 3 قلام كحل اسود و3 حمرات بصراحه حمراتهم خياليه فضيعه انا اشووف البنات زحمه عليهم وتخمط ذكروني بزحمة المقصف هههههههههههههههههههههههههه

اخذت رقم 5 احمر غامج
و4بيج فاتح
8فوشي لونه فضيع بنوتي
وكحل سائل ومسكره بصراحه كلهم ومسكرتهم اتجنن دايما امي اذا راحت للسعوديه تجيبلي منهم كميه

والعطور الفرنسيه::

شاريتهم من قبل اللى هم فيري سكسي الوردي مع لوشنه
والين ولوشن عطر غيرلان
وباقي لي مجموعة عطر لأول يوم بس للحين موبالي شي؟؟

وباقي المكياج بخلصه انشالله هالاسبوع بفرفر المجمعات والمراكز واخلص من المكياج

بنات تفشلت هههههههههههههههه

بالمعرض شايله كياسي وواااااااجد شكلي غلط اللى يشوفوني يقول ماعمرها شافت عطور مشفوحه هالبنت وياكثر التعليقات من الشباب

سويت حركه وارتحت نفسيا وشكليا هههههههههههه
كل ما حسيت ان كياسي اكثرو طلعت عند باب المعرض ودقيت ع السايق وقلت تعال اخذهم وبجذي تكون يدي مرتاحه واتفرغ للاغراض عدل مدل

ماشالله انا لاحظت ان عطورنا وبخورنا ومشترياتنا نفس الشي تقريبا الله يهنينا انشالله وييوفقنا