Җ عزيزتي كويتية ما هي أخر مشترياتك من مكياج وعطورҖ

[سبائك]

مشاركة: Җ عزيزتي كويتية ما هي أخر مشترياتك من مكياج وعطورҖ

عليج بالف عافيه يا دموع

أغراضج يشوقووووووووووووون

كريم أساس نيفيا عندي بس للحين ما أستخدمته بضمير

الكحل بو لمعه عجبني وايد

 

[QUMAR]

مشاركة: Җ عزيزتي كويتية ما هي أخر مشترياتك من مكياج وعطورҖ

عليج بالعافيه دموع حبيبتي تستعملينهم بألف عافيه

 

[شكليطه]

مشاركة: Җ عزيزتي كويتية ما هي أخر مشترياتك من مكياج وعطورҖ

آآآآآآآآآآآآآآآآآآآآآآآآآآآآآآسفه والله جااااارونه


والله مااااااااااشفت ردج


حبيبتي ماركه ارتديكو تلقينها بالجوثن ومحلات لاندمارك





واعذريني مره ثانيه

 

[منوة]

مشاركة: Җ عزيزتي كويتية ما هي أخر مشترياتك من مكياج وعطورҖ

آخر مشترياتي بتاريخ 15/6/2006 كريم اساس مع بوردة مع بعض ماركة موبي براون ما ينباع الا في دبنهامز بس صج عجيب شفته على وحدة بالدوام صاير ويهها عجيب صج صافي ومريح بالاستعمال لوصي الاسفنجة وحطي على ويهج عملي خصوصا اذا كنت بره وتيددتي للصلاة بس حطي بروحة روعة طبعا تحته مرطب لازم عشان تمشي الاسفنجة على ويهج
ومناسب للصيف لانه oil free اسمه بالضبط compact foundation أنا رقمي3 beige لون الكويتية العادية جدا طبيعي بس اللي افتح منه 2.5 لكن للبيض

وسلامتكم

 

[جارة القمر]

مشاركة: Җ عزيزتي كويتية ما هي أخر مشترياتك من مكياج وعطورҖ

السلام عليكم

شخباركم


شريت هالعطر من يومين


عطر nina من nina ricci


50 مل بمحل وجوه ب15 دينار

80 مل بمحل بيضون ب18 دينار

وريحته عجييييييييييييييييييييبه


حتي عطر لانكوم اليديد حلوه ريحته ورالف لورين بس ما حصلتهم كانوا خالصين


وشكليطه

مشكووووووووووووووووووووره حبيبتي


وعليكم بالعافيييه كل وحده شرت شي يديد

 

[HASB_83]

مشاركة: Җ عزيزتي كويتية ما هي أخر مشترياتك من مكياج وعطورҖ

انااا شريت عطر فلنتينو في اليديد وديزل القديم الابيض بس مووووطبيعي ندوره دواره ويالللله لقيناه
وباقيلي الميك اب بروح اشتريلي بمر ماك ودبنهامز حق بوبي براون

 

[^^دموع الكويت^^]

مشاركة: Җ عزيزتي كويتية ما هي أخر مشترياتك من مكياج وعطورҖ

أخر مشترياتي بتاريخ 5-7-2006


المنتجات

رقم 1 : شدو بودرة لون ذهبي ماركة silver Lady .

السعر : 950 فلس


رأيي بالمنتج : واااااايد حلو اللون وانا شفت الماكيير بسام فتوح لما يحط السموكي البني يحط على تحت الحواجب هاللون ويطلع وايد حلو .


رقم 2 : حمرا + قلوس لون وردي على لحمي لونها ماركة ALOBON

السعر : دينار .


رأيي بالمنتج : وايد وايد حلوة فضيعه هالحمرا والحلو انه معاها القلوس .

رقم 1 : فرشة بودرة خدود صغيرة .


السعر : 650 فلس .


رأيي بالمنتج : وايد حلوة وحجمها صغير وممكن تنحط بالشنطة .


رقم 2 : فرش صغار للشدو .


السعر : 100 فلس

رأيي بالمنتج : وايد حلوين الفرش جنب اسود للشدو الغامج وجنب ابيض للشدو الفاتح .


رقم 3 بودرة مضغوطة ماركة MAXT OUCH.

السعر : 950 فلس

رأيي بالمنتج : حلوة والهدف منها اني استفدت معلومة من بسام فتوح يقول اذا انتهينا من وضع المكياج وننبي اننظف تحت العين تاخذ ردجة غامجة وانظف فيها وقلت اجرب


رقم 4 : كحل قلم ماركة JUSTDOLD .

السعر : 500 فلس .

