السلام عليكم بنات
اشلونكم؟؟
اهنيكم على الموضوع الأكثر من رائع
انا من يومين وانا اقرا فيه الصفحات الاولى ووايد شغلات عجبتني
بس ما طبقت للحين ناوية اطبق ان شاء الله
بقولكم عن شغلات يمكن تفيدكم
وانا مجبرتهم
انا بحكم شغلي الشكل مطلوب وايد
عشان جذي لازم أهتم فيه ولا آآآآآآوت
انا الحمدلله رب العالمين بشرتي تمام وجسمي تمام وشعري اوكي بس مشكلتي فيه شيب شوية وما اقدر احط حنه لاني دايما اصبغه
بس اعتني فيه بالماسكات والخلطات وكريمات الترطيب وحمامات الزيت
نصيحتي لا تلتزمين بشامبو معين ولا حمام زيت معين للشعر
لازم تغيرين من فترة لفترة عشان شعرج لا يضعف
وكل شي مفيد بس تذكرو الشي ان زاد عن حدا اتقلب ضده وهذا كلام دكاترة والله
حتى الشي المفيد لازم ما تزيدين عن الحد
اول شي
الماااااااااي لازم تكثرون
وفي دكتور بفرنسا قال ان العناية بالجسم والبشرة لازم تبدي من داخل الجسم
يعني غذاء الصحي والمفيد
ووايد يسألوني انتي شلون محافظه على شكلج والله
كل يوم تاكلون علبه سردين وااااايد مفيد للبشرة والشعر
لان فيه يود مثل ما تعرفون واكيد تدرون اهوة سر جمال البشرة والشعر وغير فيتامين د
ودااااايما لا تخلى وجبتج من الخضروات مثل الجرجير والخس لان فيهم ماي وفيتامينات
حتى اذا ما تحبينهم ترا فترة وتتعودين ... انا ما كنت احب الجرجير ولا اكله بس الحين تعودت
واحب الخس وايد ... وترا مو كل الفواكه مفيده .. ترا المنجا كثرتها تضعف البشرة والعنب زين بس مو تكثرون منه لانه يزيد السكر بالجسم
وانصحكم بالتمر وااااااااايد مفيد وحتى الاحاديث والسنة تنصح فيه .. والعسل بعد طبعا عجيب والله ما كنت مصدقه لين جربت وصار شي رئيسي بوجبتي
يومج لازم تتوافر فيه كل انواع الاكل بس من كل نوع شوية لا تكثرون
لان الجسم سبحان الله يحتاج كل شي حتى الدهون بس بنسبه بسيطه لان اساسا اجسامنا فيها دهون
وبعدين الككاو ما يزيد الوزن على فكرة بس انه يطلع حبوب بالبشرة .. اذا تحبين الككاو تقدرين تاكلين البلاك جوكليت مال الرجيم
الككاو له فوايد بعد ويريح النفسية هالكلام انا عرفته من دكتورة روسيه كانت بصيدليه
ولا تنسين الحليب ... اذا ما تحبينه بارد شربيه حار او تحطين معاه زنجبيل منها تستفيدين ومنها يسحب الدهون
والاعشاب مهمه وااااااااااايد مثل الدارسين والينسون والجاي الاخضر والنعناع والزنجبيل والبابونج و و ووااااايد ..... ولما تخلطونها مع بعض يوخر الكرش بس شربيه بالليل لانه الصبح ينزل السكر بالجسم ويسبب دوخه
وكل انسان جسمه غير عن الثاني ... يعني في بنات جسمهم ما يتقبل شغله وغيرهم يتقبلها ... لان وحده مرة قالها الطبيب ان البرتقال يمتنها تخيلوووووووو @@ .. يعني اول شي لازم تسوين تحاليل عشان تعرفين شنو ينفعج وشنو يضرج
اما من الخارج .... داااااااايما خلي جسمج مرطب لا ينشف ابد
اي نوع من المرطبات بس لا تعودين جسمج على مرطب معين لان نفس ما قلت الشي اللي يزيد عن حدا ينقلب ضده
حتى لما تغسلين ويهج بالماي لا تنشفينه بسرعه خلي ينشف بروحه وبعدها حطي مرطب
وما اقدر انصحكم بمرطب معين لان كل بشرة غير عن الثانية ... انا عني دايما ارطب ويهي وجسمي لاني من النوع المدمن على القهوة .. يعني لو مو المرطبات جان الله يعلم بحال بشرتي :\
والجلسرين الاحمر داااايما بجنطتي كل شوية ادهن ايديني وريولي وما اطلع ابد حتى لو بالليل الا احط حماية لبشرتي .. لان الحماية مو بس من الشمس ترا حتى من الغبار والدخان والملوثات وانتو عارفين جونا يا خلاف
ولاني دايما احط مكياج ولا استغنى عنه بكل وقت تشوفون على طاولتي كل انواع غسول المكياج والعيون والمرطبات ههههه تقول صالون
بس عشان لا يضر المكياج بشرتي وما يصير عمري 40 الا انا ادور عمليات شد البشرة :\
البطاط زين والخيار والفراوله والطمام للبشرة ... يعني كل يوم قصي اي نوع يكون موجود عندج منهم حلقات وحطي على ويهج
وكثرة نتظيف البشرة والبخار ترا يسبب تحفر الويه ومسامات يعني لا تكثرون
التقشير من فترة لفترة وايد زين بأنواعه ان كان فواكه او كيميائي او كريستال او غيره
للويه والجسم بعد ... اهوة صج يكلف شوية بس يسوى <<< كله في سبيل جمالنا يهون
~
والاماكن السوده بالجسم ينفعها الحمام المغربي من فترة لفترة والترطيب المستمر والليمون مفييييييييييييييييد لكل شي من سواد ومن نعومه والملح ينظف ويعقم اذا حابه تتنقعين فيه او تسوينه سنفرة لجسمج
انا عني سويت ليزر لجسمي وافتكيت من الشعر واثار الحبوب والسواد بس من فترة لفترة اسوي حمام مغربي ومساج عشان احس بانتعاش ويصير جسمي اشحلوة ... والليزر ينشف الجسم اذا ما حافظتي على ترطيبه على طول
واذا في شغلات ما عرفتي تعالجينها شوفي دكتور زين ويمدحونه لان اغلبهم همهم الفلوس ويخلونج رايحه راده كل يوم وتدفعين فلوس عالفاضي
هذا اللي اذكره الحين وسامحووووووووووووووني على الطواله
بس موضوعكم شجعني اقول شغلات يمكن تفيدكم