رأيي بالمنتج : وايد حلو وسواده مو طبيعي .


رقم 5 : حمرات 24 لون ماركة silver Lady


السعر : 1.650 د.ك .

رأيي بالمنتج : وايد حلوين الألوان هادية ومعاهم فرشتين .


اختكم : دموع الكويت

 

[كشمشة عوية]

مشاركة: Җ عزيزتي كويتية ما هي أخر مشترياتك من مكياج وعطورҖ

والله انا اخر شي شريته 3 عطور اول واحد ميريكل الوردي يهبل وعطره بارد وايد حلو حق الصيف والثاني ديور اخر واحد الوردي وهم يجنن وايد حلو والثالث بريتني سبيرز يهبللللللللللللللللللللللللللللللللللللللللل الكل سألني عنه وايد وايد حلو ومع العطر شريت ماكياج بريتني سبيرز هم حلو الوانه صيفيه والشدو يهبل الوردي يمكن عشان انا اعشق اللون الوردي

 

[bambena]

مشاركة: Җ عزيزتي كويتية ما هي أخر مشترياتك من مكياج وعطورҖ

عليكم بالعافيه خوش شغلات

 

[لوميه]

مشاركة: Җ عزيزتي كويتية ما هي أخر مشترياتك من مكياج وعطورҖ

حلوة البودره الذهبيه ابي منها وابي لون بيج عندهم؟؟؟

 

[شكليطه]

مشاركة: Җ عزيزتي كويتية ما هي أخر مشترياتك من مكياج وعطورҖ

عليييييييييييييييج بالعاااااااافيه دموع


تخلصينهم بالعافيه .........


ماشاءالله الحمره تشووووووووووووووووق


لونها شكله حلو

من وين شريتيها؟

 

[نجمه*]

مشاركة: Җ عزيزتي كويتية ما هي أخر مشترياتك من مكياج وعطورҖ

مسكره هلينا روبنشتاين وشدو لؤلؤي من بوبا

اما آخر عطر ........روبيرتو كفالي ............رهيييييييييييييييييييييب

 

[brettey]

مشاركة: Җ عزيزتي كويتية ما هي أخر مشترياتك من مكياج وعطورҖ

اخر شي شريته ماسكرا سان لوران الي من بره لونين فاتح وقامج بس عجيبه تطول وتكثف خصوصا انه فيها زيت الخروع

 

[^^رغد^^]

مشاركة: Җ عزيزتي كويتية ما هي أخر مشترياتك من مكياج وعطورҖ

اخر شيء شريتة عطر فلور بمب وقلوسين من ريفلون ثاني مرة اشتريهم يهبلون ولابيللو حلو لونة طبيعي وبنفس الوقت مرطب

 

[^^رغد^^]

مشاركة: Җ عزيزتي كويتية ما هي أخر مشترياتك من مكياج وعطورҖ

 

[^^رغد^^]

مشاركة: Җ عزيزتي كويتية ما هي أخر مشترياتك من مكياج وعطورҖ

وهذي القلوسات من قريب

 

[الفيحاء]

مشاركة: Җ عزيزتي كويتية ما هي أخر مشترياتك من مكياج وعطورҖ

الاسبوع اللي طاف شريت عطر لولتا البنفسجي
حمرتين من نيفيا اول مره اجرب هاالماركه
قلم كحل زيتي وبني
*******************************************************************

 

[رفرف]

مشاركة: Җ عزيزتي كويتية ما هي أخر مشترياتك من مكياج وعطورҖ

انا شريت عطر نارسيسو رودريغوز الوردي المركز (من سويسرا مو من الكويت مو موجود بس نفس الاسود الموجود هني ... فرقه انه مركز اكثر بس )
عطر ليف من جنيفر لوبيز وايد حلو وصيفي ...
وعطر ستيلا شير اليديد .. هم حلو ...

 

[QUMAR]

مشاركة: Җ عزيزتي كويتية ما هي أخر مشترياتك من مكياج وعطورҖ

عليكم بألف عافيه وتستعملونهم بالعافيه

 

[LaSt WoMeN]

انا آخر مرة شريت فاونديشن شيسيدو .. و بلش وردي فسفوري لونه حلوو من ريد ايرث عاد كنت رايحة مع عمتي و بناتها اقولهم من صجكم تدشون هالمحل مادري متى يسكرونه ههههه و اخر شي انا اوحيدة اللي شريت منهم ..

و امس شفت الماسكرا اليديدة من لانكوم اللي على مشط ما جربتوها بنات ؟ شفتها على وحدة و عجبتني بس لما حاولت استخدمها حسيت استخدامها صعب !